علشان إنتي غالية أووووووووي ..

[ابو مالك محمد المصرى]

رد: علشان إنتي غالية أووووووووي ..

ده عنوان لمكتبات بيع الكتيب فى الجيزة


مكتبة معاذ بن جبل 1 شارع درب الأتراك خلف مسجد الأزهر


أو


34 شارع عبد العزيز عمارة الرسالة مكتبه معاذ بن جبل

بس كتيب لإنك غالية - على ما أذكر - الأخ قال انه هيكون موجود بعد العيد

يعنى تقريبا هيكون موجود الاسبوع الجاى

[أمة الله والحمد لله]

رد: علشان إنتي غالية أووووووووي ..

جزاكم الله خيرآ
وبارك الله فيكم

[Dr_Mostafa]

رد: علشان إنتي غالية أووووووووي ..

بارك الله فيكم ..

[Dr_Mostafa]

رد: علشان إنتي غالية أووووووووي ..

ابو مالك محمد المصرى

جزاكم الله خيرا ..

[moslma lillah]

رد: علشان إنتي غالية أووووووووي ..

للرفع..

[امة الرحمن/فاطمة]

رد: علشان إنتي غالية أووووووووي ..

جزاكم الله خيرا

["رثاء الحياة"]

رد: علشان إنتي غالية أووووووووي ..

السلام عليكم
جزاكم الله خيرا
الكتاب اكثر من رااائع

بس ممكن اسأل حضرتك على كام حاجه
ممكن بعد اذن حضرتك ؟؟

1 صفحه 9 فى اخرها حضرتك بتقول "شكر النعمه انك تمشى على الموضه
وتخرجى بلبس ضيق وترجعى تقولى انا بحب ربنا " ؟؟؟؟؟
ازاى حضرتك تتهمها انها مش بتحب ربنا ؟؟
لأ بتحب ربنا ولكن بتعمل ذنوب
كان فيه حديث مش فاكره نصه ولكن كان بيقول
ان كان فيه واحد بيشرب خمره والنبى قال انو بيحب الله ورسوله !!!

2 صفحه 33
حضرتك بتتكلم فيها عن ذنوب الخلوات
وان الواحده ممكن تييجى يوم القيامه و تبقى رصيد حسناتها=صفر
طيب فيه ناس بتحب والناس بتبقى عارفه
يعنى ممكن تكون مامتها عارفه و صحابها
ف كده مش هتبقى ذنوب خلوات

3 صفحه 66 قصه وقدرت تبعد
الشخص ده لا يمكن يكون بيحبها والا مكانش سابها
بالشكل ده

4 فيه نوع من الحب حضرتك متكلمتش عنو
وهو الحب من طرف واحد
لان ده تقريبا بيبقى احساس فقط
بدون علاقه واضحه
والنوع ده كتير اوى

5 حضرتك اتكلمت على نقطه مهمه جدا
اللى هيا انتكاس الفطره
اللى الام ممكن تكون هيا اللى بتشجعها على كده
وهنا عايزه اسأل حضرتك على حاجه
لما قولت لواحده اعرفها بتكلم شاب
وحاولت اقنع فيها ان ده ميصحش خالص
قالتلى عادى ماما عارفه ومبتقوليش حاجه
واهم حاجه ان ميحصلش حاجه مش كويسه
ف اعمل معاها ايه ؟؟

6 فى الكتاب ده حضرتك وجهته للبنات
اشمعنى ؟؟؟
حاجه تانيه حضرتك بتقول ان البنات
كائن طيب وحاجات زى دى
مع انى شايفه ان البنت هيا اللى فى اديها كل حاجه وسهل جدا
-انا اسفه فى التعبير - تجيب الشاب على وشه وتوقعه بسهوله
......

7 انا حاسه اسلوب الكتاب غير اى كتاب حضرتك عملته
يعن اسلوبه "حنين" شويه .... حضرتك تقصد كده؟؟

8 هو حضرتك شايف او بتقول ان الحب وهم ؟؟

انا متأسفه انى طولت
بس الاسئله دى كان نفسى اسأل حضرتك عنها
وشكرا

[Dr_Mostafa]

رد: علشان إنتي غالية أووووووووي ..

السلام عليكم
جزاكم الله خيرا
الكتاب اكثر من رااائع

بس ممكن اسأل حضرتك على كام حاجه
ممكن بعد اذن حضرتك ؟؟

وعليكم السلام ورحمة الله وبركاته ..
وحضرتك اتفضلي اسألي في اي شئ مفيش اي مشكلة ..

1 صفحه 9 فى اخرها حضرتك بتقول "شكر النعمه انك تمشى على الموضه
وتخرجى بلبس ضيق وترجعى تقولى انا بحب ربنا " ؟؟؟؟؟
ازاى حضرتك تتهمها انها مش بتحب ربنا ؟؟
لأ بتحب ربنا ولكن بتعمل ذنوب
كان فيه حديث مش فاكره نصه ولكن كان بيقول
ان كان فيه واحد بيشرب خمره والنبى قال انو بيحب الله ورسوله !!!

من غير ما تستشهدي بحديث الصحابي اللي كان بيشرب الخمر ..
القاعدة اصلا إن كل بني آدم خطاء .. كلنا بنعمل ذنوب ..
وفيه ناس بتحب ربنا وبتحب النبي ولكن بتقع في المعصية غصب عنها ..
وهي دي الفيصل في الموضوع ( غصب عنها ) وبعدين بتتوب على طول ..
وتعليقا على حيث الصحابي اللي كان بيشرب الخمر ، قال العلماء (أن من تكررت منه المعصية لا تنزع منه محبة الله ورسوله) والمفروض أن يقال : لا تنتفي عنه محبة الله بالكلية، لكنها قد تنقص. والمقصود التحفظ على إطلاق الكلام، فلا تؤخذ هذه الفائدة على إطلاقها؛ بل لابد من التقييد، حيث إن هذا الصحابي كان يُغلب فيشرب الخمر.ثم يرده حب الله ورسوله زمناً عن شرب الخمر، ثم يُغلب؛ أي أنه ليس في حالة استقرار على شربها ولا اطمئنان إلى ذلك، ولو وصل الأمر به إلى أن يكون مدمن خمر مطمئناً إليها، فهذا ينتزع منه حب الله ورسوله والعياذ بالله، وتسقط عنه سيما المؤمنين؛ لأنه أصبح مدمن خمر وملكت قلبه بالكلية، وهذا لا يظن بهذا الصحابي ..

اما البنت اللي بتخرج بلبس ضيق وبتظهر مفاتنها فدي مش مغلوبة على امرها ، ده هي اللي اشترت اللبس ده وجربته وقاسته قبل ما تشتريه ، وكل مرة قبل ما تنزل من البيت بتشوف شكلها في المراية وبتفرح لما تلاقي نفسها شيك واستايل مع انها عارفة كويس ان ده حرام وبيغضب ربنا وبرده مُصرّة على كده !!

فمقياس الحب الحقيقي هو الاتباع ..قال الله :
( قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ الله )
ويقول الشاعر :
تعصي الحبيب وانت تزعم حبه هذا لعمري في القياس شنيع
لو كان حبك صادقا لأطعته إن المحب لمن يحب مطيع

2 صفحه 33
حضرتك بتتكلم فيها عن ذنوب الخلوات
وان الواحده ممكن تييجى يوم القيامه و تبقى رصيد حسناتها=صفر
طيب فيه ناس بتحب والناس بتبقى عارفه
يعنى ممكن تكون مامتها عارفه و صحابها
ف كده مش هتبقى ذنوب خلوات

ما هو انا بعدها على طول قولت في نفس الموضع :
وحتى لو بتكلمه قدام الناس .. فده يعتبر من الجهر بالمعصية .. وهو تقريبا بنفس خطورة ذنوب الخلوات !!
النبي صلى الله عليه وسلم بيقول :
( كل أمتى معافى إلا المجاهرون )
ده غير انها بجهرها ده بتفتن الشباب والبنات في دينهم ..وربنا بيقول :
(إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ)

3 صفحه 66 قصه وقدرت تبعد
الشخص ده لا يمكن يكون بيحبها والا مكانش سابها
بالشكل ده

الشخص ده كان زميل ليا ايام الكلية واعرفه معرفة شخصية واعرف قصته مع البنت دي كويس ، وهو مش كان بيحبها فعلا ، هو كان بيموت فيها بس !!!
بس فيه ظروف كتييييييييييير بتجبر الانسان على حاجات هو مش عايزاها ..
وده بيحصل كتير جدا في كل حاجة في حياتنا ..

4 فيه نوع من الحب حضرتك متكلمتش عنو
وهو الحب من طرف واحد
لان ده تقريبا بيبقى احساس فقط
بدون علاقه واضحه
والنوع ده كتير اوى

عارف .. ولكن انا محبيتش اتكلم عنه .. لاني شايف انه زيه زي الحب من اول نظرة .. البنت بتعجب بانسان وبتعيش الدور في قصة حب .. بس الفرق الوحيد انها مبتبقاش قايلة للطرف التاني !
واتكلمت في الاخر عموما عن الحل لكل مشاكل الحب بما فيها الحب من طرف واحد ..
ارجعي لاول صفحة في الحلول هتلاقيني كاتب :
إيه الحل لمشكلة الحب من طرف واحد ؟؟؟
أنا بحبه وهموت وأروح أصارحه بحبي له ؟؟؟!

5 حضرتك اتكلمت على نقطه مهمه جدا
اللى هيا انتكاس الفطره
اللى الام ممكن تكون هيا اللى بتشجعها على كده
وهنا عايزه اسأل حضرتك على حاجه
لما قولت لواحده اعرفها بتكلم شاب
وحاولت اقنع فيها ان ده ميصحش خالص
قالتلى عادى ماما عارفه ومبتقوليش حاجه
واهم حاجه ان ميحصلش حاجه مش كويسه
ف اعمل معاها ايه ؟؟

انا رديت على الجزئية دي بس تلاقي من كتر الكلام حضرتك ما اخدتيش بالك منها ..
انا قولت في الكتاب :
هتقولي :
بس أنا مش بكلمه من ورا أهلى ..
أنا قولت لماما وهي عارفة كل اللي بيحصل بينا وموافقة إني أخرج معاه وأتكلم معاه !
هقولك :
كون إن مامتك عارفة وموافقة وراضية مش مُبرر إن العلاقة دي صح وتمام !
أهم شئ ربنا راضي عن ده ولا لأ؟؟
طبعاً لأ ..
وحتى لو كانوا أهلك عارفين ، فهما مُجبرين على كده لإنك نقطة ضعفهم .. حبهم ليكي طغي على كسرة قلبهم عليكي ! فاكرين إنهم بكده بيسعدوكي مادام شايفينك سعيدة ظاهرياً !!!
لكن الفطرة بتقول إن كل أب وأم بيتمنوا إن بنتهم تعيش حياة زوجية شرعية يفخروا بيها قدام الكل !

6 فى الكتاب ده حضرتك وجهته للبنات
اشمعنى ؟؟؟
حاجه تانيه حضرتك بتقول ان البنات
كائن طيب وحاجات زى دى
مع انى شايفه ان البنت هيا اللى فى اديها كل حاجه وسهل جدا -انا اسفه فى التعبير - تجيب الشاب على وشه وتوقعه بسهوله
......

اجابة السؤال حضرتك ذكرتيها في السؤال نفسه ..
الكتاب موجه للبنات بس لان البنت هي اللي بايدها المفتاح ..
فلو قدرنا نفهم البنات ونوعيهم هيبقى حافظنا على البنت وحافظنا على الشاب في نفس الوقت ..

7 انا حاسه اسلوب الكتاب غير اى كتاب حضرتك عملته
يعن اسلوبه "حنين" شويه .... حضرتك تقصد كده؟؟

مش حنين ولا حاجة ..
هو الكلام يغلب عليه الطابع الاجتماعي اكتر من الديني ..
وفي نفس الوقت حاولت استخدم اسلوب الاقناع في توصيل الفكرة لان اغلب البنات عارفة ان علاقتها بالولد حرام ولكنها قدامها شبهات كتير بتدور في دماغها ولازم يترد عليها علشان تقدر تاخد القرار الشجاع..

8 هو حضرتك شايف او بتقول ان الحب وهم ؟؟

مش كل الحب وهم ..
انا في خلال الكتاب اتكلمت عن الحب وفصّلت الحب الحرام من الحلال والوهم واللي مش وهم ..
ياريت حضرتك تعيدي قراءة الكتاب مرة تانية وان شاء الله هتجدي التفصيل موجود ..

انا متأسفه انى طولت
بس الاسئله دى كان نفسى اسأل حضرتك عنها
وشكرا

مفيش تطويل ولا حاجة ..
ولو حضرتك او اي حد عنده أسألة يتفضل يطرحها وبإذن الله نرد عليها ..

نسأل الله ان يستر بنات المسلمين اجمعين ..
اللهم امين ..

["رثاء الحياة"]

رد: علشان إنتي غالية أووووووووي ..

مش كل الحب وهم ..
انا في خلال الكتاب اتكلمت عن الحب وفصّلت الحب الحرام من الحلال والوهم واللي مش وهم ..
ياريت حضرتك تعيدي قراءة الكتاب مرة تانية وان شاء الله هتجدي التفصيل موجود ..

السلام عليكم
شكرا لحضرتك جدا على الرد
وانا قرأت رد حضرتك كويس جدا
ولكن انا هعلق على الجزئيه دى
انا اقصد الحب الحرام
وانا قريت التفصيل بتاع ايه الحب الحرام من الحلال
لكن انا بتكلم عن الحب الحرام حضرتك شايف انو وهم ؟؟؟؟؟؟
انا بس هقول لحضرتك اننا والله قريت الكتاب اكتر من 5 مرات
وكل مره بلاقى حاجه مركزتش فيها
لكن واضح ان لسه فى حاجات فيه مخدتش بالى منها

شكرا وجزاكم الله كل خير

[Dr_Mostafa]

رد: علشان إنتي غالية أووووووووي ..

لكن انا بتكلم عن الحب الحرام حضرتك شايف انو وهم ؟؟؟؟؟؟

ممكن نقول ان الحب من اول نظرة ده وهم من غير خلاف زي ما وضحت في الكتاب ..
وكذلك حب النت بنسبة 99.9999 %
اما الحب الحرام بين الشباب والبنات على ارض الواقع ففي الزمن ده اغلبه وهم والشباب واخدينه تسليه ولكن فيه نسبة منه فيها حب وعشق وتعلق ..

["رثاء الحياة"]

رد: علشان إنتي غالية أووووووووي ..

وصلت .....
وشكرا

[أم_شهد]

رد: علشان إنتي غالية أووووووووي ..

جزاكم الله خييرا كثيرا وشكر الله لكم
وفقكم الله لما يحبه ويرضاه

[Dr_Mostafa]

رد: علشان إنتي غالية أووووووووي ..

بارك الله فيكم ..

[Dr_Mostafa]

رد: علشان إنتي غالية أووووووووي ..

جزاكم الله خييرا كثيرا وشكر الله لكم
وفقكم الله لما يحبه ويرضاه

اللهم امين .. وإياكم اختنا ..

[Dr_Mostafa]

رد: علشان إنتي غالية أووووووووي ..

جزاكم الله خيرا

جزانا الله واياكم اختنا ..