يوميات شاب تائب►تابعونا◄

[فريق عمل زاد الداعية]

رد: يوميات شاب تائب►تابعونا◄

الحلقة الثامنة والعشرون

استأذن الشباب من مضيفهم الشيخ عبد الجواد حتى يستريح بعد صلاة العصر و لكي تتاح لهم الفرصة للتنزه بين الحقول ..
أحمد : تعالى هنا بأه وقول لنا ..ايه حكاية جدك..و أنت مش عايش هنا ليه؟؟
هشام: أيوة وايه حكاية علي ده..انا طول الوقت وانا عايز أعرف مين علي ده؟؟
محمد:طيب بالراحة عليا..انا هقول لكم ..بس الأول أحب أعرف ايه رأيكم في القعدة مع جدي وايه رأيكم في كلامه..
أحمد: بالصراحة جدك ده راجل طيب أوي..
هشام: وكلامه جميل ..و بيشرح بالراحة و من غير ما يتعصب و لا يتشنج..
عماد : لو لاحظتو يا جماعة أنه كمان متكلمش غير عن الرحمة ..رحمة ربنا ..صحيح احنا اللى سألناه عن الامور دي لكن ..محاولش يدخل سيرة العذاب أو العقاب خالص..
مصطفى: انا رأيي إنك تحبب الناس في ربنا الأول و تشرح لهم رحمته وعفوه ونعمة و مغفرته ..بعد كده انت هتخجل بعد النعم دي كلها إنك تخطيء ..ولو حصل وده طبعا وارد لأننا بشر ..و لأن ده الغرض من حياتنا في الدنيا..على طول هترجع لربك تستغفر و تبكي..أصله كريم معاك..
محمد: هوه كده بالظبط..جدي مش بيحب يتكلم عن العذاب و قدرة الله سبحانه وتعالى في انه يعاقبنا ..لكن بيحب دايما يبدأ كلامه عن رحمة الله ..على فكرة الأسلوب ده مش بينفع مع كل الناس ..فيه ناس العقاب و المصايب و الابتلاءات هيه اللى ممكن تغيرها ..أحيانا بتكون سبب في هدايتهم ..وبرضه بتكون رحمة من ربنا انه رجعهم ..يعني زي شدة الودن كده..علشان تاخد بالك من اعمالك بعد كده..
هشام: توهتنا..ايه حكاية علي..
محمد: يا سيدي جدي راجل أزهري ..و انتم عارفين ان المتعلمين في وقت جدي كانوا مش كتير و خصوصا في الأرياف ..بالإضافة لانه ازهري..الناس كلها كانت بتلجأ له تسأله في أمر من امور الدين..تحكمه في أي مشكلة ..كانوا واثقين فيه..الأهالي زمان بنوا حتة أرض صغيرة و عملوها زاوية للصلاة..شوية شوية ..وجمعوا من بعض و بنوا مسجد..اللي احنا صلينا فيه ده..و جدي كان امام المسجد ده ..بس..جدي بأه ..كان عنده أربع ولاد وبنتين..علمهم كلهم..ومنهم طبعا والدي..و بما إن الريف مفيهوش جامعات فالولاد دول اتعلموا في القاهرة ..كان حل من اتنين..ام انهم يكونوا زي أي قروي ينبهر بأضواء المدينة و يتوه في زحامها..او انهم يتفوقوا جدا في التعليم ..والدي..و أعمامي..عماتي..كانوا من النوع التاني..بس كل واحد انشغل بمشاغل الدنيا و اتجوزوا وخلفونا لكن ميفوتش يوم جمعة إلا لما يتجمعوا هنا..يعني انا هاجي بكرة كمان ان شاء الله..والدي درس في كلية الآداب قسم اللغة الإنجليزية..جدي كان عاوزه يدخل آداب لغة عربية ..لكن والدى رفض..و فعلا تفوق والدي جدا..و اتعين معيد في الكلية وسافر ياخد الدكتوراه من انجلترا..و سافر بلاد تانية كتير ..لف معظم دول أوروبا ..لكن تشوفه لما ييجي البلد تقول ده فلاح ابن فلاح صحيح..يقلع البدلة و الكرافت و يلبس الجلابية البلدي ويبأه عمدة..بس مش عمدة زيك يا عماد…
هشام: مش فاهم حاجة ايه برضة حكاية علي و ايه علاقة علي بجدك بأوروبا بالجلابية البلدي..
محمد (مازحا): مين ده ؟؟ده جاي مع مين؟؟
مصطفى : جاي مع الأسف..
هشام: يا سلام ..شايف يا أحمد ..الدكاترة دول حتى في هزارهم بيكونوا معقمين..ده ايه الخفة اللي انتم فيها دي..
محمد: خلاص يا سيدي..انا أقولك..بما أن جدي من الناس اللي موثوق فيهم في البلد..فحكاية علي دي بدأت لما علي كان عنده خمس سنين و بالمناسبة له اخت عندها دلوقت 8 سنين ..والدهم ووالدتهم توفوا في حادثة..و اهل الأطفال دول ..عندهم اللي مكفيهم من العيال.. و الفلوس عندهم ..اللي جاي على أد اللي رايح..و علشان الولاد دول ما يتشردوش جدي أخدهم ورباهم..فطلعوا ناس طبيعية ..مش حاسيين انهم عالة على اعمامهم ..بالعكس لما بيروحوا يزوروا أهلهم هنا بيكونوا مبسوطين بيهم..و الولاد دول بيعتبروا كل بيوت البلد بيوتهم..واتربوا على ان كل اهل البلد أهلهم..مش قلت لكم على اخلاق القرية..ازاي يطلع من بينهم عاطل ولا منحرف..يتيم يتربى ..و أكفله و أصرف عليه ..يبقى عارف اني مش ابوه ..بس بربيه ..يبقى حاسس ان له أهل ..متلاقيش بأه عقد نفسية .. ولا حاجات من دي..جدي قال لكل أهل القرية ..ان اللي يمسح على رأس اليتيم ..يكون له بقدار كل شعرة حسنة..مش عاوز أقولكم بأه البلد كلها كانت رايحة جاية تمسح على رأس الولاد دول ..وكانوا بيتوددوا لهم ازاي..أصل جدي رسخ في نفوس أهل البلد أن اليتيم ده و الرحمة اللي ربنا نزلها لهم..واذا هما رحموا اليتيم ..ربنا هيرحمهم..ولعل يكون في واحد منهم..اللي الرسول عليه الصلاة و السلام ..ولد صالح يدعو له..أصل الولد الصالح مش بس اللي بتخلفه..لأ ده ممكن يكون ولدد حسست على راسه ولا ضحكته ولا مسحت دمعته في يوم من الأيام..يعني حتى لو مش عندك اولاد ..ممكن يكون لك بعد وفاتك ولد صالح يدعو لك

[فريق عمل زاد الداعية]

رد: يوميات شاب تائب►تابعونا◄

الحلقة التاسعة والعشرون

استكمال الحوار السابق
مصطفى:تعالوا نقعد في حتة ضل ..انا عاوز ارتاح شوية..
عماد: احنا هنقعد في مكان ضل بس..هنشوف الواجب المتأخر يا بهوات
أحمد: انا جهزت الواجب بتاعي ..و قعدت أقرأ القرآن علشان أطلع احب الآيات لقلبي..
محمد: يا جماعة الهدف من الحكاية دي..انك تتمعن في القرآن ..و تحب سورة او آيه لعلها تشفع لك يوم القيامة..بس قبل ما نبدأ مجلس الذكر ده عاوز اكلمكم على حديث قدسي جميل ..اسمعوا ..يقول الرسول صلى الله عليه وسلم"قال الله تعالى وجبت محبتي للمتحابين في، و المتجالسين في، و المتزاورين في، و المتباذلين في"..طيب مين هيبدأ بالآيات ..ياللا مين..
عماد: أنا هبدأ بإذن الله..بسم الله الرحمن الرحيم " يوم ترى المؤمنين و المؤمنات يسعى نورهم بين أيديهم وبأيمانهم بشراكم اليوم جنات تجري من تحتها الأنهار خالدين فيها ذلك هو الفوز العظيم" اولا أن بسمع الآية دي بصوت والدي الله يرحمه..و بفتكر اليوم ده..لكن الأهم من كده معنى الآية ..لأ مش معناها..المشهد الجميل اللي بتصوره الآية..انتو متخيلين ربنا سبحانه وتعالى ..بيوصف المؤمنين ازاي..يسعى نورهم بين أيديهم..يعني بتخيل المشهد كده ان المؤمنين دول يوم القيامة..اللهم اجعلنا منهم..بعد ما ارتاحوا من عذاب الدنيا و جم لرحمة ربنا ..حواليهم نور من كل ناحية ..هما نفسهم بيشعوا نور..نور شهادة لا اله الا الله محمد رسول الله..نور الصلاة و الوضوء نور العمل الصالح كله..نور الصبر اللي صبروه في الدنيا..نور فرحتهم بلقاء الله مع إن فيه ناس تانية بتهلك في اليوم ده بس من خجلها من اللي عملته في الدنيا ..ناس خايفة من لقاء الله..صحيح ..صدق الله العظيم لما قال"ذلك هو الفوز العظيم"
وبعدين الآية التانية هي" ألم يأن للذين آمنوا أن تخشع قلوبهم لذكر الله و ما نزل من الحق ولا يكونوا كالذين أوتوا الكتاب من قبل فطال عليهم الأمد فقست قلوبهم و كثير منهم فاسقون"..الآية دي برضه بتفكرني بوالدي..و انا سامعها دلوقت بصوته..لكن على أد ما بحب الآية دي ..بخجل جدا من نفسي..شايفين المعنى..ألم يأن للذين آمنوا..ربنا بيعاتبنا..مأنش الأوان بقى يا مؤمنين انكم تخشعوا..شايف ربنا بيقول للذين آمنوا مش للناس عامة..يعني الكلام لنا..يعني ربنا مقالش سبحانه وتعالى المشركين مثلا ..الم يأن أن تؤمنوا، لأ الكلام موجه لنا..القلب ده مش هيخشع بأه ..وتحذير من انك تكون زي الذين أوتوا الكتاب ..فطال عليهم الأمد فقست قلوبهم..أصل احنا لما بنطمن للدنيا قلوبنا بتقسى و طاعتنا وذكرنا لله بيقل.. معلش يا جماعة انا انفعلت في الكلام ..بس ده من تأثري بالآيات..
مصطفى: الله يفتح عليك يا أخي..احلى حاجة انك تقرأ القرآن و انت فاهم معناه ايه ..و اللي اهم من الفهم إنك تحس بكل كلمة فيه..ربنا مقالش كلمة زيادة في القرآن..سبحان الله..
محمد: طيب ..أنت بأه عليك الدور..قول الآيات اللي بتحبها..
مصطفى: دي مش كل الآيات اللي بحبها ..لكن دول اللي حسيت بيهم أوي لما عملت بحث علشان أعمل الواجب العملي ده..اسمعوا بأه..اسمعوا بقلبكم…بسم الله الرحمن الرحيم"ولنبلونكم بشيء من الخوف و الجوع ونقص من الأموال و الانفس و الثمرات وبشر الصابرين الذين اذا أصابتهم مصيبة قالوا إنا لله و إنا إليه راجعون أولئك عليهم صلوات من ربهم ورحمة و أولئك هم المهتدون"
ربنا ضرب أمثلة الابتلاءات اللي ممكن يبتلى بيها المؤمن..خوف من شخص أو من شيء أو من مرض..جوع ..نقص في الرزق..موت قريب أو حبيب لك ..شوف أمثلة لمواقف الانسان بيكون فيها ضعيف جدا..اللي ميلجأش لله في المواقف دي..يبقى هالك..حيران ..بائس يائس..انما اللي يلجألله سبحانه وتعالى..ويقول إنا لله وإنا إليه راجعون..طيب دول يحصلهم ايه..تنزل رحمة ربنا و سكينته على العبد الصابر ده..ويقوم ربنا يوصفهم بأنهم المهتدون..دول اللي ربك نور بصيرتهم ..فعرفوا ان مفيش مفر من قدر الله الا بأنك ترجع له..الآية دي في سورة البقرة
ممكن أقول آية كمان في سورة آل عمران..بسم الله الرحمن الرحيم"الذين قال لهم الناس إن الناس قد جمعوا لكم فاخشوهم فزادهم ايمانا وقالوا حسبنا الله و نعم الوكيل *فانقلبوا بنعمة من الله و فضل لم يمسسهم سوء و اتبعوا رضوان الله و الله ذو فضل عظيم*إنما ذلكم الشيطان يخوف أولياءه فلا تخافوهم و خافون إن كنتم مؤمنين * ولا يحزنك الذين يسارعون في الكفر إنهم لن يضروا الله شيئا يريد الله ألا يجعل لهم حظا في الآخرة ولهم عذاب عظيم * إن الذين اشتروا الكفر بالإيمان لن يضروا الله شيئا و لهم عذاب أليم * ولا يحسبن الذين كفروا أنما نملي لهم خير لأنفسهم إنما نملي لهم ليزدادوا إثما و لهم عذاب مهين * ما كان الله ليذر المؤمنين على ما أنتم عليه حتى يميزالخبيث من الطيب و ما كان الله ليطلعكم على الغيب ولكن الله يجتبي من رسله من يشاء فآمنوا بالله ورسله و إن تؤمنوا وتتقوا فلكم أجر عظيم" ..اظن المعنى واضح ..بس المهم ان العبد يصبر على قضاء الله..ده بس ربنا بيميزه ..بيرقيه لدرجة اعلى و غير كده له أجر عظيم ..
مصطفى (مستطردا): بس هقول آخر آية بحبها أوي..كل ما أقولها أصبر على أي ابتلاء..ومعناها قريب من الآية اللى فاتت..وهيه برضه في سورة آل عمران..بسم الله الرحمن الرحيم""إن يمسسكم قرح فقد مس القوم قرح مثله وتلك الأيام نداولها بين الناس و ليعلم الله الذين آمنوا و يتخذ منكم شهداء و الله لا يحب الظالمين*و ليمحص الله الذين آمنوا ويمحق الكافرين*أم حسبتم أن تدخلوا الجنة و لما يعلم الله الذين جاهدوا منكم ويعلم الصابرين"..الجنة مش ببلاش يا اخواننا ..لكن تمنها في ايدينا..بس أنا خلصت..
هشام : احنا هنقول ايه بأه بعد كده..
محمد: قول الواجب اللي عملته..
هشام:بمناسبة الآيات اللي على الابتلاء احب أقول أنا بأه عن الصبر..في سورة الطور ..بسم الله الرحمن الرحيم" و اصبر لحكم ربك فإنك بأعيننا وسبح بحمد ربك حين تقوم" ..لما تكون على الحق..وبتعمل شيء لوجه الله متخافش..انت في معية الله..أنت في حفظ الله..كمان في آية في سورة الزمر..بسم الله الرحمن الرحيم " قل يا عباد الذين آمنوا اتقوا ربكم للذين أحسنوا في هذه الدنيا حسنة و أرض الله واسعة إنما يوفى الصابرون أجرهم بغير حساب" بغير حساب دي يا جماعة مش بسيطة..تأخد أجرك على الصبر وربنا بيقولك مش هاحسبك ..الآية دي بتهزني والله..كمان بالنسبة لقسوة القلوب فيه آية في سورة البقرة عن بني اسرائيل ..بعد نعم ربنا جحدوا..و قست قلوبهم..خد بالك بس من التشبيه في الآية.. ربنا بيقول..بسم الله الرحمن الرحيم" ثم قست قلوبكم من بعد ذلك فهي كالحجارة أو أشد قسوة و إن من الحجارة لما يتفجر منه الأنهار و إن منها لما يشقق فيخرج منه الماء و إن منها لما يهبط من خشية الله و ما الله بغافل عما تعملون"..سبحان الله ..شايف الوصف قلوب قست..طيب ايه مثال القسوة عند الناس ..الحجارة ..الحجارة صلبة و قاسية..لأ ومش بس كده لأ أشد قسوة من الحجارة..بس ربنا قادر على كل شيء..قادر يفجر من الحجارة الأنهار..شايف مش يخرج منه الأنهار..لأ يتفجر ..يعني ربك قادر على الهداية..ومحدش غيره ممكن يهدي..و الحجارة الصلبة و الأنهار متناقضين تماما..بس ده يبين قدرة ربنا عليك وعلى خلقه ..ومن الحجارة دي برضه ممكن يشقق..شايف البساطة..تحصل شقوق ..مقدمات لخروج الماء ..وإن منها لما يهبط من خشية الله ..حاسس بالهبوط ده..حاسس ان القلوب في ايد ربك يقلبها كيف يشاء..لا اله الا الله..معلش أنا طولت عليكم أصلي بحب الآية دي أوي.
أحمد: و الله انا فرحان جدا بمجلس الذكر ده..ربنا يبارك لك يا محمد..و يبارك لنا كلنا..آمين يا رب..انا ممكن أقول الأيات اللي بحبها؟؟
محمد: اتفضل..
أحمد: "لا ضير"
محمد: بس كده؟؟
أحمد: لأ..بس طبعا انتو عارفين قصة سيدنا موسى و السحرة وفرعون ..كلنا عارفين القصة..هناخدها من الآخر ..سورة الشعراء فيها وصف القصة..لغاية لما السحرة بيسجدوا لرب موسى..فيقولهم فرعون هقطع أيديكم و أرجلكم من خلاف..يعني هيشوهم خالص..يعني مثلا يقطع ايد واحد من السحرة..ولتكن اليمين..و يقطع رجله الشمال..من خلاف ..ده معناها..هما ردهم كان ايه بأه كان لا ضير..مش مهم ..هما عارفين ان فرعون مش بيهزر..ده هما كده بيعرضوا ملكه وسلطانه للخطر..لما السحرة يؤمنوا الناس كلها هتؤمن لرب موسى..بس هما قالوا كلمتين بس..بس بالدنيا..مش مهم احنا آمنا ..احنا عرفنا الحق..اسمعوا الآيات..بسم الله الرحمن الرحيم" فألقي السحرة ساجدين *قالوا ءامنا برب العالمين * رب موسى و هارون * قال ءامنتم له قبل أن ءاذن لكم إنه لكبيركم الذي علمكم السحر فلسوف تعلمون لأقطعن أيديكم و أرجلكم من خلاف و لأصلبنكم أجمعين *قالوا لا ضير إنا إلى ربنا لمنقلبون *إنا نطمع أن يغفر لنا ربنا خطايانا أن كنا اول المؤمنين"كمان بحب آية في سورة الزمر..بسم الله الرحمن الرحيم" قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم"سبحان الله..ايه رأيكم؟؟
مصطفى : سبحان الله ..الواحد بيسمع آيات كأنه بيسمعها لأول مرة ..
هشام: لا اله الا الله ..سيدنا محمد رسول الله..ياللا يا محمد ..قول اللي عندك..
محمد: بسم الله الرحمن الرحيم"فكيف إذا جئنا من كل أمة بشهيد و جئنا بك على هؤلاء شهيدا* يومئذ يود الذين كفروا و عصوا الرسول لو تسوى بهم الأرض ولا يكتمون الله حديثا" الآية الأولى أبكت الرسول عليه الصلاة و السلام في حديث معروف..عن أبي مسعود ،رضي اله عنه قال :قال لي النبي صلى الله عليه وسلم :"اقرأ علي القرآن" قلت يا رسول الله أقرأ عليك ، وعليك أنزل ؟!قال :" إني أحب أن أسمعه من غيري " فقرأت عليه سورة النساء حتى جئت إلى هذه الآية : فكيف إذا جئنا من كل أمة بشهيد و جئنا بك على هؤلاء شهيدا" قال:"حسبك الآن" فالتفت إليه ، فإذا عيناه تذرفان عليك أفضل الصلاة و السلام يا حبيبي يا رسول الله ..آية أبكت الرسول صلى الله عليه وسلم ..لازم تبكينا..و الآية التانية نفسي أقولها لكل اللي بشككوا في نبوة سيدنا محمد عليه الصلاة والسلام….لا ومش للكافرين وبس لا..وعصوا الرسول..كل واحد يعصى الرسول يود يوم القيامة انه تسوى به الأرض..شوف الذل اللي هيتمنوه يوم القيامة و مش هيطولوه..سبحان الله ..الآية الأخيرة هي سورة النصر..قولوها كل ما تلاقوا ناس رجعت لله.بسم الله الرحمن الرحيم"إذا جاء نصر الله و الفتح*و رأيت الناس يدخلون في دين الله أفواجا *فسبح بحمد ربك واستغفره إنه كان توابا" سبحان الله و بحمد ..سبحان الله العظيم ..أستغفر الله العظيم و اتوب اليه..جميلة جلسة النهاردة دي..احنا جنبنا ملايكة بتدعيلنا ..و بتقول لكل واحد فينا..اللهم اغفر له ..اللهم اغفر له..
هشام: ده احنا مكناش عايشين قبل كده..الدين ده فيه حلاوة ..ميعرفهاش الا اللي يدوقها..
عماد: أيوه.. ومن ذاق عرف ومن عرف اغترف..
أحمد: مش هنلحق نقول الأحاديث والأدعية النهاردة..يا دوب نروح..
عماد: بس الأول نسلم على جدي عبد الجواد ونشكره على اليوم الجميل ده ..ونسلم على علي..و نروح على طول..
مصطفى : مش عارفين نشكرك على ايه ولا ايه يا محمد..جزاك الله كل خير..
محمد:جزانا و اياكم ..بس على ايه يا جماعة ده كله ..المهم دلوقت نقول دعاء كفارة المجلس..يعني لو كلامنا كان ذكر الله ..ربنا يبارك لنا و يغفر لنا ذنوبنا..ولو كان فيه لغو ربنا يغفر لنا ان شاء الله.."سبحانك اللهم و بحمدك ، أشهد أن لا إله إلا أنت ،أستغفرك وأتوب إليك"
أحمد: آمين يا رب..نروح نسلم على جدك بأه علشان نلحق نروح قبل الليل..ياللا

[فريق عمل زاد الداعية]

رد: يوميات شاب تائب►تابعونا◄

الحلقة الثلاثون

قرر محمد و مصطفى الذهاب الى أحمد في الكلية في وقت راحتهم .. وعندما وصلا الى كلية الهندسة وجدا أحمد يقف مع زملائه الأولاد في الجامعة
محمد: مين الشباب اللى أحمد واقف معاهم دول؟؟
مصطفى:دول زمايله هو مرة قالي انه محتاج أعرفكم علي شوية من زمايلي هيشجعونا نعمل شوية حاجات حلوة اوي
محمد:طب كويس
مصطفى :طب يالا بينا نروحلهم
محمد: يلا يا بطل
كان ذلك هو الحديث الدائر بين محمد ومصطفى حتى وصلا الى أحمد…وبعد ان ألقيا عليهم السلام..
أحمد: انتو فين يا جماعة..بقالكو كتير مبتسألوش عليا ليه؟؟
محمد: احنا هنا والله..

أحمد: طيب اعرفكم علي اصحابي في الدفعة عبدالرحمن وعبيدة
ويصافح مصطفي ومحمد عبد الرحمن وعبيدة ويعرف كل منهم نفسه للأخر
ويوجه الكلام أحمد لعبد الرحمن وعبيدة :إحنا بقي عايزين نشاركم في كل الأعمال الخيرية اللي بتعملوها
عبد الرحمن وعبيدة : ومالوا انتوا تشرفونا وتنورونا وهنبقي سعدا اوي بيكم
مصطفى ومحمد وأحمد:ربنا يبارك فيكم
محمد:طيب احنا دلوقتي عايزين تفهمونا النظام
عبد الرحمن : بصوا يا جماعة في كل كلية من الكليات في جمعية إسمها التواصل يعني عندك إنت يا مصطفي إنت ومحمد في طب في جمعية إسمها التواصل وكمان عندنا إحنا
والجمعية دي بتوزع مهامها علي كل الدفعات ازاي يعني يعني يبقي في مشرف علي كل دفعة يجمع وبعد كده بيبقي في مسئول علي كل سكشن
الجمعية دي بتخلي الطلبة يتبرعوا بجنية كل إسبوع ويجمعهم المسئول عن السكشن وبعد كده كل واحد يوديهم للمشرف بتاع الدفعة
بعد كده المشرفين يودهم لمدير الجمعية
والجمعية دي يا جماعة بتروح المستشفيات وتزور المرضي وتشوف المرضي الفقراء وتوفرلهم إحتياجتهم وكمان بتروح الأماكن والقري البعيدة اللي بتبقي بعيدة عن المدينة وبشوف الناس الفقيرة فيها وبتوفرلهم دخل شهري بتسأل عليهم وبتجبلهم متطلباتهم
وكمان بتزور الأيتام والأرامل وبتحاول توفرلهم اللي محتاجينه

محمد ومصطفي وأحمد: ماشاء الله اللهم بارك
صحيح دول كانوا يقولولنا هاتوا جنية للتبرع ومكناش نعرف ده كله

مصطفى: يعني إحنا نفهم من الموضوع ده إن ‘حنا هنشارك معاكم في الأعمال دي ونروح الأماكن دي
عبيدة : بالظبط يا مصطفي
بس انت ومحمد هتبقوا تبع الكلية بتاعتكم وأحمد هيكون معانا
أحمد:خلاص ماشي يبقي دلوقتي انتوا هتخلوني اتعرف علي المشرفين وبعد كده اروح معاكم
عبد الرحمن : بالظبط يا أحمد
ومحمد ومصطفي احنا هنيجي معاهم نوصلهم انهم يعرفوا مشرفين الكلية بتاعتهم ونفهمم انهم هيشتركوا معاهم

محمد ومصطفي : ربنا يبارك فيكم يارب ماشي يلا بينا

وذهب الشباب في الأول لتسجيل إسم أحمد في الكلية بتاعتهم علشان يبدأ يشارك معاهم
ثم غادرو لكلية مصطفي ومحمد ليقوموا بنفس العمل

وبعد إنتهائهم من الموضوع ده شكر أحمد ومصطفي ومحمد عبد الرحمن وعبيدة ثم ذهبوا للعودة لمنازلهم
وأثناء عودتهم

مصطفي: إحنا كده لازم نقول لهشام وعماد
أحمد : بالتأكيد يا مصطفي إن شاء الله نتجمع كلنا وتنتكلم في الموضوع ده
محمد : إن شاء الله ربنا يتقبل مننا يارب انا فرحان اوي
مصطفي وأحمديردد كلا منهما: وأنا كمان الحمد لله انه وفقنا للعمل ده

[فريق عمل زاد الداعية]

رد: يوميات شاب تائب►تابعونا◄

الحلقة الواحدة والثلاثون

واجتمع الأصدقاء كعادتهم يوم الخميس واخبروا هشام وعماد واتفقوا ان كل واحد منهم هيشترك في الجمعية التابعة للكلية بتاعته
هشام : ياه الواحد مبسوط اوي حياتنا فعلا أتغيرت كتير يا شباب طريق ربنا ده جميل اوي كفاية المشاعر والأحاسيس والراحة اللي الواحد عايش فيها
أحمد : عندك حق والله يا هشام الواحد لما يقارن حاله وهو زمان ودلوقتي يشمئز من حاله وهو زمان ويحمد ربنا كتير علي النعمة اللي عايشين فيها دي
مصطفي : ربنا يثبتنا يارب ويزيدنا إيمان وتقي اللهم آمين
محمد: اللهم آمين يارب ونفضل دايما مع بعض ونشجع بعض علي الخير
ويردد الجميع اللهم آمين يارب

ذهب الشباب كل منهم لبيته للإستعداد للبدء في المشاركة فيوم الجمعة يوم العطلة التي تذهب فيه الجمعية لأداء مهامها للفقراء والأرامل والمرضي والأيتام

أحمد يحدث نفسه في منزله: ياااااااه انا بحبك اوي يارب كل ده انا كنت عايش فيه وبعيد عنك ده كله انا مش عارف أشكرك ازاي يارب علي نعمة الإيمكان اللي في قلبي
ده انا كنت اكتر واحد وحش في صحابي كنت اكتر واحد بعند وبعصيك اكتر واحد في صحابي عملت زنوب كنت حاسس ان الدنيا اعمل فيها اللي انا عايزه واعيش فيها بالطول والعرض وكنت فاكر هيه دي الحياة
وعملت كل اللي معظم الشباب بيعمله لكن عمري ما حسيت بالراحة والجمال اللي حاسس بيه في قلبي دلوقتي
ياه ده انا حبيت بنات كتير وثحابي مكانوش يعرفوا ده كله وسمعت اغاني وكنت دايما بزعق في اهلي كنت اللي احب اعمله اعمله وكنت دايما مخنوق
فعلا والله ياربي كما قولت ( ومن أعرض عن ذكري فإن له معيشة ضنكا ونحشره يوم القيامة أعمي)
ياااااااااه بحبك بحبك بحبك يــــــــــــــارب وهفضل أحبك طول عمري

ولازم اتعب كتير علشان خاطرك زي ما كنت أكتر واحد بعصيك في أصحابي لازم اتعب برده وأجاهد نفسي كتير علشان أرضيك

وبدأ أحمد فعلا يقيم الليل كتييييييير يبدأ من الساعة 12 وينتهي مع الفجر بقي يحب الخلوة مع الله أوي بقي يحب كل حاجة يعرف إنها هتقربه من ربنا
واجتهد مع اصحابه ومع نفسه

وبدأ يحفظ قرآن


ومن جهة اخري قرر مصطفي أن يركز مع نفسه وقال أنا مشوار الطب معايا طويل أوي ولازم أستغل الفترةو دي بقي والحمد لله ربنا فتحها عليه وأهلي ربنا من عليهم بالهداية وبدأوا يتغيروا فعلا
يـــاه يارب والله دي حياة غير الحياة إحنا كنا فين من ده كله
وقرر مصطفي انه يعرف ربنا صح وبدأ يدرس أسماء الله وصفاته وقرر انه يعمل الموضوع ده مع نفسه علشان ميتقلش علي صحابه وبعد كده يبقي يقولهم بإذن الله وبدأ كل ما يزهق يبدأ يدرس إسم من أسماء ربنا وكان سعيد اوي وهو بيتعرف علي أسماء ربنا ويعرف ربنا حق المعرفة


أحمد مع نفسه : انا سعيد أوي كل المشاعر الجميلة دي انا حاسس بيها انا بحبــــــــك اوي يارب
ونام أحمد هذه الليلة ورأي رؤية جميلة جــــــــدا
وأستيقظ وهو يقول معقووووووول مش ممكن انا ممكن أشوف ده كله صعب أوي انا مستاهلش والله يارب
سنخبركم بجزء من هذه الرؤية في هذه الحلقة والباقي قريبا بإذن الله

ذهب أحمد ليحضر عطر من أحد المحلات وعندما ذهب وجد أخت منتقبة ( اسمها مريم )هي اللي واقفة في المحل أشتري منها العطر وعاد لبيته
هي مش هيه دي اللي انا شوفتها في الرؤية وزي الرؤية انا مشفتش شكلها هي منتقبة بجد
كان أحمد مستغرب أوي ومش عارف هيعمل إيه
وقعد يدعي ربنا ويقول يارب هيألي الخير انا صحيح في أخر سنة بس انا مش عارف أعمل إيه دلوقتي

[فريق عمل زاد الداعية]

رد: يوميات شاب تائب►تابعونا◄

الحلقة الثانية والثلاثون

اانا هتوكل علي ربنا وأسيب كل الأمور ليه

وبدأ أحمد يزيد من طاعته وختم القرآن بفضل الله في شهر

ومصطفي بفضل الله أنهي أسماء الله وصفاته وبدأ في دراسة الفقة والتوحيد مع بعض وكتاب مدارج السالكين للشيخ محمد حسين يعقوب وكتاب رحلة إلي الدار الآخرة للشيخ محمود المصري لزيادة إيمانياته

في يوم الخميس من المعتاد تجمع الأصدقاء

فقد أنهي أحمد وهشام وعماد دراستهم وبقي مصطفي ومحمد

فقد أصبح محمد ومصطفي في السادسة

ولكن مازال كل الأصدقاء مشتركين في جمعية التواصل

محمد: لازم نجهز نفسنا كويس النهاردة ونتمم علي الطلبات اللي كتبناها المرة اللي فاتت وكانت الناس محتجاها

مصطفي: انا جبت كل الهدوم اللي محتاجينها بس محتاجين يتوزعوا ونكتب علي كل كيس الإسم

أحمد : وانا جبت مخزون الشهر

عماد وهشام : واحنا جيبنا التبرعات اللي هتبقي فلوس نقدية

محمد: وانا جبت العلاج اللي محتاجينه للقرية اللي هنروحها بكرة بإذن الله

طيب كده الحمد لله يا شباب نقسم كده الهدوم ومخزون الشهر

وبدأ الأصدقاء بتحديد كل اسرة وما تحتاجه

وفي يوم الجمعة تجمع الأصدقاء وذهبوا للقرية وكان كل واحد من الأصدقاء مسئول عن اسرة معينة
وبعد
وأعطوا كل منزل ما يحتاجه

فجأ إذا بصوت طفل صغير ينادي عمو مصطفي عمو مصطفي

مصطفي : فهد!!! نعم يا فهد يا حبيبي (فقد كان فهد في السنة الأولي من المرحلة الإبتدائية وقد فقد أبيه بعد ان ولدته امه مباشرة )

فهد: ممكن حضرتك تتفضل الوردة دي مني

وهنا اغرورقت عيني مصطفي بالدموع وحضن فهد وقال له ربنا يبارك فيك يا فهد ايه الوردة الجميلة دي

فهد: نفسي أطلع زيك يا دكتور مصطفي

مصطفي : خلاص بقي شد حيلك وذاكر كويس وكل مرة هطمن عليك في المذاكرة وهشجعك علطول وهكون معاك لو احتجت حاجة وابقي اذاكر معاك إيه رأيك

فهد: صحيح يا دكتور مصطفي ؟!
انا مش عارف اشكرك ازاي

مصطفي : تشكرني علي إيه يا فهد يا عسل انت زي أخويا الصغير بالظبط

فهد: ربنا يبارك فيك يا دكتور مصطفي هما دول صحابك معاك

مصطفي: اه دول صحابي محمد وأحمد وعماد وهشام

فهد : طيب انا جبتلهم ورد معايا لأن شفتكم بعد ما اتجمعتوا

فهد: ممكن تتفضلوا الورد ده مني
الأصدقاء: طبعا يا فهد انت ولد سكر اوي
وعايزينك تشد حيلك بقي علشان ترفع راس أمك بإذن الله

فهد : حاضر بإذن الله هعمل كده
يلا بقي سلام علشان متأخرش علي أمي

مصطفي وأصدقائه : سلام يا فهد في حفظ الله


مصطفي:والله اكتر حاجة بتسعدني نظرات السعادة اللي بشوفها علي وجوه الناس والله حاجة تشرح القلب

محمد: عندك حق يا مصطفي والواحد بعدها بيحس بإيمانيات عالية

أحمد : ربنا يديمها عليناا نعمة يارب
هشام وعماد: علي فكرة إحنا محتاجين نسرع شوية النهاردة لأننا اتأخرنا أوي

مصطفي : متخافوش هوصلكم بعربيتي كل واحد لحد بيته المرة دي

محمد:ياسلام يا توفي دايما حاسس بينا يا بني

أحمد وهشام وعماد: تمام يا بيه

مصطفي : ماشي مقبولة منكم

وأوصل مصطفي كل أصدقائه لمنازلهم وهم في منتهي السعادة فقد كان اليوم جميلا جدا ومازاده جمالا موقف فهد الذي أثر فيهم وأكثرهم مصطفي

استودع مصطفي أصدقائه وقالهم متنسوش تعملوا حسابكم المرة الجاية في المستشفي


رد عليه أصحابه : إن شاء الله يا دوك

[فريق عمل زاد الداعية]

رد: يوميات شاب تائب►تابعونا◄

الحلقة الثالثة والثلاثون

عاد أحمد من الي المنزل وجلس مع أسرته قليلا


أخته سمر:ماشاء الله يا أحمد اللهم بارك عليك وشك منور اوي

أحمد: ربنا يعزك يا سمر تلاقي بس نور اللمبة مركطز عليه فانتي شايفاه كده
سمر: ماشي يا سيدي ربنا يزيدك يارب

أحمد: طيب هدخل بقي أودتي حد محتاج مني حاجة

ردت سمر ووالدته: لا ربنا يعزك يا أحمد ويحفظك

ودخل أحمد غرفته وذهب ورائه أخيه معتز

أحمد إيه رأيك في بنت الشيخ اللي فاتح محل ملابس إسلامية

دي إنسانة كويسة ومناسبة ليك (فقد كانت مريم في كلية ازهرية

وتحفظ القرآن كاملا ومنتقبة وعلى خلق عالى ما شاء الله

اللهم بارك )

أحمد جوه نفسه: سبحان الله !!!

أحمد يحدث أخيه: ربنا يبارك فيك انا هتقدملها بإذن الله انا رأيتها من

قبل في منامى اريد ان اخطبها مهما كان شكلها فهي

زوجتى!!

وفعلا قابل والدها ووحدد معاد للمقابلة

وعندما قابلها لاول مرة كانت بالنقاب وكلمها على انه زوج

المستقبل حيث قال باذن الله عندما نتزوج ساسافر اسبوع

واسبوع وسأعطيكي وردا تحفظينه وعندما اعود اذا زودتى

عليه كان لك هدية غالية جدا عندى و...و...يتكلم كانه زوجها

قبل ان يراها اصلا!!

كانت ترد قائلة انت لم ترانى بعد وممكن جدا لا اعجبك فانتظر

المهم جاء يوم الرؤية الشرعية واذا به تفاجأ من جمالها

وقال ما شاء الله لم اتوقع انك بهذه الصورة ابدااا

لكن موضوع الزواج وقف لفترة حوالى شهر ونصف حتى

يقنع والده لانه لم يكن راضيا عن زواجه منها لانه محضر له

عروس اخرى في كلية طب وهي ابنه اخته

كلم أحمد والده وأخذ يقنع فيه أنه يريد إنسانه تعينه علي

أمور دينه ودنياه وإن كان يريد له السعادة فلا يزوجه من قريبته

وفعلا وافق والده عندما شعر أنه سيجبر إبنه وانه ينبغي ان

يكون سببا في سعادته في حياته بعد ذلك

وعندما وافق والده قبل أحمد يد والده ودموعه علي خده

عاد لمريم بكل شووووق وقال لوالدها

ها هو والدى قد وافق هل هناك طلب آخر قال له لا ولكن ننتظر ان

نعمل الخطوبة بعد الامتحانات الحالية وممكن كمان نكتب الكتاب
رجع أحمد البيت وهو يطير من الفرحة وهو منتظر بفارغ الصبر
وقابل مصطفي تاني يوم




أحمد : ازيك يا مصطفي وحشتني

مصطفي : وانت أكتر يا احمد والله انت عامل إيه ؟؟

ايه يا بني محدش شايفك الأيام دي ليه

أحمد : امممممممممم أصلي اتقدمت لواحدة والخطوبة قريب

إن شاء الله عقبالك يا تيفا

مصطفي : بجد يا أحمد

فرحتني اوي ربنا يفرحك دايما يارب

ويسعدك معاها اللهم آمين

احمد : يارب يا مصطفي

مصطفي : طيب تعالي معايا نركب العربية بتاعتي وكملي كلام

في الطريق

مينفعش تشرحلي وتتكلم وإحنا واقفين كده علشان الشلة

مستيانا النهاردة عند عماد

ماشي يلا بينا

وبينما مصطفي وأحمد يعبران الطريق إذا بسيارة نقل يقودها

سائق سكران يصدم أحمد ويرمي بمصطفي بعيدا

يقوم مصطفي من مكانه وهو ينظر الي أحمد والدماء تنزف

من كل مكان من جسمه

مصطفي : أحمــــــــــــــــــــــــــــــــــد
وجري بسرعة وأخذه الي المستشفي

أحمد تكسر جسده كثيرا فقد مرت عليه سيارة النقل

اخذ الدكتور يعالج فيه ويربط جسمه كله باربطة ويجبس

جسمه كله واثناء ذلك لم يقطع احمد كلماته التى كررها مرارا وتكرارا

يقول((اللهم اشفيني واجمعنى بمريم...اللهم اشفيني واجمعنى بمريم))

يقول الطبيب من هي مريم ؟؟ ولكن لا اجابة!

سأل امه من هي مريم ؟قالت خطيبته...قال ءاتوا بها فوراا

فكلموا والدها وقال لهم نحن على وصول اليكم باذن الله

أحمد يحدث مصطفي : متنسانيش يا مصطفي من دعواتك

بالله عليك انتوا كونتوا أجمل صحبة في حياتي

كنتوا سبب في تغيري كتير




عشت أجمل أيام عمري لما كنا بنتنافس مع بعض

بالله عليك متنساش اخوك أحمد وادعيلي معاك دايما

وأسأل الله أن يجمعني بكم جميعا في الفردوس اللهم آمين

وابقي سلملي علي باقي الشباب متنساش كل ذلك ومصطفي لا يستطيع منع دموعه

في الطريق وعلى غير عادة اتصلت به مريم على الموبايل


وقالت له انها في الطريق وطبعا هو لا يستطيع الامساك

بالموبايل فكانوا يفتحوا له الميكروفون ..تعجب من قولها

...جاية...؟ بجد..انا مش مصدق انك وافقتى!!

وصلت اليه مريم ورأته ولا يقول لها سوى كلمة واحدة

...ماتسيبينيش ...ماتسيبينيش!!

قالت له لن اتركك...لن اتركك والله!

وقالت سأمر عليك بعد كل امتحان باذن الله لى في

القاهرة...كان سعيدا بذلك لكن على قدر سعادته على قدر نفسيته المدمرة!!

كانت تذهب اليه مريم وخالها اللى من القاهرة وتجلس مع

والدته اللتى طال جلوسها على ارض الغرفة وطال محايلتها

ان تأكل احمد الطعام في فمه ...ولكن لا يريد طعاما...بل لا يطيقه!

عندها حاولت مريم ان تضع الطعام في فمه فقبل الطعام

فتحايلت والدته على مريم ان لا تتركه ابدااا وقالت لها احمد ا


ابنى عمره ما احب حد مثلك والله!

كانت تتردد مريم عليه هي ووالدها او هي وخالها لمدة

اسبوع وعندما احست ان ذلك به غضب لله تركته ولم تزوره لمدة اسبوع آخر

ولكن والدها لم يتركه كان يوم هناك عنده ويوم لا على مدار

الاسبوع اما والده ((والد احمد)) كان متزوج من اخرى غير

والدته وعندما قابل والد مريم قال له : لوو عاوز تفركش

الموضوع نفركشه ..لانك اكيد مش هتجوز بنتك لواحد

مكسح!!...سبحان الله هذا كلام والده

قال والد مريم مادام يتقي الله فيها وملتزم باوامر الله فلا مانع اطلاقا

قال والد احمد : ماتقلقش احنا مش هنرميه على الرصيف وفي اللى في طب وعاوزاه!!

فرد احمد عليه قائلا: يا والدى انا لن اتزوج غير مريم واذا

لم يكتب لى ان اتزوجها سأعيش بدون زواج!

عندما قطعت مريم زياراتها كان عندما يقابل والدة يطمئن

عليها ماذا فعلت في الامتحانات...وكان والدها يطمأنه

بعد ذلك في ليلة الخميس الماضــــــى:

ذهب والد مريم لزيارة احمد كعادته فقال له احمد : خلى ابلك

من مريم ..مريم دي غالية اوى حافظ عليها..

قاله: ما انت كمان هتحافظ عليها يا عم مش انا لوحدي

قاله: لا انا اوصيك عليها حافظ عليها وقل لها يا مريم لا

تندرجي تحت مهالك الهوى وحافظى على طاعة الله كما انتى

عندما وصل والد مريم المنزل قال لمريم :اتصلي باحمد

فاتصلت به : -اسمعوا بالله عليكم كلامه القوى الذي يقشعر

له البدن وتتساقط له الدموع ويحرق له القلب

السلام عليكم ورحمة الله

وعليكم السلام ورحمة الله

ازيك يا مريم

الحمد لله بخير

مريم..حافظي على طاعة الله..راعي حدود الله دائما

يا مريم ..ربنا يرزقك بالزوج الصالـــح!!!

نعم...!!!ماتستغربيش اصل الاجل لما بيجي محدش يقدر

يقوله لا


لا تأخدى اى واحد يا مريم اختاري الصالح

يا مريم لا تتركي والدتى ابداا..كلميها دائما اتصلى بها

واططمئنى عليهاتوصي بها خيرا ..والله لما تكلمميها هتفرح اوووووى

باتصالك!
حاضر

مريم..افتركينى يا مريم ماتنسينيش ..افتركي الحلو منى مش الوحش

يا مريم انا عارف كويس اوى انتى ليه ماعدتيش بتيجي

تزوريني واللى انتى عملتيه ده هو الصح...بالله عليكي

سامحيني دي اكتر حاجة انا محتاج لها الآن

يا مريم لا تتركي الطاعات

والله انا بصلى الفجر دائما وافعل من الطاعات كذا وكذا

يا مريم لاتفرطي في طاعة الله ابداا وعليك بصلاة الفجر دي

اهم حاجة يا مريم فاذا صليتي الفجر ربنا هيجعلك في يومك كله بركة

يا مريم بطلى بقة مذاكرة بالليل دي وذاكري الصبح

وابقي عدي علينا كدة ...ولا اقولك خلاص ماتعديش

لالا انا هخلص امتحانى يوم الاحد وآجي

لا يا مريم خلاص بلاش ماتعديش ...بلاش بلاش

يالا بقى روح اتعشى

لا انا خلاص اتعشيت ومش هاكل تانى

لا تنسي يا مريم والدتى وطاعة الله وصلاة الفجروسامحيني

السلام عليكم ورحمة الله

وعليكم السلام ورحمة الله

وعدت سويعااااات

ثم جاء اتصال هاتفي لوالدها على آذان الفجر!!

أحمـــــــــــــــــــد مـــــــــــــــــــات!!!!!!!!

كان أحمد وأصدقائه في المستشفي منذ أن علموا بما حدث

ذهب عماد وهشام ومحمد لشراء مسلتلزمات لأحمد

وظل مصطفي بجوار أحمد في الخارج لأن والدته جالسة معه

هي وأخته

خرج والد مصطفي عندما توفي أحمد وقال لمصطفي : أحمد

مـــــــــــــــات يا مصطفي أحمد مـــــــــــــــات

استند مصطفي للحائط وزرفت دموعه وهو يكاد لا يصدق :

أحمـــــــــــــد

[جميلة بحجابى]

رد: يوميات شاب تائب►تابعونا◄

جزاكم الله خيراً

[فريق عمل زاد الداعية]

رد: يوميات شاب تائب►تابعونا◄

الحلقة الرابعة والثلاثون
عاد محمد وهشام وعماد


وعلموا بخبر وفاة أحمد صدموا وكادوا ان يفقدوا وعيهم



كل منهم أخذ جنبا ولم يستطيع أن يمنع دموعه


ثم قال ابو احمد يلا يا اولادي تعالوا علشان هنكفن احمد



يا الله ما اقساها من لحظة وكل منهم يتخيل

أنه يكفن صديق عمره ويودعونه الوداع الأخير وهم ينظرون إليه
ويا للمفاجئة


فقد أشرق وجه أحمد وعاد جسمه طبيعي بدون أي كسور


وكم كانت فرحة لأصدقائه وعائلته فهي

بشارة علي حسن الخاتمة نسأل الله له ذلك

تذكر هشام زميله عمرو الذي نظر إليه

نظرة شماته حينما طرده الدكتور من المحاضرة



واتصل به وقال له الخبر وقال له أنه يريده ليذهبوا لدفن أحمد


فقد أراد هشام ذلك ليكون تذكرة لعمرو وأن

أي إنسان معرض للموت في أي لحظة

أتي عمرو وركب الميكروباص وبينما هو في الميكروباص


شغل السائق شريط



وتحدث الشيخ وقال

كان فى قصه بتحكى فى قديم الزمان ان جوم لواحد فقير

وغلبان ومحتاج قالوله بص من اول الفجر دهوه اطلع اجرى

وانطلق فى الارض الواسعه الرهيبه اللى قدامك ده هيه كل

ارض هتقطعها انهارده هتبقى ملكك بس على شرط ان قبل

ما الشمس تغيب تكون رجعت لنقطة البدايه الراجل اول ما

الفجر طلع طلع يجرى يجرى يجرى كل ارض اقطعها تبقى

ملكى فضل يجرى لغاية ما لقى نفسه اتقطع فبدأ يكلم نفسه

طيب اقف شويه طب استريح شويه استريح ؟ ده انا كل

ارض هاقطعها هتبقى ملكى استريح ازاى ؟ طلع يجرى يجرى

يجرى بعد شويه خلاص نفسه هيتقطع معدش قادر طيب

اجرى براحه شويه ريح نفسك شويه اريح نفسى ؟ دا انا

هستريح راحه بس لما اوصل دا انا هعيش باشا دا انا

كل الناس هتخدمنى دا انا هسكون فى قصور ملهاش مثيل دا انا

كل الناس هتعظمنى وهتنبهر باللى انا هوصل ليه اجرى

واستحمل فضل يجرى ويقطع مسافات ورا مسافات لغاية ما

خلاص وصل فى الاخر هيقع من طوله طب خلاص


استريح شويه استريح ازاى ؟ دا انت لو استريحت

كل اللى انت حصلته دا هوه هيروح عليك لو

ملحقتش ترجع كل المسافه دى تانى طب وبعدين

اجرى حتى لو نفسك اتقطع حتى لو طاقتك كلها

راحت اجرى والحق انا لا يمكن اضيع شقى عمرى

ابدا لا يمكن بعد ما ملكتها لا يمكن بعد ما بقت قدام

عيني وفي ايديه اسيبها تروح منى لازم اجرى واجيب

المسافه دى كلها تانى فضل يجرى يجرى بيسابق

الشمس والشمس هتغيب وهو بيجرى والشمس

هتغيب وهو بيجرى واخيرا يا جماعه وصل فعلا لنقطة

البدايه قبل ما الشمس تغيب ولكن للأسف كان

وصل بعد ما بذل مجهود خااااارق ادى فى الاخر انه

اول ما وصل سقط ميت عند نقطة البدايه داخل

الارض اللى هو مالكها جه الراجل اللى منحه الارض

دى كلها قال لهم احفروله نص متر فى اتنين متر جوه

الملك الواسع دا هوه كله عشان يتدفن فيه

هى دى

اخرتها هى دى اخرتها ؟ بعد جرى الوحوش اللى

الناس بتجريه فى الدنيا دا هوه هى دى اخرتها ؟ مع

ابو اربعين مليار جنيه هو واللى اربعين مليار بتوعه

يوم ما يتحط فى الكفن مش هيسوى الكفن اربعين

جنيه هى ى اخرتها ؟ مع اصحاب الابراج والقصور

واصحاب العقارات والعمارات ؟ هى دى اخرتها ؟

مع عمّار المصايف وعمّار الشواطئ وعمّار الدش

والفضائيات هى دى اخرتها مع شباب الجامعه وشباب

المصايف يا جماعه ؟ هى دى اخرتها محدش فكر ؟

اخرتها ايه ؟ لو الراجل ده كان فكر بس وهو بيجرى

كده وقف فى النص خمس دقايق فكر اخرتها ايه لو

الملايين اللى قاعدين يتفرجوا الوقتى على المبارايات

وقفوا مش هنقول سابوا المبارايات وقفوا بين الشوطين

يفكروا اخرتها ايه لو الشباب اللى اول ما خلصوا

الامتحانات طلعوا على المصايف يبارزوا ربنا بالمعاصى

وبالكبائر وقفوا وفكروا اخرتها ايه لو كل بنت متبرجه

لو كل واحد مننا الوقتى وقف وفكر بس اخرتها ايه

اخرتها ايه بعد جرى الوحوش دا هوه كله اخرتها نص

كيس قطن وكفن ونص متر فى اتنين متر فى الارض

مؤقتا لحد ما حضرتك تبقى تراب يحطوا مكانك واحد

تانى للأسف الشديد

عايزين نتكلم الليله يا جماعه عن عذاب القبر ونعيمه

الناس خارجه والشباب خارجين دلوقتى من

الامتحانات والناس كلها خارجين من الدنيا القلوب

خلاص مفضيه شحن مش قادرين عايزين نتشحن

شويه فى بداية الاجازه عايزين نتكلم عن الموت عن

عذاب القبر ونعيمه هنتكلم الليله فى العناصر التاليه ك

اول حاجه هنتكلم فيها (مطمنين ليه ؟ )
تامى حاجه هنتكلم فيها (ماذا لو تكلم الكفن ؟ )
3- قبل ان يأكلك الدود
4- ماذا يحدث داخل القبر ؟
5- مصيبة الموت ؟
6- اخرتها ايه ؟


مطمنيين ليه محدش فينا وقف يفكر كده احنا

مبنفكرش ليه حدفينا يقف يفكر كلمة سرطان لما

بتتقال قدام حد مننا بيترعب بيترعب ليه ؟ ياااااااااه دا

بيحسوا بألآم فظيعه طب كلمة موت لما بتتقال قدامك

ما بتترعبش ليه من الم الموت ؟
كلمة سجن لما بتتقال

قدامك يااااااه دا ضيق وحبسه وضالمه طب كلمة قبر

لما بتتقال قدامك ليه ما بتترعبش من الحبسه والضالمه

اللى فيه ؟ كلمة النور هيتقطع لما النور بيتقطع على

حد مننا الوقتى يعنى بعضنا وهو قاعد لوحده فى الشقه

ممكن يترعب ويتفزع طب انت مفكرتش انك انت

هتتحط فى مكان الظلمه اللى فيه ملهاش مثيل على

وجه الارض وهتسكن فيها ليوم القيامه ؟ احنا يا

جماعه لما بنسمع كلمة امتحان بيجى الوجل فى قلوبنا

والرعب ليه ؟ امتحان يا اخى تخيل لو جيت لواحد

منكوا كده فى ثانويه عامه مثلا مثلا قلتله تتصور ان

بكره امتحان ثانويه عامه بكره ؟ بكره تخيل هيعمل

ايه واسرته هيبقى حالها ايه ؟ وبيتوع ثانويه عامه

هيبقى الفزع اللى فى قلوبهم ايه ؟ طب انت الوقتى

مبتتخيلش ليه ان امتحان الآخره ممكن يبقى بكره ؟

ليه مابيجيش نفس الاحساس فى قلبك احنا لما بنسمع

عن ناس ما بتذاكرش ما بيذاكرش دا ممكن يسقط وفى

واحد مذاكرش واترفد وفى واحد مذاكرش وابوه

مات بحسرته عليه طيب انت مسمعتش عن عاقبة اللى

عصوا ربنا فى امتحان الآخره ؟ طب ما بنذاكرش ليه

؟ طب ما بنتشطرش فى امتحان الآخره ليه ؟ مطمنيين

ليه ؟ اذا كان رسول الله صلى الله عليه وسلم قال "

لولا الا تتدافنوا لدعوت الله ان يشفعكم من عذاب

القبر " مطمنيين ليه ؟ وربنا سبحانه وتعالى هو اللى

قال {قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ )

مطمنيين ليه ورسول الله صلى الله عليه وسلم بيقول

" لو تعلمون ما أعلم لضحكتم قليلا ولبكيتم كثيرا

وما تلذذتم بالنساء على الفرش ولخرجتم إلي

الصعدات تزأرون إلى الله " مطمنيين ليه ؟ ايه اللى

مطمنا ؟ هو قوم لوط لما ربنا خسف بيهم الأرض كان

بسبب الكفر بتاعهم ولا كان بسبب فعل اهل لوط

اللى هما كانوا بيعملوه كان بسبب الاتنين يعنى زى ما

الكفر بيهلك المعصيه بتهلك يبقى احنا مطمنيين ليه

واحنا مقيمين على معاصى الله سبحانه وتعالى مطمنين

ليه اذا كان رسول الله صلى الله عليه وسلم داق من

الام الموت اللى السيده عائشه قالت بعده والله لا

اغبض احدا بهوان موت بعد رسول الله بعد كده لو

شوفت واحد الموت بتاعه سهل مش هقول يا بخته

عند ربنا لا بعد اللى شوفته من رسول الله صلى الله

عليه وسلم مطمنين ليه ؟ اذا كان واحد زى سعد ابن

معاذ اللى اهتز ليه عرش الرحمن وفتحت ليه ابواب

السما وشهدت جنازته افواج من الملائكه ضم عليه

القبر وضاق عليه القبر يبقى انا وانت نطمن ليه ؟

مطمنيين ليه ؟ اذا كان واحد زى ابليس عليه لعنة الله

يروى فى الاثر انه عبد الله 80000 سنه قبل ان

يضل واحد هيقولى 80000 جبتها منين ؟ بلاش

خلينى بعقلى وبعقلك على الاقل عبد ربنا قد عمرى

وعمرك 100 مره على الاقل ثم ضل يا جماعه ده

الواحد مننا لو بياكل اكل قاعد يا كل اهوه بياكل

لحمه وفراخ وكباب و سمك وكل انواع اللحوم

ومعندوش اكل بكره بيبقى بياكل وهو متنكد

[فريق عمل زاد الداعية]

رد: يوميات شاب تائب►تابعونا◄

الحلقة الخامسة والثلاثون
طب انت معملتش حساب جوع 50000 سنة يوم

القيامة ده الواحد مننا لو بيتسحر فى يوم حر شوية

زى الايام دهية بيتسحر ربنا يأجر خير اللى بيصوموا

فى هذه الايام بيتسحر و بيشرب مية ورا مية ورا مية

بيبقى حامل هم عطش بكرة طب انت محملتش هم

عطش و حيل بينهم و بين ما يشتهون فى الدنيا يقولك

الراجل العاقل اللى يعمل حساب مستقبل ولاده من

و هما لسة اطفال و الطالب العاقل اللى يعمل حساب

امتحان اخر السنة من و هو لسة فى اول السنة و

الانسان العاقل اللى يعمل حساب المستقبل طب ليه

مبيقولوش ان الانسان العاقل هو اللى بيعمل حساب

مشاكل الاخرة من و هو لسة فى الدنيا ليه يا جماعة ؟

ليه المتدين ممكن يتقال عليه درويش و ممكن يتقال

عليه متزمت ؟ وهو الانسان العاقل الوحيد على وجه

الكرة الارضية دى كلها مطمنين ليه ؟ دا انت لو

داخل امتحان الامتحان ده يا اما تنجح فيه يا تدخل

دور تانى اخر الصيف يضيع معاه الصيف بتبقى داخل

مرعوب و لو داخل امتحان دور تانى لو سقطت فيه

هتعيد السنة كلها داخل مرعوب اكتر و لو داخل

امتحان بقى نهاية البكالوريوس ولا الليسانس ولا

حاجة مرعوب اكتر و لو داخل امتحان بيترتب عليه

وظيفة بره مغرية و بأجر مغرى بتبقى مرعوب اكتر

طب الامتحان اللى بيترتب عليه مصيرك امتحان القبر

انت مطمن تجاه هذا الامتحان ليه ؟تبقى مش مصدق

هذا الامتحان تبقى مش حاطه فى اعتبارك و لا مش

متصور ايه اللى مخلينا مطمنين ؟ انت معتقد انك مش

هتموت ؟ طب ما رسول الله مات عليه الصلاة و

السلام و جبريل هيموت و ملك الموت هيموت و

صاحبك و حبيبك مات انت مطمن لانك انت معتقد

ان قبرك انت بالذات هيبقى واسع و منور و كبير

بأمارة ايه ؟ مطمن لانك انت معتقد ان كل طاعة

عملتها فى حياتك ربنا تقبلها و كل معصية عملتها فى

حياتك و لسة هتعملها الله تاب عليك منها و كل

سبب من اسباب عذاب القبر و عذاب القيامة و

عذاب الاخرة انت مرتكبتوش و كل سبب من

اسباب حبوط العمل انت نجوت منه مطمن ليه ؟ ايه

اللى مخلينا يا جماعة اللى بيفكر فى هذه الامور و

بيحطها قدام عينه بيوصل لكلمة واحدة فى الاخر

(فكر النجاة )انا عايز انجو انا كل همى الوقتى ان انا

انجو انما اللى احنا عاملينه عاملين بالظبط يا احوالنا

زى طالب مثلا طب عليه امتحان بعد ايام عملى

وشفوى و تحريرى و حالات و هو قاعد مبيذاكرش و

لا مذاكر قاعد هادى فتروح تقوله يا ابنى انت طب

هتعمل ايه فى امتحان العملى طب لو نجوت من

امتحان العملى هتعمل ايه فى امتحان الشفوى طب لو

طلعت من الاتنين هتعمل ايه فى التحريرى اهو بالظبط

دهالسؤال اللى احنا عايزين يتسأل لنا طب هنعمل ايه

فى أسئلة القبر طب الميزان طب الصراط طب العرض

على الله طب العرض على النار طب القنطرة طب

هنعمل ايه فى مرحلة مرحلة من مراحل الاخرة عشان

كدة الانسان يا جماعة اللى بيفكر فى احوال الناس فى

علامة تعجب قد الكرة الارضية دى كلها بتملى

صدره علامة تعجب ايه الاستهتار اللى ممكن يودى فى

داهية ده تخيل انك انت فى ثانوية عامة كدة و نزلت

تصلى وطالع لقيت اصحابك اللى فى ثانوية عامة

جايبين كورة و عاملين فريقين و قاعدين يلعبوا ليلة

الامتحان انتوا بتعملوا ايه ؟ طب يا ريتكوا حتى كنتوا

مذاكرين كنا نقول غير كدة انتوا بتعملوا ايه ؟ طب

انت مطمن لانك انت معتقد انك مش هتموت الوقتى

بأمارة ايه ما انت اللى قدك بل الاصغر منك مات

قدام عينيك و اسباب الموت فى هذه الايام لا ترتبط

بسن يا جماعة السرطان اللى يقينا مفيش واحد فى

المسجد الوقتى حد من قرايبه او اصحابه او جيرانه او

معارفه مماتش بالسرطان السرطان ده بيفرق بين صغير

و كبير نزور قسم السرطان ونشوف سن اللى

موجودين هناك على السراير الصغير و الكبير و

الطفل و الراجل و المرأة يبقى ايه اللى احنا بعد كل

ده يخلينا مطمنين
ده رسول الله صلى الله عليه وسلم

بيقول " الجنة اقرب الى احدكم من شراك نعله و النار

مثل ذلك "

ليه يا رسول الله ؟ عشان حاجات كتير

من اهمها ان الموت اقرب الى احدكم من شراك نعله

كل واحد صاحبك مات رسالة ليك من الموت كل

واحد قريبك مات رسالة ليك من الموت كل حادثة و

انت مسافر على الطريق شفتها قدام عينيك رسالة

ليك من الموت كل مرض ابتليت بيه فى حياتك رسالة

ليك من الموت يبقى كل الرسايل دى بعدها لما نبقى

مطمنين قدام ظاهرة مفزعة و فظيعة زى ظاهرة الموت

الموت اللى كسر الجبابرة ده فرعون فرعون الجبار

العاتى لما جاله الموت اتهد قال امنت انه لا اله الا الذى

امنت به بنو اسرائيل فرعون الجبار اتهد من الموت

الموت اللى كسر ظهور الامراء و الملوك هارون

الرشيد هارون الرشيد لما جاله الموت مش انا و انت

بكى حتى ابتلت لحيته ثم قال احملونى الى قبرى فلما

ذهب قال {اللهم يا من لا يزول ملكه ارحم من زال ملكه اللهم يا من لا يموت ارحم من يموت }
معاوية بن ابى سفيان لما اتى ليه الموت فقال {اين كنت حينما كان غصن الشباب ريان اللهم ارحم الشيخ العاصى ذو القلب القاسى }

الموت يا جماعه ابكى الصالحين عثمان ابن عفان -رضي الله عنه -

كان كل ما يشوف القبر يبكى يعيط كانوا بيبكوا لما

يشوفوا القبر او يفتكروا الموت انت بكيت كام مره لما

افتكرت القبر؟ بكيت كام مره لما زرت المقابر؟ زرت

المقابر كام مره ؟ احنا باكينا فى منا ناس بكت لما

الفريق بتاعها خسر الماتش ولا مصر خرجت من كاس

العالم وفى اخوات بكوا لما الفيلم اللى بيتفرجوا عليه

البطل مات فى الاخر وفى منا شباب بكوا لما اتقدمولها

وابوها رفضهم وفى منا ناس بكت لما شالت مادتين

كام مره بكيت لانك هتدفن تحت التراب ويتردم

عليك وتتسأل عن ساعه ساعه فى عمرك اللى انت

قضيته ؟ كام مره يا جماعه بكينا من اجل قضية الموت

وقضية سؤال الملكين وقضية ضيق القبر وظلام القبر

وحبسة القبر ؟ كام مره ؟ عايزين كل واحد مننا

يفكر الف مره الف مره ساعة ما هتيجى تموت

هيتنزل عليك ملايكه تقولك ابشروا بالجنه ولا يتنزل

عليك ملايكه تقولك اخرجوا انفسكم اليوم تجزون

عذاب الهون ؟ ساعة ما هتيجى تموت هيتنزل عليك

ملايكه بيض الوجوه وجوهم مثل الشمس المضيئه ولا

ملايكه سود الوجوه ؟ ساعة ما تيجى تموت هتكفن

روحك فى حنوط من حنوط الجنه ولا مسوح من

مسوح النار ؟ ساعة ما تيجى تموت وروحك هتتطلع

هتفتح ليها ابواب السماء ولا هتغلق دونها ابوب

السماء والعياذ بالله ؟ عايزين نفكر المؤمن الصادق

عامل بالظبط زى الطير اللى لما يتحط فى الزيت المغلى

الزيت يطشطش لما يتقلب على جنب تانى الزيت يفور

تانى اهوا ده قلبك كل ما يفتكر معنى من معانى الموت

والاخره القلب يفور الخوف اللى فيه من الله تفتكر

سؤال ملكين الخوف يفور فى قلبك تيجى تهدى لسه

هتهدى تانى تفتكر ضيق القبر وحبسته الخوف يفور فى

قلبك تيجى تهدى تانى تفتكر عذاب القبر الخوف يفور

فى قلبك هو ده المؤمن الحق يا جماعه يبقى مطمنين ليه

؟ يبقى الناس اللى قاعده الوقتى مطمنه ليه ؟ والناس

اللى بره دى والناس اللى بتلهوا والناس اللى مقيمه

على المعصيه وعلى الغفله والناس المتذبه فى علاقتها

بالله تيجى شويه وتروح شويه والناس اللى يعنى بتقدم

رجل وتأخر رجل كل دول مطمنيين ليه ؟

[فريق عمل زاد الداعية]

رد: يوميات شاب تائب►تابعونا◄

جزاكم الله خيراً

جزانا الله وإياكم كل خير

[رقية 2]

رد: يوميات شاب تائب►تابعونا◄

والله من أروع ما قرأت


جزاكم الله خيراً

[فريق عمل زاد الداعية]

رد: يوميات شاب تائب►تابعونا◄

جزانا الله وإياكم كل خير

وبارك الله فيكم أختنا

[فريق عمل زاد الداعية]

رد: يوميات شاب تائب►تابعونا◄

الحلقة السادسة والثلاثون

ثانيا : ماذا لو تكلم الكفن ؟


كفى بالموت واعظا احنا الليله عايزين نقول كفى

بالكفن واعظا احنا الليله عايزين نتخيل ان كفنى

وكفنك هو اللى قاعد مكانى الوقتى وهو اللى هيتكلم

فى الميكروفون وهو اللى انطقه الله الذى انطق كل

شئ عايزين نتخيل لو الكفن اتكلم يا جماعه هيبقى

فصيح اوى والله هيقول كلام مفيش داعيه فى الارض

كلها يعرف يقوله لو الكفن خاطب كل واحد مننا

هيقولى ايه ؟ وهيقولك ايه ؟ وهيقولكى ايه ؟ وهيقول

للى ماشيين بره فى الشارع ايه ؟ هيقول لكل واحد

مننا انت بتهرب منى ليه ؟ دا انا اكبر حقيقه فى

حياتك كلها انا اللبس اللى يقينا هتلبسه فى حياتك فى

يوم من الايام افتح الدولاب بتاعك وحطنى جنب

بدلة فرحك وجنب هدوم خروجك حطنى جنبهم

ممكن اى هدمه من الهدوم اللى فى الدولاب

متلبسهاش ما يجيش عليك اليوم اللى تلحق تلبسها

فيه انما انا لا يمكن متلبسنيش ابدا لو الكفن اتكلم مع

العصاه اللى بيعصوا ربنا واحنا اكتر ناس بتعصى ربنا

لو الكفن اتكلم مع العصاه يقولوهم ايه؟ هيقولوهم انا

كفن من غير جيوب يعنى ايه ؟ يعنى الانسان اللى باع

حياته كلها عشان ياخد كل شئ بيخرج فى الاخر من

غير ولا شئ من غير جيوب يعنى ايه ؟ يعنى لافى

جيب هتحط فيه موبايل حد يرنلك عليه ولا فى جيب

هتحط فيه علبة سجاير ساعة ما تتوتر فى سؤال

الملكين تطلع سيجاره وتاخد نفسين ولافى جيب

هتحط فيه علبة برفان لما الريحه تبدأ تطلع فى القبر

ترش شوية برفان ولا فى جيب هتحط فيه علبة مكياج

علشان اللى بيحصل والتغيرات اللى بتحصل فى

الوش نبدأ نجملها شويه مفيش جيوب حرير قطن

معدتش فارقه خلاص واللون بتاعه لاهو اورنج ولاهو

مطرز ولاهو بدانتيل لا ابيض من غير اى خيوط كله

زى بعضه ياااااااه عشان كده الكفن بينادى كل

عاصى بيقول اياكم واى معصيه ساعة ما تتلف بيه

وتتحط تحت التراب تندم على انك انت عاصتها

وانت كنت لسه فوق التراب اياكم والاختلاط اياكم

والدش فى القنوات الاباحيه الغير دينيه اياكم

والتليفزيون اياكم الغنائيات اياكم و اى معصيه تندم

عليها لما تنزل قبرك اياكم والسفور والاختلاط و

التبرج والمكياج لو الكفن كلم الغافلين فى جمع الدنيا

عن الاخره هيقولهم ايه؟

{وانظر لمن حوى الدنيا بأجمعها هل راح منها كلها بغير القطن والكفن}

لا والله يارب ما راح بأى حاجه غير القطن والكفن

لو الكفن اتكلم مع المتبرجه هيقولها ايه ؟ هيقولها

هتتحجبى هتتحجبى لا هتتنقبى اصل الكفن ده حاجه

زى النقاب بالظبط هيتلف عليكى لا لون بقى الوان

ولا تفصيله ولا قصه لا هتتغطى كلك من اولك

لاخرك يبقى غطى نفسك بإرادتك قبل ما تتغطى

غصب عنك

لو الكفن اتكلم مع كل الناس وكل

الدنيا هيقول لكل انسان ايه ؟ هيقوله انا السجن اللى

هتتحبس فيه لغاية ما دوده دوده تاخد من جسمك

الرزق اللى ربنا قسمهولها الدوده دى ليها رزق فى

عنيك والدوده دى ليها رزق فى قلبك والدوده دى

ليها رزق فى بطنك لغاية ما كل دوده تاخد رزقها انا

اخر توب هتلبسه فى الدنيا دا هيه كلها بعده مش

هتلبس ابدا غير يا اما توب من تياب النار يا اما توب

من تياب الجنه ربنا يجعلنا من اهل الجنه جميعا بيقولك

انا الشاهد الوحيد على اللى هيحصل عليك لما تدخل القبر


ودى النقطه التالته يا جماعه قبل ان يأكلك الدود
قبل ان تتحول من احسن خلق واحسن تقويم الى

اسفل سافلين قبل ان يأكلك الدود تخيلوا كده لو انا

جيت كلمتكوا او انت سمعت من اى حد عن واحد

ايديه والعياذ بالله بتحصل كتير يعنى المرضى امراض

كتيره ايديه حصل فيها تعفن ومتلحقتش لدرجة ان

الدود طلع فيها هيبقى احساسك ايه ؟. هتبقى مقشعر

كده ورعوب طب ما انت عضو عضو فى جسمك

هيحصلوا كده طب لو قلتلك بقه انهما سبوها شويه

لحد ما الريحه قلبت المستشفى والمكان اللى هما فيه

هتحس انك انت جسمك متاخد كده طب ما انت

هيحصل فى عضو عضو من جسمك كده يا جماعه

كلمتكوا قبل كده زماااااااااان عن الجثه ممكن يحصلها

ايه بعد ما تموت بس لما جيت اقول الكلام يوميها

صعبتوا عليه فقلت بلاش بلاش اتكلم وافسر يا جماعه

الواحد دلوقتى بيفكر طب بلاش ليه بلاش ما احنا

لازم نفوق انت ليك روح وليك جسد قاعدين نهتم

بالجسد ونأكل الجسد ونشرب الجسد ونريح الجسد

وناسيين الروح تماما وناسيين الدين تماما فربنا بيقولك

بقه شوف رحلة جسمك جو القبر شوف جسمك

بيحصلوا ايه ؟ عشان تعرف جسمك اللى انت

عشت عشانه الدنيا دا هيه كلها فى الاخر بيحصله ايه

لما يدخل القبر يااااااااه اول ما الواحد بيموت فى اول

ساعات بعد موته اول حاجه بيقولك الانسان بيتيبس

يعنى ايه بيتيبس يعنى يتسمر كده كأنه صنم منحوت

كده فى الوضع اللى هو مات عليه لو واحد مات

ساند على حيطه اه يتيبس كده وهو فى الوضع كده

وهو ساند على الحيطه طب ولو واحد مات وهو

بيزنى والعياذ بالله يتيبس فى الوضع بتاع الزنا والانسان

يبدأ يتلج خلاص يبقى عامل زى حتة الحديده لو

حطيتها فى الصيف تسخن لو حطيتها فى الشتا تبرد

ومعدش بقه خلاص يبقى الدكتور فلان والاستاذ فلان

والحج فلان واحد صاحبنا راح يغسل ميت الاسبوع

اللى فات فبيقولهم هو فين قالوله انت عايز الامانه ؟

قالوهم اه عايز الامانه بقى اسمه الامانه خلاص بقه لا

عاد عاد الدكتور فلان ولا هاتوا الدكتور فلان قلبوا

الدكتور فلان على بطنه اما نغسل ظهره ولا هاتوا

الدكتور فلان اما نكفنه خلاص انتهت خلاص بقيت

الامانه او بقيت الجثه حسب الصيغ اللى بيستعملها

اللى بيغسلوك فى هذا الوقت فاول ما الواحد يموت

بعد اول ساعات لو فتحت القبر على حضرتك او

حضرتى او حضرت اى حد ما اللى قاعدين معانا بعد

يوم واحد من موته هتلاقى ان البطن بدأت تتعفن

والعفن بدأ يمتد لغاية ما خد البطن والفرج اكتر

حاجتين الانسان عاش حياته عشانهم كلها كل حياته

عشان البطن والفرج اول حاجتين بيعفنوا بعد كده

يبدأ التعفن يمتد للجسم كله يبقى الجسم عامل زى

رغيف العيش اللى بقاله اسبوعين لغاية ما اتعفن داير

ما يدور كله يبقى الجسم باللون ده يااااااااااااااه بعد ما

كانت بتاخد حمام شمس عشان يبقى لونها برونزى

وبعد ما كانت بتتدهن كريم اساس عشان المكياج

يبقى يعنى يتهئ للناس ان هى بيضه على المكياج اللى

هى حطاه فوقها وبعد ما كان ده اسمر وده ابيض وده

قمحى كله بيبقى اخضر والعياذ بالله بعد كده تبدأ

العروق تتنفخ عروق الجسم كله من اخمص القدمين

الى مفرق الرأس عروق الجسم كلها تتنفخ وتبرز تخيل

لو شوفت واحد كده وشه بس فيه عرق طويل كده

بارز فيه يبقى المنظر ايه طب تخيل لو الجسم كله بقه

كده تخيل ده فى اليوم الأول


لو فتحنا فى اليوم التانى : على فلان باشا وفلان بيه

وعلان باشا هنلاقى ان المخ اتحلل والكبد اتحلل

والطحال اتحلل والمعده اتحللت والامعاء اتحللت


لو فتحنا فى اليوم التالت : على اجمل بنت فى المنصوره

كلها واجمل بنت فى الجامعه والنادى كلهم مش هتقدر

تفتح ابدا ليه؟ اول ما هتشيل طوبه بس كده هتلاقى

ريحه تقلب المقابر كلها هتبدأ الريحه تطلع عارفين لما

واحد يجيب كذا بخاخة معطر جو ويفضل يبخ كل

عضو من جسم الميت فى اليوم التالت بيبقى بخاخه بس

بتبوخ ريحه لا يمكن ان تطاق اللى كانت متعرفش

تنزل الا بالبرفانات واللى مكنش غير بعد الحمى

الريكسونا والمش عارف ايه و حاجات اللى دا دى

حاجات كويسه انما اللى بتنزل بالبرفانات ما تعرفش تنزل غير بيها وبعدين اهى دى اخرتها يا جماعه

لو فتحنا على ملكة جمال العالم بعد اسبوع واحد بس

: بيقولك بعد اسبوع ده بقى المرحلة بتاعة الوش

الوش بقى حاجه تانيه خالص العنين تفضل تتنفخ

تتنفخ لغاية ما تفرقع اللى كانت متكحله ومسكره

وايلينر ومش عارف ايه اللسان اللى اغتاب دى

وجارتك وصحبتك وكل اللى انتى عرفتيهم يبدأ

يطلع ويبرز من البوء والوش يتنفخ ويسود والعياذ بالله

دا كل ده بعد ايه بعد اسبوع واحد بعد ما كان الوش دا لازم تخرج و وشها ده معمول فيه ايه بقى ساعه

قدام المرايه عشان وشها ده لوحده بعد اسبوع تخيلوا

بعد 6 ساعات بس من موت اجمل نساء العالم مين

اللى بيقولوا عليهم جميلات مارلين مونرو اخ شاف

صورتها بعد 6 ساعات من موتها بيقول ما بطيقش

اسمع اسمها من يوميها بعد 6 ساعات بس من موتها

ديانا اسبنسر اللى كانت وهى مع دودى تحت النفق 5000 مصور قاعدين يصوروها اول ما ماتت ولا

واحد منهم لقت لها صوره واحده خلاص معدش ليها

قيمه اول ما ماتت بس بقى وشها ملوش قيمه مش بعد اسبوع

[فريق عمل زاد الداعية]

رد: يوميات شاب تائب►تابعونا◄

الحلقة السابعة والثلاثون

طيب ولو بعد 10 ايام : لو فتحنا بعد عشر ايام على

دكتور فلان وباشمهندس فلان بتلاقى كل حاجه بتبدأ

تفرقع البطن تبدأ تنفجر بعد ما تتنفخ يعنى يا جماعه

والعياذ بالله كلام قاصى ولكن هى دى الحقيقه

الأعضاء التناسليه بتبدأ تنفجر برضه بعد ما بتتنفخ

كل حاجه فى الجسم لو فيه اكل فى المعده لسه يبدأ

يترجع لو فى اى فضالات تبدأ تخرج تخيلوا المنظر

بيبقى شكله ايه تخيلوا منظر البنى ادم اللى كان ما

يمشيش الا وهو فى قمة الايافه والشياكه تخيلوا منظره

ساعتها يبقى شكله ايه ؟


لو بعد 14 يوم بعد اسبوعين فتحنا على يعنى اى

واحده كان اى حد بيهيم بيها حبا فى حياته كلها

هيفاجأ ان الشعر وقع والضوافر وقعت الشعر بقه

للرجاله والستات بقه تخيلى شعر راسك اللى ياما

اتعمل عند الكوافير وياما اتعملوا حمامات شعر تخيل

السوالف اللى كانت بتتعمل لما الشعر يتعمل يعنى

خدلى شعرى درجه اتنين بس خد بالك من السوالف

السكسوكه الدوجلاس تبدأ تقع كل حاجه الحواجب

اللى اتخططت واتنمصت تبدأ تقع كل حاجه تبدأ تقع

الاسنان الجميله اللى كانت بتعمل ضحكه ساحره لما

الاخت تتصور مع الشله بتاعتها اخر الموسم الجامعى

ولا لما الاخت تلبس فستان سواريه وتحضر فى فرح

من الافراح وتتصور وهى بتضحك ضحكه ساحره

كده مع زميلاتها اللى لابسين زيها ولا ولا ولا الاسنان دى تبدأ تقع


لو بعد 15 يوم :فتحنا على الحاكم فلان والملك فلان

والباشا فلان والرئيس فلان هنلاقى الدود بدأ يغطى

جسمه كله وبدأ يظهر الدود ؟ اه والله يا جماعه

عارفين اللى يقولك الدبانه الزرقه مش هتعرفلك سكه

اهى الدبانه الزرقه دى هى بتشم ريحة البنى ادم من


بعد 5 كيلو لو واحد مات توصله وتحفر لو هو


مدفون ومقفول عليه تحفر ممرات تحت الارض لغاية ما

توصل لجثته وتبدأ تبيض البيض والبيض يخرج الدود

لو فتحت تربه فى هذا الوقت تلاقيها مليانه دبان حى

ودبان ميت ودود حى ودود ميت والعياذ بالله بعد 15 يوم دا ده لو فتحنا على الملك فلان ولا الريس

فلان اى حد بقه معدتش فارقه بعد 6 شهور بيتحول هذه المنظومه كلها الى هيكل عظمى لسه متماسك مع

بعضه معدش فيه اى حاجه لو فتحنا على رينالدوا

وروماريو وريفالدوا ورائول الناس اللى كانت ليهم

اجسام دول ياخدوا الملعب ساعتين رايح و جاى بعد سنه واحده بس هتلاقيهم شوية عضم متنتور مفيش

اى علاقه بينه وبين بعضه لو فضيلت لغاية خمسه وعشرين سنه وفتحت على اى حد هتلاقيه بقى بودره قبل ان يتحول الى تراب معدش فيه حاجه بس

غير [عجز الذنب] اللى هما بيسموها فى الطب ال coccyx اللى هو رسول الله صلى الله عليه وسلم

قال هى دى الحته اللى بيبعث منها مرة اخرى عشان كده سيدنا على -رضي الله عنه - مره كان ماسك

اناء ميه كده فجه يرفعه فى بوئه يشرب نظر اليه وقال [ اللهم اعلم كم فيك من عينا كحيل وخدٍ اسيل] يترى انت الكوز بتاعك ده يمكن كان عين واحد

كانت مكحلاها وكانت حلوه اوى ممكن الايد اللى

انا ماسكك منها دى كانت خد بتاع واحد ممكن يا

جماعه مش بيبقى تراب وبعد كده الله اعلم ايه اللى بيحصل الا الشهداء فى سبيل الله سبحانه وتعالى

عشان كده التغيرت اللى احنا قلناها دى كلها ممكن تحصل وممكن متحصلش ممكن تحصل بسرعه جداً


وممكن تبطأ جدا عقبه اب ابى معيض اللى اذى رسول الله صلى الله عليه وسلم فى مكه اللى مره الرسول


وهو ساجد فى الكعبه خنق رسول الله لغاية ما كان هيموت وابو بكر هو اللى دفعه اللى مره ابو جهل قال من يأتينا بجزور بنى فلان يجبلنا الامعاء بتاعتها

يلقيها على محمد وهو ساجد هو اللى قام جابها والقاها على رسول الله صلى الله عليه وسلم لما عقبه

ابن ابى معيض قُتل فى غزوة بدر بيقولك ان هو تعفن فورا لدرجة ان من رحته مقدروش ان هما يشلوه يدفنوه مع الناس ردموا عليه التراب فى المكان اللى

هو فيه فى حين العكس عبد الله ابن حرام لما ابنه بعد اكتر من 15 سنه حوالى 15 سنه من موته جه ينقل القبر بتاعه فى عهد عمر ابن الخطاب يقول فتح القبر

على ابيه فوجده كما هو ويده على اذنه فلما رفع يده سال الدم من اذنه دكتور طب شرعى كان

بيكلمنى ودكتور طب الشرعى ده هما اللى تخصصهم الحاجات دى بيقولى واحد فى جنوب سيناء اتضرب النار وهو ساجد كان بيصلى وهو ساجد اتضرب بالنار بيقول اتأخروا 3 ايام يعنى 3 ايام دول يعنى

خلاص المفروض الجثه بيبقى نصها اتحلل اتأخروا 3 ايام فى نقله لغاية المكان اللى هو هيتشرح فيه عشان

يعرفوا الملابسات الجنائيه للحادث بيقول اتنقل وكان فى الصيف يعنى الكلام ده بيبقى اسرع والاحداث دى اسرع بيقول نقل كما هو دون ان يتغير منه اى شئ يبقى ممكن الحاجات دى تزيد وممكن الحاجات

دى تقل انا بقول كده ليه ؟ زى ما قولتلكوا يا جماعه اصل الجسد احنا مهتمين بيه اوى اوى اوى لسه هنتكلم الوقتى الروح بيحصل لها ايه بقه عشان نعرف ان جسمك وكل ده بيحصله شوف روحك

بيحصلها ايه عشان بعد كده تكرر انت هتهتم بدى ولا بدى؟ انت هتعيش حياتك عشان تشبع رغبات مين ؟ وتشبع ملذات مين وشهوات مين ؟ وتشتغل عشان تصلح مين فى الاتنين ؟ قبل ان يأكلك الدود

لازم كل واحد منا ينتبه انت ربنا خلق عينك فى احسن تقويم وايدك فى احسن تقويم ورجلك فى احسن تقويم وكل عضو من اعضاءك لما بتدخل القبر

كل عضو من اعضاءك بيبقى فى اسفل سافلين ليه ؟ عشان ربنا يعرفنا ايه هى قيمة الجسد اللى احنا

عايشين عشانه كل الدنيا دى .

[فريق عمل زاد الداعية]

رد: يوميات شاب تائب►تابعونا◄

الحلقة الثامنة والثلاثون

وصل عمرو للمستشفي
وذهب معهم لدفن أحمد
وأثناء وضع أحمد في القبر نظر عمرو الي أحمد
ياااه يا احمد خلاص سبت الدنيا وسافرت سفرك الأخير
مش معاك غير الكفن يا الله
لو انا مكانك دلوقتي كان الكفن اتكلم وقال إيه
وتذكر شريط ماذا لو تكلم الكفن
وتخيل انه مكان أحمد وانه داخل القبر الآن وتذكر ما قاله الشيخ



الناس اللى مش مصدقه اللى بيحصل داخل القبور يقولك يا عم عذاب قبر ايه ونعيم قبر ايه واللى بيحصل داخل القبر

يا جماعه والله اللى ما يصدق الكلام ده مجنون مجنون لان كل كلمه من الكلام ده عليها الف دليل ومجنون لانه هيضيع نفسه لو جيت قلتلك فى اسد هيجي اسد يا عم اسد مين اللى يخرج من جنينة الحيوانات يا بنى فى اسد والله العظيم يا عم اسد ايه اللى يمشى فى الاسفلت مع الشارع هتفضل فى مكانك لغاية ما تسمع الزئير بتاعه يبقى اذن يا جماعه اللى ما يصدقش الكلام ده يبقى هو اللى بيجنى على نفسه فى الوقت اللى جسدك فيه شوف بيحصله كل ايه كل ده بيحصل للجسد شوف الروح بيحصلها ايه بقه شوف فى الوقت ده روحك بيحصلها ايه شوف رسول الله صلى الله عليه وسلم وهو بيقول فى حديث البراء ابن عذب من اروع احاديث رسول الله صلى الله عليه وسلم بيقولك " ان المرء اذا كان فى انقطاع من الدنيا واقبال من الآخره [انقطاع انقطاع يعنى ايه ؟ عارف لما الكهربه تتقطع فجأه اهو انت بالظبط كده فجأه نازل من بيتك رايح محلك رايح شغلك رايح جمعتك رايح دراستك مسافر نازل البحر فى المصيف مسافر مع واحد صاحبك على الطريق وفاتحين على الرابع فجأه تنزل ملايكه ورا ملايكه وراهم ملك الموت ايه ده انتوا عايزين منى ايه؟ روحك . ليه؟ لمقابلة الملك سبحانه وتعالى عشان رايح الى الله تخيل فجأه ان المرء اذا كان فى انقطاع من الدنيا ايوه لازم تصدق ان هيجى اليوم اللى هتتقطع صلتك فيه بكل شئ من اشياء الدنيا انت مرتبط بيه هيتقطع صلتك بأحبابك واهلك وجيرانك ومراتك وولادك ودراستك وشغلك هيتقطع صلتك بالمسجد اللى كنت بتصلى فيه وهيتقطع صلتك بالمكان اللى كنت بتتفسح فيه ]



اتاه ملائكة بيض الوجوه وجوههم كالشمس [ الله أكبر انا عايزك تعيش بقلبك مع الحديث ده وانا بقرأه حسيت بنبهار كل كلمه من كلماته تجيب انبهار وشهم كالشمس الرسول بيقول ] فيجلسون منه مد البصر [ يا جماعه انتوا تخيلوا كده وانت بتموت كده معنتش دارى باللى حواليك وفجأه تلاقى الدنيا بتنور دا لو شمس واحده طلعت شوف تنور ايه تخيل بقه مئات الشموس او الاف الشموس تخيل النور اللى بدأ يطلع عليك ] معهم حنوط من حنوط الجنه وكفن من كفن الجنه [ يعنى ايه ؟ يعنى معاهم لبس من لبس الجنه وعطر من عطر الجنه ليه ؟ اصل انت طالع تقابل الملك انت فى رحله الى الله دلوقتى ينفع دا انت لسه خارج من سجن مش الدنيا دى سجن الدنيا سجن المؤمن ينفع تروح تقابل الملك بلبس السجن ما ينفعش لازم تطلع تقابل الملك بلبس بقه ايه يليق بجلال الملك فيحضرولك اللبس ده عشان كده حنظله غسيل الملائكه ليه غسلوه اصل هيطلع يقابل الملك لازم يقابل الملك وهو طاهر عشان كده يبدأوا الملايكه يحضرولك دول فيجلسون منك مد البصر تخيل بقى وانت بتموت دلوقتى وانت بتبص قدامك كده خلاص انت معنتش شايف اللى حواليك من البشر بتبص لقيت المنظر الرهيب ده قلبك هيجيى فيه اطمئنان قد ايه وفرح قد ايه ؟ ]



ثم يأتى ملك الموت فيجلس عند رأسه [ طب ملك الموت ما بيجيش فى الاول ليه ؟ عشان ملك الموت ده منظره فظيع يروى فى الأثر ان منظره بس للى يشوفه اشد من الف ضربه بالسيف فتخيل لو ملك الموت اللى جالك فى الاول هتترعب رحمة ربنا وحب ربنا ليك يجبلك الملايكه المنوره دى الاول ] فيجلس ملك الموت عند رأسه ويقول أخرجي أيتها الروح الطيبه إلى مغفرة من الله ورضوان [اعلان النتيجه بقى ملك الموت بيعلنلك النتيجه من اولها عشان تبقى مطمن وفرحان ] فتخرج روح المؤمن تسيل كما تسيل القطره من فيي السقاء [ زى ما نقطة ميه تنزل كده الله دا ايه السهوله واليسر ده ] فلا يدعونها في يده طرفة عين [ من شدة حبهم ليك مايسبوش روحك طرفة عين ما بين ايده انا عيزك تحس ان روحك دلوقتى هى اللى بنتكلم عنها هى اللى بيحصلها ده ما يسبوش روحك ولا لحظه ويقوموا ماسكينها حطينها فى الحنوط بتاع الجنه ومكفنينها فى الكفن بتاع الجنة للتعطير واللبس] ثم يصعدون بها فيخرج منها ريح كأطيب ريح مسك وجدت على وجه الأرض [ايه ريحة ايه ؟ مش ريحة الحنوط ريحة عملك ريحة قيامك ريحة جلسات الضحى بتاعتك ريحة بكاءك فى السجود ] فيخرج منها هذه الريح الطيبه فكلما مروا على ملأ من الملائكه [ انت بتطلع دلوقتى اهوه بقه ] قالت الملائكه ما هذا الروح الطيب قالوا انها روح فلان ابن فلان بأحب أسمائك [دا روح محمد دا روح أحمد دا روح أقول ايه بس روح حازم شومان يارب دا روح فلان ابن فلان] فكلما مروا على ملأ من الملائكه الملايكه تسألهم ويردوا بأحب اسم ليك فى الدنيا[ فبعد كده] فإذا وصلوا إلى السماء الدنيا يستفتحوا له [ افتحوا لفلان ابن فلان ] فإذا كان مؤمن [ انت الوقتى عبد مؤمن اهوه ان شاء الله ] فيفتح له ثم يشيعه مقربوا كل سماء


[كل سما الملايكه المقربه بتاعتها من فرحها بيك تنضم للموكب تطلع السما التانيه ينضم للموكب اكتر كل ما تطلع الزفه بتزيد اكتر والاحتفال بيزيد اكتر والانوار بتزيد اكتر حتى تصل إلى السماء السابعه قربت من الملك فيقول الله سبحانه وتعالى اكتبوا كتاب عبدى فى علييييين الله الله لما ربنا يقول عليك كده تخيلوا احد السلف وهو بيموت فضحك فقالوا له مما تضحك ؟ قال إلى اين انا ذاهب ؟ قالوا الى الله قال و كيف لا اضحك و انا ذاهب الى الذى لا ارى الخير الا بين يديه ماضحكش ازاى مفرحش ازاى اكتبوا كتاب عبدى فى لوحة الشرف بتاعة البشرية فى عليين ] ثم انزلوه الى الارض فمنها خلقتهم و فيها اعيدهم و منها اخرجهم تارة اخرى [فتنزل تانى للقبر بتاعك ]فيأتى لك ملكان فى قبرك فيجلسانك [ يجلسانى ازاى يا عم الشيخ مينفعش الكلام ده كلام جميل و روحانى و جميل يعنى ازاى يعنى مبنشوفش حد بيقعد يا ابنى يا ابنى هو الوقتى انا لو جبت راديو و فتحته مش هييجى صوت قرآن هييجى ولا لأ هييجى لو قلبت هييجى صوت اغانى قلبت هييجى مسرحية الاصوات دى كانت فين يا جماعة موجودة بس انت الالة بتاعتك ودانك متعرفش تلقطها لازم الة تانية عشان تلقطها يبقى لو انت مش سامع يبقى الصوت مش موجود مين اللى قال كدة طب انا مش شايف الا هو انت لو مسكت ريموت و فتحت بيه عربية او فتحت بيه كاسيت هو انت شوفت الحاجة اللى فتحت العربية يا ابنى يقينا فى حاجة طب انا مشوفتهاش ليه؟ لان الجهاز اللى معاك اللى هو عينيك ميعرفش يجيبه يبقى مش كل حاجة انت مش شايفها مش موجودة