Tweet
رد: رايحين فين يا بناااااات !!!
جزاكِ الله كل خير
قصة شيقة منتظرينك
قصة شيقة منتظرينك
-
{إِنَّمَا تَقْضِي هَذِهِ الْحَيَاةَ الدُّنْيَا}[طه72:] -
رد: رايحين فين يا بناااااات !!!
جزاكم الله كل خير وجمعنا فى الفردوس الاعلى إن شاء الله
انا بنقل القصه من كتاب
بس الكتاب باللغه العربيه طبعا
انا بحولها للغه العاميه عشان توصل ببساطه للبنات
اتفضلى طبعا حبيبتى انقليها براحتك
ومعلش على تاخيرى على بقيت القصه
تعليق
-
رد: رايحين فين يا بناااااات !!!
(( يالى ظلمتو الحب وقلتو عليه مش عارف إيه ))
إزيك يا ست الكل شفتى بدلعك إزاى؟
وحشانى والله وعارفه إنك مستنيانى من بدرى عشان تكملينى...
بس غصب عنى ظروفى منعتنى....
المهم...
طبعا ًإنتى دلوقتى بتتريقى عليا وبتقولى أهو بيغنى أهو...
رايق حضرتك ولا على بالك الى أنا فيه...
هقلك لأ أنا مش رايق ده إنتى اكتر واحده على بالى من خوفى عليها...
على العموم ياستى مش هطول عليكى تعالى نشوف إيه حكايه الأغنيه دى...
ونشوف مريم وليلي عملو إيه مع بعض....
ليلي وهى متنرفزه:
يامريم إنتى متعرفيش حاجه عن الحب ولا العواطف عشان إنتى مجربتيش
وبعدين إحنا واثقين من نفسنا وفى حدود فى التعامل بينه وبينى
وإحنا حبنا مش زى اى حد لأن حبنا برئ وطاهر....
ومستحيل نقع فى الحرام وإحنا مش بنعمل حاجه غلط يعنى ده الحب لاهو عيب ولاهو حرام..
مريم بكل هدوء:
ياليلي كل علماء الدين قالوا إن الصحوبيه بين الراجل والست حتى لو كانت بنية الحب الطاهر...
أو بنية الزواج , حرااام
ليلي:
الحب حرام لو إحنا بنعمل حاجه حرام , وإحنا مش بنعمل حاجه حرام
مريم:
الشاب ده ممكن يلمسك او يمسك إيديك والرسول صلى الله عليه وسلم قال:
((لأن يطعن فى رأس احدكم بمخيط من حديد خير له من أن يمس امرأة لا تحل له))
ليلي:
خلاص ياست مريم مش هيلمسنى ولا هلمسه ...
مش هنقول لبعض غير كلام الحب وبس
مريم:
كلام الحب الى إنتى بتقوليه للشاب ده حرام..
لأن ربنا سبحانه وتعالى قال:((فلا تخضعن بالقول))
والآية دى معناها يعنى اى ست او بنت متتكلمش كلام فى رقة أو لين..
يعنى مترققيش صوتك وانتى بتتكلمى مع حد حتى لو كان البياع ولا السواق
وطبعا ًمتتكلميش بتلطف مع الرجال الغرباء والشاب ده غريب عنك...
عشان كده كلام الحب قبل الجواز لا يجوز
ليلي:
خلاص بأه مش هنقول كلام حب كفايا علينا نظرة العين وبس..
نبص لبعض بعنينا وبس
مريم:
مجرد نظراتك ليه ولو كانت خالية من اى مشاعر لا تجوز مبالك بأه...
بالنظره الى مليانه شهوة وحب
وبعدين ربنا سبحانه وتعالى قال((وقل للمؤمنات يغضضن من أبصارهن))
وكمان نظارته هو ليكى او لأى واحده تانيه لا تجوز لازم يغض من بصره
ليلي:
بس إحنا بنتقابل قدام الناس ومستحيل أروح معاه مكان لوحدنا...
كمان ماما عارفه إن إحنا مرتبطين وهو ولد مؤدب وابن حلال
وبعدين ياستى علاقات الحب حرام لو إحنا نيتنا مش كويسة ...
بس إحنا نيتنا سليمة الحمدلله وحبنا حب عفيف وطاهر...
وهو فيه إيه لما أصاحب شاب من غير ما نعمل حاجة غلط وتكون نيته إنه هيتجوزنى؟؟؟!!
مريم:
ربنا يامريم حكم علينا وأمرنا إن كل العلاقات بي الرجال والستات حرااام
ليلي:
خلاص يامريم مش هقابله هنتكلم فى التليفون بس...
أو على التشات (اساس كل المصايب)
مريم:
أصلا ًمينفعش تكلمى راجل غريب عنك إلا للضرورة...
اه الإسلام بيحس على الحب وبيدعى للحب بس بشروط....
للزوج والزوجة بسسسسس
ليلي:
إحنا علاقتنا دى اخرتها الجواز وإحنا متفقين إنه يتقدملى بعد ما يتخرج....
وهو فاضله سنتين بس ويتخرج
مريم:
سيبيه لحد ما تعدى السنتين دول واقطعى علاقتك بيه...
ولو هو بيحبك فعلا زى ما بتقولى هيجى بعد السنتين دول يخطبك
ليلي وهى تبكى:
أرجوكى يامريم قولى اى حاجه غير إنى اسيبه...
انا متأكده إنك مش حاسه بيا ولا إنى بحبه
مريم تمسح دموع ليلي وتمسك بيدها:
والله العظيم انا حاسه بيكى ياليلي...
بس ده أختبار من ربنا ليكى عشان يختبر فيه مدى طاعتك لأوامره
أنا عارفه إنه قرار صعب بس لازم تسيبه لأن ربنا امرك بكده...
وربنا سبحانه وتعالى يعلم مصلحتك اكتر من نفسك ده هو الى خلقك ويعلمك اكتر من نفسك
إنتى مين بتحبيه أكتر؟؟؟
ربنا
ولا
فارس الأحلام
ولسه بتقولى مش هقدر أسيبه؟؟
إنتى بتحبى الشاب ده اكتر من ربنا؟؟؟؟!!!!
ليلي:
لأ أنا بحب ربنا اكتر بس انا يستحيل أسيب الشاب ده...
ده هو بالنسبالى روحى ولما بيغيب عنى بحس إن قلبى مش معايا...
مش هقدر أسيبه خلاص مش هقدر أعيش من غيره...
دا هو كل حاجة حلوه فى حياتى
مريم:
دى مشاعر جميلة أوى أوى....
بس للأسف هتندمى عليها وإنتى واقفه امام رب العالمين يوم القيامة ...
ومش هينفعك الشاب ده ساعتها
ليلي:
يامريم أصل مفيش حد بيتجوز من غير ميكون بيحب الى هيتجوزها قبل الجواز
مريم:
ياليلي أفهمينى أنا مش بقلك متحبيش الإنسان الى إنتى هتتجوزيه...
بس الحب للإنسان الى هيتقدملك فى بيتك وإنتى معززة ومكرمة...
مش ينفرد بيكى بعيد عن اهلك ويلمسك وتلمسيه وتقولو كلام حب.....
هو إنتى مش متفقه معايا إن ربنا سبحانه وتعالى كل الى بيأمرنا بيه فى مصلحتنا....
ومفيش حاجه ربنا امرنا بيها فيها ضرر لينا...
لأن ربنا عارف مصلحتك أكتر من نفسك ....صح؟؟
ليلي:
صح
مريم:
ماشى ياستى وربنا حرم العلاقات دى قبل الجواز....
يبأه أكيد فيها ضرر لينا..
ولو كان فيها مصلحة واحده بس لينا ربنا مكنش حرمها علينا....
بس عشان هى كلها ضرر لينا وربنا سبحانه وتعالى بيخاف علينا وبيحبنا فحرم العلاقة دى علينا قبل الجواز
((لسة فكراها لعبة))
عاوزة تعرفى ليلي عملت إيه ...
وسابت الشاب ده ولا فضلت معاه...
وهل سمعت نصيحة مريم ولا لأ....
كملى معايا وإنتى تعرفى...
يتبع إن شاء الله مع آخر جزء من الحلقة الأولى ((لسه فكراها لعبة))تعليق
-
رد: رايحين فين يا بناااااات !!!
جزاكِ الله كل خير
منتظرينك{إِنَّمَا تَقْضِي هَذِهِ الْحَيَاةَ الدُّنْيَا}[طه72:]تعليق
-
رد: رايحين فين يا بناااااات !!!
بجد قصه جميله جزاكم الله خيرا وجعله فى ميزان حسناتكمالتعديل الأخير تم بواسطة جارة فاطمة; الساعة 19-08-2012, 11:29 AM.
تعليق
-
رد: رايحين فين يا بناااااات !!!
((لسه فكراها لعبه ))
والله وحشانى وعارفه إنى غبت عليكى كتييييير...
وطولت عليكى أوى كمان....
وعارفه إنك مستنيانى وعاوزه تعرفى إيه الى حصل....
معلش متزعليش بس المهم ها فكرتى....
فكرتى ليلي هتسيب الشاب ده ولا لأ....
وفكرتى إنتى كمان تسيبى الشاب الى مرتبطه بيه...
متهيألى ملكيش حجة بأه بعد كده...
يوم متسمعيش الكلام متلوميش إلا نفسك....
كلنا بنحبك وبننصحك لازم تبعدى عن الشاب الى إنتى بتكلميه ده...
لو عاوزه تدخلى الجنة....
أصبرى ولكى الجنة,,أصبرى على الفتن ولكى الجنة...
على العموم ياستى مش هطول عليكى تعالى نشوف ليلي عملت إيه؟
ليلي:
إحنا بنحب بعض من وحنا صغيرين معقول حبنا يضيع كده بسهولة!!!
مريم:
يابنت الناااااااس....يضيع حبكم أحسن ما تضيعو أنتو الاتنين فى جهنم
ليلي:
بس أنا لو سبته ممكن ينتحر من شدة حبه ليه...وأنا خايفه عليه
مريم وهى مبتسمه:
يااااااااااااه .....
ده انتى طيبه أوى أوى يا ليلي
على فكرة ياليلي...
الشاب ده يوم القيامة هيعلن برآته منك وكراهيته ليكى يوم القيامة
لأن الله تعالى قال((إذ تبرأ الذين اتبعوا من الذين أتبعوا ورأوا العذاب))
على فكرة....
الشاب ده هيتمنى إنك تدخلى مكانه يوم القيامة وهينقلب ليكى عدو...
لأن الله تعالى قال((الأخلاء يومئذ بعضهم لبعض عدو إلا المتقين))
يابنتى إنتى مصممة تحبى واحد يوم القيامة هيكون بيكرهك كره العمى
بالله عليكى ياليلي فوقى قبل فوات الأوان..
ليلي :
والله عندك حق يامريم خلاص أنا قررت أتووووب...
وأقتنعت بكلامك إنتى فعلا ًبتتكلمى صح 100%
مريم بكل فرحه:
الحمدلله...
وربنا يثبتك ويرزقك بالزوج الصالح
ليلي مترددة:
بس أنا مش عارفه اعمل إيه مع الشاب ده؟؟
مريم:
خلاص إيه رأيك نكمل كلامنا بعد مانروح نصلى المغرب فى الجامع...
لأن المغرب بدأ وكمان أنا متفقه أنا وهدى نتقابل هناك على صلاة العشاء...
نحضر محاضرة دينيه للشيخ..
ليلي وهى مبتسمه:
ماشى موافقه...
يلا بينا على بيت ربنا يامريم
مين هدى دى الى طلعت فى القصة فجأة ...
وإيه الى هيحصل بعد صلاة المغرب ...
عاوزه تعرفى كملى معايا...
الحلقة الثانية
فيرووووس السيئااااااااات
هنتقابل هنا مع بنتين جداد ...
هدى
و
هيفاء
ياترى إيه الى هيحصل بينهم...
كملى معايا
يتبع إن شاء اللهتعليق
-
رد: رايحين فين يا بناااااات !!!
الحلقة الثانيةفيروووس السيئاتطبعا ًهتقوليلي ياااااه أنت لسه فاكر ...انا افتكرتك نسيتنى...هقلك معلش البيوت فيها مشاكل ...وحقك عليا مش هتأخر عليكى تانى...تعالى نكمل سوا حكاية...هيفاءوهدىهيفاء:إنتى رايحة فين!!!؟؟؟هدى:أنا رايحة أقابل مريم صاحبتى عشان إحنا متفقين نحضر درس دينى فى المسجدبعد صلاة العشاء ,وإنتى رايحة فين؟؟هيفاء:أنا رايحة أقابل صاحبتى رولا عشان متفقين نروح السينما...علشان نتفرج على فيلم كوميدى يموت من الضحك....هدى:هو إنتى سعيدة فى حياتك ياهيفاءهيفاء((بعد تفكير)):لأ مش دايما ً...مع إنى بعمل كل حاجة ممكن تسعدنى...بس سعات كتييييييير أوى بحس إنتى مضايقة ومخنوقة ومش طايقة نفسىهدى((مبتسمة)):طيب إيه رأيك نعمل رحلة سعيدة مع بعض؟؟هيفاء((مندهشة)):رحلة؟؟؟!!!على فين؟؟؟!!هدى :رحلة إلى أرض السعادة الجنةهيفاء:ممكن توصفيلي لو أنا دخلت الجنة هيكون إحساسى إيه؟؟هدى:مع أول لحظة من دخولك الجنة هتنسى كل أحزانك وهمومك...وهتحسى بسعادة وراحه عمرك مهتحسى بيهابوفية مفتوح ((الجنة))هيفاء:هو فى الجنة فى أكل جميل؟؟هدى :هتلاقى فى الجنة كل الطعام الجميل والشهى ...وكل الى نفسك فيه من لحم وطيور وفاكهه وغيره هتلاقيه فى الجنه...بدون سعر وبدون تعب كل الى عليكى إنك تتمنى...والحاجة هتكون عندك ....بس ده طبعا ً فى الجنة بس(( خدمة توصيل الطلبات فى الجنة))هيفاء:طيب هو أنا الى هحضر الأكل بنفسى واطبخة بنفسى ولا أتعب فيه؟؟؟هدى:ياهيفاء ...إنتى ساعتها هتكونى ملكة من ملكات الجنة ...وعشان كدة الأكل هيجى لحد عندك من غير تعب...ولو أتمنيتى أى حاجة فى الجنة هتلاقيها...ومش كده وبس لأ...هتلاقى كمان أطفال صغيرين هما الى هيوصلولك الأكل لحد عندك والشرب كمان...زى ما ربنا سبحانه وتعالى قال فى سورة الواقعة...((يطوف عليهم ولدان مخلدون بأكواب وأباريق وكأس من معين))((أرض الجمال الجنة ))هيفاء:هو انا هكون جميلة لما أدخل الجنة؟؟؟هدى:هتكونى فى قمة الحسن والجماااااااااال...ورسول الله صلى الله عليه وسلم قال:((لو أطلعت إمرأة من اهل الجنة على الأرض لملئت بين السماوات والأرض بنورها وريحها الطيبة))وهتدخلى الجنة وإنتى فى سن الشباب...يعنى مش هتكبرى فيها ولا هتكونى عجوزة.....وربنا سبحانه وتعالى هيجعل فى جسمك من المحاسن والجمال ما لا تتخيليه((أرض الحب الحقيقى الجنة))وهتعيشى مع جوزك من اهل الجنة فى حب وفرح ومرح....والسعادة والمودة...ولن تصابى بملل أو تعب...لا هتكونى فى نعيم دائم إلى الابد...((أرض المتعة والمناظر الرائعة الجنة))وفى الجنة أنهااااااااااار كثيرة ومتنوعة.....من مختلف المشروبات الجميلة...كما قال الله عز وجل فى سورة محمدولو إنتى نفسك تعومى فى الأنهار دى مع جوزك ....أعملى يا ستى الى نفسك فيه...لأن الأنهار دى ليكى مخصوص إنتى وجوزك فى الجنة...وكل واحد منا ليه انهار مخصوص...اوعى تنسى ورانا حجات تانيه كتيييييييير فى الجنة..ولسه هنكمل رحلتنا داخل الجنة سوا...ونشوف جمال وحلاوة الجنة....يتبع إن شاء اللهتعليق
-
رد: رايحين فين يا بناااااات !!!
جزاكى الله خيرا
بانتظار التكملة- يارب أصلح لى قلبى وارض عنى وردنى إليك رداجميلا
تعليق
-
رد: رايحين فين يا بناااااات !!!
جزاكى الله خيراعلى ها القصة الممتعة ننتظر الباقية
تعليق
-
رد: رايحين فين يا بناااااات !!!
اختى قصة فى غاية الرووووعة
لا تتأخرى عليناالتعديل الأخير تم بواسطة جارة فاطمة; الساعة 19-08-2012, 11:42 AM.
تعليق
-
رد: رايحين فين يا بناااااات !!!
اختى اتمنى ان تكملى لنا القصة لانها راائعة
جزاكِ الله خيراًالتعديل الأخير تم بواسطة جارة فاطمة; الساعة 19-08-2012, 11:47 AM.تعليق
-
رد: رايحين فين يا بناااااات !!!
كل سنة وانتى طيبه والسنه الى جاية يارب
تكونى فى احسن حال مع الله
طبعا خدنا اجازه كبيرة طول شهر رمضان
وكانت فرصة كبيرة ليكى انك تقربى من ربنا
اكيد حاولتى انك تصلى التراويح والتهجد واكيد قرأتى قرآن كتير
الحمدلله على النعم دى كلها
طيب رب رمضان هو رب كل الشهور ورب كل شئ
يبقى عوزين سوا إن شاء الله نحاول نحافظ ونستمر على الحجات الجميلة دى كلها
طبعاً انتى فاكرة قصة مريم وليلي وأنفلونزا الحب والحمدلله
ليلي قالت إنها هتوب لربنا وتسيب الشاب الى كانت تعرفه
ودخلنا فى قصة هيفاء وهدى مع فيروس السيئات
تعالى يلا نكمل مع بعض حصل إيه...
أرض النعيم والرفاهية((الجنة))
هيفاء:
وإحنا هنعيش فين فى الجنة؟
هدى:
فى قصور من اللؤلؤ والفضة والدهب وبساتين فى غاية الجمال
هيفاء:
وهنلبس إيه فى الجنة؟
هدى:
ملابس من الحرير والاستبرق والأساور والجواهر والحجات الجميلة دى
يا هيفاء...
ربنا سبحانه وتعالى بيعرض عليكى كل النعيم والجمال ده مقابل حجات بسيطة جداً...
إنك تبعدى عن المعاصى وتنتظمى على الطاعات وفعل الخير ...
ها مستعدة تقبلى العرض ده؟؟
هيفاء:
ياااااه كل النعيم ده لأهل الجنة!!!
هدى:
إنتى لسه شفتى حاجة...
والله العظيم فيها ما لا عين رأت ولا أزن سمعت ولا خطر على قلب بشر...
بس خلى بالك...
إنتى لو متبتيش لربنا دلوقتى وكانت توبة صادقة ربنا سبحانه وتعالى ممكن
يحرمك من كل النعيم ده لأن الجنة سلعة غالية ..
ها تقدرى تدفعى تمنها؟؟؟
هيفاء:
وإيه هو تمن الجنة؟؟
هدى:
ثمنها الوحيد..
هو طاعة الله وعبادته..
إنتى بأه عملتى إيه عشان تدخلى الجنة..
هو إنتى بتطيعى أمر ربنا؟؟؟
هو إنتى بتعبدى ربنا بجد؟؟
هيفاء:
بصراحة لأ
هدى:
بالله عليكى....
اقعدى مع نفسك بجد وحاسبى نفسك ....
وقوليلها هتستفيدى إيه من الى بتعمليه ده إنتى عاوزة تودينى على فين يا نفسى...
عاوزه تودينى جهنم...
وحاسبى نفسك قبل ما ربنا يحاسبك
هيفاء:
لكن ربنا غفور رحيم هيغفرلى كل خطايا والمعاصى
هدى:
ربنا سبحانه وتعالى بيغفر للى بيعترف بغلطة ويتوب لية...
لكن الى بيتمادى فى المعاصى ده مصيرة النار...
وربنا غفور رحيم
((كفاية سيئات))
لو بتحبى ربنا إرجعى لية وتوبى لية وافتحى صفحة جديدة معاه....
جربى تقربى من ربنا بقلبك بجد...
جربى تبعدى عن كل حاجة ربنا مش بيحبها....
والله العظيم الحياة من غير عبادة ربنا ملهاش اى طعم ولا فيها أى سعادة...
فكرى كده فى ملك الموت لو جه يقبض روحك وانتى على معصية هتعملى إيه...
هتعملى إيه فى القبر وساعتها مفيش حد هينفعك...
كلهم هيسبوكى ويمشو محدش هينزل معاكى محدش هيقدر يمنع عنك اى حاجه....
إلا عملك الصالح
والله العظيم يا أختى الحبيبة ربنا بيحبك اوى..
بتقولى إزاى بيحبنى وانا بعمل معاصى وسيئات...
هقلك اه بيحبك لأنه خلاكى تفتحى الموضوع ده وتقريه وفى ملاين بنات غيرك مقرتهوش....صح
خلاكى تدخلى المنتدى ده وتتعرفى على حجات فى الدين...
وفى ملاين بنات غيرك مش بتدخل المنتدى...
خلاكى تكملى معايا الموضوع عشان تقربى منه...
وفى ملاين بنات غيرك مكملتش ...صح
معنى كده إن ربنا سبحانه وتعالى اختارك إنتى ...
عارفه يعنى إيه أختارك قوليها لنفسك كده ربنا اخترنى أنا أنا...
انا الى برتكب معاصى وسيئات يخترنى انا ...
يباه اكيد عايزك تتوبى لية وترجعى لية وتبعدى عن السيئات...
شفتى اد إيه ربنا بيحبك لأنه اصطفاكى إنتى عن أى بنت تانية...
انا لو منك اول معرف كده اول حاجه هعملها اقوم اصلى ركعتين شكر لله...
شكر لله إنو اصطفانى عن بنات كتير واختارنى
اللهم لك الحمد كما ينبغى لجلال وجهك وعظيم سلطانك
اللهم إجعل عملى لوجهك خالصا
أدعولى يا بنات معاكو بالأخلاص
إن شاء الله هنكمل بس المره الى جاية مع...
^
^
^
^
^
((مشاهد الجحيم))تعليق
-
رد: رايحين فين يا بناااااات !!!
جزيت الجنه اختى على هذا المجهود الطيب
تعليق
-
رد: رايحين فين يا بناااااات !!!
إيه أخبارك إن شاء الله تكونى فى أحسن حال مع الله....
وإن شاء الله تكونى كل يوم فى طاعة زيادة وتقرب أكتر الى الله
يلا نكمل موضوعنا....
((مشاهد الجحيم))
عوزاكى تتخيلى معايا بنت كانت بتعصى ربنا وماتت على معصية وقامت عليها القيامة....
وشاء الله عز وجل إنها تدخل النار ....
والتفت الملائكة حولها من كل ناحية وسحبوها فى نار السعير فى جهنم ((اللهم أجرنا من النار))
تعالى نتخيل مع بعض انا وانتى إن البنت دى ممكن تكون أنا أو إنتى لقدر الله...
تعالى نشوف إيه الى هيحصلها فى جهنم
((بيت الرعب))
هدى:
والبنت دى هتتفاجئ بحيوانات متوحشة ضخمه زى العقارب والحيات...
وتلدغ البنت دى وتحس بوجع اللدغة لمدة 40 سنة..
قال رسول الله صلى الله عليه وسلم:
((إن فى النار حيات أمثال أعناق البخت,وإن فيها لعقارب كالبغال الموكفة يلسعن اللسعة فيجد حموتها أربعين خريفاً))
ياترى لو البنت دى انا ولا إنتى كنا هنعمل إيه...
((محاولة فاشلة للهروب))
هدى:
وتحاول البنت دى إنها تهرب بس هتتفاجئ بالملائكة بتضربها من مقامع من حديد على جسمها ورأسها....
قال الله تعالى:
((ولهم مقامع من حديد كلما أرادوا أن يخرجوا منها من غم أعيدوا فيها ))
((أرض الجوع والعطش))
هدى:
والبنت دى أكيد طبعاً هتجوع بس مش هتلاقى غير الشوك عشان تاكله...
قال الله تعالى :
((ليس لهم طعام إلا من ضريع))
والأكل فى النار طعمه خبيث ورحته نتنه وشكله قبيح ...
وهو مشتعل شديد السخونية بس هى هتاكل منه عشان مفيش غيره...
وأكيد البنت دى هتعطش بس مش هتلاقى غير الزيت المغلى ....
والدماء والقيح والصديد.....
قال الله تعالى :
((ويسقى من ماءٍ صديد))
تعالى نتخيل سوا لو البنت دى كانت أنا ولا إنتى كان إيه الى ممكن يحصل....
((أرض الحرارة المحرقة))
هدى:
ولما تشرب البنت دى من الزيت المغلى والحجات الى فاتت ....
هينصهر كل شئ فى بطنها وجلدها كمان هينصهر...
قال الله تعالى:
((يصهر به ما فى بطونهم والجلود))
ومش كده وبس لأ فى تانى....
وهتيجى الملائكة وتصب على وش البنت دى ماء مغلى فيتشوى وجهها وهيتساقط لحم جسمها فى النار....
قال الله تعالى:
((يغاثوا بماءٍ كالمهل يشوى الوجوه))
وتصبح كالهيكل العظيمى وترجع مرة تانية بشحمها ولحمها....
وترجع للألم تانى من الأول
قال الله تعالى:
((كلما نضجت جلودهم بدلناهم جلوداً غيرها))
مش ممكن تكون البنت دى أنا أو انتى...
((أرض التعاسة))
هدى:
وكل الناس الى هيعيشوا فى النار كلهم هيكرهوا بعض وهيعيشوا فى شقاء متواصل....
وهيقول أهل النار ياريت كنا أطعنا الله واطعنا الرسول....
قال الله تعالى:
((يوم تقلب وجوههم فى النار يقولون ياليتنا أطعنا الله وأطعنا الرسولا))
يا هيفاء...كل ده لأهل النار لأنهم متبعوش أوامر الله ومتبوش لله....
يا هيفاء....ربنا سبحانه وتعالى بيعرض عليكى النجاة من كل ده ...
مقابل الاعمال الصالحة والبعد عن المعاصى...
ها تقبلى العرض المغرى ده...
وليكى حرية الأختيار ...
بس انا لو مكانك مش هبيع نعيم الجنة ولو بمعصية صغيرة...
((مستنية إيه؟؟؟!!))
هدى:
لازم تفوقى وتعرفى إنك لو متبتيش قبل فوات الاوان هيحصلك كل ده...
ولو تبتى لربنا دلوقتى ربنا سبحانه وتعالى ما أكرمه....
هيتقبل تبتك ومش كده وبس وهيبدل سيئاتك حسنات....
وهيدخلك الجنة إن شاء الله....
يا هيفاء ده ربنا سبحانه وتعالى بيفرح بتوبة العبد ليه...
وإنتى مش عاوزة تفرحى إن ربنا سبحانه وتعالى لسه مديكى فرصة للنجاة لحد دلوقتى.....
هيفاء:
سيئات بسيئات انا كده كده هدخل النار لأن انا عملت سيئات كتير جداً
هدى:
لا ربنا سبحانه وتعالى غفور رحيم ....
اوعى تخلى الشيطان ييأسك من رحمه الله..
يا هيفاء ده ربنا جميل اوى بيحبنا اوى اوى....
وبيخاف علينا اوى...
كام مره سترك فيها وكام مره نجاكى فيها وكام... وكام.... وكام....لاتحصى
اوعى تقولى هتوب بكرة كتير قبلك قالوها وملحقوش بكرة...
انتى متعرفيش امتى هتموتى توبى دلوقتى يمكن تكون دى آخر لحظة فى حياتك....
هيفاء بدأت تفكر فى الخوف من ربنا وفجأة مره واحده انفجرت عياط...
وهدى بتمسح دموع صحبتها وتقلها:
ياهيفاء مضيعيش الفرصة دى من اديكى ربنا بينادى عليكى...
قال الله تعالى:
((وتوبوا إلى الله جميعاً أيها المؤمنون لعلكم تفلحون))
ياترى إيه الى حصل بين هيفاء وهدى....
بكرة إن شاء الله نكمل سوا
تعليق
تعليق