Tweet
مسلسل على فين يابنااااااااات؟؟
كلام من القلب للقلب
يا آنسة ... يا آنسة ... أيوه انتى!!
انا قصدى عليكى إنتى يالى دخلتى وبتفكرى تقرئينى ولا لأ؟
أنا مين ؟ ..
انا الموضوع الى انتى دخلتى فيه ده
بجد انا فرحان جدا ً جدا ً إنك فتحتينى ودخلتينى لأن انا جوايا كلام كتيييييييير أوى لازم تقرئية
لو حضرت قرأتينى مش هاخد من وقتك كتير ... ساعة واحدة بس !!
أنا مين ؟
انا دردشة بسيطة تناسب مشاعرك الرقيقة
أنا مين ؟
انا فضفضة تلائم أحاسيسك المرهفة
انا قصة جميلة جدا ً بين 12 بنت !!
بس مش زى أى قصة!
أنا قصة ممكن تغير حياتك دى كلها !!
بالله عليكى جربى وأقرئينى
مش هتخسرى حاجة
(( الحلقة الأولى ))
(( أنفلونزا الحب ))
مريم:
هو إنتى رايحة فين يا ليلي ؟؟؟!!!
ليلي (مبتسمة):
انا رايحة اشترى قلب أحمر هدية لحبيبى فى عيد الحب (الفالنتين)
أصل أنا معادى معاه النهاردة الساعة 7 على الكورنيش
وبعدها هروح انا وصاحبتى إليسا السينما نتفرج على فيلم (...)
مريم:
وأنا بردو عندى معاد مع حبيبى
ليلى:
بجد ؟؟ .... طب وهتقبلى حبيبك فين ؟؟
على الكورنيش؟؟
مريم:
لأ لأ ... هقابله فى المسجد , ده معاد مقبلتنا السعيدة
ليلى:
تقبلى مين فى المسجد؟
حبيبك؟؟؟!!
إنتى مجنونة يابنتى!!
مريم:
لأ يا ليلى....ده حبيبى إلى وهبت ليه كل حياتى وكيانى وعقلى وعمرى
حبيبى إلى بيدينى كل إلى بطلبه منه ., وبعمل كل إلى يأمرنى بيه
ليلي (مندهشه):
مين حبيبك ده يا مريم الى هتقبلية فى المسجد؟؟!!
مريم (بكل ثقة):
حبيبى هو ربنا يا ليلي.., وانا رايحة أقابل ربنا بعد ساعة فى صلاة المغرب
مفيش حد يستحق حبى اكتر من ربنا يا ليلي؟؟!
ليلي:
ليه؟؟؟...هو حرام إنى اكون مرتبطة بشاب مؤدب يحبنى واحبه؟؟
مريم(بصوت مرتفع):
لألألأ ....إنتى أصلا ً مش بتحبيه
إنتى بتكرهيه جدا ً
ليلي(بصوت رقيق):
والله العظيم يامريم بحبه أوى أوى وبموت فيه كمان...
دا انا دايما ًبغنيله
يانعيش أنا وأنت حبيبى ...يا نموت إحنا الأتنين
مريم :
لو كنتى بتحبيه كنتى خفتى عليه من عذاب ربنا يوم القيامة..,
بس المشكلة إنتى عاوزه تكونى سبب عذابه فى جهنم
ليلي (بإستغراب وإندهاش):
ليه هو انا عملت ايه ؟؟؟!!!
مريم:
مينفعش يكون ليكى أصحاب شباب
لو خايفه عليه لازم تسبيه
ليلي (بكل رومانسيه):
يستحيل أسيبه ده أنا بحبه بشكل غير عادى,
يمكن تكونى إنتى مجربتش الحب عشان كده بتقولى الكلام
لكن لو جربتى الحب هتعرفى إن
أجمل إحساس فى الكون ....إنك تعشقى بجنون
مريم (معترضة):
الحب مش حرام ولكن بين الزوج وزوجته..,
أما إنك تخرجى مع شاب وتقابليه بحجه إنك بتحبيه ميصحش
وبالاخص إنهم ثبتوا إنك 15% من علاقات الحب تنتهى تدريجيا ً بالوقوع فى الفاحشة
هحكيلك حكاية ياليلى علشان تصدقينى...
(( العشق بداية النهاية ))
(( شرف البنت زى عود الكبريت ))
يتبع إن شاء الله
تعليق