حياة شاب على حائط مصرى (قصة)

[اسماء مصرية]

رد: حياة شاب على حائط مصرى (قصة)

ترك احمد عنتر ولم يعره اهتماماً ..حتى ظل عنتر واقف متعجب لا يصدق عينيه ..هل هذا احمد الخلوق.. صاحب الكلمات البريئة والوجه الملائكى ...قرة عين اسرته الصغيرة ..ويردد عنتر فى نفسه
يستحيل يكون ده احمد يستحيل
اقترب احمد من الفتاة قائلاً::
حبيبتى أتأخرتى ليه عليا يا قمر انتى مش شايفة الكلية مضلمة من غيرك
الفتاة ::بطل بكش بقى المهم كنت عوزاك فى موضوع مهم
احمد::خييييير
الفتاة ::انا حيلى عريس
احمد::وايه المشكلة قصدى ربنا يوفقك اهم حاجة فى الحب التضحية اتخطبى يا بنتى وحطى فى بطنك بطيخة صيفى
الفتاة ::انت بتقول ايه ؟!!! هو ده رد فعلك
احمد::وهو متأفف يوووووووووووهووووووو انتى عاوزة ايه دلوقتى
الفتاة ::انا كنت فكراك بتحبنى ؟!
احمد:::هههههههههههههههه
الفتاة ::انا اتخدعت فيك
وهنا جرت الفتاة من امامه ..وهى تصرخ وتبكى ..والجميع ينظر لهم ..وفى ذلك الحين اشار لهم احمد بانها
مجنونة عندما التفت بظهرها ومضت وقد شعرت بأنكسار قلبها ...
فأتى هشام يعتب ويلوم على احمد
هشام ::ايه اللى انت عملته فى البت ده
احمد::عملت ايييه هى تلاكيك ولا ايه
هشام ::دى رابع واحدة تظبطها وتقولها بحبك انت ايه يا بنى ما بترحمش ؟!!
احمد::فكك فكك المهم اخبار رحلة شرم الشيخ ايه
هشام جارى التحضير يا عمونا جهز انت بس النقود
احمد::ههههههههه جاهزة يا باشا
يتبع

[عبده البرنس]

رد: حياة شاب على حائط مصرى (قصة)

ياريت البقية بسرعة انا متشوقة لباقى القصة الجميلة جدا

[اسماء مصرية]

رد: حياة شاب على حائط مصرى (قصة)

ان شاء الله اخية بوركتى

[اسماء مصرية]

رد: حياة شاب على حائط مصرى (قصة)

استعد احمد للذهاب الى الرحلة ..و قد اعد العدة وجهز اشيائه وجمع حقائبه .. وقد اتصل عليه هشام يؤكد موعد السفر فجراً ..راح احمد فى ثبات عميق وقد رأى رؤية غريبة ::
احمد ::الطريق طويل كده ليه وايه الجبل ده

وقتها ظهر له رجل تبدو عليه ملامح الصلاح

ازيك يا احمد

احمد::انت مين ؟

الرجل الصالح ::انا انا

احمد::مش فاهم

الرجل الصالح انا عملك

احمد::عملى هو انا مت ولا ايه ؟

الرجل الصالح ::لأ بس لنا لقاء قريب عاجلاً ام أجلا كل الناس حتموت
والصالحين حيقبلونى
احمد::هو انا صالح هو انا صالح ؟
وهنا وقع احمد من على سريره ..على صوت المنبه ..وهو مازل يردد بين نفسه هو انا صالح ؟!
وصل احمد فى الموعد المحدد ..وركب مع هشام وباقى الاصحاب الاتوبيس..ولا صوت يعلو فوق صوت الغناء والمزاح ..والفتيات يرقصن
..واحمد يضحك ضحكات مدوية ...ولكن كانت هناك فتاة رائعة الجمال ..أنيقة الهندام ..ترسل ابتسامات متتابعة لأحمد فقط وهنا سأل احمد هشام
احمد::هشام مين دى ؟!
هشام ::ملكش دعوة بيها يا عمونا دى معرفة واحد صاحبنا
احمد::امممممممممم بس هى جميلة اوى
هشام ::اه ومش مريحة !
احمد::ازااااااااااى
هشام ::متخدش فى بالك
ولكن رغم مرور الساعات ..والفتاة مازلت ترسل الغمزات والضحكات والنظرات لأحمد بأنوثة صارخة ...وتتفنن فى خطواتها وطريقة مشيها وصعودها من الاتوبيس ..وهى تسدل شعرها على كتفيها من جهة واحدة
..وفى منتصف الوقت تزل الجميع للإستراحة ..فترجل الجميع على اقدامهم ..وجلست الفتاة تحتسى القهوة ..ومازلت تنظر لأحمد ..وهنا قرر احمد ان يقترب اكثر ليتعرف عليها

[درة الكون بنقابي]

رد: حياة شاب على حائط مصرى (قصة)

جزاكِ الله خيرا اختى
اين بقية القصة؟
الله يعينك وييسرلك الخير
سوف انقل القصة الى منتدى اخر ان شاء الله بعد ان تنتهى من كتابتها
بعد اذن حضرتك

[عبده البرنس]

رد: حياة شاب على حائط مصرى (قصة)

انها رائعة وجميلة جدا اين الباقية

[اسماء مصرية]

رد: حياة شاب على حائط مصرى (قصة)

جزاكِ الله خيرا اختى
اين بقية القصة؟
الله يعينك وييسرلك الخير
سوف انقل القصة الى منتدى اخر ان شاء الله بعد ان تنتهى من كتابتها
بعد اذن حضرتك

ربنا يكرمك اخية اكيد طبعا اتفضلى انقليها
والشعر كمان انا معنديش مانع اى حاجة بكتبها ينفع اى حد ينقلها

[اسماء مصرية]

رد: حياة شاب على حائط مصرى (قصة)

انها راءعة وجميلة جدا اين الباقية

بحضر لها اخانا دعواتكم بتيسير

[اسماء مصرية]

رد: حياة شاب على حائط مصرى (قصة)

أقترب احمد من الفتاة وقد تغير لون وجهه لشدة حسنها عن قرب فهى فاتنة من قريب ومن بعيد ..
احمد::امممممم انتى اعدة لوحدك ليه
فنظرت اليه الفتاة مباشرة فى عينيه قائلة ::انت اول مرة تطلع رحلة مش كده ؟!
احمد::بصراحة اه عرفتى ازاى
الفتاة ::باين عليك كده بس قولى انت اسمك ايه ؟
احمد::انا احمد وانتى؟
الفتاة ::وردة
احمد::اسم على مسمى
الفتاة ::مرسى اعد اشرب معاى قهوة دى حتعجبك اوى
احمد::اوك
ظل احمد طوال تلك الليلة يتحدث مع هذة الفتاة وقد شعر نحوها بشيء مختلف ليس بحب ولا مجرد قضاء وقت وفقط وانما كانت تجذبه اليها
بكلماتها الحانية ووجهها الجميل حتى عندما صعد الى الاتوبيس لاكمال الرحلة دعته للجلوس بجوارها وهنا اتى صاحبه هشام يشده من ذراعه قائلاً::
تعالى عاوزك
احمد::طيب يا عمونا ثوانى بعد اذنك يا وردة
هشام:: انا مش قلتلك ملكش دعوة بيها
احمد::ليه يا هشام ؟!!
هشام ::دة كانت مرتبطة بواحد زميلنا ومن بعد ما عرفها بكام شهر مات
دى بت فقرية
احمد::وهى مالها بس دى جميلة اوى
هشام ::يا عم ابعد عنها انا متشائم
احمد::مفيش حاجة اسمها تشاؤم وحد الله
هشام ::لا اله الا الله انت حر
احمد::ههههههه يلا روح خلى رحلتك تعدى على خير
عاد احمد للجلوس بجوار وردة ..وظلوا يتسامرون طوال الرحلة
وفى وقت النوم اسندت وردة برأسها على كتف احمد ثم امسكت بيديه
وهى تطصنع النوم واحمد يشعر انه ينجذب اليها بشدة ولا يقدر ان يبتعد عنها لحظة واحدة مرت ثلاث ايام واحمد لا يأكل ولا يجلس الا معها
يتبع

[ام ربي]

رد: حياة شاب على حائط مصرى (قصة)

بارك الله فيكى
قصة رائعة ننتظر المزيد

[اسماء مصرية]

رد: حياة شاب على حائط مصرى (قصة)

وفيكى بارك الله اخية تسلمى

[اسماء مصرية]

رد: حياة شاب على حائط مصرى (قصة)

وفى احدى تلك الايام التى كانت بمثابة الحلم الجميل لأحمد مع الفاتنة وردة ..دعته الى قضاء عشاء السهرة عندها فى غرفتها ..وبعد تردد من احمد
وطول تفكير ..ذهب الى غرفتها فى خطوات بطيئة جدااااااً ونبضات قلبه تتسارع ..فلم يكن يتصور انه سيرتبط بها الى تلك الدرجة ..طرق الباب
وردة ::مين
احمد::انا يا وردة
فتحت وردة الباب فى لهفة وشوق وجذبت احمد من ذراعه بسرعة وادخلته الغرفة ..ثم أخرجت برأسها وشعرها المتدلى لترى ان كان احد رآه ..أقتربت اكثر من احمد واخرجت العشاء الى الطاولة وجلسوا يأكلون ..الطعام الشهى ذو الاصناف البحرية الطازجة ..وبعد ان فرغوا من طعامهم أحضرت كأسين وزجاجة من الخمر ..وقالت له
وردة ::يلا يا احمد حشربك عصير انما ايه عمرك ما شربته
احمد::اممممممممم بس دى شكلها خمرة يا وردة َ!
وردة :وايه يعنى اتمتع بشبابك متحرمش نفسك من حاجة احنا حنعيش مرة واحدة بس
احمد::مش عارف طب خليه فى الأخر
تصنعطت وردة البكاء بدلال ..وجلست تعض على اصابعيها قائلة ::
بقى كده يا احمد تكسفنى ودى اول مرة اشرب زيك
احمد::انتى اول مرة تشربى خمرة
وردة ::اه طبعاااااً
احمد::طيب خلاص هاتى
تناول احمد الكأس من يدها الناعمتين وشرب الخمر ..وقد شعر ان الخمر لعبت برأسه فخر على قدميه يهذى بكلمات ..ثم راح فى هستريا ضحك وبكاء ..ووردة تحدث نفسها بكلمات
اووووووف حنقضى الليلة ازاى وانت مدهول كده يادى النيلة
احمد::ايه بتقولى ايه ؟
لم تجد وردة امامها حل سوى ان تذهب الى الحمام وتحضر زجاجة ماء وتسكبها على رأسه حتى يفيق ..جاءت على عجالة واسكبت الماء على رأسه قائلة
فوووووق فوووووق بقى
ولم تمضى لحظات حتى افاق احمد قائلاً
انا عاوز اروح انا عاوز اروح
وردة ::وتسيب حبيبتك وردة برضو
انت متعرفش انا قد ايه بحبك
احمد::وانا كمان بحبك
ظلت وردة تقترب من احمد اكثر وأكثر حتى جلس بجانبها على مضجعها ..وهمت بخلع ملابسها .وقتها انتفض احمد من مكانه ..ويداه ترتعشان
ووجهه يتصبب عرقاً فقالت له وردة ::
مالك يا احمد انتى مش بتحبنى ولا ايه ؟!
احمد::اه بس انا بس اننننننننننننننننا
وردة مالك قول
احمد ::انا عندى الايدز!!
انفجرت وردة فى ضحك هسترى ..وراحت تقف بجوار شرفة الغرفة ..
تداعب الستائر بيديها تتأملها قائلة ::
وانا كمان عندى الايدز
ثم ألتفت اليه بكامل وجهها ونظرت له نظرة خبيثة .وابتسامة صفراء قائلة
كويس طالعنا شبه بعض
احمد::انتى بتقولى ايه ؟؟؟؟؟؟؟؟
وردة ::انا جالى من واحد كنت بحبه ضحك عليا ..فقررت انتقم من كل الشباب والعب بيهم زى ما ضعت لازم انتم كمان تضيعوا زييييى
بس مش مستهلة انت خلاص ضايع جاهز فأقتربت منه مرة أخرى
فدفعها احمد بيديه ..فتعلقت فى رقبته مرة اخرى فصفعها على وجهها قائلاً..
اه يا خاينة
انا معنديش الايدز وانا اللى وثقت فيكى
وردة ::بتقول ايه ؟
احمد:انا خفت عليكى منى وانتى مخفتيش عليا ولو للحظة حرام عليكى
وردة ::ههههههههههه ضحكتنى بصراحة امل كنت بتعرفنى ليه
وجت كلمتنى ليه اوعى تفكر يا شاطر انك قوى لا لا ده قدرك انك تنفد من ايدى بس بكرة تشوف انا حدمركوا كلكوا كلكوااااااااااااااا
جرى احمد وقذف بباب الغرفة من ورائه ..وهو يجرى اسفل الفندق
ولا يعرف اين يذهب ..فلم يكن يرى امامه سوى شريط حياته ..وتقلبت صور ابيه وامه واصدقائه امامه ..فلم يسعتيد رشده وانتباهه الا عندما
آذن الفجر الله اكبر الله اكبر
يتبع

[ام ربي]

رد: حياة شاب على حائط مصرى (قصة)

جميلة بجد شوقتينا ننتظر البقية

[اسماء مصرية]

رد: حياة شاب على حائط مصرى (قصة)

بوركتى اختاه

[*التائبة الي الله*]

رد: حياة شاب على حائط مصرى (قصة)

كملى يااختى متابعينك ان شاء الله
وطمنينا اية اخبار الامتحانات؟