حياة شاب على حائط مصرى (قصة)

[amato allah ada3ifa]

رد: حياة شاب على حائط مصرى (قصة)

ما شاء الله لا قوة الا بالله
كتابتكِ رائعة جدا وتأثرت بها
متابعة معكِ بإذن الله

[حياتى هناءٌ مع السنةِ]

رد: حياة شاب على حائط مصرى (قصة)

ماشاء الله
قصه رائعه
متابعه معك
لاتتاخرى على كتابة الباقى

[اسماء مصرية]

رد: حياة شاب على حائط مصرى (قصة)

ربنا يبارك فيكم اخوتى اسعدنى مروركم العطر

[اسماء مصرية]

رد: حياة شاب على حائط مصرى (قصة)

وفى صباح اليوم التالى أجتمع الجميع فى نفس المكان ..متبادلين السلام والترحاب ..ليقضوا أوقاتهم بين المحاضرات وأيضا مزاحهم وحديثهم مع اصدقائهم ..ويظهر ان هناك من كانت تشغل عقل أحمد وتفكيره
انها سلمى تلك الفتاة الجميلة خفيفة الظل ..ولكنه كعادته كان يطوى ذلك ويواريه بين طيات وخلجات نفسه ..وبعد العصر وأقتراب الشمس من الغروب ..أتصل أحمد على ماجد وعنتر ليذهبوا الى تلك القهوة لقضاء أمسيتهم فيها ..ألتف الثلاثة على مائدة واحدة يحتسون القهوة
وأحمد يسند بوجهه على راحة كفيه وعنتر يضع ساقا على ساق ويلتقط لنفسه صوراً تذكارية مبتسماً وتارة أخرى مقطب الجبين ..وماجد ينظر لهم متعجباً وهو يؤمى برأسه ساخراً وأيضا معلنا رفضه لتلك الحالة قائلاً::
أيه يا جدعان وحدووووووه
عنتر ؛احمد::لا إله إلا الله
ماجد ::بدل ما انتم اعدين كده فاضيين تعالوا نتكلم
عنتر ::انا بصراحة بؤى وجعنى من السكوت أفصح عما بداخلك يا ولدى
ماجد::ههه طيب يا عم الظريف
احمد ::وانا كمان بضم ودانى لهذا الحوار ودانى معاك اتفضل اتكلم
ماجد::تعرفوا معنى كلمة الهوية الاسلامية ؟
عنتر ::سؤال ده ولا ايه ؟!!
أحمد::تقريبا سمعت الجملة دى قبل كده بس مش عارف فين !
بتسأل ليه يا ماجد ؟؟
ماجد::سمعت واحد بيان عليه الصلاح ملتحى ونور ربنا على وشه
بيتكلم مع واحد صاحبه بس على النقيض تماما
أحمد::ازاى يعنى ؟
ماجد ::صاحبه بيشرب سجائر وطريقة لبسه وكلامه
كان الولد ده بيشكى للملتحى بيقوله ::مش عارف الاقى السعادة برغم
كل اللى انت تعرفه عنى
الملتحى رد عليه وقاله ::لانك عايش بهوية غير هويتك الاسلامية
عنتر ::اهااااااااااا بقى الحوار كله على الجملة دى متقلقش يا ماجد
حجبلك الملخص المفيد بس سبنى اسبوع عشان مشغول ويمكن اسافر
ماجد ::مسافر غريبة يعنى !!
عنتر ::ولا غريبة ولا حاجة ما انت عارف البيت عندى مولع دائما وانا بتخنق من كده وسبب سقوطى السنة اللى فاتت
احمد::طب يا عم متقطعش الجوبات
عنتر ::ربنا يخلى النت حنبقى نتواصل
وبينما كان الثلاثة يتحدثون مرت سلمى بجانب القهوة ورأها احمد
فقفز من مكانه ..وماجد وعنتر ينظرون له وقد ظهر ما كان يخفى
فحدثوه قائلين::
أيه يا عمونا مالك كده زى ما تكون شفت عفريت
احمد::هاااااااااا
عنتر ::واضح انه فى التراوووووووووة
ماجد::أظاهر انه وقع وانت الصادق
أحمد ::طب معلش يا جماعة انا مضطر اروح دلوقتى
ماجد ؛وعنتر ::الله يسهله يا عم
اسرع أحمد ليلحق بسلمى ولكن هناك شيء ازعجه جدااااااااا
!!

[أمة الله 91]

رد: حياة شاب على حائط مصرى (قصة)

ماشــــاء الله
قصة حقا مؤثـــرة
مبدعة يا أختي بارك الله لك في هذه الموهبة الرائعة
من تراتب الأحداث
والدقـــــة
والإقنـــــــــاع
والتأثير ,, وجذب الانتباه والتشويق للجديد
بانتظار تتمة القصة أختنا
جزاكِ الله خيرا كثيــــــرا

[حياتى هناءٌ مع السنةِ]

رد: حياة شاب على حائط مصرى (قصة)

فى انتظار البقيه

[اسماء مصرية]

رد: حياة شاب على حائط مصرى (قصة)

ربنا يبارك فيكم اخوتى

[اسماء مصرية]

رد: حياة شاب على حائط مصرى (قصة)

كانت سلمى تقف مع أحد الشباب وتأخذ منه أوراقاً كثيرة..تملك الغضب من أحمد وهو يراقبهما من بعيد ..بعدها مباشرة ذهب الشاب الى حال سبيله ..
تقدم أحمد بخطواته نحو سلمى وأفتعل انه أتى قدراً ومصادفة من أمامها فنادته سلمى قائلة::
سلمى::أحمد
أحمد::ايه ده انتى لسة مروحتيش يا سلمى
سلمى ::اعمل ايه كنت مستنية ورق النهاردة من واحد زميلى وجبهولى
أحمد::اللى كان واقف معاكى؟!!
سلمى::أه هو يعنى كنت شايفنا !
أحمد ::محبتش اعمل ازعاج
سلمى::ههههههه أزعاج ايه بس شكلك فهمت غلط
أحمد::ممممممم طب فهمينى
سلمى ::عادى زمايل
أستقل احمد مع سلمى المواصلات وأخذهما الحديث ..فقد احست بشيء ما ناحية أحمد ولكنها ايضاً لم تظهر ذلك ..وعند أقتراب محطة نزولها سلم أحمد عليها وسلمت عليه وبمجرد أن نزلت سلمى من الأتوبيس ..جلس أحمد بجوار النافذة ليطمئن عليها ..وما أن عبرت سلمى الطريق .أسترخى احمد على كرسيه مسنداً ظهره الى الخلف ناظراً الى السحاب يهمس بكلمات فى خلجات نفسه
احمد::يااااااااترى حنكون لبعض فى يوم من الأيام ؟!!!!!!!!
وأيضا وصل عنتر الى بيته وهو يقدم خطوة ويأخر الأخرى ..ويفتح هذا الباب باب منزلهم ..الذى يخفى خلفه أسرة مفككة حزينة يعيش كل فرد فيها فى واد كما يقول الناس ..وما أن اغلق هذا الباب ..حتى استقبله أبوه بسيل من الشتائم
الأب::كنت فين ياااااااااافاشل
عنتر ::عدى يا ليلة
الأب::بتقول ايه ؟!سمعنى ما انت خلاص عشان كبرت لسانك كبر معاك
عنتر ::طب انت عاوز ايه دلوقتى ؟؟؟؟؟؟؟؟؟؟؟؟؟؟؟؟؟؟؟؟؟
الأب::هنا مش كافتيريا ! روح اشتغل وأصرف على نفسك
عنتر ::حااااضر يا بابا بكرة حنزل ادور على شغل
الأب ::لأ دلوقتى
عنتر ::لا حول ولا قوة الا بالله
هكذا أحتد الكلام بينهم وتدخلت الأم لفض هذا العراك
الأم ::خلاص يا حسين محمد حيبقى ينزل يدور على شغل

الأب::انتى السبب انتى اللى بوظتيه وخلتيه مدلع مش معتمد على نفسه أفرض مت تعملوااااااااااااااااا ايه من بعدى

عنتر ::فى نفسه ياريت

الأم ::بقولك ايه انا خلاص حمشى واسيب البيت انا حلاقيها منك ولا من عيالك

أستدار عنتر واعطى بظهره متوجها ليخرج من الباب الذى أتى منه منذ دقائق معدودة ..حتى عندما خرج علت اصوات عراك ابيه وامه ..وعنتر يؤمى براسه ضارباً كفاً على كف يحدث نفسه
عنتر ::اعمل ايه دلوقتى اروح فين يااااااااارب ارحمنى من العذاب ده

سار عنتر فى الشارع وهو يمشى وليس له وجهة وليس له طريق يذهب اليه ..وقد توغورت الدموع فى عينيه وأعتصر قلبه حزناً ..ناظراً اسفل قدميه ..يتخبط فى المارة حتى رن عليه تليفونه ليفتحه فيجده أحمد

عنتر ::ألووووووووووووووووووو

[سمس وقمرين]

رد: حياة شاب على حائط مصرى (قصة)

منتظرين البقيه اختى جزاك الله كل خير

[اسماء مصرية]

رد: حياة شاب على حائط مصرى (قصة)

جزانا الله واياكى بوركتى

[اسماء مصرية]

رد: حياة شاب على حائط مصرى (قصة)

حمد::ايوة يا عنتر كنت عاوز اقولك حاجة
عنتر ::معلش يا احمد انا مدايق جدا دلوقتى مش حقدر اتكلم
احمد:مالك خيييييييييير
عنتر ::شوية مشاكل كده وحيرحوا لحالهم
احمد ::بس انا سامع صوت عربيات جنبك
عنتر ::انا فى الشارع
وهنا اختنقت العبرات فى عين عنتر وسمع احمد بكائه واتفق أحمد مع عنتر ان ياتى يجلس معه ..
ذهب عنتر الى بيت احمد واستقبله بترحاب شديد واجلسه فى غرفته
وبدأ يتحدثان..
عنتر ::انا خلااااااص زهقت كل يوم نكد كل يوم قرف وهم فى البيت
بجد مش عارف اعمل اييييييييييييييييييييييييه
احمد:: الشدة للرجالة يا عمونا
عنتر ::اكتر من كده حفرقع
احمد::ولا يهمك حسمعك درس لشيخ بيحكى فيه قصة اول مرة حسمعه معاك
تعالى سلم بس على جدتى
عنتر ::طويب
اتجه عنتر الى غرفة الجدة مع احمد وطرقا الباب
الجدة::ميييييييييين
احمد::انا يا ستى معاى واحد صحبى
الجدة ::طب يا حبيبى تعالى
عنتر ::السلام عليكم يا تيتا
الجدة ::تيتا تيتا ايه دى !
احمد::قصده ستى يعنى
الجده :أهيه أهيه أهيه
اسمه ايه صحبك يا حمادة ؟
احمد::عنتر
الجدة ::عاشت الاسامى يا زعتر
عنتر ::لا قوليلى كمون
الجدة ::طيب يا حمو متزعلش
هنا انفجر الجميع فى الضحك ..وصمم احمد ان يقضى عنتر ليلته فى المبيت عنده فى بيته أدار احمد زر تشغيل الاسطوانة وجلسا يستمعان فى صمت ..

يقول صاحب القصة
::::::
::::::
::::::


{ السلام عليكم ورحمة الله وبركاته}

( اخواني في الله لم اجد من الكلمات ما اعبر بها عما يدور فى صدري .)

فانا اخوكم فى الله محمد وسأقص عليكم قصتي لكني استحلفكم بالله ان تدعو لى بالثبات والهدايه من عند الله .

لا اكذب عليكم ان قلت لكم ( انى فعلت كل الذنوب والمعاصى بكل اشكالها سرقت,, زنيت ,,نصبت,, شهدت زور,, اغتبت,, تكلمت فى حق الكثيرين)...



كانت الى 17 عاما الاولى من حياتى من طفولتى وانا انسان ابيض كالحليب.



الى ان انتقلت الى مرحله اطلقت عليها انا

(( مرحلة التمرد والعصيان ))

وفى هذه المرحله فعلت كل شيء حرام حتى اصبح

{( قلبى اسود وصلب كالحجاره)}.



لم افكر فى الموت ولا فى العذاب أرى الناس يموتون امامى كل يوم وانا اقنع نفسى ان الموت بعيد عنى .



توفي اعز اصدقائى امام عينى لكنى لم اتعظ !!

توفي والدي وانا مازلت وليا للشيطان !!



( تملكني بكل سهوله ,, حتى اعتقدت اننى الشيطان نفسه فى صور بشر )..{!!}..



لم اكن اتخيل ان شعاع النور قادم وان لابد ان تشرق الشمس بعد هذا الظلام ....



{ وحدثت المعجزه التى لم تخطر لى على بال !!!!}



ذهبت انا واصدقائى الى المصيف فى احدى شواطى مصر الجميله .وكنا نحمل المخدرات والمسكرات واصطحبنا معنا بعض العاهرات لنقضى سويا السهرات الحمرا كما يقولون كنا 5 اصدقاء و3 عاهرات..

وفى احدى الايام قررنا ان ننزل الى البحر مبكرا فاخذنا امتعتنا جميعا ونزلنا الى الشاطئ .

ولاننى لا اجيد السباحه فقد انتظرت على الشاطى اغسل قدمى بالماء ونزل الجميـــع !!

( أقـــــسم لكم بالله )

اننى فى لحظه نظرت الى اصدقائى وهم يداعبون العاهرات فى الماء فوجدت البحر كأنه

((( جهنم نار تسير فوق الماء)))

ووجدت اصدقائى يصرخون ,,


فصر خت صرخات عاليه النجده النجده ,,فالتف حولى كل من كان على الشاطئ ليسألونى ماذا اصابنى !!

وخرج اصدقائى بسرعه واتجهو نحوى ليتطمنوا علي فقلت لهم عما حدث ..

فضحكوا وقالوا لى اننى اكثرت من شرب الخمر...



ورجعنا الى الفندق ,, وفى الليل ذهبنا الى احد البارات وتكرر الحدث مرى اخرى .

( عندما ذهبنا لى صالة الديسكو قام اصدقائى ومعهم العاهرات للرقص وعندما لحقت بهم وجدت قاعة الديسكو تحترق بهم وصرخاتهم تعلو فى اذنى وصرخت انا لأطلب لهم النجده لكنى وجدت انها ايضا تهياات)
!!!!

فطلبت منهم ان ارجع للفندق وان يلحقوا بى عندما ينتهوا من سهرتهم . وذهبت للفندق وقمت بالاتصال بوالدتى لاطمئن عليها ,,فاذا بها تقول لي :

( { يامحمد ربنا وعظك مرتين بس صدقنى ياابنى الثالته ستكون معاهم فى النار} )

وقامت بقطع الاتصال فظننت انها ايضا تهيآت فعاودت الاتصال مرة ثانيه .

لكنها لم تجبنى فقررت ان اقطع هذه الرحله واستأذنت من اصدقائى وعدت الى منزلى لاجد والدتى تلتقط انفاسها الاخيرة وتقول لى رجوت الله ان اراك قبل ان اموت .

{ انت شفت نار جهنم يامحمد مرتين ربنا يكفيك عذابها . }

وعندما سألتها كيف عرفتى بما حدث ؟؟

خرجت انفاسها قبل ان تجيبني وبعد مرور 3 ايام واثناء عودت اصدقائى من المصيف انقلبت بهم السياره فى احدى الترع الصغيره والعجيب انهم عندما استخرجو جثثهم من الماء وجدوا جثثهم محروقه بالكامل ومشوهه !!

( والاعجب من ذالك ان الشعر لم يحترق ووجدوه ابيض!!)

" ( سبحـــــــــان الله) "

لم تستغرق عملية اخراجهم من تحت الماء سوى ساعه كاملة, لكنهم خرجوا على هذه الحاله !!

( ومنذ تلك اللحظه وانا والحمد لله غيرت مسار حياتي)

وتقربت الى الله مع ان الشيطان يوسوس لي ولا يتركنى ابدا

إلا اننى والحمد لله لم اضعف امامه ابدا وبدأت الحرب عليه..

( هذه هيا قصتى اليكم وكل مااطلبه منكم ان تدعو لى ان يثبتنى الله على دينه ,,وان يهدينى الى عبادته .....)


( { فاتقوا يوما ترجعون فيه الى الله })

[سمس وقمرين]

رد: حياة شاب على حائط مصرى (قصة)

جزاك الله خيرا على هذه المواعظ وفى انتظار البقيه

[حياتى هناءٌ مع السنةِ]

رد: حياة شاب على حائط مصرى (قصة)

جزاكم الله خيرا..القصه اكثر من روعه
متابعه معك بإذن الله

[ام حمزة2]

رد: حياة شاب على حائط مصرى (قصة)

جزاك الله خيرا

قصة رائعة وفيها الوعظ والعبره

[اسماء مصرية]

رد: حياة شاب على حائط مصرى (قصة)

ربنا يعزك ويبارك فيكم