سلسلة نبضات حب

[الهي من لي سواك]

أوقات كتير نسمع

ناس بتتكلم عن الحب

أشعار عن الحب

حتى لو قعدت مع أصحابك كتير جداً من الكلام بيكون عن الحب





الحب إحساس جميل

خصوصاً لو كان الحب ده فى مكانه الصح

يعنى بحب اللى يستاهل إنى أحبه

والأجمل لو كان هو كمان بيحبنى





فيه معانى كتير وكلمات كتير مرتبطة فى أسماعنا بالحب

يعنى لما نسمع عن الحب

بنسمع عن السهر عن التضحية عن اللقاء عن الوداع عن الفراق

و ..........




هنتكلم فى المعانى دى بشكل جديد







وهيكون الموضوع عبارة عن موضوعات متفرقة

وهنا الفهرس

وهضيف موضوعات متتالية إن شاء الله

وهضع رابط كل موضوع هنا



تااااااااااااااابعونا

منقول

[الهي من لي سواك]

رد: سلسلة نبضات حب

انتظروااااااا الحلقااااااااات

[الهي من لي سواك]

رد: سلسلة نبضات حب

الحب من أول نظرة !!!

كتير نسمع الجملة دى

بس ياترى ايه مفهومها عندنا وايه تصورنا لها ؟؟





فيه كلام كتير جداً نسمعه عن الموضوع ده مثلاً بنلاقى واحد يقول انه بييجى بسرعة وبيروح بسرعة

ونلاقى واحد تانى يقول انه أصدق أنواع الحب لأنه ما فيش فيه أى مصالح !!




و طبعاً واضح من اسمه ازاى بيحصل

هى نظرة ,نظرة واحدة تطول او تقصر لكن بتوصل لتعلق أو حب







جالى تليفون من صديق عايز يتكلم معايا

اتفقنا نتقابل وفعلاً

شكله مش طبيعى

خير يابنى مالك


من يومين كنت قاعد فى الشغل ودخلت عليا واحدة

شفتها عينى جيت عليها

حسيت انها بتخطف كل جزء منى

حسيت بحبها

حب من أول نظرة

طيب وعملت ايه يابنى ؟؟ ذكرت الله ؟ استغفرت ؟ اتوضيت وصليت ؟


بقولك حب من أول نظرة انا مجرد ما شفتها ....... وقعد يحكى





المهم انى افتكرت حب جميل جداً

افتكرت أول مرة أصلى

أحاسيس جميلة جداً

انسان عاصى بعيد عن ربنا وبعدين قرر يتوب لربنا

اتوضى وهو فرحان هيقف قدام ربنا اخيراً

وقف واتوجه للقبلة ورفع ايده وهو بيفكر فى كل كلمة وكل حرف

الله أكبـــــــر

أكبر من ذنوبى , أكبر من المعاصى , أكبر من نفسى , أكبر من الشيطان , أكبر من كل شئ


أعوذ بالله من الشيطان الرجيم

يااااااااااه فعلاً ما فيش حد هيعينى على الشيطان غيرك يا رب
يارب أنا ضعيف , ابعد الشيطان عنى
يارب مش قادر من غيرك , ابعده عنى


بسم الله الرحمن الرحيم

ايوه انا هبدأ بذكر اسمك يارب يا رحمن يا رحيم

هبدأ صلاتى بذكرك يا رب

يااااااااارب


الحمد لله رب العالمين

الحمد لله إنك اديتنى فرص كتير لحد ما وقفت قدامك يارب وانا بتوب

الحمد لله انك قدرتنى أقف وأقول الحمد لله

ياااااااااااااااااااه
الحمد لله يارب الحمد لك



رب العالمين

رب كل شئ
رب الجن والإنس وكل عالم نعرفه أو لا نعرفه

هو ربى اللى انا بعبده وانا رجعتله دلوقت


الرحمن الرحيم

يااااااه يا رب بعد كل اللى انا عملته وانت رحمن رحيم
وقتها كنت بفتكر الذنوب اللى انا عملته
والكبائر اللى انا وقعت فيها

وأفتكر الشريط اللى بسببه صليت وأفتكر الشيخ وهو بيقول فيه
إن ربنا بيقول يابن ادم لو بلغت ذنوبك عنان السماء ثم استغفرتنى غفرت لك ولا أبالى

أيوه هو رحمن رحيم وانا طمعان فى رحمته


مالك يوم الدين

وقتها افتكرت ان ربنا يوم القيامة هيقول لمن الملك اليوم فلا يرد عليه أحد

فيقول المُلك اليوم لله

يوم الدين ؟؟
اليوم اللى هنتحاسب فيه
اليوم اللى هيحاسبنى فيه ربنا على أعمالى
يااااااااااااااااااااارب اغفرلى
استر يارب


إياك نعبد وإياك نستعين

مش هكون عبد لغيرك يارب
مش هكون عبد لشهواتى ولا للمعاصى ولا للذنوب
هكون عبد لك لوحدك يارب

وبستعين بك يارب إنك تعينى على الشيطان وعلى نفسى وعلى الذنوب والمعاصى و كل شئ

مش هحب غيرك يارب

يارب انت وبس


اهدنا الصراط المستقيم صراط الذين أنعمت عليهم

اهدينى يارب ما فيش غيرك هيهدينى ولا يوفقنى
يارب من غيرك انا ولا حاجة

يارب من غيرك انا تايه مش عارف امشى خطوة واحدة


غير المغضوب عليهم ولا الضالين

يارب اهدينى للطريق الصح وابعدنى عن اى طريق تانى


ياااااااااااااااااااااه
سورة فيها معانى كتير جداً
لكن وقتها كانت هى دى كل المعانى للى عندى بس

الله أكبر

وانحنيت لربنا
حسيت بإنى بنحنى قدام الملك العظيم الرحمن الرحيم وبقوله سبحانك يارب اغفرلى يارب انا جيتلك يارب ما تردنيش

يارب لو سيبتنى هغرق يارب

سمع الله لمن حمده
ربنا ولك الحمد

الحمد لله
الحمد لك يارب لوحدك

الله أكبــــــــــــــــــر

السجود أخيراً
افتكرت واسجد واقترب
افتكرت أقرب ما يكون العبد من ربه وهو ساجد
افتكرت انى هكون دلوقت قريب من أرحم الراحمين
لازم أقول كل اللى عندى
لازم أشتكى له واطلب منه انه يعينى ويقوينى وما يتركنيش
هطلب منه الجنة وهطلب وهطلب

لكن اول ما سجدت كل اللى قدرت عليه
انا عايزك يارب ومحتاجك سامحنى يارب



كانت قصة حب

لكنه حب من أول سجدة

حب من أول رجوع لربنا



قال مسلم بن يسار : ما تلذذ المتلذذون بمثل الخلوة بمناجاة الله عز وجل ,
عجبت للخليقة
كيف أنست بسواك !!
بل عجبت للخليقة
كيف استنارت قلوبهم بذكر سواك ؟




هدية الموضوع


اللهم ارزقنا حبك وحب من أحبك


والنغمة منفصلة عن المقطع

سبحان الله وبحمده سبحان الله العظيم

[nor elhoda]

رد: سلسلة نبضات حب

ماشاء الله
اللهم بارك
راااااااائع اختنا الكريمة
ف انتظار الباقى
جزاكى الله الفردوس الاعلى

[الهي من لي سواك]

رد: سلسلة نبضات حب

حب و سهر

علاقة حب بين الحب و السهر

لكن مش أى حب

الحب الصادق بس

الحب اللى بجد مش أى حب



نشوف بالراحة ونفهم

طول اليوم زحمة شغل دراسة أكل شرب ........

حاجات كتير جدا

بعد التعب أكيد محتاج أنام

لكن المحب بستنى الليل

بيحسب اللحظات والثوانى اللى هتوصله لليل

ولما ييجى الليل

بيعدى بسرعة بيكون قصير جداً






المحب بيمر ليله فى سهر وتفكير

وأحيانا فى مكالمات ايميلات مسجات

ويكره جدا لو عدى الوقت ولو حتى لحظة فاتت من غير ما يكلم المحبوب من غير ما يفكر فى المحبوب








الليل له شعار واحد هو

للمحبين فقط

مش لأى حد

لو نفسك تكون منهم

تعالى نشوفهم





ظلااااااااااااااااااام تام

وحدة

طيب محتاج نور فى الظلام ومحتاج مؤنس لوحدتى

محتاج ربنا

ربنا وبس



المحب الصادق لله اللى قلبه يغمره حب الله

لو أراد النوم

تذكر ربه الذى لا ينساه

فما يستطبع النوم

تتجافى جنوبهم عن المضاجع

فيقوم ليقف بين يدى ربه

يناجيه بقرآنه

ويركع وينحنى لعزته وجلاله

ويرفع ليحمده سبحانه

ثم ينطرح ساجداً

ويسبح ربه

ويدعو ويستغفر ويتوب ويندم

ويقوم ليقرأ ويناجى

فإن قرأ أيات العذاب والعقاب

ناجى ربه

أتعذب من أحبك ربى ؟؟

اللهم إنى أعوذ بمعافتك من عقوبتك

وإن قرأ أيات المحبة

طار قلبه شوقاً

اللهم اجعلنا ممن تحبهم

التوابين المحسنين المتطهرين المقسطين ....



وكلما قرأ كلما زادت محبته

فإن انتهى من صلاته

والمستغفرون بالأسحار

فهو يصلى فإذا ما انتهى استغفر ربه

ربى لست جاهلاً بعفوك وعقوبتك

لست جهلاً بغضبك ونارك

ولكنى طامع فى رحمتك ومغفرتك

ربى والله ما تستحق أن تعرض تلك الصلاة عليك

وما أستحق أن أتشرف بالسجود لك

ولكنى طامع فى عفوك ورحمتك يا ربى

ربى ليس لى غيرك

ولك غيرى كثيييييير

ربى إن عذبتنى فمن ذا الذى يرحمنى

ربى

كبلتنى ذنوبى وأغرقتنى

فأنقذنى ياربى



ما أروع أن يباهى بك ربك الملائكة

قال رسول الله صلى الله عليه وسلم

إذا قام الرجل من الليل يصلى فغلبيته عيناه فنام فى سجوده , فإن الله يقول لملائكته : انظروا يا ملائكتى هذا عبدى روحه عندى وجسده بين يدى , اكتبوا له قيامه واجعلوا نومه صدقة مني عليه .


وقد نام فى سجوده فما يفعل بمن استمر متيقظاً



فيا من تبحث عن محبة الله واستبشار الله وضحكه إليك

فاقرأ ولكن بقلبك

فقد ذكر النبى من الثلاثة الذين يحبهم الله ويستبشر بهم ويضحك إليهم

رجل عنده امرأة حسنة وفراش حسن ثم قام يصلى , فيقول الله عز وجل لملائكته : انظروا يا ملائكتى هذا عبدى عندع فراش حسن وزوجة حسنة فتركهما , ثم قام يصلى يتملقنى ويتلو أياتى ولو شاء رقد



ربى لن أترك الصالحين يختصون بمحبتك دونى

فقد قال نبينا

عليكم بقيام الليل فإنه دأب الصالحين قبلكم






يقول مالك بن دينار : سهوت ليلة عن قيام الليل ونمت ،

فإذا أنا بالمنام بجارية كأحسن ما يكون وفي يدها رقعة فقالت لي : أتحسن أن تقرأ ؟
فقلت نعم . فدفعت إلي الرقعة ، فإذا فيها :

أألهتك اللذائذ والأمــــاني عن البيض الأوانس فـي الجنان
تعيش مخلداً لا موت فيها وتلهو في الجنان مـع الحسان
تنبه من منامك إن خيــراً من النـــوم التــهجد بالقرآن



هدية اليوم


اللهم ارزقنا حبك

[nor elhoda]

رد: سلسلة نبضات حب

جزاكى الله خيرا

موضوع متميز اختنا
ف انتظار باقى السلسلة

[تلميذة حازم شومان .]

رد: سلسلة نبضات حب

ماشاء الله موضوع رررررررررررائع
متابعين معاكم
بارك الله فيكم

[sar]

رد: سلسلة نبضات حب

جزاكم الله خيرا وبارك فيكم

[الهي من لي سواك]

رد: سلسلة نبضات حب

من أجمل الاحاسيس فى الحب

إنك تحس بفرحة المحبوب


خصوصاً لو كانت الفرحة بسببك



شئ جميل جداً

كلنا جربناه مع اختلاف المحبوب

يعنى ممكن

مع

أب أم أخ أخت زوجة ابن ابنة


المهم اننا كلنا حسينا بيه


أوقات ممكن تفرح محبوبك بهدية

أو حتى بنجاح لك فى دراسة أو عمل

المهم انك بتستنى فرحة محبوبك

وبتتمنى تكون سبب فيها

ومن الصعب جداً إنك تنسى فرحة المحبوب



أكيد كلنا نعرف عنتر بن شداد

عنتر كان له محبوبة اسمها عبلة

كان بيحبها حب شديد جداً

كانت فرحتها عنده وابتسامتها فى خياله دايماً

مستحيل تفارقه

لأنه بيحبها بجد


تخيلوا ممكن ينساها امتى ؟؟؟

أكيد وقت الحرب ينشغل عن فرحتها وابتسامتها

لكن عنتر المحب كان لو وضع مختلف

تخيلوا انه فى شدة الحرب والرماح من كل مكان والسيوف والموت والدماء و ....


لكنه كان بيبحث عن ابتسامة المحبوب التى تذكره بفرحته



احساس عجيب بجد

فى شدة الحرب

عايز يقبل السيوف ؟؟

لأنها لمعت كبارق ثغر المحبوب




للدرجة دى كان محب وللدرجة دى ممكن نكون كلنا محبين

كلنا بنكون طايرين من الفرح لو حسينا ان محبوبنا فرحان



بس مين بجد

حاول يفرح محبوبه ؟؟؟


مش أى محبوب

محبوبنا الرحمن الرحيم اللى خلقنا

اللى أرحم بينا من أمنا وأبينا


سبحانه وتعالى


بجد عايزين نتعاهد اننا نفرحه النهاردة

هو ممكن نفرحه ؟؟؟

أكيد وسهل جداً بس لو انت بتحبه بجد





طيب ازاى ؟؟؟


تعالى الأول نقرأ الحديث ده وبعدين نتكلم

يقول النبى صلى الله عليه وسلم

لله اشد فرحاً بتوبة عبده حين يتوب إليه من أحدكم كان على راحلته بأرض فلاة , فانفلتت منه وعليها طعامه وشرابه, فأيس منها فأتى شجرة فاضطجع فى ظلها قد أيس من راحلته , فبينما هو كذلك إذا هو بها قائمة عند رأسه , فأخذ بخطامها وقال اللهم أنت عبدى وأنا ربك , أخطأ من شدة الفرح


عايزين بجد نتخيل فرحة العبد ونحس بيها

وهو فى الصحراء وفجأة تذهب الراحلة بما عليها من طعامه وشرابه

فأيس منها يعنى فقد الأمل انه يستعيدها خلاص وفى الوقت ده بينتظر الموت

وفجأة يلاقيها قدامه

وتخيلوا إنه من شدة الفرح يغلط ويقول اللهم انت عبدى

يا ترى ايه الفرحة دى وايه مقدارها اللى تخليه يغلط الغلطة دى ؟

وسبحان الله

فى أول الحديث يقول النبى ويخبرنا أن فرحة الله أشد

فرحة الله بكل عبد يتوب ويرجع

يعنى ربنا هيفرح بيا أنا ؟؟

اه والله ربنا هيفرح بيك وبيا وبكل انسان يتوب ويرجع



طيب شوف معايا الموقف ده


حكى ابن القيم عن أحد العارفين أنه رأى في بعض السكك باب قد فتح وخرج منه صبي يستغيث ويبكي , وأمه خلفه تطرده حتى خرج , فأغلقت الباب في وجهه ودخلت فذهب الصبي غير بعيد ثم وقف متفكرا , فلم يجد له مأوى غير البيت الذي أخرج منه , ولا من يؤويه غير والدته , فرجع مكسور القلب حزينا . فوجد الباب مرتجا فتوسده ووضع خده على عتبة الباب ونام , وخرجت أمه , فلما رأته على تلك الحال لم تملك أن رمت نفسها عليه , والتزمته تقبله وتبكي وتقول : يا ولدي , أين تذهب عني ؟ ومن يؤويك سواي ؟ ألم اقل لك لا تخالفني , ولا تحملني بمعصيتك لي على خلاف ما جبلت عليه من الرحمة بك والشفقة عليك . وارادتي الخير لك ؟ ثم أخذته ودخلت .



ده مثال لرحمة أم

والله أرحم بنا من أمهاتنا والله



بجد مافيش لنا مكان نروح فيه غير باب ربنا

وما فيش حد هيقبلنا بعد كل اللى عملناه غيره سبحانه وتعالى

أوعى تمشى من قدام بابه

قدام بابك ياربى لحد ما تقبلنى




مين ناوى يرجع ويتوب لربنا ؟؟

مين بجد نفسه انه ربنا يفرح بتوبته ؟؟



تعرف ان ربنا أمرنا بالتوبة

يقول الله

وتوبوا إلى الله جميعا أيها المؤمنون لعلكم تفلحون


هتقول إن ذنوبك كتير

هقولك إن ربنا قال

وهو الذي يقبل التوبة عن عبادة ويعفو عن السيئات

هتقول إنك عصيت الله بالليل وبالنهار

هقولك إن النبى بيقول

إن الله يبسط يده بالليل ليتوب مسئ النهار ويبسط يده بالنهار ليتوب مسئ الليل


هتقول إن ربنا خلاص مش بيحبك علشان ذنوبك ومعاصيك ومش هيحبك

هقولك إن ربنا بيقول

إن الله يحب التوابين ويحب المتطهرين

ارجع له وتوب وهيحبك


باقى ايه تانى معطلك ؟؟؟



كلنا بنقول لما تيجى قدامنا فرصة لسفر او شغل

إن الفرصة بتيجى مرة واحدة

طيب دلوقت الفرصة قدامك

هتفرحه ولا لا ؟؟

صدقنى ممكن تكون أخر فرصة لك وليا أنا كمان




طيب هنستنى ايه أكتر من كده


قدامك حل واحد


حل واحد بس

انك تفرحه





لو قررت تفرحه كمل معايا قراءة

علشان تتوب

هتندم على اللى فات على كل لحظة فاتت وهو عليك غاضب بسبب معاصيك

وتقرر إنك تفرحه حالاً مش كمان ساعة

لا

حالاً

تسيب الذنب وتهجره وتفرحه

وتعاهده إن مش هترجع للذنب تانى




معقول مش هتفرحه النهاردة ؟؟




هدية اليوم

سبحان الله وبحمده سبحان الله العظيم

[الهي من لي سواك]

رد: سلسلة نبضات حب

جزاكم الله خيرا وبارك فيكم

جزااااااانا واياااااااكي

ماشاء الله موضوع رررررررررررائع
متابعين معاكم
بارك الله فيكم

جزاكى الله خيرا

موضوع متميز اختنا
ف انتظار باقى السلسلة

[الهي من لي سواك]

رد: سلسلة نبضات حب

لحظات صعبة تمر بعيداً عن المحبوب

وكلما تذكر المحبوب يصبر نفسه بقرب موعد اللقاء

فقد طالت الأيام بعيداً عمن يدعى أنه يهواه

ويتذكر سنوات الحب والود واللقاء

والتى طال بعدها الهجر والجفاء

ولكن قريباً سيلقاه قريباً سيراه

واقتربت لحظات اللقاء

ولازل يفكر فى حرارة اللقاء

والأن حان موعد اللقاء

لقاء منتظر منذ أيام وليال طوال

لقاء بعد سنوات هجر وجفاء

وكان أول ما قال

من أنت ؟؟


أنا نسيتك





تفتكروا وقتها ممكن المحب أو اللى بيدعى المحبة ايه موقفه

ياترى هيتحمل الصدمة ؟؟

وهل ممكن يتنسى فعلاً بالساهل كده

النسيان عمره ما كان بالساهل

النسيان ده كان له أسباب من هجر وجفاء و ......

موقف بجد صعب جداً

بتتحطم فيه كل الأمال وكل الأمنيات اللى اتبنت فى سنين

كان طمعان فى عفو المحبوب وان المحب بجد لازم يسامح

لكنه نسى ان كل اللى عمله زمان مع المحبوب وحتى ما قدمش عليه اعتذار هيخليه يقرر نسيانه

ولله المثل الأعلى

ليس كمثله شئ فى السموات والأرض وهو السميع البصير

تفتكر ربنا ممكن ينساك ؟؟

نحب نوضح فى البداية إن ربنا سبحانه وتعالى لا ينسى

يقول الله فى كتابه الكريم

وَمَا كَانَ رَبُّكَ نَسِيّا

ويقول حكاية عن نبى الله موسى وفرعون

قَالَ فَمَا بَالُ الْقُرُونِ الأُولَى ( 51 ) قَالَ عِلْمُهَا عِندَ رَبِّي فِي كِتَابٍ لّا يَضِلُّ رَبِّي وَلا يَنسَى ( 52 )

فالله سبحانه وتعالى لا ينسى ولا يمكن أن ينسى

لأن النسيان صفة نقص

والله سبحانه وتعالى منزه عن النقص

لكن الله سبحانه وتعالى يعامل معاملة الناسى ولكنه لا ينسى

فهو سبحانه العزيز الحكيم السميع البصير وليس كمثله شئ

وهو سبحانه الجزاء عنده من جنس العمل

فيقول سبحانه وتعالى

نَسُوا اللَّهَ فَنَسِيَهُمْ

كلنا بعدنا عن ربنا فى أوقات من حياتنا

كتير قصرنا فى حقه

كتير عملنا ذنوب ومعاصى

كنا ناسيين ربنا سبحانه وتعالى

كان الشيطان مستحوذ علينا

يقول الله

اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ أُوْلَئِكَ حِزْبُ الشَّيْطَانِ أَلَا إِنَّ حِزْبَ الشَّيْطَانِ هُمُ الْخَاسِرُونَ

عايزين نستعيذ بالله من الشيطان

عايزين نرجع لربنا ونتوب

عايزين نفتكر ربنا دايما فى كل لحظة من لحظات حياتنا وفى كل ثانية



نفتكره سبحانه وتعالى حتى لا ينسانا

فكر معايا فى الحوار ده وشوف

يقول الله لعبده يوم القيامة


يابن أدم ألم أخلقك وأرزقك وأزوجك وأذرك ترأس وتربع

أكنت تظن أنك ملاقى ؟؟

فيقول العبد

لا يارب

فيقول الله

اليوم أنساك كما نسيتنى

فماذا عنك وماذا عنى ؟؟

بجد احنا فاكرينه سبحانه وتعالى ولا لا ؟؟؟


بالتأكيد هنقول اننا فاكرينه

لكن هل الأعمال اللى بنعملها أعمال ناس فاكره ربنا بجد

ناس بتعتقد انها هتتحاسب على كل حركة وكل حرف ؟؟

ازاى هنقابله ؟؟

وازاى هنتعرض عليه

عايزين نكون عارفين اننا هنُعرض على رب غضب فى هذا اليوم غضب لم يغضب قبله مثله ولن يغضب بعده مثله

وفى نفس الوقت سبحانه وتعالى مطلع على كل شئ عملناه

يعنى مش هنقدر ننكر أى شئ

ازاى هنقدر نكلمه ؟؟

وازاى هنقدر ندافع عن أنفسنا ؟؟

هقولك اعمل كل شئ نفسك فيه كل اللى تحبه اعمله

بس اوعى تنساه

لأنك لو نسيته هينساك

يعنى لا يكلمك ولا ينظر إليك ولا يزكيك

مين يقدر على كده ؟؟؟

اقرأ الأيات دى بقلبك ونختم بيها النهاردة

فَإِمَّا يَأْتِيَنَّكُمْ مِنِّي هُدىً فَمَنِ اتَّبَعَ هُدَايَ فَلا يَضِلُّ وَلا يَشْقَى ( 123 ) وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى( 124 ) قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيراً ( 125 ) قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنْسَى( 126 )

وقوله سبحانه وتعالى

وَلَوْ تَرَى إِذِ الْمُجْرِمُونَ نَاكِسُو رُءُوسِهِمْ عِنْدَ رَبِّهِمْ رَبَّنَا أَبْصَرْنَا وَسَمِعْنَا فَارْجِعْنَا نَعْمَلْ صَالِحًا إِنَّا مُوقِنُونَ( 12 ) وَلَوْ شِئْنَا لآتَيْنَا كُلَّ نَفْسٍ هُدَاهَا وَلَكِنْ حَقَّ الْقَوْلُ مِنِّي لأَمْلأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ ( 13 ) فَذُوقُوا بِمَا نَسِيتُمْ لِقَاءَ يَوْمِكُمْ هَذَا إِنَّا نَسِينَاكُمْ وَذُوقُوا عَذَابَ الْخُلْدِ بِمَا كُنْتُمْ تَعْمَلُونَ( 14 )

هدية اليوم

اللهم ذكرنا بك فلا ننساك

[nor elhoda]

رد: سلسلة نبضات حب

ماشاء الله
اللهم بارك
رووووووووووعة
تسجيل متابعة

[*نداء الجنة*]

رد: سلسلة نبضات حب

جزاكم الله خيرا

[*نداء الجنة*]

رد: سلسلة نبضات حب

جزاكم الله خيرا على هذا الموضوع الرائع