دورة صيانة المزربورد للمبتدئين(تم بحمد الله)

[Ayman_M]

رد: تعليم صيانة المزربورد للمبتدئين(متجدد - ان شاء الله)

شكرا على الموضوع ياعمو

شكر الله لك ان شاء الله تكون اتعلمت حاجه جديده

رائع جزاك الله كل خير
انا بفضل الله مقدم فى دورة صيانة ماذر بورد فى اكاديمية سموحة
مجهود رائــــــــــــــــــــع

جزاكم الله مثله (بالتوفيق ان شاء الله وانصحك نصيحه من البدايه المحاضره الى تاخدها روح البيت وذاكرها وافهمها واحفظها كويس واشترى بوردتين واحده تكون شغاله بور والتانيه داتا او هات اى بوردتين المهم تكون فيهم واحده دايرة البروسيسور شغاله - واشترى افوميتر وعدسه مكبره هتحتاجهم وان شاء الله لما توصل للحامات اشترى الهوت اير بس حاول تشتريه ديجيتال لان احنا كمبتدئين بنحتاج نعرف درجة الحراره لان مثلا القصدير بينصر عند 350درجه سيلزيه متشتريش كلله مره واحده وتابع اللى تاخده على البورده لان الىل معملش كده لما انا اخدت الدوره فى النهايه قال ان هما الىل وحشين وانا لم استفيد وانا انضحك عليا والكلام ده والتقصير كان منهم الا من رحم ربى وان شاء الله الموضوع هيفيدك هنا انك تعرف اشكال كتير انا مكنتش عارفها لما اخدت الدوره ربنا يوفقك ويرزقك رزق صالح باذن الله ولو احتجت اى مساعده او اى حاجه وقفت معاك اسالنى علطول بدون تردد )

ماشاء الله
بارك الله فيك اخي الكريم وجزاك خيرا عما تقدمة
ياااااه فكرتني بالذي مضي . انا اشتغلت فترة في الصيانة وبعدها اتجهت للبرمجة وكل دة ايام الدراسة بس حاليا استقريت في مجال الجرافيك ثري دي ربنا ييسر باذن الله واقدر افيد حد هنا

بارك الله فيك ونفع بك

الله يبارك فيك وفى كل امة المسلمين وجزانا واياكم وامة المسلمين خير الجزاء
ربنا يوفقك ويرزقك ان شاء الله
انا ان شاء الله بعد عناء فى كلية حقوق قررت انى اشتغل فى المجال الى بحبه تقدر تقول كده حلم الطفوله
وناوى انى اكمل تعليم فى صيانة الهارد وير الاول وبعدين انقل على الشبكات وبعدين البرمجه هو المشوار طويل لكن ان شاء الله يستحق العناء والله المستعان

وانت تعلمنا البرمجه والجرافيك ان شاء الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

جارى التحضير للدرس القادم ان شاء الله وهو اول دائره من دوائر البور وسوف نبدا ان شاء الله تعالى بدائرة البروسيسور

[(أبو فارس)]

رد: تعليم صيانة المزربورد للمبتدئين(متجدد - ان شاء الله)

بارك الله فيك اخي الكريم
ربنا ينولك ال في بالك ان شاء الله

[أم براءة]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
جزاكم الله خيرا
أحتاج من حضراتكم تكملوا دروس تعلم صيانة المازربورد لأننا محتاجين لها بشدة وخصوصا كيفية تحديد الأعطال .. أو خطوات تحديد الأعطال.
بارك الله فيكم ونفع بكم

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
عليكم السلام ورحمة الله وبركاته
جزاكم الله خيرا
جزاكم الله مثله
أحتاج من حضراتكم تكملوا دروس تعلم صيانة المازربورد لأننا محتاجين لها بشدة وخصوصا كيفية تحديد الأعطال .. أو خطوات تحديد الأعطال.
الله المستعان .. سبب توقفى عن اكمال الموضوع انى لم اجد متابعه ولو شخص واحد
ان شاء الله تعالى اقوم باكماله طالما له افاده لحضرتكم ان شاء الله
بارك الله فيكم ونفع بكم
وبورك فيكم ورزقنى واياكم وامة المسلمين التوبه والجنه

[إسلام1996]

رد: تعليم صيانة المزربورد للمبتدئين(متجدد - ان شاء الله)

UP

[أم براءة]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
طيب .. ممكن أنسخ الشرح وأنسقه في ورقات جاهزة للطباعة لأني أرسلت رابط الموضوع لزميلتي واتفقنا على ذلك، فأستأذنكم أولاً.

الأمر الثاني: إمدادنا ببعض الكتب (على الإنترنت ) التي تشرح أعطال "البورد" باللغة العربية والصور.

الأمر الثالث: أرجو أن يكون الموضوع مزوداً ببعض مقاطع الفيديو إن أمكن ذلك.

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
عليكم السلام ورحمة الله وبركاته
طيب .. ممكن أنسخ الشرح وأنسقه في ورقات جاهزة للطباعة لأني أرسلت رابط الموضوع لزميلتي واتفقنا على ذلك، فأستأذنكم أولاً.
طبعا اتفضلى حضرتك وانشريه طالما فى منه فائده باذن الله
الأمر الثاني: إمدادنا ببعض الكتب (على الإنترنت ) التي تشرح أعطال "البورد" باللغة العربية والصور.
بالنسبه للامر التانى هو ممكن بس صعب شويه لانى دورت كتير ولم اجد الا كتاب واحد
الصعوبه فى جزئية ان المصطلحات المستخدمه للايسيهات او العناصر الموجوده على البورده بتختلف احيانا من كتاب لاخر
فانصح حضرتك ان شاء الله بمتابعة الموضوع هنا الاول لان الموضوع سهل جدا جدا عكس ما الناس كلها متوقعه
والكتب حضرتك تتصفحيها بعد الانتهاء من الشرح ان شاء الله انا هبدا فى التحضير النهارده باذن الله لاول دائرتين بالصور وبعدين ارفعهم ان لم يكن النهارده بالكتير يكون بكره ان شاء الله واسف على التأخير
الأمر الثالث: أرجو أن يكون الموضوع مزوداً ببعض مقاطع الفيديو إن أمكن ذلك.
تمام ربنا ييسر واحاول اصور فيديوهات لان الدوائر فعلا محتاجه فيديوهات فى الشرح بالاضافه للصور

[tarekmohmed]

رد: تعليم صيانة المزربورد للمبتدئين(متجدد - ان شاء الله)

جزاك الله خير الجزاء على هذا الشرح الرائع .

[Ayman_M]

رد: تعليم صيانة المزربورد للمبتدئين(متجدد - ان شاء الله)

جزاك الله خير الجزاء على هذا الشرح الرائع .

وجزاكم الله مثله

[Ayman_M]

رد: تعليم صيانة المزربورد للمبتدئين(متجدد - ان شاء الله)

بعد ان تعرفنا على جميع العناصر الموجوده بداخل المزربورد حان ان وقت التعرف على جزء مهم جدا وهو جزء الدوائر الكهربيه ومعرفة فولتاتها واصلاح اعطال كل دائره

-------------------------------------------------------------
رابعا :الدوائر الكهربيه
سنقوم بدراستها ان شاء الله تعالى على الترتيب التالى كل دائره على حده
(دائرة cpu - دائرة ram - دائره nb - دائرة sb - دائرة psw - دائرة audio)


1.دائرة cpu او دائرة البروسيسور

كبدايه لازم نعرف ان فى جيلين من قواعد البروسيسور

الجيل الاول وهو جيل P4 ويتميز بالقواعد البلاستيك
وفيه فولتات البروسيسور كانت
1.75فولت
1.42فولت



الجيل الثانى وهو جيل LGA
وفيه فولتات البروسيسور كالتالى

1.42فولت
1.32 فولت
1.2 فولت


اما عن الجيل الثالث و اللى بدا فى الظهور مع ظهرو بروسيسورات عالية الاداء مثل core i3 i5 i7
هو 1155
وقياس الفلوتيات عليه بيختلف مع اختلاف نوع البروسيسور



بعد ان تعرفنا على انواع قاعدة البروسيسور نبدا التعرف على شكل الدائره فولت
ويكون كما هو موضح بالصوره



نفهم الدائره ببساطه كده
الجزء المترقم برقم 1
دلوقتى البروسيسور علشان يشتغل لازم ياخد فولت معين مينفعش اقل او ازيد من المطلوب
طيب البورده هنا هتعرف منين..؟
هنا ييجى دور الموسفت اللى فى رقم 1 Q3 ده كل مهمته فى دائرة البروسيسور انه بيطلع من source 1.2 فولت
مهمتهم تشغيل جزء معين فى البروسيسور
الجزء ده هو اللى بيبتدى يرسل بعد كده فى خطوه رقم 2 بيانات البروسيسور الى اى سى VRM
وبالبلدى كده يقول له انا عاوز الفولت اللى يشغلنى يكون كذا (حسب نوع البروسيسور)

دلوقتى نوصل لخطوه 3 وخطوه 4
فى خطوه 3 اى سى vrm بيبعت فولت للموسفتات Q1 , Q2
نبضات من الفولت على gate بتحدد بعد كده شغل الموسفت
الخطوه 4 مرتبطه بالخطوه 3
بمعنى انهم متعلقين بالموسفتات Q1,Q2

دلوقتى عندنا سوكت ATX12 وده شكله وهو بيقوم بمد دائرة البروسيسور بالفولت الازم لتشغيلها
ده شكله على البورده





الفولت بيطلع من كابل atx12
بيطلع 12فولت وبعدين يمر على ملف ومكثف لتنعيم التيار وبعدين يدخل على الموسفت الاول Q1 وده مهمته تحويل الفولت من 12 فلوت الى الفولت المناسب بالبروسيسور (بيختلف من بروسيسور لاخر )
بعد ما الموسفت الرئيسى يمر عليه التيار 12 فلوت ويخرج مثلا من السورس 1.4فولت
يبدا التيار يعدى على الموسفت التانى اللى بيكون موسفت فرعى Q2 وهنا بيمر على drain ألموسفت لو كان هو فعلا التيار المناسب للبروسيسور الموسفت يسيب التيار يعدى
اما لو كان التيار ازيد من المطلوب او اقل من المطلوب فى الحاله دى بيخرج التيار على source الموسفت الفرعى اللى بيكون متوصل بارضى ويفرغ الشحنه
بعد ما التيار يمر على الموسفتات ويوشك دخوله على اى سى البروسيسور
بيمر مره تانيه بملف ومكثف لتنعيم التيار

ده شرح الدائره نظرى

اما بالنسبه للعملى
يتبع فى الغد ان شاء الله
دمتم فى رعاية الله

[mrd_ftm]

رد: تعليم صيانة المزربورد للمبتدئين(متجدد - ان شاء الله)

اللهم اجعله في ميزان الحسنات

[Ayman_M]

رد: تعليم صيانة المزربورد للمبتدئين(متجدد - ان شاء الله)

تابع دائرة البروسيسور

---------------------------------

بعد ما عرفنا ازاى التيار بيمر فى الدائره الكهربيه للبروسيسور دلوقتى لازم نعرف شكل الدائره على المزر بورد نفسها

(الخريطه الموجوده فوق دى لمجرد توضيح سريان الفولت فى الدائره وبيان طريقة عملها انما شكلها على البورده احنا بنحدده بالعين المجرده )

تابع الصوره التاليه لبورده جيجا بايت موضح عليها مرور الدائره الكهربيه



طيب دلوقتى فى اكثر من سؤال
ازاى انا عرفت الموسفتات الرئيسيه Q1
والموسفتات الفرعيه Q2
وازاى بردو عرفت المكثفات الرئيسيه C1
والمكثفات الفرعيه C2
وكمان هنا مفيش ملف جمب سوكت ATX 12
(L1)
واللى موجود هنا الملفات الفرعيه بس L2
.....................
علشان نجاوب على الاسئله دى لازم نعرف ان فى نوعين من القياس

الاول وهو قياس المسارات وبنستخدم فيه الافوميتر على وضع الصفاره

والثانى هو قياس الفولت ونستخدم فيه الافوميتر على وضع 20فولت ثابت

نبدا بقياس المسار

زى ما احنا عارفين سوكت ATX 12
بيدخل عليه 12 فولت
طيب منين اعرف البنات اللى فى السوكت اللى بتطلع 12 فولت اللى هيا موصله بعد كده للمفات والمكثفات والموسفتات؟؟

احنا بنجيب الافوميتر ونظبيطه على وضع الصفاره ونجيب الطرف الاحمر ونوصله باى ارضى فى البورده مجرد اننا نلمسه لل PS2
او فتحات USB على الحديد من بره كده



والطرف الاسود نلمسه للبنات فى سوكت ATX 12



هنلاقى عندنا الافوميتر بيدى صوت صفاره (لان ارضى مع ارضى يدى صفاره - او الدائره المغلقه تعطى صوت صفاره )
فالبنايه الى مش هتدى صوت صفاره يبقى هيا دى اللى البورصبلاى بيغزيها ب12فولت من السلك الاصفر
نقوم احنا مثبتين الكبل الاسود بتاع الافوميتر فى سوكت ATX12 مع البنايه اللى عرفنا انها بتستقبل ال12 فولت من السلك الاصفر



ونبدا نمر على DRAIN الموسفتات كلها
اللى نلاقيه بيدى صوت صفاره
يبقى متوصل بال12فولت
وبيكون موسفت رئيسى Q1
انما لو لم يعطى صوت صفاره بيكون موسفت فرعى Q2





ونفس الفكره فى تحديد المكثفات الرئيسيه والفرعيه
الفارق اننا هنلمس الطرف الاحمر من الافور على رجلين المكثف لو اعطى صوت صفاره يكون مكثف رئيسى C1
وغالبا بيكون مكتوب عليه قدرة تحمل 16 فولت
والمكثفات التى لا تعطى صوت صفاره تكون مكثفات فرعيه C2

ونفس القصه مع الملفات
اللى الافو يصفر معاه يكون رئيسى L1
مفيش صفاره يكون فرعى L2

اخر خطوه فى معرفة المسارات هيا ازاى اعرف اىسى VRM

زى ما شوفنا فى الخريطه الىل بتوضح سريان الفولت ان ال VRM بيعطى نبضه فولت على GATE الموسفتات الرئيسيه والفرعيه
ومكان IC VRM بيكون فوق قاعدة البروسيسور ناحية الشما او اليمين

فاحنا بنقوم بلمس GATE الموسفت سواء كان رئيسى او فرعى بالطرف الاسود فى الافو
ونبيتدى نمر بالطرف الاحمر على اطاراف الاى سى القريب من دائرة البروسيسور
لو اعطى صوت صفاره بيكون هو IC VRM
كما هو موضح بالصوره



----------------------------------------------------------------------------

يتبع ان شاء الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

اللهم اجعله في ميزان الحسنات

امين يارب
جزاك الله خيرا

[أم براءة]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته
ما شاء الله لا قوة إلا بالله
دائرة البروسيسور .. اتشرحت أمامنا قبل ذلك لكن صراحة اللي كان بيشرح شرح بسرعة وما فهمت لكن لما حضرتك وضعت الصور الأمر اتضح لي
بالنسبة للأدوات أنا ما جبت غير الأفوميتر والبنسة والمكواه والجفت والقصدير ومساعد اللحام.. الهوت إيير والعدسة إن شاء الله أحاول أجيبهم قريب.
وأما البورد فهذا متوفر جدا بالعمل وكمان عندي الجهاز في البيت أنا فكيت الجهاز قطعة قطعة وركبته ممكن كل كام درس أفك البوردة وأتعلم عليها مش مشكلة إن شاء الله.
وجزاكم الله خيرا ورفع قدركم
وإن شاء الله المشاركة القادمة سأطرح كل الأسئلة المتعلقة بالدروس الماضية لأني ما شفت الموضوع إلا من أيام قليلة فقط... سأطبع الموضوع كاملاً إلى آخر درس ونذاكره وأجمع أي أسئلة سواء مني أو من غيري وأطرحها المشاركة القادمة إن شاء الله.