بالله عليكم اخواتي الي في المنصورة تساعدوني

[لا حول و لا قوة الا بالله]

السلام عليكم و رحمة الله تعالى و بركاته

كل سنة و انتم و جميع الامة الاسلامية بخير

و رمضان مقبول باذن الله


عندي طلب من اخواتنا الي في المنصورة

انا اخت من المغرب كنت بدرس تمريض و لسه مخلصة الحمد لله

اتمنى من اي اخت تقدر تشوفلي عمل هناك في المنصورة لممرضة متعددة الاختصاصات

في مستشفى او مختبر او اي حاجة تخص التمريض

لاني معرفش عن البلد دي غير كل خير

معرفتش احط الطلب ده فين

قلت احطوا وسط اخواتنا على امل اني الاقي رد او الاقي اخت تساعدني

او تعرف حد يقدر يساعدني

و ربنا يبارك فيكم و يرزقنا و اياكم الفردوس الاعلى باذن الله

[nashwa24]

رد: بالله عليكم اخواتي الي في المنصورة تساعدوني

جزاكِ الله خيراا أختنا
إن شاء الله احدى الاخوات تساعدك

[لا حول و لا قوة الا بالله]

رد: بالله عليكم اخواتي الي في المنصورة تساعدوني

بارك الله فيكي اختي

اتمنى اني الاقي اخت تساعدني بجد

جوزيتي خيرا اختي

[أم صهيب السلفية]

رد: بالله عليكم اخواتي الي في المنصورة تساعدوني

وعليكم السلام ورحمة الله وبركاته

اختى الكريمة انا لا افهم ماذا تريدى

هل انتى عايشة عندنا فى المنصورة؟؟ولا انتى فى المغرب؟

طيب ازاى هتعيشى هنا ولا حضرتك تزوجتى عندنا من المنصورة
وانتى موجودة حاليا فين؟
انا مش فاهمة حتى استطيع مساعدتك

انا من المنصورة

[لا حول و لا قوة الا بالله]

رد: بالله عليكم اخواتي الي في المنصورة تساعدوني

بارك الله فيكي اختي

انا في المغرب بس عايزة حد يقدملي الورق بتاعي و يشوفلي شغل عندكو هناك

و ده هيسهل عليا حجات كثيرة

هيبقى احسن من اني اروح و بعدين اعد ادور و انا مش عارفة البلد الكويس

و ان كان على العيشة انا اعرف ناس هناك عندي صاحبتي هناك بس هي مش هتعرف تتصرف و تشوفلي شغل عشان كده بطلب منكم
لو هتعرفي تساعديني يا ريت مش تتأخري عليا و ربنا يجازيكي بكل خير ان شاء الله

بارك الله فيكي اختي و رزقك الفردوس الاعلى

[لا حول و لا قوة الا بالله]

رد: بالله عليكم اخواتي الي في المنصورة تساعدوني

بالله عليكم الي تقدر تساعدني مش تتأخر عليا

واسألكم الدعاء بالتيسيير

بارك الله فيهم

[لا حول و لا قوة الا بالله]

رد: بالله عليكم اخواتي الي في المنصورة تساعدوني

مستنية ردك يا اخت ام صهيب

و يا ريت اي وحدة من المنصورة مش تبخل عليا بالرد و المساعدة

و تحتسب الاجر عند الله

بارك الله فيكم

[يمامة المسجد]

رد: بالله عليكم اخواتي الي في المنصورة تساعدوني

يا غاليتي ما ينفعش

أولا ً : مش معاك ِ محرم

ثانيا ً : يلزمك إقامة حتى لو معاك ِ

ثالثا ً : العمل في المنصورة صعب ومش بيجبلك المال اللازم للحياة

يعني عشان تيجي هيلزمك حاجات كتيرة

أهمها شقة إيجار والشقق الآن أقل شقة ب 300 جنية حجرة وصالة في مكان سئ يعني انت ِ لما هتبدأي تشتغلي هتاخدي 150 جنية

الموضوع يا غاليتي مستحيل

ولو عايزة تسيبي المغرب ولديك محرم فكري في المملكة مثلا ً هناك الممرضات مطلوبات ومرتبهم كبير شوية

[لا حول و لا قوة الا بالله]

رد: بالله عليكم اخواتي الي في المنصورة تساعدوني

بارك الله فيكي اختي يمامة المسجد

الكلام الي قلتيه صح

و انا فكرت فيه قبل كده

بس احسن حاجة ليا المنصورة

اولا لاني اعرف ناس فيها

ناس ملتزمين الحمد لله و ده الي مطمني

و السكن برده مش مشكلة خالص

انما في المملكة او اي مكان ثاني انا معرفش حد هناك هتبقى صعبة

و الفلوس مش مشكلة كمان اهم حاجة اني عارفة اني هناك هبقى في جو ملتزم و ده الي بدور عليه

و جزاك الله خيرا

[لا حول و لا قوة الا بالله]

رد: بالله عليكم اخواتي الي في المنصورة تساعدوني

عارفة ان في ناس كثيرة هنا من المنصورة

يا ريت اي وحدة تساعدني و لو مش هتقدر, ممكن تجيبلي حتى عناوين مستشفيات خاصة او مختبرات او حاجة تخص التمريض

عنواين او التلفون او البريد الالكتروني

اي حاجة ممكن تساعد

و تحتسب الاجر عند الله

و بارك الله فيكن اخواتي

[لا حول و لا قوة الا بالله]

رد: بالله عليكم اخواتي الي في المنصورة تساعدوني

مستنية رد برده

(ابتسامة)

[يمامة المسجد]

رد: بالله عليكم اخواتي الي في المنصورة تساعدوني

يا غاليتي ما ينفعش تيجي من غير محرم

لازم محرم

وصدقيني الحياة هنا مش مثالية زي ما انت ِ متخيلة

والظروف المادية شئ مهم هتعيشي إزاي

وبعدين صدقيني هنا احترام الممرضات مش أوي مش زي الدكاترة حتى في المستشفيات الخاصة ... بتبتدي كانها عاملة بالظبط ... الأفضل خريجة كلية تمريض ... وانت ِ اساسا شهادتك هنا غير معترف بيها على الإطلاق

مش عارفة انا حاسة انك بتحسبي الحياة وردية هنا ... بالعكس صعبة جدا ً وأنا لي علاقة بالطب وفاهمة اللي بقوله لك ِ

بالإضافة إلى قانون منع الممرضات من ارتداء النقاب

[يمامة المسجد]

رد: بالله عليكم اخواتي الي في المنصورة تساعدوني

سؤال ؟ انت ِ فين حاليا ً ؟؟؟؟؟؟؟؟

[لا حول و لا قوة الا بالله]

رد: بالله عليكم اخواتي الي في المنصورة تساعدوني

بارك الله فيكي اختي لانك لبيتي النداء

اما بالنسبة لسفري فان شاء الله ممكن ان الوالد ياخدني هناك و بعد ميطمن عليا يرجع و زي مقولتلك انا اعرف ناس في المنصورة عشان كده عاوزة المنصورة بالتحديد

في الاول و في الاخر هيبقالي فيها حد

و بالنسبة للتمريض ما انا درست تمريض 3 سنين و عارفة ان في شغل التمريض بالذات في اي بلد بتلاقي عندهم خصاص في كادر التمريض عشان كده سهلة تلاقي فرص عمل

و لو على الظروف المادية انا مش طمعانة في حاجة كبيرة

لان عندي فرص اروح اشتغل في اوروبا و ما شاء الله الراتب هناك خيالي

بس اهو الراتب تمام و كل حاجة و هروح هناك لا الجو و لا الصحبة هيكونوا مناسبين ليا و للي عاوزة اعمله في حياتي

و مش شايفة الحياة عندكو وردية و لا حاجة بس اخترت اخف الضررين

لاني كده كده هسافر و مش هشتغل في المغرب

فاحسنلي اروح بلد مسلم و بلد بعرف فيه ناس ما شاء الله ملتزمين و نحسبهم على خير و لا نزكي على الله احدا يعني على الاقل هيبقالي اهل في البلد الي هعد فيها

و بالنسبة لسؤالك يا غاليتي

انا لسه في المغرب حاليا

و جزاكي الله خيرا اختي على اهتمامك و جمعنا و اياكي في الفردوس الاعلى باذنه تعالى

["بنت الإسلام"]

رد: بالله عليكم اخواتي الي في المنصورة تساعدوني

انا لست من المنصورة
لكنكى تنورى القاهرة اختاه
اسال الله ان ييسر لكى الامر
ويرزقكى ما يحبه ويرضاه
آآآآآآآآآآآآآآآآآآآآمين