القلب أم العقل

[غير مسجل]

السلام عليكم ورحمة الله وبركاته
جزا الله خيرا كل القائمين على هذا العمل
واعذرونى إن أطلت عليكم ولكن يعلم الله الكرب الذى انا فيه واريد من يأخذ بيدى ويرشدنى بفضل الله إلى الطريق المستقيم
بداية ولله الحمد كنت طالبة فى الجامعة على خلق ودين بفضل الله يعنى أصلى لا أكلم بنين فى الجامعة لا أختلط بأحد يعنى دين بالفطرة ولله الحمد والمنة
وكان هناك أخ يعرف عنى ألتزامى وعدم حديث مع البنبن نهائيا فقد كنت أستحى من هذا الفعل
المهم هذا الأخ (بعد ما تقدم لخطبتى) عرفنا منه انه كان يحبنى حبا جما من زمن بعيد وأنه كان يتبعنى فى الجامعة دون علمى ويرى منى حسن الخلق والدين وانه احبنى منذ 3 سنوات دون علمى غلى حين أن ييسر الله له أمره ويستطيع أن يتقدم لخطبتى وفعلا خطبت اليه وانا فى السنة الثانيه من الجامعة
فى بداية الأمر لم أكن أهتم لأمره ولم أكن أفهم ازاى حد ممكن يحب حد كل السنين دى بدون علمه وبعد ما حكا لى ولأهلى كل أيام حياتى وكأنه كان معى يوم بيوم فبدئت أتشد ليه وأعجب بحبه ليا وانه كمان على خلق وعلى دين وانه محاولش يكلمنى ولا مرة طول السنين دى واخفى كل هذا الحب فى نفسه وحبه كان يزيد يوم بعد يوم
اتفق مع أهلى اننا سنتزوج بعد تخرجى أى بعد عامين وبعد مرور أول عام اذا بهذا الأخ يتغير يبقى متشدد (من وجهت نظر الأهل والأقارب) ولكن فى نظرى أنا ازدات قيمته عندى جدا فبفضل الله من الله عليه بالإلتزام وأعفى لحيته وألتزم بالزى الشرعى وسنة الرسول قدر المستطاع وبدء رحلته فى طلب العلم
طبعا انا انسانه عادية جدا ألبس عادى ألوان وجيبات بس واسعة وألوان
اشاهد أفلام أسمع أغانى
فالطبيعى أن خلاص كل واحد يروح لحاله وهو يشوف أخت زيه وعلى نفس منهجه
سأل شيخ من مشايخنا الكبار حفظهم الله أنا أحب أنسانه عادية وقد من الله علي بالإلتزام وأنا متعلق بها تعلق شديد ولا أستطيع أن أتركها أبدا او اغيرها وابدلها بل لن تكون لى حياة بدونها
فنصحه الشيخ ان ينصحنى وانى لو انا كمان بقيت ملتزمة ممكن نبنى بيت على أساس الدين
المهم بدء يكلمنى فى النقاب والحجاب
وبفضل الله حينها كنت بدئت أسمع للشيوخ على قناة الناس حينها لم تكن قناة غيرها
المهم حاول معى فى النقاب ولكن دون استجابة
وفى يوم طرقت باب العلى القدير ونويت فى نفسى انى احترت فى موضوع النقاب دا وموش عارفة اعمل ايه
قولت اقدم فى دار تحفيظ وربنا أكيد مدام انا أخذت خطوة وبدئت حيدلنى على الطريق
روحت فعلا الدار وأول ما دخلت لاقيت فوق مكتب السكرتيرية مكتبة شرائط وقعت عينى حينها على شريط لن أنساه عمرى
اسمه شبهات حول النقاب للشيخ مسعد انور روحت وصليت العصر وحطيت الشريط عشان اسمع الشيخ دا بيقول ايه
والحمد لله وقع فى قلبى انه فرض
وقررت من ثانيه انتهاء الشريط انى منتقبة وانه لن يرانى أحد من غي ر محارمى
هذا ملخص القصة
فأنا أحببت هذا الأخ جدا جدا جدا وتعلقت به لدرجه لا يعلمها إلا الله
وقد تحمل هو الأخر كثيرا من أجلى من عقبات فى طريق الإلتزام ومحاولات معى ليجعلنى على المنهج والطريق القويم
وحتى أن اهلى ذات مرة قالوا له اما هى أو لحيتك
وثبتنا الله عز وجل
لحد كده والحمد لله الحياة جميلة وكلوا تمام أنا أحبه جدا وهو يحبنى جدا و التزمت معه وجعله الله سببا فى هدايتى
وتغلبنا بفضل الله على العقبات التى واجهتنا
ما قصصته عليكم هذا حدث فى 3 سنوات وكان المقرر أن نستعد للعقد وللزواج
وتوفت أمه رحمة الله عليها ربنا يرحمها اللهم آمين
وقدر الله ان رزقه الله بمبلغ من المال ميراث يمكن أن نبدء به حياة كريمة وتقعت انه هذا الرزق سيقرب بيننا أكتر واننا سنتزوج قريبا طبعا بعد مرور حوالى سنة على الوفاة
ولكنى صدمت حين علمت انه صرف معظم المبلغ لإحتياجته الشخصية من ماكل وملبس وغسيل للملابس فى المغسلة لأن لا أحد يخدمه من اخواته
وتحولت الحياة مرة أخرى واصبحنا نتكلم عن السكن فى شقة قانون جديد وهو ما أثار غضب أهلى وفسخوا الخطبة ثم عاد اليهم وحاول معهم ومن الله على أن وافقوا
ثم بدء يترك العمل فى المحاماة لانه فيه شبهات كما هو معلوم وتوقفت الحياة مرة اخرى لعدم وجود عمل وبالتالى عدم وجود دخل مادى وحصلت مشكلات وانتهى الأمر ثم عاد لتصميمه على الزواج بى
انا فى كل هذا حبى له يزيد كما انه فى السنة التى سبقت التزامنا كنا تعلقبنا بعض جدا وصرحنا لبعض بمدى الحب الذى يملئ قلب كل واحد ما تجاه الأخر

ثم بدء يدور على عمل ورزقه الله من فضله وبعد اسبوع قال العمل دا شاق عليا وموش حقدر أكمل

وشوية وقال أنا لاقيت عمل تانى واسبوعين وقال العمل دا فلوسه قليلة موش حتكفى لو كمل فيه اننا نتزوج

ويسب عمل ويسك فى عمل
طبعا أهلى مبأش عاجبهم حاجة فى حاجة كما انهم كانوا معترضين على انه بعد الإلتزام أهمل فى شكله جدا وزاد وزنه بشكل كبير جدا
وانا أقول بعد الزواج كل دا يتحل وموش مهم
بدء الزن والنكد من هنا
دا مبيجبش دا مبيعملش دا موش نافع دا ضيع عمرك
وانا كمان بدءت أحس انه الموضوع طول والمشاكل كترت وان احنا متقدمناش ولا خطورة
وبدء الصراع بين حبى ليه وعقلى اللى بقول انى عمرى ضاع وموش مهم انى اضيع عمرى معاه المهم اننا متقدمناش
وبدئت أفكر فى الأمر دا بعد 6 سنوات من الخطبة
ايوة فضلت معاه 6 سنين كاملين ومن غير ولا خطوة ولا تقدم لا عقد ولا زواج ولا عمل ولا شقة ولا ولا ولا ولا

ثم قالت لى أمى يا بتنى موش الإستخارة دى بتمشى الموضوع او توقفه قولتها اه يا امى لو ربنا رايد الموضوع يمشى ولو لم يرد يبقى فى عقبات
قالتلى وموش مكفيكى يا بنتى 6 سنين ربنا لم يأذن فيها موش دى نتيجة الإستخارة
ودى كانت أول اسيقاظ لى وكان الكلام دا فى أول أسبوع من رمضان المضى دا على طول
وصليت غستخارة تانى وطلبت من أبى انه يكلم الأخ ويطلب منه انه يجى يكلمنى عشان اشوف الموضوع دا
ولما جيه صليت استخارة وهو بره وطلعت وكلمته فى كل اللى عايزة بحضره ابى واخى وامى
اننا لم نتقدم وذكرت له ما ذكرت لكم
وفجأة لاقتنى بقول لإبى أعطى له الشبكة وانا فى حالة انهيار وبكاء يسمع له نحيبا
وحمدت الله وأسترجعت وسألتى ربى أن يخلف على خير كان هذا يوم 10 رمضان الناضى
والح لله على كل حال
وبدئت الناس تعرف انى فسخت خطبتى ويتقدم لى الكثير
اللى ما شاء متدين معه شقة وعفش وشبكة واللى نص نص وحاله معقول
وناااااااااس كتير

لكن كل ما يتقدملى حد أكتئب وأبكى بكاء مرير ولا أستطيع أن أتخيل أنى يوما سأتزوج أحد غيره

ولا أطيق أن يرانى أحد رؤية شرعية وحتى لما تأتى أم أى حد متقدملى تقعد معايا وتشوفنى وتفهمنى الظروف أبقى موش طايقة

بجد أنا حزينة جدا جدا جدا جدا وموش اقدره انى افكر فى أى حد غيره
وخايفة يكون دا أعتراض على قضاء الله

وموش عايزو أوافق على أى حد النى موش حقدر أكون معاه فأنا متعلقة جدا بخطيبى ويكفى ان 6 أعوام مروا على معه
احببته واحبنى دافعت عنه ودافع عنى أردته وأرادنى

ومن الناحية الأخرى العقل ينادينى بأنى أتزوج أحد يكون كويس مع أهلى معتمد على نفسه وأعيش حياتى

أقسم بالله أنا فى كرب وساعدونى ربنا يفرج عنكم اللهم آمين
أحس أنى أبحث عنه فى الطرقات صوته يطاردنى فى اليقظة وفى المنام






هو على دين وخلق ويحبنى جدا
لكنه لا يعتمد عليه لا شغل ولا شقة ولا بيحوش ويعتمد على نفسه عشان يتزوج ولا أى حاجة بالإضافة لبعض الإشياء الأخرى التى يمكن أن أتغاضى عنها

انا كده بقالى شهر ونصف منفصلة عنه
ولكنه فى قلبى وعقلى يزال كما هو
وانا موش عايزة أظلم حد معايا أو أظلم نفسى أو أظلمه

جزاكم الله خيرا

[غير مسجل]

رد: القلب أم العقل

أعمل ايه استحمل وخلاص ومفكرش فى الزواج تانى

ولا أكلم أهلى انى عايزة أرجعله وللأسف دى أول مرة ميحاولش يرجعلى فيها غالبا أنا قسيت عليه وكنش متوقع منى كده بعد العمر دا لكن والله انا تعبت وعانيت فى حياتى كتير وا ستحملت كتير قوى عشانه

استحمل ألم الفراق وضياع الوقت فى الحزن والدموع ولا أرجعله وأعيش معاه على ظروفه دى واحا ول اغيره زى ما هو حاول يغيرنى وبفضل الله بحفظ القرءان وبقيت معلمة قرءان وأعطى دروس فى حلقات ذكر وتذكير لإخواتى

أحاول أعيش وأتخطب وأتزوج

بجد لو تزوجت واحد حبه جدا ومتفهمين جدا فى شقة قانون جديد وظروف على قدها أكون سعيدة معاه ونبنى بيت مسلم ندخل بيه الجنة بعدين نعيش فى قصور ونعيم الجنة
افضل ولا أعيش فى شقة تمليك او قانون قديم حياة موش سعيدة
كفاية انى بقالى 6 سنين مستنيه الحياة دى

على رغم كل العيوب اللى فيه انه اهمل فى نفسه أضاع كل ماله وبنيدء من الصفر الأن متحملش مسؤلية إلا أنى أحبه ولولا أن العشق حرام لقلتها
حياتى وهو معايا أى فى الخطبة طبعا موش بتكلم فى التليفون والكلام دا كانت حزينة بسبب تنكيد أهلى عليا بصى انتى فين وفلانه اللى أقل منك جالها ايه
انتى محسسانا أنك مطلقة لا شقة ولا شبكة
أنتى انتى انتى من الكلام اللى بيجرح دا
وخلاص سبته
بس يا ترى لما سبته عشت حياة سعيدة لا وربى با أنا أتعس التعساء مع انه يتقدم لخطبتى أحسن النس خلقا ودينا ومستوى أجتماعى
أعمل ايه
أسفة جدا على الإطالة

[مراقب قسم سرك فى بير]

رد: القلب أم العقل

سوف يتم الرد عليك أن شاء الله

[فريق استشارات سرك فى بير(الأخوات)]

رد: القلب أم العقل

وعليكم السلام ورحمة الله وبركاتة

ابنتى الفاضلة

نسأل الله ان يوفقك لما يحب ويرضى ويسدد خطاك ِ

ويزيدك حرصا على دينك ورضا ربك

اللهم امين

فإن هذا الاضطراب الذي تجدينه في نفسك هو أمر راجع إلى طبيعتك وشعورك، فأنت فتاة صاحبة طبيعة لطيفة رقيقة (حساسة)

ولذلك تجدين من نفسك التأثر السريع فتحبين صديقاتك وبسرعة، كما أنك قد تتأثرين من كلمة تصدر منهنَّ في حقك وبسرعة أيضًا، فهذا بحسب الظاهر من وصفك لحالك، إذن فأنت لديك طبيعة لطيفة تتأثر بمن حولها، مضافًا إلى ذلك أنه قد وقع لك حادث آلم نفسك ألمًا شديدًا، فزاد من معاناتك وهيج في نفسك شيئًا من الهم والحزن ولو كان ذلك مستورًا دفينًا، فإن هذه التجربة التي مررت بها مع هذا الخاطب، والذي كنت تميلين إليه وترين فيه الزوج الذي سوف يسعدك قد تركت أثرها البين الذي لا يخفى عليك.

حتى أنك قد صرت الآن تشعرين بأنك لو خطبت من خاطب آخر فقد لا توفقين معه أيضًا، إذن فهنالك نوع من الصدمة حصلت لك بسبب هذه التجربة التي لا زلت تعانين من مرارتها، والطريق للخروج من هذه المشاعر والآثار السلبية هو أن تستولي أنت على التفكير وليس أن يستولي التفكير عليك، فما معنى هذا؟

إن معناه أن تتحكمي في خواطرك وأفكارك بحيث لا تسترسلين في هذا الماضي، وفي هذه الأفكار، وفي التخوف من المستقبل المجهول، وخذي بنظرك حال الفتيات من أمثالك، كم تخطب الفتاة ثم بعد ذلك لا يتم الأمر؟ إن هذا أمر لا يعيبها ولا ينقصها، بل أمر كثير الوقوع شائع حصوله، فلست أول من خُطبت ولم يتم لها الاستمرار.

إذن فهوِّني على نفسك وخذي الأمور بالتسهيل والتهوين، واشتغلي عن الأفكار المقلقة قدر استطاعتك، وذلك بالحرص على ما ينفعك في دينك ودنياك

ابنتى

ونحسبك ِ على خير والله حسيبك

فعايزين نسأل نفسنا سؤال ؟ هل فيه أحد أحرص علينا من ربنـا ؟

وهل فيه احد اعلمـ بما فيه الخير لنا من الله ؟

فالله هو أعلمـ بحالك وما هو خير لك ِ

أعلم بما ينفعك وبما يضرك

فلنرضي بقضاء الله وبما قدره لنـا

ونبعتد عن التفكير بما يليهنا عن التقرب من الله

وبما يشغلنا عن ذكر الله وطاعته فالله سيحاسبنـا على كل دقيقة

قال الرسول صلى الله عليه وسلم

((لا تزول قدما ابن آدم يوم القيامة حتى يسئل عن خمس : عن عمره فيم أفناه ، وعن شبابه فيم أبلاه ، وعن ماله من أين اكتسبه وفيم أنفقه ، وماذا عمل فيما علم ))

ابنتى الفاضلة

لا تشغلي نفسك فالأمر أصبح أمر واقع

نعلم إن الأمر محير بالنسبة لكي ويسبب لكِ الكثير من الألم

ولكن

البكاء على اللبن المسكوب لن يجدي

..إذن الأمر قد انتهى

هذة المشاعر التى بداخلك وبداخله لن تغير من الواقع شىء

فمشاعر الحب وحدها غير كافية لإقامة زواج ناجح او بيت مسلم

وكثير من الزيجات انتهت بالطلاق وكل طرف يكن للطرف الأخر الكثير من المشاعر

ولكن كما إن السيارة لا تسير بعجلة واحدة فالزواج لا ينجح أبدا بعامل واحد !

فهل تظني إن زواجك منه السعادة المطلقة ؟؟

أختنا الغالية أنتى لا تعلمي الغيب

فربما ألمك الآن أقل بكثير من ألمك لو تزوجتي هذا الشخص ثم وقع الطلاق ولا تتعجبي

وانظري حولك

فكم من حالة طلاق تمت لإشخاص كانوا يتصورا إن منتهى السعادة في زواجهما

{ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة : 216]

فأول حاجه لازم نتفق عليها انكِ تبقى عاوزه فعلا تخرجى من الحاله دى

وأنك تكونى متأكده أن دى مش نهاية حياتك ولا نهايه قلبك وإنك هترجعى تعيشى وتتضحكى وتتخطبى وتتزوجى وتكونى سعيدة وتفتكرى الايام دى كذكرى بعيدة جدا

اكيد انتِ بتقولى مستحيل

ولكن بالصبر وشويه وقت (بس المره دى بمحاوله حقيقيه )هتنسى وتتأقلمى وتستمر الحياه :)

طيب نبدأ منين ؟؟؟

الاول فى شوية حاجات لازم تبقى متأكدة منهم مليون فى المية وعاوزاكى تقريهم باستمرار وتفكرى نفسك بيهم علطول

حتى لو هتكتبيهم فى ورقه وتقريهم كثير :)

اول حاجه ان الى حصل ده خير كبير جدا ليكى حتى لو انت مش شايفة ده

**لان احنا علمنا قاصر جدا ومنعرفش الخير فين ..لكن ربنا الرحمن الرحيم علام الغيوب يعلم ولا نعلم

افتكرى {عَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة : 216]

وافتكرى اننا كثير بندعى بحاجات فاكرين انها احسن حاجه فى الدنيا وهى فيها شر لينا

{وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولًا} [الإسراء : 11]

**ربنا سبحانه وتعالى لطيف بعباده

اكييييد كان هيبقى فى ضرر أكبر بكثير لو الموضوع استمر واتجوزتم ..

شوفى كميه الألم الرهيبة دى الى انتى حاسة بيها عشان سابك فى الخطوبه كانت هتتضاعف لو حصل ده بعد الزواج

حالك أحسن من غيرك بكثيييييييييييييير

فى حالات حصل الانفصال بعد العقد فبقت مطلقة

وفى فى يوم الفرح فبقت فضيحة ..تخيلى كميه الالم والانكسار !

وفى بعد الزواج بشهرين مع وجود حمل يعنى بقت مطلقة بطفل الى جانب ألم أكبر من ألمك ...

والنماذج كثيييييييييير جدا فاحمدى الله ان الموضوع مش اكبر من كده

**لازم تبقى عارفة ان الله ما منعنا الا ليعطينا

يعنى ربنا لما يصرف عنك شىء بيبدلك بشىء أفضل منه بكثيير

عارفة الطفل الصغير أحيانا يفضل يعيط على قطعة زجاج مكسورة هو شايفها جميلة وعاوزها وعاوز يلعب بيها فأهله طبعا لازم يبعدوها عنه عشان هتأذيه أذى كبير.

وممكن يكونوا محضرين له جوهره بدلها..

لكن هو مش فاهم حزين بيعيط عاوز الإزازة !!

لانها احلى حاجة فى الدنيا فى عينيه ..

أحنا كمان بنعيط على حاجات هتأذينا ومش هتنفعنا لكن ربنا رحيم بيحمينا من نفسنا زى ما احنا بنمنع المريض من بعض الاكل الى هيضره..

هل أحنا عاوزين نعذبه!! ابدا عشان مصلحته وعشان يخف بسرعة

**مين عارف مش يمكن الألم ده والمحنة دى هى بداية حقيقية ليكى

بيقولوا (الضربة الى مبتموتش بتقوى)

وبيقولوا (بالضغط تتلائم الأجزاء المبعثره)

كثير جدا جدا الى كانت بدايه نجاحهم فى الحياة محنة شديدة مروا بها فكانت نقطة تحول فى حياتهم

بل إن اغلب التغير بيجى بسبب أزمة مر بها الانسان فى حياته

**أحسنى الظن بربك :

الي جاى إن شاء الله أحسن كثيير وربنا كرييييييييييييم جدا جدا وحناااااااان ومجيييب وقرييييييب وقاااااااادر على كل شىء والقلوب بيده وحده وهو القادر على ان يزيل همك وحزنك فقط أدعيه تضرعى اليه اسجدى له

ووالله هو أرحم عليكى من الناس أجمعين

من رحمه ربنا بينا إنه برغم إن كل شىء بيبدأ صغير وبعدين يكبر إلا الحزن بيبدأ كبيييييييييير وبعدين يصغر لإن ربنا من علينا بنعمة النسيان

طيب لو أنتِ اتأكدت ان الى حصل ده خير كبيير ليكى والى جاى ان شاء الله أحسن بكثيييير

يبقى نبدأ الخطوات العمليه:

1)لازم تلاقى هدف لحياتك

انتى بتعملى إيه فى حياتك وعايشة ليه؟؟

احنا عايشين عشان نعبد ربنا مش كده!!

يبقى خلاص نبدأ نحاول نحقق الهدف ده صح

نبدأ نتعلم دينا ونقرب من ربنا

فى دوره للخشوع فى الصلاه اشتركى فيها

وحاولى تسمعى دروس

وتروحى تحفظي قرآن

وقوليى لنفسك المحنة دى لازم بعون الله تتحول لنجاح

وأوعي تستسلمى أبدا

*********************************

2)الفراغ ممنوع

انتى عرفتى هدفك

يعنى لازم تعملى جدول ليومك

وفى حاجات كثير تتعمل

وممكن تلتحقى بفريق العمل فى المنتدى وتتعلمى حاجات مفيدة وتفيدى غيرك

*****************************************

3)ادخلى السعادة على قلب غيرك هتحسى بيها

روحي دار أيتام حتى لو حسة انك حزينة ومش قادرة

روحي العبي مع الأطفال وجبلهم حاجة تفرحهم ..هتلاقي نفسك فرحانة على فرحهم .

روحي لناس فقراء وخد لهم أكل او أى شىء يحتاجوه لما تلاقي ابتسامتهم وتسمعيهم بيدعولك هتحسي إنك فرحانة

**************************************

4)ابعدى عن أى حاجه تفكرك بالموضوع ده

يعني لو فى هدايا أو أى حاجة تخصه عندك اتخلصى منها ..

متتكلميش مع حد فى الموضوع ولو حد فتحه اقفليه أنت وقولى للبيت عندك إنك مش عاوزة تتكلمي فى الموضوع ده تاني ابدا (مفيش داعى نقول إنك طبعا مش هتسمعي أغانى ولا تتفرجي على افلام هى حرام أصلا وهتقلب عليكى الجروح)

*********************************************

5) كل ما تفكرى فى الموضوع ..فكرى نفسك بكل الكلام الى فات ده

وفكرى نفسك إنها مش نهاية الدنيا وإن الى حصل خير ليكى

ومتحاوليش تستسلمي للذكريات والحزن وقومي اعملى حاجة مفيدة

وانسب شىء تقومى تصلى

**********************************

6)عليك بالدعـــــــــــــــــــــــــــــــــأء الكثيييييييير

أن ربنا يربط على قلبك ويزيل همك ووالله هو وحده القادر على ذلك

***********************

7) دايما افتكرى الناس الى ابتلائها أشد منك وفكرى فيهم

فى ناس فقيره جدا جدا

مش لاقية بيت ...فبتنام فى الشارع

ومش لاقية أكل ...فبتاكل من الزبالة

فى ناس مريضة امراض خطيرة وبتتألم ألام شديدة لا نتخيلها

عارفة كام واحد عنده سرطان.....

وكام واحد عنده فشل كلوى...

وكام واحد عنده الكبد فى حالة خطرة..!!

ملاييييييييييييييييييين كثير

عارفة كام واحد مسجون بسبب ديوووون اتراكمت عليه

عارف فى كام طفل يتيم ومشرد!!

عارفة كام واحد مدمن وضايع ..

عارفه كام واحد مش مسلم وهيكون لجهنم حطبا

فالحمد للــــــــــــــــــــــــــــــــــــــــــــــــ ـــــــه

حمـــــــــــــــــــــــــــــدا كثيـــــــــــــــــــــــــــــرا

إنتى ابتلائك أيسر بكثيير وفيه باذن الله

** تكفير للسيئات ورفع للدرجات

**وبالصبر تاخدى أجر ...إنما يوفى الصابرون اجرهم بغير حساب

**وخير كثير لأن الألم الآن أقل مما لو حدث الانفصال بعد ذلك

**ونقطه تغير لحياتك للافضل بالمزيد من القرب لله

**وايضا باذن الله سيبدلك الله من هو خير منه

فيبقى كده الى حصل شىء يستحق الحزن!!

أم انك تسجدى لله وتقولى الحمد لله

اكثرى من هذا الدعاء

الحمد لله اللهم أجرنى فى مصيبتى واخلفنى خير منها