وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

المسلسل لسه مخلصش يا جماعة
نعمل ايه في ثورة مصر اللي لسه مخلصتش !!!
مهو المسلسل مصرواي ثورجي

ولكن
بإذن الله نحاول ننهيه
دعواتكم بالتيسير

انا قلت انتوا نسيتوه الصراحة
لان في شيء بيحزنني هو عدم الاهتمام بهذه المسلسلات وعدم نشرها
فهل هي ذو تأثير أو ما تقيمكم لمدي تأثيرها ؟

[قرآني حياتي]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

المسلسل لسه مخلصش يا جماعة

نعمل ايه في ثورة مصر اللي لسه مخلصتش !!!
مهو المسلسل مصرواي ثورجي

ولكن
بإذن الله نحاول ننهيه
دعواتكم بالتيسير

انا قلت انتوا نسيتوه الصراحة
لان في شيء بيحزنني هو عدم الاهتمام بهذه المسلسلات وعدم نشرها
فهل هي ذو تأثير أو ما تقيمكم لمدي تأثيرها ؟

بالعكس إحسنا مستنين المسلسل ده بالذات و كل ما داخل أشوف فيه حلقة جديدة و لا لاء لأنة بصراحة قمة في الروعة و , و كان عندي رجاء بس ( متخلصهوش بسرعة لأن أسلوب عرضة و القصة نفسها ما شاء الله ربنا يبارك في كاتبته )

بارك الله فيكم و جزاكم الله كل خير

منتظرين الحاقة القادمة بشوووووووق

يسر الله لكم كل عسير

[almoslima]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

لا مانسيناش ولا حاجة ومنتظرين ومتابعين معاكم إن شاء الله -أعانكم الله ويسر لكم كل عسير ووفقكم دائما إلى ما يحب ويرضى-
بس بالله عليكم حد يقولي آخر حلقة نزلت من المسلسل كانت الحلقة الكام ؟...

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بارك الله فيكم اخواتي
اخر حلقة كانت 9

[almoslima]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكي الله خيرا اختي على ردكِ

[محبه خديجه]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ماااشاء الله اللهم بارك
نسأل الله الاخلاص والقبول جزاكم الله خيراً

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

الله المستعان

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

انتظروااااا الحلقة ال10 في خلال سويعات بإذن الله

[حور العين1996]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

منتظرين اخيتى
بارك الله فيكم
ورزقكم الاخلاص والقبول
*************************
اللهم صل على سيدنامحمدوعلى اله وصحبه وسلم.
سبحان الله العظيم وبحمده.

[نوور الأسلام]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ربنا يجزيكم خير يارب

[almoslima]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

من فضلكم هي الحلقة10 نزلت ولا لسة؟ وجزاكم الله خيرا

[جوا الجووون يا شباب مصــر]

الحلقة 10

عدنا لكم بعد غياب نعلم
ولكن أعذرونا
فسنُريحكم من هذا المسلسل الثورجي
وإليكم :
الحلقة 10 قبل الاخيرة



وكنا توفقنا في الحلقة الماضية عند هذا الحوار :

يرد الشباب : يا شيخ أحمد سيبه دا بطرس .
أحمد : اممممممم أهلاً يا بطرس . وماله أمّا تشارك معانا محنا كلنا شركاء في الوطن .!
ترد أحداث ماسبيرو تصدم الجميـــــــــع




وطبعاً الأحداث كتيييييييييييييييييييييير جداااً في الفترة دي وهي من بعد العيد إلى وقتنا هذا

فاحترت من أين يبدأ القلم
فليبدأ من حيث أنتهى مروراً سريعاً على أهم الأحداث
من ضمنها أحداث ماسبيرو التي للأسف أثبت فيها فلوبتير وأعوانه حقده الشديد للإسلام والمسلمين ولمصر وللقوات المسلحة ولكل رموز مصر بكل بجاحة وفي الآخر اُفرج عنه بكل بساطة هو وعلاء عبد الفتاح اللي فجّر الأحداث معه . أما أبو يحيى ما زال أسيراً رغم برائته
الله المستعان


نعود لأبطال مسلسلنا
وتمر الشهوور
وعمر نجح
وجاب أمتياز ..
وهذا طبعاً بفضل الله ..
فقد صدق عمر في نيّة التوبة وعمله الصالح ..
وقد صدقه الله تعالى وأثابه بالأمتياز .

عمر لم يتأخر يوماً عن صلاة الفروض في المسجد

ويستيقظ لصلاة الفجر ويوقظ أمّه الحبيبة الغالية لتصلي الفجر في وقته ..
وتنظر أم عمر لأبنها نظرة كلها سعادة .. وتدمع عيناها .. فقد مر بخيالها شريط الحياة السابقة التي كان يعيشها عمر .. وقارنته بهذه اللحظة الرائعة التي يوقظها فيها لصلاة الفجر قبل نزوله إلى المسجد ليؤدي الفرض في جماعة ..
وطبعاً وهو نازل على السلم قام رن جرس الشقة المجاورة لهم .. طبعاً شقة صديقه العزيز أحمد ..
ومحدش يفكر أنه كده عمر بيزعج أسرة أحمد لما يرن الجرس في الوقت ده ..
لأ طبعاً مفيش إزعاج .. لأن المفروض .. والطبيعي .. أن كل أسرة أحمد مستيقظة الآن لتؤدي صلاة الفجر .. وهذا هو الأمر الطبيعي الذي يجب أن تتعايشه كل أُسرة مسلمة
...
فبعد الأنتهاء من صلاة الفجر يستأذن أحمد من عمر عشان وراه شغل جامد اليوم على وعد بإستكمال الحديث في وقت آخر ,
ويطلع عمر بيته
ويبدأ في التفكير في فكرة الأسانسير فاكرنها ؟
ويدور الحوار الآتي :
عمر : ماما هي الشقة الكبيرة اللي تحتنا دي ينفع نأجّرها ؟
ماما : هي فاضية حالياً آه بس ليه ؟ نويت ولّا أيه يا حبيب ماما ؟
عمر : هههههههه لالالا أنتي دماغكِ راحت لحتة تانية خالص مش وقتها دلوقت .
ماما : يارب أعيش وأشوفك عريس وألبسك بإيدي الكرفاتا.. بس لا .. مفيش واحدة هتاخدك مني لالا .
عمر : هههههههه أيه يا ست الكل الكلام دا , لسه لسه متقلقيش هو أنا لسه كوّنت نفسي !
ماما : متقلقش أنت يا حبيبي شقتك موجودة أتجدعن أنت بس وأشتغل وأنا أدورلك علي أحلى عروسة تليق بـ عمر أفندي :)
عمر : ربنا يخليكِ ليا يا أحلى أم في الدنيا , المهم أنا كنت عايز الشقة اللي تحت عشان نفتحها حضانة أطفال أيه رأيك يا ست الكل ؟
ماما : حضانة ؟! أنت مش هتشتغل بتخصصك ؟, حضانة أيه يا عمر ؟
عمر : آه بإذن الله هشتغل وبدور أهو ولكن دي هتبقى حاجة بخلاف شغلي هتكون حاجة دعوية نفسي أوي يا ماما أكون سبب في تربية جيل ينصر الدين بجد , متتخيليش الأطفال دلوقت عاملين أزاي وتفكيرهم عامل أزاي من كتر الجو السيء اللي همّا عايشين فيه , نفسي أنتشلهم من الجو دا ونعلّمهم مباديء الدين اللي للأسف التعليم الحالي بيحاول بكل الطرق إلغاءها
أيه رأيك يا ماما ؟ .. عارفة كمان مش أنتي كنتي لسه بتقوليلي أنكِ نفسكِ تستغلّي وقتكِ في حاجة مفيدة ! دي هتكون شغل وقت فراغ ليكي جداااااااا أيه رأيكِ يا جميل ؟
ماما : والله يا بني هي الفكرة جميلة ولكن عايزة دراسة طبعا وإجراءات وكدة .
عمر : متشغليش بالكِ أنتي بأي إجراءات أنا هقوم بيها بإذن الله .
ماما : ربنا يوفقك يابني يارب

في وقت العصرية
عمر يخبط على أحمد : يقول له أخوه الصغير أن أحمد في درس في المسجد

يتوضي عمر
وينزل المسجد
ويشوف أحمد من بعيد ويشاورله بعلامة " مخاصمك " بأصبعه
ويحضر عمر الدرس
وبعد أنتهاءه
أحمد يجي لـ عمر : أيه يا عم فيه أيه ؟

عمر : يا سلام وبتسأل كمان ؟

أحمد : عرفت .. عشان مقولتلكش ع الدرس ! صح ؟؟ وأنا جاي من الشغل بالصدفة قابلت صاحبي وقال لي إن في درس دلوقت عن الأنتخابات وكدة فدخلت بسرعة .

عمر : ماشي يا عم كنت عايزك في حاجتين

أحمد : طب تعالى نتغدا سوا وندردش

عمر : ماشي يلا بينا

أثناء الغداء أحمد يسأل : ناوي تعمل أيه يا بطل في حياتك بعد ما أنهيت دراستك ؟؟؟

عمر : هههههه كأنك حاسس بيا وبالحاجات اللي عايز أكلمك فيها طلعت هندسة بجد :)

أحمد : آه طبعا أمال أيه يا فندي أنت .. مش لازم أتهندس عليك يا عم العنكبوتي أنت

عمر : ههههههههه ماشي أتريق أتريق طيب مش هساعدك في الأتوكاد بتاعك بس

أحمد : خلاص لاحسن صعبت عليا عشان عارف أن بيتك أوهن البيوت يا عنكبوت ههههههه

عمر : هههههههه عادي أنا واحد بسيط مش مكلكع بالخرسانة والطوب والزلط بتاعكوا

أحمد : طيب قول على اللي في دماغك عشان بمناسبة العنكبوت جت فكرة في دماغي .

عمر : أيه هتشوفلي ونش يشلني ولا أيه :(

أحمد : ههههههههه لا دا أنت حبيبي أنا أقدر بس يا راجل أمال هغلس ع مين , يلا قول أنا سمعك .

عمر : رداً على سؤالك .. أنت شايف أني بحاول أكتر وأكتر أني أتعمق في أمور الدين .. وأتعرف أكتر وأكتر على أمور ديني !

أحمد : بسم الله ماشاء الله عليك ياعمر .. أنا شايف أنك فعلاً بتحرص على أنك تكون مُلم بأمور الدين على قد ما تقدر .. وبشوفك بتقعد في دروس العلم منتبه جداً لكل اللي بيتقال .

عمر : أيوه يا أحمد .. بس أنا حاسس أن لسه جواية أسئلة كتييييير جداً في الدين عاوز لها أجوبة .. عاوز أكون أنسان فاهم وغير مشتت .. مش عاوز أكون الأنسان التافه بتاع زمان اللي ميعرفش حاجة في أمور دينه .
وبصراحة يا أحمد كمان في موقف مش قادر أنساه .حصل ليا في الجامعة

أحمد : خير .. أيه هو الموقف ده ؟؟

لما خرجوا من الجامعة
يا شيخ
يا شيخ
يا شيخ
عمر يلتفت يلاقي سيدة شايلة طفل تناديه بـ يا شيخ !
عمر : حضرتكِ عايزاني أنا ؟
السيدة : أيوة يا شيخ , ممكن بس أسألك سؤال ؟
عمر مستغرب : أتفضلي
_ بيحسبها هتسأله علي الطريق أو عايزة فلوس أو كدة _ .
السيدة : أنا عندي 4 أولاد وزوجي رمى عليا يمين الطلاق للمرة الثالثة أعمل أيه أنا بقى ؟ والعيال دي تروح فين ؟؟

طبعاً كلنا فاكرين الموقف ده اللي مر بيه عمر

عمر حكى الموقف ده لـ أحمد وبعدين عمر قال : أنا بقى يا أحمد عشان السببين دول فكرت أني أعمل شيء ..

أحمد : أيه هو يا ترى ؟؟

عمر : فكرت أني ألتحق بكلية ( أصول الدين ) .

أحمد : ماشاء الله .. ونعم التفكير .

عمر : بس طبعاً أنا الأول هستخير ربنا .. وربنا ييسر لي اللي فيه الخير إن شاء الله .

_ طبعاً عمر دلوقتي ماشاء الله عليه أصبح كل موقف قبل ما يعمله .. يفكر الأول في حكمه من خلال الدين ..و عرف كمان فايدة إستخارة الله في أي عمل _

أحمد : الله يفتح عليك يا عمر ويزيدك تقوى وإيمان .. ويوفقك للعمل الصالح , طيب وأيه الحاجة التانية يا كبير .؟؟

عمر : الحاجة التانية بقى أنا عايزك تبقى شريكي فيها ..... فاكر فكرة الأسانسير !!

أحمد : امممممممممممم طب ليه كدة بس ؟؟ ما كنا كويسين ! وعايزني أبقى شريكك كمان ربنا يسترررررر

عمر : هههههههههههههههههه يا عم أسمع بس , بص هو أنا ساعتها حصل موقف من طفل صغير لا يتعدى الـ 7 سنوات وأنا أتصدمت في تفكير الأطفال ومدى الإنحدار اللي همّا فيه بسبب كل شيء محيط بيهم وأحنا ولا دريانين بيهم وسايبينهم في مستنقع جهل الأباء والأمهات بأصول التربية + التليفزيون المدمر + البيئة المحيطة من مدرسة وشارع ووووو
وكمان قريت مقولة أثّرت فيا أوي: يقول أحد الدعاة إلى التنصير " أكثروا من رياض الأطفال فتلك الوسيلة التي تأتي بأحسن الثمار في تنصير المسلمين .. فما رأيك يا مسلم ؟

أحمد : تماااااااااااام جيت ع الجرح يا بني , دا شكله أسانسير جامد , كمّل يا باشا .

عمر : :) وأخيراً أقتنعت أني بكامل قواي العقلية متخبلتش زي ما كنت فاكر , بص يا سيدي أنا بفكّر أأجر الشقة اللي تحت في الدور الأول ونعملها حضانة إسلامية وتكون فعلا عوووووووودة للدراسة الإسلامية .
أحمد : رائع جداااااااا يا عمر , طب أزاي بقى يا عبقري ؟
عمر : أزاي دي بقى هيرد عليك فيها موقع الطريق إلى الله في ساحة الحوار العلمي , روح جرررررري أفتحه ونشوف .


وجاااااااااااااااااااااااءت الإنتخابات



ومرّت بفضل الله بسلام
وفاز فيها الاسلاميين كما يسمونهم الأطراف الأُخرى ولكن الحقيقة أن اللي فاز هو الإسلاااااااااااااام



أحمد وعمر وشلّة السايبر _ فاكرنهم _ مجتمعين بعد الصلاة يتحاورون حول الأنتخابات
ودورهم في المرحلة دي هيبقى عامل أزاي
والأستعداد لذكرى الثورة
25 يناير - 2012
وهينزلوا التحرير يومها ولّا لأ.

لسه هيتكلموا أهو ....
.

.
.
.
.
.
.
.

النور قطع

نكمّل الحوار لمّا النور يجي في




















































إنتظرونا

[almoslima]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

يعني هو كان لازم يقطع النور دلوقتي؟!! عموما قدر الله وما شاء فعل,ومنتظرين معاكم أن شاء الله لما يجي النور ,جزاكم الله خيرا كثيرا وأعانكم...

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

إن شاء الله النور يجي في الحلقة الاخيرة

[حور العين1996]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيرا
متابعين ان شاء الله
************************
اللهم صل على سيدنامحمدوعلى اله وصحبه وسلم.
سبحان الله العظيم وبحمده.