Tweet
كيف أربي طفلا سويا دون أن أفسده ودون أن ينشأ مدللا؟
اول نقطة: لازم نفرق بين التربية والاهانة او بين العقاب والاهانة
الاهانة مرفوضة بكل اشكالها مهما كانت اهدافها
ما معني الاهانة؟ ؟ ؟ ؟
** الشتيمة يا مؤمنات حرام ولا شئ يبررها من اول كلمة غبي مبتفهمش الي كلمة حيوان ومتخلف وحمار
(اعتذر عن الالفاظ)
المؤمن لا يشتم الآخرين
لا تشتمي مهما كانت اهدافك
الشتيمة سلوك سلبي مرفوض سيؤدي الي فشل اهدافك مهما كانت ويدل علي اضطراب خلق
** الضرب الغلاوي الانتقامي: الضرب على الصلاة ضرب غير انتقامي وانما تنبيهي وهي عماد الدين
فأنتم تضربون علي ما هو ليس بأهمية الصلاة ضربا قاتلا
صفع وركل وضرب بالشبشب وخبط
ليه؟؟؟
**** التهزئ والسخرية من الابن: ليه نعمل كده هو احنا عاوزين نحطمه؟
يبقي اول نقطة الاهانة احذفيها من القاموس ولا تكوني ممن ضلوا واعتقدوا ان العقاب والاهانة مترادفان او زي بعض
(هوضح العقاب بعد شوية لكن هو مش الاهانة)
ثاني نقطة: ابنك مش مجال لفش غلك من الضغوط الاخرى
ابنك انسان صغير له كامل الاحترام، "وَلَا تَزِرُ وَازِرَةٌ وِزْرَ أُخْرَىٰ"
ابنك مش سلة قمامة لالقاء ضغوطك، ابنك انسان محترم
وزوري الطبيب النفسي احسن ما تحطمي ابنك
يبقي تاني نقطة استبعاد فش الغل في الابن
ثالث نقطة: املي رصيدك عند ابنك
حبيه بالاسلوب اللي هو يفتكره حب
اقرأي كتابي: (قبل أن نضيع) عن الانماط
فيه طفل بيفهم ان النظرات والكروت والهدايا حب
فيه طفل بيفهم ان الحوار حب
فيه طفل بيفهم ان الحضن حب
اعطاؤه لغة حبه مش افساد ده حقه
يبقي احب ابني باسلوب يفهمه ده حب مش افساد (ولو كنت فظًا غليظ القلب لانفضوا من حولك )
رابع نقطة: افهم كويس جدا ان الانسان يختلف عن الحيوان في نقطة جوهرية انه محتاج استيعاب نفسي مش خدمات واكل وشرب
يبقي القصة التربوية مش اكل وشرب ونظافة وصحة ومذاكرة، دي كمان اقف جنب ابني في مشاكله
اسمعه وانصحه
اسمعه الاول، اسمعه الاول
ركزووووا في اسمعه وما اقاطعوووش
النقطة الرابعة: تلبية الطلبات
اكون عموما شخصية متفاهمة ميالة للتلبية ولكن اضبط هذه التلبية، بمعنى:
اكون صادقة في الوعد ان وعدت
صادقة في ايضاح ظروفي
الابن مش بيصدقكم لانكم بتعاملوه اصلا باهانة، وتيجوا بعد كده تقولوله ما احنا جبنا لك كذا وكذا
ميبقاش مقتنع لانه اصلا مش سوي من الاهانات ويبقي زنان
عشان كده اللي ابنها مبيبطلش طلبات تعمل الروشتة من اولها مش من اول هنا
يعني تمشي علي النقاط سابقة الذكر بالترتيب
النقطة السادسة: العقاب توجيه من انسان محترم لانسان محترم
يبقي مش ضرب قاتل ولا شتم ولا فضايح، ده حرمان من شى او خصام طفيف
مش هيؤثر؟ ؟ ؟
عشان مالكمش رصيد، لازم تعلوا العقاب
يبقي لازم الاول يبقي فيه رصيد عشان العقاب يبقي له لازمة...وهنا اقولك ارجعي للتسلسل فوق
النقطة السابعة: السبب الرئيسي لنشاة طفل مدلل هو تلبية الاحتياجات وتقديم الحنان بلا ضوابط
يعني مطر اعطاء بلا قيم ولا مبادئ؟!
انا مقلتش كده، انا قلت نوقف اهانة مش نوقف تربية
عادي هنربي
هنحكي قصص
هنشوف فيديوهات تعليمية
هنعاقب عقابات مناسبة
هنمي المواهب
هنشرح الصح من الغلط
بس عشان يكون الابن مستعد لازم ميكونش مبرمج ضدك وفاكرك عدوته
كمان لازم اتعامل بما يوافق السن
ساعات نكون مش فاهمين المراحل السنية
انا بربي ولادي، اللي يعرفهم بفضل الله يعرف انهم تبارك الله غير مدللين يعرفون مالهم وما عليهم ما شاء الله تعالى، لكن ليسوا مهانين
ليس فيهم من هو مهان ومتهزأ
لكن ليس فيهم من هو مدلل
الاحترام شئ والدلال شئ، ركزوووا هتلاقوا فرق
اقدم احترام
احب الابن بنمطه
اطلب منه طلبات بلا تعسف
اعاقب بذوق مش غل
هي دي
اللهم استعملنا ولا تستبدلنا نحن وابناؤنا
اللهم حسن الخاتمة
د. إيناس فوزي
تعليق