Tweet
حفَّظي أولادك الأذكار
السلام عليكم ورحمة الله وبركاته
أكبر خدمة ممكن تقدميها لأولادك الصغيرين إنك تُحفِّظيهم أذكار الصباح والمساء وأذكار اليوم والليله
الطفل من أول سن أربع سنوات عنده القدرة يحفظ ويفهم كل حاجة لكن عِنْد الأطفال ورغبتهم فى اللعب طول الوقت بتبقى في الغالب هى العائق إنك تقعديه قدامك وتُحفِّظيه أو حتى تفهميه معنى الاذكار وأهميتها ..
الأطفال بتتعلم بالنظر والممارسة والتكرار ..
إبنك وانتى بتصحيه من النوم أول ما يقوم خليه يسمعك وانتِ جمبه ع السرير
وبتقولىالحمد لله الذى أحيانا بعد أن أماتنا و إليه النشور
هتقومى تدخليه الحمام خليه يسمعك وانتِ بتقولى اللهم إنى أعوذ بك من الخبث والخبائث
وانتِ خارجه من الحمام ..يسمعك بتقولى غفرانك
أما تبصى فى المراية قولى اللهم كما حسَّنت خَلقَنَــا حسِّن لنا خُلُقنا
جبتى الفطار .. قبل الأكل قولى بسم الله
بيلبس لبس المدرسه بقول بسم الله ونبدأ باليمين
وهو خارج من البيت على باب الشقة يسمعك بتقولى :
بسم الله , توكلتُ على الله , ولا حول ولاقوة الا بالله، اللهم إني أعوذ بك أن أضِل أو أُضَل أو أذل أو أُذل أو أظلِم أو أُظلَم أو أجهل أو يُجهل عليَ
وانتِ واقفة معاه مستنية باص المدرسة بتقولى أصبحنا و أصبح الملك لله والحمد لله
وهو بيركب بتسلمى عليه وبتقوليله استودعتك الله ..
لما يرجع البيت أول ما يدخل يقول السلام عليكم ورحمة الله وبركاته
لما ييجى ينام يسمعك بتقولى باسمك ربى بك وضعت جنبى وبِك أرفعه فإن أمسكت نفسى فارحمها وإن أرسلتها فاحفظها بما تحفظ به عبادك الصالحين ..
إبنك بعد أول يومين انتِ مُنتظِمة بتقولى قصاده كده بصوت عالى بعد كدا من غير ما تطلبى منه انه يكرر أو إنه يقول زيك هتلاقيه جاى بيسأل
هو انتى بتقولى إيه .. وبتعملي كده ليه يا ماما؟!
ساعتها هتفهميه أنا بقول الكلام الـلي كان بيقوله النبى صلى الله عليه وسلم
وتعلميه واحده واحده حب الرسول عليه الصلاة والسلام وسنته
عشان ربنا يحبنى ويحفظنى ويدينى حسنات ويدخلنى الجنة
مفيش مانع أي يوم اما تيجي سيرة الجنة في كلامك معاه تحببيه فيها
وتوصفيله المذكور عنها في القرآن والسنة
هيقولك طب أنا عاوز اقول زيك
تكرار ابنك وراكى الأذكار يوميا لمدة شهر واحد كفيلة إن الأمر يبقى عنده عادة أوتوماتيك بيعملها ويقولها سواء إنتِ فكرتيه أو لا
انتِ مش بس هتعلميه يُحصّن نفسه بالله , وهتعلميه حاجة تحفظه
انتى كــ أم هتاخدى أجر كل مرة هيذكر فيها ربنا طول حياته , ابنك هيكون صدقتك الجارية طول عمره وعمرك
أولادك استثمار العمر كله، جاهدى فيهم
منقول
أكبر خدمة ممكن تقدميها لأولادك الصغيرين إنك تُحفِّظيهم أذكار الصباح والمساء وأذكار اليوم والليله
الطفل من أول سن أربع سنوات عنده القدرة يحفظ ويفهم كل حاجة لكن عِنْد الأطفال ورغبتهم فى اللعب طول الوقت بتبقى في الغالب هى العائق إنك تقعديه قدامك وتُحفِّظيه أو حتى تفهميه معنى الاذكار وأهميتها ..
الأطفال بتتعلم بالنظر والممارسة والتكرار ..
إبنك وانتى بتصحيه من النوم أول ما يقوم خليه يسمعك وانتِ جمبه ع السرير
وبتقولىالحمد لله الذى أحيانا بعد أن أماتنا و إليه النشور
هتقومى تدخليه الحمام خليه يسمعك وانتِ بتقولى اللهم إنى أعوذ بك من الخبث والخبائث
وانتِ خارجه من الحمام ..يسمعك بتقولى غفرانك
أما تبصى فى المراية قولى اللهم كما حسَّنت خَلقَنَــا حسِّن لنا خُلُقنا
جبتى الفطار .. قبل الأكل قولى بسم الله
بيلبس لبس المدرسه بقول بسم الله ونبدأ باليمين
وهو خارج من البيت على باب الشقة يسمعك بتقولى :
بسم الله , توكلتُ على الله , ولا حول ولاقوة الا بالله، اللهم إني أعوذ بك أن أضِل أو أُضَل أو أذل أو أُذل أو أظلِم أو أُظلَم أو أجهل أو يُجهل عليَ
وانتِ واقفة معاه مستنية باص المدرسة بتقولى أصبحنا و أصبح الملك لله والحمد لله
وهو بيركب بتسلمى عليه وبتقوليله استودعتك الله ..
لما يرجع البيت أول ما يدخل يقول السلام عليكم ورحمة الله وبركاته
لما ييجى ينام يسمعك بتقولى باسمك ربى بك وضعت جنبى وبِك أرفعه فإن أمسكت نفسى فارحمها وإن أرسلتها فاحفظها بما تحفظ به عبادك الصالحين ..
إبنك بعد أول يومين انتِ مُنتظِمة بتقولى قصاده كده بصوت عالى بعد كدا من غير ما تطلبى منه انه يكرر أو إنه يقول زيك هتلاقيه جاى بيسأل
هو انتى بتقولى إيه .. وبتعملي كده ليه يا ماما؟!
ساعتها هتفهميه أنا بقول الكلام الـلي كان بيقوله النبى صلى الله عليه وسلم
وتعلميه واحده واحده حب الرسول عليه الصلاة والسلام وسنته
عشان ربنا يحبنى ويحفظنى ويدينى حسنات ويدخلنى الجنة
مفيش مانع أي يوم اما تيجي سيرة الجنة في كلامك معاه تحببيه فيها
وتوصفيله المذكور عنها في القرآن والسنة
هيقولك طب أنا عاوز اقول زيك
تكرار ابنك وراكى الأذكار يوميا لمدة شهر واحد كفيلة إن الأمر يبقى عنده عادة أوتوماتيك بيعملها ويقولها سواء إنتِ فكرتيه أو لا
انتِ مش بس هتعلميه يُحصّن نفسه بالله , وهتعلميه حاجة تحفظه
انتى كــ أم هتاخدى أجر كل مرة هيذكر فيها ربنا طول حياته , ابنك هيكون صدقتك الجارية طول عمره وعمرك
أولادك استثمار العمر كله، جاهدى فيهم
منقول
تعليق