Tweet
ولادك جنتك
أخواتى
التواصل بين الأم والطفل بيبدأ في اللحظة اللي بتعرف فيها الأم انها حامل
شعورها وقتها بيفرق في استعدادها لتقبل فكرة الأمومة ومسئولياتها
إذا فهمت الأم أنها ممكن تأثر في جنينها حتساعده كتييييييير في مراحل بعد الولادة
الجنين بيتأثر بحالة أمه النفسية وده بينعكس على سلوكياته
تعاملى مع جنينك كأنه كائن واعى خدى قرار أنتى الوحيدة اللي ممكن تأخديه
قرار مصيرى
قررى أن علاقتك بطفلك حتبدأ من قبل ما تشوفيه
حطى لنفسك أهداف
خلى طموحك عالى وآمالك لجنينك تعانق السماء
ولأننا مسلمين يبقى التفكير الأهم والسؤال اللي اجابته حتفرق مع أمة محمد -صلى الله عليه وسلم- كلها
ازاي الجنين اللي جاي ده يكون قصة نجاح ونصر وعزة
زي الناصر صلاح الدين و الخليفة المسلم محمد الفاتح وغيرهم ؟؟؟
شخصيات زي دي محتاجة مشروع تربية
الطفل بيسمع ويستجيب ويتواصل
اقرأي لطفلك قرآن بانتظام خلى القرآن أساس لتربيتك
تخيلى اما أول هدية لطفلك تكون القرآن الكريم
حطي ايدك على بطنك واقرأي حتلاقيه بيستجيب
استجابته حتشجعك تكملي
وهكذا
رحلة التربية حتبدأ مع القرآن الكريم لكنها مجرد بداية
التربية ثقافة ومسئولية
التواصل مع طفلك من المرحلة دي حيعمل بينكم علاقة قوية ومتينة حتزيد اما تشوفيه
عن تجربة التواصل بين الأم والطفل اما بيبدأ في مرحلة تكوينه
بيفرق كتيييييييير مع الأم والطفل
حاجة أخيرة
مهمة جدًا النية أحسني نيتك وجدديها دايمًا
اعتبرى ولادك خطوة للجنة
حافظي على الدعاء والاستعانة بربنا
حبيباتي
ربنا يوفقكم ويهديكم للأصلح والأحسن لأولادكم
تعليق