[رأي] ربيهم صح

[بهداية من فضل ربي]

الضرب عمره ماكان وسيلة للتربية

[بهداية من فضل ربي]

رد: ربيهم صح

الضرب عمره ماكان وسيلة للتربية
الضرب بيبني اسوار من الخوف بينك وبين ابنك
اه انت بتضربه عشان خايف عليه وعايز مصلحته
بس ده غلط ضربك بيخليه انسان متردد بيخاف ياخد قرار لوحده
شخصيته ضعيفة وانهزامي
فيها ايه لو تتحاور معاه وتفهمه غلطه غير اسلوب العقاب واتبع اسلوب الترغيب
شجعه وافرح بكل حاجة بيعملها حتى لو بسيطة خليه يعتمد على نفسه من صغره
وعوده يعاقب نفسه على اخطاءه عشان بعد كده مايخفش منك ولا يخاف يعيش بين الناس
لما توضحله ايه الغلط اللي عمله مش هيعمله تاني
لكن لو ضربته من غير ماتشرحله مش هيعرف هو اتضرب ليه
كل اللي هيشوفوا انك ضربته وبس كل اللي هيفتكرهولك انك ضربته
#حب_ولادك_وراعيهم
هم مش الة تفرغ غضبك فيهم

[المشتاقة للفردوس (ريهام)]

رد: ربيهم صح

الضرب كان ومازال وسيظل وسيلة للتربية ، والدليل أنه ورد في كتاب الله ، وفي سنة رسول الله ، وهذا لا يتنافى مع وجود وسائل أخرى للتربية والعقاب، ولكن لابد أن يكون لدى المربي حكمة وحنكة في كيفية استخدام هذه الوسائل . متى وكيف يستخدم الوسيلة ومع من؟

[((سلسبيل))]

رد: ربيهم صح

انا ارى ان الضرب قد يكون وسيلة للردع ولكن مش هو اول وسيلة تستخدم طبعا

بمعنى انه لابد ان يسبق الضرب وسائل متعددة وهذا يتطلب من الام والاب معرفة اشد انواع العقوبة تالم الطفل حتى يرتدع

يعنى مثلا فى طفل لو ضرب ممكن ولا يهمه ويتمادى لكن اذا حرم من مصروفه

او من فسحه مثلا او الخروج مع اصحابه او غيره يكون اشد وقعا عليه فى الزجر

ولكن لا ننكر الضرب فقد يكون وسيلة ايضا ولكن مع مراعاه ان يكون الضرب غير مبرح

بمعنى مش نضرب الولد لحد ما نسبب له مشكلة الان للاسف فى ناس بتضرب بعبط

الامر الاخر لو لاحظنا حين تكلم الله فى القران فى سورة النساء

فى شان الزوجة الناشذ اى التى لا تطيع زوجها وتخالفه

ماذا امر الله به الازواج لم يبدء الله بالضرب بل بدء بالوعظ فعظوهن ثم قال واهجروهن فى المضاجع

(دل ذلك على ان هذا عقاب نفسى وهو اشد من الحسى )

ثم فى النهاية ان لم ترتدع الزوجه قال الله واضربوهن

وختم فإن أطعنكم فلا تبغوا عليهن سبيلا

اى خلاص طالما سمعوا الكلام خلاص بلاش بغى وظلم

هذا الاسلوب مع الزوجه واظن والله اعلم ممكن نمشى به مع الابناء

ننصحه اولا ثم ممكن نهجره

وقد شرع الهجر لمن يفعل المعصية ان نهجره

وفى الاخر لو الولد مش سمع الكلام نضربه بس نؤكد ضرب غير مبرح وغير مفسد لاى عضو

اما ان يترك الضرب تماما بحجة لا حرام ده طفل وندلل الطفل

ونجيب له كل طلباته وفى اباء ممكن يزعقوا فى الابن وبعدين يصلحوه

ماهذا ؟؟
اليس خلل يعنى لا يلبث ان يصالحه

فما الفائدة ؟؟

ليس العبره بالصراخ فى وجه الولد ثم مصالحته العبرة ان يرتدع عن الفعل ولا يقع فيه مجدداً

طبعا هذا راى شخصى والله اعلم بالصواب

[المشتاقة للفردوس (ريهام)]

رد: ربيهم صح

نعم ، هذا ما قصدته اختي سلسبيل أحسنت