Tweet
السلام عليكم ورحمة الله
هنتكلم إن شاء الله عن إزاي تخلي ابنك أو بنتك يسمعوا الكلام
هنتكلم في 3 محاور رئيسيةهنتكلم إن شاء الله عن إزاي تخلي ابنك أو بنتك يسمعوا الكلام
المحور الأول: أنك تكافئ السلوك الجيد.
المحور التاني: أنك متكافئش السلوك السلبي.
المحور التالت: أنك تقوم الطفل لما يعمل غلطة معينة.
* هقولك لا طبعًا مش لازم، أنت في أساليب كتيرة ممكن تكافئ بيها السلوك الكويس، مثلًا: ممكن لما طفلك يعمل حاجة كويسة تبتسم في وجهه، تحضنه، تعامله برفق، بلين، وليكن لنا في رسول الله عليه الصلاة والسلام أسوة حسنة بالرفق واللين مع الأطفال، "" لما كان بيسجد ويطيل في السجود عشان هو مش عايز الحسين رضي الله عنه يشيله من على ظهره""، دي حاجة إحنا المفروض نقتدي بيها.
الحاجة التانية: أنت مثلًا ممكن تقضي معاه وقت زيادة لو هو عمل سلوك كويس مثلًا أنت تكافئه أنك تقضي معاه وقت، تلعب معاه لعبة بيحبها، خده الجنينة، فسحه، وديه حته مثلًا معينة، ممكن طبعًا في الحجات الكبيرة أنك تديله حاجة مادية، طبعًا إحنا مبنحبش نقولك إديله فلوس بس ممكن لو مثلًا طلع الأول على المدرسة مفيهاش حاجةأنك تجيب له هدية، جميل؟
الأب مثلًا راجع من شغله تعبان، كان يوم طويل كان كدا مضايق آخر اليوم عايزترجع البيت ترتاح، الأب متفق مع الأم أن الابن مثلًا ممكن ياخد شوكولاته وحده في اليوم رجعت البيت لقيت ابنك زعلان وعايز ياخد شوكولاته تانية، أنت قلتله لا إحنا متفقين على شوكولاته وحده في اليوم! مينفعش أكتر من كدا، هو هيعمل إيه؟ هيزن هيعيط، هيغضب ممكن حتى يكسر، أنت هتعمل إيه؟ أنت في البداية هتقوله لا إحنامتفقين على كدا، هيزود وهيزود من السلوك أنت ممكن عشان تعبان مضايق على آخر اليوم تقول خلاص مش مشكلة، يلا خلي محمد ياخد شوكولاتايه تانية، طب أنت كدا علمته إيه؟ أنت علمته أنه لما يزن ويغضب أنه في الآخر هياخد إلي هو عايزه، هو هيعمل إيه تاني يوم؟ لما يكون عايز شوكولاتايه تانية هيزن ويغضب وهيزود فيها أكتر وأكتر عشان أنت علمته أنه بالسلوك السيء ممكن ياخد إلي هو عايزه.
أو مثلًا الحق شوف والدتك بتعمل إيه،، أو شايف اللعبة الحلوة دي! وهكذا.
تعليق