كبسولات تربوية

[دعــ الإستغفار ــاء]

تابعوا معانا بإذن الله سلسلة جديدة بعنوان: " كبسولات تربوية "

السلسلة تتطرق إلى عدة نقاط مهمة في تربية الأبناء

(من كل بستان زهرة)

سنكتشفها معا بإذن الله


تابــــــــــــــــــــــــــــــــــــــــــعونــ ــــــــــــــــــــــــا




ـــــــــــــــــــــــــــــــــــــــــــ

الجزء الأول

الجزء الثاني

[دعــ الإستغفار ــاء]

رد: كبسولات تربوية

في العادة لما نشتري جهاز غالي أو ثمين قبل مانستخدمه نقرا الكاتالوج بتاعه عشان نعرف إزاي نستخدمه
و إزاي نستفيد منه و من مميزاته و نعمله صيانة صح عشان نحافظ عليه..
لكن للأسف في كثير مننا يتجوز و يخلف من غير مايقرا كتاب واحد في التربية..
طيب هو مين الأغلى الجهاز الي ممكن يتعوض ولا أولادنا النعمة الأغلى و الأثمن الي ربنا منّ بيها علينا و مش ممكن تتعوض..


كمان في حاجة تانية.. حد يجرأ يركب عربية و يسوقها بدون مايتعلم السواقة؟ غالبا لا لأنه بنعتبر انه دي حاجة بتهدد حياتنا و حياة الآخرين و احنا مش عاوزين نتحمل ذنب حد و لا ذنب اننا نموت أنفسنا طبعا..
طيب خلونا نعتبر انه قيادة حياتنا و حياة أولادنا بدون مانتعلم قيادتها صح و بدون مانتعلم قواعدها صح ليه نفس خطورة قتل النفس..



فبعض المشاكل الأسرية تنشأ من التربية الخطأ و تكون مدمرة لحياة الإنسان.. فعشان كده ياريت الي بنقراه مايكونش مجرد حاجة بنقراها و نتحمس شوية و ننفذها شوية و بعدين نرجع تاني للسلوكيات التربوية المضرة و أولادنا عادة هما الي يدفعوا ثمن التذبذب ده في التربية..



تابــــــــــــــــــــــــــــــــــــــــــعونــ ــــــــــــــــــــــــا

[ورده الجنه]

رد: كبسولات تربوية

جزاكم الله خير

[om yousif]

رد: كبسولات تربوية

معكم بإذن الله

[دعــ الإستغفار ــاء]

رد: كبسولات تربوية

نواصل مع بعض سلسلة "كبسولات تربوية" (الجزء الثاني)

خلينا نتعلم قواعد التربية.. يعني إيه.. هنتكلم النهاردة عن قاعدتين مهمين جدا في التربية عشان نستفيد من المواد التربوية إلي نقراها أو نسمعها لأحد أساتذة التربية أو علم النفس في قاعدة مهمة جدا و هي انه أي كلام تربوي نسمعه مابيقدمش حل سحري أو حل سريع.. مافيش حل سحري و سريع لمشكلة العناد.. ما فيش حل سحري و سريع لمشكلة زن الأطفال.. مافيش..



المشكلة عادة تكون اتكونت خلال أشهر أو سنين.. فزي ماهي اتكونت في فترة طويلة فهتاخذ فترة محترمة و مجهود كبير عشان نحلها..
زي مشاكل العناد و الزن و البكاء و الكذب و السرقة و ... على الأقل كل مشكل محتاج 3 شهور شغل متواصل دون ما أبطل و أرجع للسلوكيات التربوية الخطأ.. و كل ما بدأت الحل بدري كل ما تكون الأضرار الي اتكونت أقل و كل ما كان الحل أسرع..

و ده بينقلنا للقاعدة الثانية إلي هي على قدر من الأهمية زي القاعدة الأولى إلي هي الوقت و القاعدة الثانية إلي هي الإستمرار..



فما ينفعش أمشي في طريق و أوصل لنصه و بعدين ماشفتش النهاية بعيني فأروح راجعة بادية في طريق تاني و الطريق التاني برده هوصل لنصه و في النهاية هفضل طول عمري بامشي في طريق و مابوصلش لحاجة.. طول عمري هفضل أستخدم أساليب ممكن تكون صح بس ماكملش و باعتبرها غلط لأنها مادتنيش النتبجة الي أنا عايزاها..



إلى جانب حاجة مهمة انه الأولاد ماينفعش كل مرة أغير سياستي التربوية معاهم.. يعني ماينفعش النهاردة حاجة مسموحة عشان أنا مزاجي رايق و أنا كويسة و يومي جميل و مودي حلو ، و نفس الحاجة تتعمل بكرا و تبقى ممنوعة علشان أنا متعصبة أو عندي مشكلة أو أنا متخانقة أو أي حاجة من المشاكل دي..
الأولاد محتاجين سياسة وحدة و واضحة علشان يبقى عندهم قواعد يقدروا يمشوا عليها.. فما ينفعش ماما النهارده سمعت محاضرة كويسة تبتدي تتغير معاها.. و ابنها بدأ يتغير بشكل كويس.. مرت بمشكلة ترجع تصرخ لأنه وقتها هنرجع تاني لنفس المشكلة.. بالعكس زد عليها مشكلة تانية انه ابني مش واثق في الي أنا بعمله و مش واثق من رد فعلي و بالتالي لما أرجع أتغير معاه مرة تانية هو مش هيستجبلي بنفس السهولة لأنه هو مجرب اننا اتغيرت و رجعت في كلامي.. فهو هيستنى لما يلاقي مني الأم الثبات و بعدين يبتدي يستجيب للتغيرات الإيجابية..



تابــــــــــــــــــــــــــــــــــــــــــعونــ ــــــــــــــــــــــــا