Tweet
قلت احكيلكم عن تجربتى مع ابنى وازاى خليته الحمد لله يلتزم بالصلاة
الاول انا ابنى عنده 10 سنين مش كبير اوى بس انا وباباه بنحاول معاه وبنحثه على الصلاة من وهو صغير كنت بخليه جبنى يصلى وباباه كان بياخده المسجد معاه
ولما كمل سبع سنين ابتدينا نوجهه وعلمناه ازاى يتوضا ويصلى لوحده
ومن ساعتها وعلى طول بنقوله بس مش بيصلى الا لما نفكره وساعات مكانش بيستجيب يعنى لو باباه قاله صليت يا محمد ؟؟
وهو قاله لا ممكن يدخل يتوضا ويلاقى باباه خرج او انشغل بلاقيه نسى هو كمان او تناسى وعلى كده بقى علىطول
وطبعا" تنفيذا" لكلام النبى عليه الصلاة والسلام (مروا أولادكم بالصلاة لسبع واضربوهم عليها لعشر )
الراوي: [جد عمرو بن شعيب] المحدث: ابن باز - المصدر: مجموع فتاوى ابن باز - الصفحة أو الرقم: 29/186
خلاصة حكم المحدث: صحيح
ابتدى باباه يضربه لما كمل 10 سنين
انا دورى كان فى الموضوع ده التوجيه من بعيد وكنت بينى وبين نفسى بحس انى مقصرة معاه كنت حاسة ان فى حاجة ناقصة بينى وبينه
المهم ربنا هدانى لفكرة الحمد لله هى اللى جابت نتيجة معاه ....وهى انى اتوضا للصلاه واقوله يا محمد تعالى صلى بيا إمام اصلى نفسى آخد ثواب الجماعة يا حبيبى وبابا مش هنا عشان يصلى بيا
لقيته ما شاء الله بيقوم علطول ويتوضا لا وكمان بيقولى طب شوفينى كدة يا ماما بتوضا صح ولا لا عشان مبوظلكييش صلاتك
انا ولادى بيصحو الفجر على فكرة علىطول عشان المدرسة كنت بصلى الفجر الاول واصحيهم بقيت اتوضا واصحيه واقوله يلا يا محمد انا مش راضية اصلى لوحدى قولت استناك نصلى الفجر سوا عشان اخد الثواب و تاخده معايا انت كمان الاقيه ما شاء الله قايم وبنشاط عشان يتوضا ويلبس ونصلى انا وهو والحمد لله اخواته الصغيرين بقو يتسابقو هما كمان عشان يتوضوا وبنصلى كلنا جماعة وهو بيبقى طااااااايييييييييير من الفرحة ما شاء الله
بعد فترة بقى ما شاء الله لا قوة الا بالله بقى هو اللى بيتوضا الاول ويقولى يلا يا ماما صليتى العشا ؟؟
اقوله لا يا محمد يقولى طيب يلا عشان نكسب ثواب الجماعه
دلوقتى بقى عاوز يتخلى عنى ويروح يصلى فى المسجد شوفتو بقى اخرتها الحمد لله والشكر لله وما توفيقى الا بالله
م/ن
استودعكم الله
تعليق