[منقول] بقول ايه لابنى كل يوم وجيت بفايده

[جنه الرحمن غايتى]

قولك فكرة حلوة

او لعبة

العبها مع طفلك او مع نفسك




خليه يغمض عنيه وانتى طبعا غمضى عينك معاه

قولله يلا هنروح رحلة للجنة بس بشرط تفضل مغمض عينيك ماشى؟

اكيد هيفرح والفرحة هتنط من عنيه وهو بيقولك ماشى

وهيغمض ويقولك يلا

ابدأى اوصفى له الجنة على قد تخيله وعقله هو

يعنى مثلا

شايف مكان كبيييييييير اوى وووواسع ومليان خضره شايف النخل الكتير اللى هناك ده

ده كله بتاعك (فاكر لما كنت بقولك اللى بيقول سبحان الله وبحمده بيتزرع له نخلة فى الجنة )

اهو ده النخل بتاعك بقى ده كله

شايف القصر الكبييييييييير اللى هناك ده

اهو بتاعك

والقصر اللى جنبه ده بتاعى يلا تعالى عندى انا عزمك عندى انهارده

وادخل القصر وعيشه فى النعيم من جوه

خده واطلعوا اتمشوا فى الجنة وفرجه ع البحر وقوله انزل العب وعوم براحتك ومش هتغرق وهتلعب مع سمك القرش والحيتان كمان

قوله مش عايز تشوف الرسول وزوجاته وولاده؟ يلا عشان نسلم عليهم بقى

وخده للنبى وخليه يسلم عليه ويقوله وحشنى يا رسول الله

وبعد الرحلة الممتعه دى قوله ها نفسك فى ايه بقى ؟

هيقولك اروح الجنة **

قوله طيب يلا ندفع التمن بقى وعرفه تمن الجنة ايه

هتلاقيه اتبسط اوى وبص للدين من منظور تانى جميل

نفع الله بنا وبكم

[أبوالمعالـي]

رد: بقول ايه لابنى كل يوم وجيت بفايده

ما شاء الله
أفكار رائعة ومقنعة
جزاكم الله كل خير أختنا الفاضلة
بارك الله فيكم ونفع بكم

[الدره العصماء]

رد: بقول ايه لابنى كل يوم وجيت بفايده

ماشاء الله رحلة ممتعه حقا
وسيحبب الطفل فى الجنة أكثر
ويجعله يتخيل ,,
جمعنا الله وإياكِ فى جنة الفردوس ,

[جنه الشرقاوى]

رد: بقول ايه لابنى كل يوم وجيت بفايده

ما شاء الله فكره رااائعه اختى
جزاكِ ربى الفردوس الأعلى
اللهم أدخلنا الجنة والحق بنا ذريَّاتنا

[دعــ الإستغفار ــاء]

رد: بقول ايه لابنى كل يوم وجيت بفايده

بارك الله فيكم على الموضوع الطيب

و اللهم جمعنا مع أبنائنا في فسيح جنانه