[هام] عايزة تخلي طفلك مايشتمش ويكره اي لفظ وحش

[جنه الرحمن غايتى]

ساعات تلاقى ولاد وبنات مش بيشتموا

ليه بأه ؟

اول حاجة من وهما صغيرين مافيش نزول الشارع
وما أدراكي مالشارع


تاني حاجة ساعات بنتي ممكن تسمع لفظ من قريبتها تيجي تكرره
بصراحة انا كنت في الاول بضرب بس الضرب مش هايجيب نتيجة ممكن تخاف منك وماتشتمش قدامك بس من وراكي الله اعلم

فانا بأه لقيت الضرب مش نافع اصلها عندية اوي
اول ماسمعتها بتقول الالفاظ اياها قولتلها تعالي هاقولك لقيتها جاية ومبتسمة اوي ومنشكحة قولتله افتحي بؤك كدة فتحته وهي منشكحة
قولتلها يع اوف ايه الريحة الوحشة دي لقيت البنت اتخضضت وقالتلي من ايه دي قولتلها علشان قولتي كلام وحش وشتمتي اختك كدة يع وبعدين باباها كان اعد قولتلها روحي خلي بابا يشم ريحة بؤك راحتله قالها اوف ريحة بؤك وحشة اوي انتي قولتي ايه
راحت البنت ياعيني قفلت بؤها وحطت ايدها عليه وقالت اعمل ايه ياماما
قولتها اشربي شوية ميه وماتقوليش الكلام الوحش ده تاني اصل بيخلي ريحة بؤك وحشة و الكبيرة اعدة تضحك عليها وتقولها انا ريحة بؤي حلوة
بس صدقيوني الطريقة دي هاتجيب نتيجة احسن من الضرب اي نعم ساعات بنتنرفز ونخرج عن شعورنا بس دول هدية من ربنا ولازم نحافظ عليها
ماتقوليش ابني عياره فلت ومش قادرة عليه اهم حاجة الصبر وربنا يهدي اطفالنا جميعا
وبكدة خلصت معلشي انا طولت عليكم بس لعلي وعسي واحدة تستفيد من الكلام ده

[جنه الرحمن غايتى]

رد: عايزة تخلي طفلك مايشتمش ويكره اي لفظ وحش

مشاركة هااامة






بس مش كده يبقى انا كذبت
وكمان لو فى طفل تانى وشم ريحة فم الطفل وملقاش حاجه مش هايصدق كلامى بعد كده صح ولا ايه

لا مش كدب انتي بتحسسيه مدي اشمئزازك من الكلمة اللي قالها وحتي لو مش ريحة بؤه وحشة انتي بتحسسيه ان هي ريحة بؤه وحشة معنويا لما يقول الفاظ مش كويسة
انا بنتي النهاردا نسيت وقالت لاختها ياعبيطة
هاقولك حصل ايه اختها قالت لها كدة ريحة بؤك بقت وحشة قالت لها هاروح اشرب مية زي ما قالت ماما قولتلها لا يارودي المية مش هاتعمل حاجة علشان انتي قولتي تاني بقصد قولتلها ربنا والرسول قالو لنا نعطر بؤنا بذكر الله راحة ريم قالت يعني ايه ياماما انا بكلمهم بلغة عامية علشان يفهمو
قولتلها يعني تقولي سبحان الله ولما تقولي حاجة وحشة وتنسي تستغفري ربنا وتقولي استغفر الله بعدها علي طول اعدت تقول لرضوي قولي ورايه استغفر الله كتير علشان ريحة بؤك تبقي حلوة زي مالرسول قال
يبقي ده معناه ايه ان الالفاظ الوحشة بتخلي ريحة الفم كريهة
هما لسة صغيرين وكدة انتي ماكدبتيش عليهم

م/ن

[أبوالمعالـي]

رد: عايزة تخلي طفلك مايشتمش ويكره اي لفظ وحش

جزاكم الله كل خير أختنا الفاضلة
ما شاء الله
أساليب تربوية مفيدة ولها نتيجة بإذن الله
بارك الله في جهودكم ونفع بكم

[جنه الرحمن غايتى]

رد: عايزة تخلي طفلك مايشتمش ويكره اي لفظ وحش

وجزاكم مثله

إن شاء الله تجيب نتيجة

[جنه الشرقاوى]

رد: عايزة تخلي طفلك مايشتمش ويكره اي لفظ وحش

ممتاااز اختى بارك الله فيكِ