Tweet
خلاص بطلت عصبية وبغرق ولادي حنية .... والله دي الطريقة الوحيدة لحسن التربية!
أنا عندي بنتي الكبيرة 6 سنين ونص وبنتي التانية 3 سنين وولد لسة صغير 3 شهور.
بنتي الكبيرة كنت بربيها بطريقة إلى حد ما هادية ماكنتش بتعصب عليها إلا قليل جدا كنت كل حاجة بمنعها منها بقنعها انا بعمل كدة ليه " وهي طبعا اتعودت على كدة " طبعا دي ميزة بس تعب علية أنا ، حتى والدتي مرة قعدت معايا فترة ساعة ولادة بتي التانية وقالتلي جملة مش ناسياها قالتلي– إنت مابتتعبيش من كتر الكلام مع بنتك –المشكلة بقى العامة اللي في كل المصريين واعتقد العرب كلهم اننا مش عايزين ولادنا يغلطوا عايزينهم دايما ماشيين صح في كل حاجة وأنا نفسي كنت كدة ونسيت حاجة مهمة جدا " إن الطفل لازم يغلط عشان يتعلم وانه لو ماغلطش من كتر محنا محوطين وقافلين عليه مش هيتعلم بطريقة صحيحة " المهم بقيت بتعصب عليها وأحياناً بضربها هو الحمد لله مش كتيير موضوع الضرب دة بس كان بيحصل والموضوع زاد لما خلفت بنتي التانية كان عندها 3 سنيين ونص و كنت حاسة انها كبرت قوي وفاهمة بقى ولازم تسمع الكلام ولاحظت ان العصبية أثرت على البنتين بطريقة مختلفة لإن كل واحدة ليها شخصية غير التانية بنتي الكبيرة بتخاف جدا وبتعيط لما حد يزعقلها أو يضربها ودة أثر عليها برة البيت يعني في المدرسة أو أي مكان في ولاد غيرها بتخاف لو حد بصلها ولا قرب عليها ولو حد أصغر منها ضربها تترعب منه ومتقدرش حتى تدافع عن نفسها ودة أثر في نفسيتي جدا وكنت حاسة بالذنب ، التانية بقى مفترية أي حد يزعقلها تزعقله وعصبية جدا ودة طبعا جوة البيت بس .
-كل دي نتائج سلبية للعصبية ومعاملة اولادنا معاملة سيئة حتى لو كان قصدنا نقوم سلوكهم لإن دة بجيب نتيجة عكسية "
وقفت وقفة مع نفسي وقلت لازم اتغير عشان ولادي اللي هما أغلى حاجة عندي في الدنيا ولإن أنا عارفة كويس أوي ان ( الحنية والحب مع الحزم )هو احسن طرق التربية إن ماكانش الطريقة الوحيدة.
أنا بحاول أعمل كدة من زمان وببدأ فعلا وأرجع تاني المرة دي قلت لأ لألألألألألألألألألألأ لازم استمررررر
النتيجة بانت من أول يوم خاصة مع بنتي الكبيرة أد إيه حنينة وطيبة وبتسمع كلامي من ساعة مابقيت أعاملها بحنية وأغدق عليها الحب ولو غلطت أقومها بالراحة وبحنية ماشاءالله لا قوة حسيت أد إيه أنا كنت ظالماها مع اني بالمقارنة بأمهات كتيير برده بالي طويل ومش بتعصب بسرعة بس في الآخر كنت بتعصب
·ممكن واحدة تقولي أنا مابقدرش أمسك نفسي فبتعصب
هقولها بس قبل ماتصدري رد الفعل فكري لمدة ثانيتين بس هتلاقي الموضوع مش مستاهل كم مرة أنا اتعصبت وبعد الموقف ماخلص قلت ياه دنا لو كنت صبرت شوية، لوفهمتها صح، لو حطيت نفسي مكانها، ماكنتش هتعصب احنا بقى عايزين نفكر قبل العصبية مش بعدها. ولو حتى الموضوع ماينفعش تفوتيه لما تكلميها بحنية قوي وتحسسيها بحبك وتقوليلها دة غلط أو ماينفعش أو عشان خاطر ماما والله هتسمع كلامك.
·واحدة تانية ممكن تقول أصل ولادي مابيجوش غير بالضرب والزعييق
هقولك انت اللي عودتيهم على كدة ولو عودتيهم انهم يسمعوا كلامك عشان بيحبوكي وعشان حبك ليهم ماكنتيش هتحتاجي للضرب دة أبدا.
ياجماعة دول ولادنا يعني حتة من قلبنا دنتي لما ابنك بيتعب قلبك بيتعصر انا بحس الإحساس دة بجد ان قلبي بيوجعني قوي فياريت نحسسهم بالحب العظيم دة اللي هو فطرة ربنا سبحانه وتعالى فطرنا عليها.
وعلى فكرة أنا حازمة جدا مع ولادي يعني لو قلت على حاجة لأ يبقى لأ بس بقنعهم لأ ليه ولو قلت لو ماحصلش كدة هيكون في عقاب معين هما عارين كويس اني هنفذ كلامي.
أخيرا بقى انت نفسك هيعود عليكي الموضوع دة بايجابيات كتيير هتبقي هادية قوي جوزك هيلاحظ هدوءك دة وهينعكس عليه مش هتعجزي بسرعة هتحسي حياتك أحلى .
منقول
بنتي الكبيرة كنت بربيها بطريقة إلى حد ما هادية ماكنتش بتعصب عليها إلا قليل جدا كنت كل حاجة بمنعها منها بقنعها انا بعمل كدة ليه " وهي طبعا اتعودت على كدة " طبعا دي ميزة بس تعب علية أنا ، حتى والدتي مرة قعدت معايا فترة ساعة ولادة بتي التانية وقالتلي جملة مش ناسياها قالتلي– إنت مابتتعبيش من كتر الكلام مع بنتك –المشكلة بقى العامة اللي في كل المصريين واعتقد العرب كلهم اننا مش عايزين ولادنا يغلطوا عايزينهم دايما ماشيين صح في كل حاجة وأنا نفسي كنت كدة ونسيت حاجة مهمة جدا " إن الطفل لازم يغلط عشان يتعلم وانه لو ماغلطش من كتر محنا محوطين وقافلين عليه مش هيتعلم بطريقة صحيحة " المهم بقيت بتعصب عليها وأحياناً بضربها هو الحمد لله مش كتيير موضوع الضرب دة بس كان بيحصل والموضوع زاد لما خلفت بنتي التانية كان عندها 3 سنيين ونص و كنت حاسة انها كبرت قوي وفاهمة بقى ولازم تسمع الكلام ولاحظت ان العصبية أثرت على البنتين بطريقة مختلفة لإن كل واحدة ليها شخصية غير التانية بنتي الكبيرة بتخاف جدا وبتعيط لما حد يزعقلها أو يضربها ودة أثر عليها برة البيت يعني في المدرسة أو أي مكان في ولاد غيرها بتخاف لو حد بصلها ولا قرب عليها ولو حد أصغر منها ضربها تترعب منه ومتقدرش حتى تدافع عن نفسها ودة أثر في نفسيتي جدا وكنت حاسة بالذنب ، التانية بقى مفترية أي حد يزعقلها تزعقله وعصبية جدا ودة طبعا جوة البيت بس .
-كل دي نتائج سلبية للعصبية ومعاملة اولادنا معاملة سيئة حتى لو كان قصدنا نقوم سلوكهم لإن دة بجيب نتيجة عكسية "
وقفت وقفة مع نفسي وقلت لازم اتغير عشان ولادي اللي هما أغلى حاجة عندي في الدنيا ولإن أنا عارفة كويس أوي ان ( الحنية والحب مع الحزم )هو احسن طرق التربية إن ماكانش الطريقة الوحيدة.
أنا بحاول أعمل كدة من زمان وببدأ فعلا وأرجع تاني المرة دي قلت لأ لألألألألألألألألألألأ لازم استمررررر
النتيجة بانت من أول يوم خاصة مع بنتي الكبيرة أد إيه حنينة وطيبة وبتسمع كلامي من ساعة مابقيت أعاملها بحنية وأغدق عليها الحب ولو غلطت أقومها بالراحة وبحنية ماشاءالله لا قوة حسيت أد إيه أنا كنت ظالماها مع اني بالمقارنة بأمهات كتيير برده بالي طويل ومش بتعصب بسرعة بس في الآخر كنت بتعصب
·ممكن واحدة تقولي أنا مابقدرش أمسك نفسي فبتعصب
هقولها بس قبل ماتصدري رد الفعل فكري لمدة ثانيتين بس هتلاقي الموضوع مش مستاهل كم مرة أنا اتعصبت وبعد الموقف ماخلص قلت ياه دنا لو كنت صبرت شوية، لوفهمتها صح، لو حطيت نفسي مكانها، ماكنتش هتعصب احنا بقى عايزين نفكر قبل العصبية مش بعدها. ولو حتى الموضوع ماينفعش تفوتيه لما تكلميها بحنية قوي وتحسسيها بحبك وتقوليلها دة غلط أو ماينفعش أو عشان خاطر ماما والله هتسمع كلامك.
·واحدة تانية ممكن تقول أصل ولادي مابيجوش غير بالضرب والزعييق
هقولك انت اللي عودتيهم على كدة ولو عودتيهم انهم يسمعوا كلامك عشان بيحبوكي وعشان حبك ليهم ماكنتيش هتحتاجي للضرب دة أبدا.
ياجماعة دول ولادنا يعني حتة من قلبنا دنتي لما ابنك بيتعب قلبك بيتعصر انا بحس الإحساس دة بجد ان قلبي بيوجعني قوي فياريت نحسسهم بالحب العظيم دة اللي هو فطرة ربنا سبحانه وتعالى فطرنا عليها.
وعلى فكرة أنا حازمة جدا مع ولادي يعني لو قلت على حاجة لأ يبقى لأ بس بقنعهم لأ ليه ولو قلت لو ماحصلش كدة هيكون في عقاب معين هما عارين كويس اني هنفذ كلامي.
أخيرا بقى انت نفسك هيعود عليكي الموضوع دة بايجابيات كتيير هتبقي هادية قوي جوزك هيلاحظ هدوءك دة وهينعكس عليه مش هتعجزي بسرعة هتحسي حياتك أحلى .
منقول
تعليق