Tweet
السلام عليكم ورحمة الله وبركاته
مشكل هذا الأسبوع على لسان صاحبته تقول :
لا أدرى من أين أبدأ
لكن الله المستعان فقد طفح الكيل ولم أعد أحتمل أكثر من ذلك
جئتكم اليوم لأجد عندكم حل مناسب
فنحن 5 أبناء 4 بنات وولد وأنا الإبنة الصغرى أخى الأكبر مسافر ولى أختين تزوجوا وأختى الكبرى لم تتزوج بعد وكلهم أكملوا تعليمهم الجامعى عدا أنا رفضت الذهاب بسبب الإختلاط الموجود هناك
المشكلة أنه يوجد تفرقة كبيرة بيينا وكله على حسابى أبسط الأمور أختى تعمل منذ حوالى 3 سنوات وأنا طيلة هذه الأعوام أقوم بأعمال المنزل جميعها وتركت هى الشغل منذ أيام ومنذ يومين أعمل أعمال بسيطة نظرًا لأنى كنت اتزحلقت وجسدى كله يؤلمني فأمى كل شوية تقولى انتى من ساعة ما أختك سابت الشغل وانتى ما صدقتى حتى لو فضلت واقفة اشتغل 24 ساعة وجيت نسيت حاجة أبقى ولا كأنى عملت شئ فى حين إن أختى لو غسلت طبقين تبقى عملت اللى محدش عمله ولو اتكلمت يقولوا أختك ونفسيتها [ لإنها لسة متخطبتش ]
مش عارفة أرضيهم إزاى الواحدة فى البيت خدامة وبس مفيش حاجة إسمها يراعوا نفسية البنى آدمة اللى قدامهم ولا إن هى تعبانة مفيش خالص طول اليوم أشتغل ويجى عليا الليل بعيط من الألم اللى فى رجلى ولا حد بيقولى مالك ولا أى حاجة
أخلص اللى ورايا ولما أفتح المنتدى أو الفيس شوية يقولولى اللى انتى فالحة فيه لو قعدت فى الأوضة وقفلت الباب والدى يقولى بتعملى إيه ؟؟ نفسى أقعد يوم لوحدى أنا بحب أقعد مع نفسى كتييير معرفش كل شوية بتعملى إيه وما بتعملى إيه ولا عايزنى أتكلم مع حد ولا أفتح النت
إمبارح واحدة جارتنا إبنها بيتجوز فأنا روحت الصبح قولت أساعدهم وأعمل معاهم أى حاجة لإنها معندهاش بنات فعملت اللى ربنا قدرنى عليه ولما حضر والدى من الشغل عاتبني,لذهابى الى هذه الجارة سبحان الله كل دا علشان بعمل حاجة لله
اخواتى المتزوجات الواحدة منهم لما تبقى حامل أو مش حامل كل شوية روحى لأختك اغسلى لأختك وان عملت لواحدة التانية تزعل وكل شوية تحرق فى دمى بنت أختى عندنا على طول وطول النهار معايا لما طيرت عقلى وعصبتنى عالآخر وطول الليل برضو نايمة معايا وتصحينى من واحدة اتنين أى وقت وإن اتكلمت وأقول أمها تاخدها يتحججوا إن العيال هناك مش مؤدبين وهتتعلم منهم طب وأنا مالى من دا كله ؟؟ شيلونى الهم قبل الهنا بسنة
أختى تخرج وتتأخر براحتها لكن أنا لو خرجت وروحت مشوار لازم آخدلى كلمتين وأنا خارجة وأنا راجعة حاجة الله المستعان
تعبببببببت يا ناس بقيت بستغرب الناس اللى بتحب أبوها وأمها لإنى بصراحة مبقتش عارفة أحبهم
من اسلوبهم معايا ومعاملتهم ليا ياريت اللى يرد عليا مش يقولى البر وما البر معلش والله مش قادرة خلاص
نفسى أتعلم القسوة نفسى أزعل ومضحكش فى وشهم
بس للأسف لو زعلانة من أى حد ووشى جا فى وشه تلقائى أضحكله
هذا غيض من فيض وما خفى كان أعظم
لا تنسونى من صالح دعائكم بظهر الغيب
فهل أجد لديكم حل لمشكلتي؟
مشكل هذا الأسبوع على لسان صاحبته تقول :
لا أدرى من أين أبدأ
لكن الله المستعان فقد طفح الكيل ولم أعد أحتمل أكثر من ذلك
جئتكم اليوم لأجد عندكم حل مناسب
فنحن 5 أبناء 4 بنات وولد وأنا الإبنة الصغرى أخى الأكبر مسافر ولى أختين تزوجوا وأختى الكبرى لم تتزوج بعد وكلهم أكملوا تعليمهم الجامعى عدا أنا رفضت الذهاب بسبب الإختلاط الموجود هناك
المشكلة أنه يوجد تفرقة كبيرة بيينا وكله على حسابى أبسط الأمور أختى تعمل منذ حوالى 3 سنوات وأنا طيلة هذه الأعوام أقوم بأعمال المنزل جميعها وتركت هى الشغل منذ أيام ومنذ يومين أعمل أعمال بسيطة نظرًا لأنى كنت اتزحلقت وجسدى كله يؤلمني فأمى كل شوية تقولى انتى من ساعة ما أختك سابت الشغل وانتى ما صدقتى حتى لو فضلت واقفة اشتغل 24 ساعة وجيت نسيت حاجة أبقى ولا كأنى عملت شئ فى حين إن أختى لو غسلت طبقين تبقى عملت اللى محدش عمله ولو اتكلمت يقولوا أختك ونفسيتها [ لإنها لسة متخطبتش ]
مش عارفة أرضيهم إزاى الواحدة فى البيت خدامة وبس مفيش حاجة إسمها يراعوا نفسية البنى آدمة اللى قدامهم ولا إن هى تعبانة مفيش خالص طول اليوم أشتغل ويجى عليا الليل بعيط من الألم اللى فى رجلى ولا حد بيقولى مالك ولا أى حاجة
أخلص اللى ورايا ولما أفتح المنتدى أو الفيس شوية يقولولى اللى انتى فالحة فيه لو قعدت فى الأوضة وقفلت الباب والدى يقولى بتعملى إيه ؟؟ نفسى أقعد يوم لوحدى أنا بحب أقعد مع نفسى كتييير معرفش كل شوية بتعملى إيه وما بتعملى إيه ولا عايزنى أتكلم مع حد ولا أفتح النت
إمبارح واحدة جارتنا إبنها بيتجوز فأنا روحت الصبح قولت أساعدهم وأعمل معاهم أى حاجة لإنها معندهاش بنات فعملت اللى ربنا قدرنى عليه ولما حضر والدى من الشغل عاتبني,لذهابى الى هذه الجارة سبحان الله كل دا علشان بعمل حاجة لله
اخواتى المتزوجات الواحدة منهم لما تبقى حامل أو مش حامل كل شوية روحى لأختك اغسلى لأختك وان عملت لواحدة التانية تزعل وكل شوية تحرق فى دمى بنت أختى عندنا على طول وطول النهار معايا لما طيرت عقلى وعصبتنى عالآخر وطول الليل برضو نايمة معايا وتصحينى من واحدة اتنين أى وقت وإن اتكلمت وأقول أمها تاخدها يتحججوا إن العيال هناك مش مؤدبين وهتتعلم منهم طب وأنا مالى من دا كله ؟؟ شيلونى الهم قبل الهنا بسنة
أختى تخرج وتتأخر براحتها لكن أنا لو خرجت وروحت مشوار لازم آخدلى كلمتين وأنا خارجة وأنا راجعة حاجة الله المستعان
تعبببببببت يا ناس بقيت بستغرب الناس اللى بتحب أبوها وأمها لإنى بصراحة مبقتش عارفة أحبهم
من اسلوبهم معايا ومعاملتهم ليا ياريت اللى يرد عليا مش يقولى البر وما البر معلش والله مش قادرة خلاص
نفسى أتعلم القسوة نفسى أزعل ومضحكش فى وشهم
بس للأسف لو زعلانة من أى حد ووشى جا فى وشه تلقائى أضحكله
هذا غيض من فيض وما خفى كان أعظم
لا تنسونى من صالح دعائكم بظهر الغيب
فهل أجد لديكم حل لمشكلتي؟
نغــــــم مجـــــدى
تعليق