إعـــــــلان

تقليص
لا يوجد إعلان حتى الآن.

(تم) محتاجة حل ضروري

تقليص
هذا الموضوع مغلق.
X
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    (تم) محتاجة حل ضروري


    السلام عليكم ورحمة الله وبركاته

    =======

    انا عندي مشاكل مع ابني عاوزة اعرف اتعامل معها ازاي

    انس عنده 4 سنوات
    مشكلته بحكم انه الحفيد الوحيد الموجود في بيت جده انه ادلع وادلع جامد جدا ومحتاج شد شوية حتى مديرة الحضانه قالتلي كده
    المشكلة دي عاملالي تعب معاه عند كتابة الواجب بيتعبني جدااااااااا!
    مع انه واجب حضانه !!
    لكن بيدلع وهو بيكتبه
    عشان في دماغه لعب مبيركزش في التوجيه الي بقولهوله فبالتالي بيغلط كتير وبعد اصححله كتير
    يعني مثلا خطه كبير اوي وكام مرة اقوله صغر خطك
    يصغر مرة والتانية ينسى نمسح تاني
    رقم 9 دايرته كبيرة اوي اقوله صغر الدائرة مش عارف ايده خدت على المسااحات الكبيرة
    دي نقطة الواجب محتاجة يها حل بجد لأني كرهت اكتب معاه الواجب من كتر العصبية والنرفزة معاه وفي نفس الوقت مش عازاه يكره الواجب هو كمان
    خاااااااااصة ان انس اللهم بارك ذكي ولماح وبيستجيب الله بارك وبيحفظ بسرعة ماشاء الله
    وده كلام برضو المديرة كمان مش انا بس !!!
    =========
    الحاجاة الثانية عاوزة اشيل مكنه نقطة تعبانياوي وهي اصراره على انه طلبه يتعمل في نفس الوقت
    في اوقات بفهمه وبقنعه اقوله مثلا
    طيب لما اعمل كذذا هعملك الي انت عاوزه ثواني بس اصبر عليا
    يستنى ساعات ويسمع الكلام
    وساعات الاقيه مصر ويقولي لا الوقتي الوقتي الوقتي
    فبزهق
    وساعات الجأ في الوقت ده إني اغير الموضوع عشان اخرج من زنه ومتنرفزش عليه
    =====
    انا الحمد لله مبضربش الا فيييييييييييييين وفين ىخر مبزهق ومشجامد يعني مرة على كتفه على ظهره
    لكن الاساسي انه بزعق بس كتير وحاسة انه زودني عصبية على عصبيتي
    وعلى الرغم من اني مبضربش
    كل مايعمل غلط وأوجهه بعنف شوية يعني ازعق شوية
    يقولي متضربنيش
    كل شوية يقولها مش عوزك تضربيني حاسة انه على طول خايف من الضرب مع اني والله مش بضرب على طول
    حساس جدا من الموضوع ده ولو ضربته بالراحة على خفيف جدااااااااااااااااااااااااا
    الاقيه يعيط !!!!!
    لدرجة ان امبارح نرفزني فهشوته بإيدي بس مضربتش قلتله ابعد بقه عشان مزعلكش وهشوت كأني بضرب
    راح معيط وقالي هقول لجدو عليكي !!!
    ====
    ده غير انه عصبيييييي في اوقات كتير وانا عارفة ان انا السبب بعصبيتي بس انا والله مش بتعصب عليه الا لما طاقتي تنفذ معاه
    يعني انا هتعصب عليه من نفسي ليه وهحرق دمي ليه عمال على بطال ؟؟
    بحب العب معاه وابوسه على الرغم من اني حامل وبضغط على نفسي معاه عشان مفيش اطفالغيره في البيت فبلعب انا معاه
    بس ساعات من دلعه بيعمل حاجات مستفزة بتنرفزني فبتوجه توجه تاني

    ======
    انا آسفة إني طولت عليكم
    بس انا قلت انا مليش غيركم تساعدوني بعد ربنا
    محتاجة بجد حل تربوي للي انافيه عشان وقت الواجب بحمل همه وحسيت انه بدأ يهرب منه مع اني برضو بحفزه يلا عشان احطلك ستكر او اجبلك حاجة حلوة مثلا اوعده بحاجة حلوة عشان يكتب ومع ذلك في دلع !!!
    يارب الاقي حل على ايديكم

    جزاكم الله خيرا
    { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

    الكلمات الدلالية (Tags): لا يوجد
  • #2
    رد: محتاجة حل ضروري

    الحفيد الوحيد الموجود في بيت جده
    وعليكم السلام ورحمة الله وبركاته
    حياكم الله ابنتنا الفاضلة
    ومن بعد إذنكم عندي سؤال
    هل جد أنس هو والدكم
    أم والد زوجكم؟
    بارك الله فيكم

    قال الحسن البصري - رحمه الله :
    استكثروا في الأصدقاء المؤمنين فإن لهم شفاعةً يوم القيامة".
    [حصري] زاد المربين فى تربية البنات والبنين


    تعليق

    • #3
      رد: محتاجة حل ضروري

      لا هو والدي انا
      { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

      تعليق

      • #4
        رد: محتاجة حل ضروري

        وعليكم السلام ورحمة الله وبركاته
        مرحبا ابنتى الفاضله ام أنس نورتى قسم فن التربية وبخصوص مشكلة أنس بارك الله فيه ارجو ان تصبرى عليه قليلا ولاتخرجى عصبيتك فيه فهو واضح أنه عنيد وانتي بإيدك تزيدي من عناده ..
        يعنى لازم تكونى شديده شويه في عقابك معه .ولكن بدون قسوة أو ضرب لأن الضرب واهانة الجسد لن ينساه طول عمره منكِ أبدا . بمعنى انك ممكن تتركيه فى غرفته ربع ساعه مثلا بمفرده لأنه أخطأ
        او ممكن تجعليه يقف دقيقتين او 5 دقائق من غير ما تكلميه ولكن لاتنظرى اليه أبداااااااااا
        ولكن هو علشان عارف انه غلطان انتى بتذنبيه

        استغفري كل ما يغلط ووقفيه من غير ما تكلميه وبعد ما يعدي الوقت روحي له وكلميه بهدوء وخلي عينك في عينه مبااااااااشره و خليه يحس بغلطته ويعتذر ويصالحك قوليله ما تتحرك من مكانك الا لما أقولك اني سامحتك علشان يتعود ما يتحرك الا بعد ما تسامحيه ...
        تدريجيا ها يتعود انه يفهم كلامك ولايعاند ,وبعدين أريد أن تستغلى نقظة ذكاؤه ماشاء الله فى شىء مفيد ,يعنى وانتى بتجهزى الخضار مثلا ,اطلبى منه انه يعد الطماطم مثلا أو الليمون واستعملى موضوع الجمع والطرح معاه بمعنى انك تخفى حبيتين من الطماطم وتسأليه عن مجموع الباقى منها ,وهاتكون بشكل لذيذ بالنسبه له لأنه كده فاهم انه بيلعب ,وشويه شويه ها يتعلم ويتقبل منك أى أمر او نصيحه ,وموضوع الدلع من الأجداد حاولى تتفاهمى معهم انهم لايعدلوا على كلامك ولما الولد يشتكى منك أمامهم هما يفهموهه انه غلط ولازم يعتذر لماما ,وبكده ها يتعود انه لازم يرضيكِ انتى الأول ويسمع كلامك ولكن زى ما إتفقنا قللى العصبيه على قد ما تقدرى ,وطولى بالك عليه شويه ياغاليه ,وخلى بالك انتى مقبله على مرحله صعبه ,الا وهى المولود الثانى ,يعنى لازم تمهدى له من الآن ولازم تكسبيه حتى لايتعبك بالغيره من اخاه ,أو تتراكم عنده عقد نفسيه يصعب حلها ,أسأل الله أن أكون وفقت فى حل مشكلتك من خلال تجربتى مع أولادى وأحفادى ,بارك الله فيكِ وحفظه لكِ من كل شر .,وفى انتظار باقى الآراء من أعضائنا الكرام .

        (وَأُفَوِّضُ أَمْرِ‌ي إِلَى اللَّـهِ إِنَّ اللَّـهَ بَصِيرٌ‌ بِالْعِبَادِ )
        افضل موقع لحفظ والاستماع للقران الكريم
        ***}حــــــــــوار صريح جدا...{***
        مع المشرف العام للمنتدى

        تعليق

        • #5
          رد: محتاجة حل ضروري

          جزاك الله خيرا امي الفاضلة على ردك

          هحاول ان شاء الله اعمل بكلامك
          ===
          بس بوضح نقطة هو دلع جده مش في تعديله عليا بالعكس بيقوله اسمع كلام ماما على طول
          هو دلعه في ان كل الطلبات مجابة

          حتىى لو طلب حاجة غالية طلبها مني وقلتله طيب هنجيبها بعدين
          قالي الوقتي قلتله لما يجي معايا فلوس
          واناعامله حسابي ان لما سعر الحاجة دي ينزل شوية هجبها
          فوجئت انه بطبيعته عشان بيحب الحاجة دي تاني يوم غصب عنه طلبها من جدو ونسى كلامي
          فلقيت جده جابهاله وهي غالية

          فالله المستعان
          ربنا ييسر الخير
          { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

          تعليق

          • #6
            رد: محتاجة حل ضروري

            السلام عليكم ورحمة الله وبركاته
            ابنتنا الفاضلة أم أنس
            بداية الأمر أطلب منكم الهدوووء والنظر للمشكل بأنه
            أمر عادي..
            المشكل له معطيات طيبة :
            أولاً : أم فاضلة نحسبها على خير والله حسيبكم
            ثانياً : جد حنون وهو والد هذه الأم الفاضلة
            وأنتم نتيجة تربية صالحة لهذا الجد.
            ثالثاً : طفل ما شاء الله ذكي.
            وأساس المشكل بينك وبين والدك وليس بينك وبين أنس
            ولو كان لجد والد أبو أنس لكان الأمر يختلف..
            وجميع هذه المعطيات تجعل حل مشكلتكم سهل بإذن الله
            عندنا قاعدة تربوية تقول :
            الأب والأم يعيشان الأبوة والأمومة مع أطفالهما في حلوها
            ومُرِّها لكن الجدين يعيشان مع الأحفاد الأبوة والأمومة
            المتأخرة في حلوها فقط أما الجانب المر فيتركانه للأب والأم.
            والجد يقدم التدليل والكرم الزائد لأحفاده ولا يكترث
            لعواقب الأمور
            وكله ناتج عن حُسن نية وحنان زائد.
            مقابل هذا الكرم الزائد تتضاعف المشكلة عند الأب والأم
            فالحفيد يريد منهما مواصلة سياسة الجدين.. يريد
            الحصول على المزايا ذاتها مستخدماً سلاح البكاء
            والنرفزة وحدة الطباع كما يحدث مع حبيبنا أنس.
            وبالطبع ليس من اللائق أن تطلبي من والدك التوقف عن
            تدليع أنس فهو يشعر أن هذا من حقوقه تجاه أنس لكن
            من الممكن التحدث معه بهدوء وفي غياب أنس بالطبع
            لتجعليه يشعر معك بالمشكلة وبالمعاناة الناتجة منها من
            دون أن يحمل الحديث نوعاً من اللوم أو تحميله
            مسؤولية ما يحدث.
            وأفضل وسيلة بأنك تطلبي من والدك النصيحة للعثور على
            الطريقة الأفضل لحل المشكلة الناجمة عن تدليع
            أنس..أشعريه بأنه جزء من الحل المطلوب وليس المشكلة
            أو السبب وراءها.
            وأهم حاجة يا ابنتي أنك تطلبي من والدك المساعدة
            في توضيح قواعد ونظام المنزل لأنس
            أشعري والدك بأنك تطلبين خبرته التربوية
            وذكريه بأيامك وأنت طفلة كيف كان يربيك
            تربية حسنة بدون دلع زيادة..
            وتذكري بان ذكاء أنس ما شاء الله
            سيكون له ردة فعل طيبة في السنوات القادمة
            وخصوصاً في أجواء أسرة ملتزمة..
            وأخيراً أسأل الله أن يحفظكم بحفظه المتين
            وأن ينبت أنس نباتاً طيبا
            وتذكري الهدوووووووووووء مطلوب وضروري
            وتجنبي التعنيف بجميع أشكاله..
            بارك الله فيكم ونفع بكم

            قال الحسن البصري - رحمه الله :
            استكثروا في الأصدقاء المؤمنين فإن لهم شفاعةً يوم القيامة".
            [حصري] زاد المربين فى تربية البنات والبنين


            تعليق

            • #7
              رد: محتاجة حل ضروري

              جزاكم الله خيرا والدنا الفاضل

              هحاول وربنا المستعان
              { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

              تعليق

              السابق template التالي
              يعمل...
              X