Tweet
لو ابنك خجول ومش بيتكلم مع حد وطول النهار قاعد قدام الtv ومش بيلعب مع الاولاد وبيحب يلعب لوحده تبقى عنده مشكله
طبعا مش هقولك معقد نفسيا .. بالعكس بس هس هتبقى حاجات صغيرة وحلها بسيط ان شاء الله
ولازم نهتم بالموضوع من أوله عشان مانوصلش لمرحلة صعبه زي التوحد لا سمح الله او ان يكون منطوي ويخاف يتعامل مع العالم الخارجي
الكلام دا عن تجربه ... اول حاجه مش هقولك امنعي الtv خالص لان دا طفل وطبيعي انه يحب يتفرج على الكارتون بس ابدأي قللي الوقت اللي بيقعده قدام الكرتون يعنيه كفايه عليه مثلا ساعه في اليوم متقسمه على مرتين .. او نص ساعه بس والنص التاني لو بيحب يلعب على الكمبيوتر او البلايستيشن .. تاني حاجه انا وديت ابني جلسات لتعديل السلوك وتنمية المهارات عشان موضوع الخجل والانطواء دا والحمد لله بيتحسن
طبعا كل دا باستشارة الدكتورة اللي قعدت معانا واتكلمت مع الطفل وهي اللي بتحدد اذا كان محتاج جلسات ولا لا وتحدد نوع الجلسات كمان
كل اللي شايفه ان ابنها او بنتها عنده مشكله سواء عقليه او بدنيه او حتى اعاقه لاسمح الله تروح توديه هقولكم على مكان نظيف جدا ومتخصص في كل الحاجات دي
مستشفى القوات المسلحه في العجوزة خلف مستشفى العجوزة مباشرة
هتروحي وتدخلي قسم التأهيل وذوي الاحتياجات الخاصه هو القسم دا خاص للاطفال بس
اي حد بيدخل عادي سواء شرطه او مدني والمعامله هناك ممتازة والاهتمام بالطفل رائع جدا
اتمنى للجميع الاستفادة
الله يحفظ لكم اولادكم وبناتكم ويبارك لكم فيهم
تعليق