حوار اسبوعي هل احترام الابناء للاباءوالامهات أصبح شئ معدوم ؟

[قمر_وراكبه_همر]

السلام عليكم ورحمة الله وبركاته
*******
انا عضوه لسه مشتركه معاكو لسه من كام يوم

بس صراحه عجبني المنتدي اوى وحبيت افيدكوا

انا بحب اوى اتكلم عن تربية الابناء رغم ان ربنا لسه مرزقنيش

وان شاء الله كل اسبوع هعرض عليكو موضوع حواري عن التربيه

انا حبيت اتناقش معاكو في موضوع مهم جدا وشائع

(هل احترام الابناء للاباء والامهات بقي شئ معدوم في عصرنا الحالي ؟وياتري مين السبب؟)



تابعونى

[قمر_وراكبه_همر]

رد: حوار اسبوعي هل احترام الابناء للاباءوالامهات اصبح شئ معدوم ؟

السبب هم الاهل

يعني هل مثلا الام والاب مش بيحترموا اولادهم فبالتالي اولادهم اتربوا علي عدم احترامهم
وعدم برهم؟

هل الاب والام بيعاملوا اولادهم بطريقه مش كويسه وبعصبيه وانهم مش مصاحبينهم فده ادي الي عدم احترام ابنائهم ليهم؟

هل الجد والجده والعم والعمه والخال والخاله ليهم يد في عدم احترام الابناء للاباء والامهات؟

ولو الجد والجده ازاي الاب والام يتصرفوا في الموضوع ده؟





السبب اصدقاء السوء

وياتري مين السبب من الاول في اصدقاء السوء؟

هل اللي بيؤدي الي عدم احترام الابناء لابائهم هم
اصدقاء السوء

يعني الابن او الابنه بتشوف اصدقائها بيعاملوا ابائهم ازاي فبيقتبسوا منهم

وياتري مين السبب في اختيار الابن او البنت اصدقاء السوء؟

هل هم الاب والام برضه لعدم متابعتهم لابنهم وعدم مصاحبته والتعرف علي اصدقائه؟




بصراحه انا قررت اكتب لكم الموضوع ده لاني بشوف ابناء كتير مش بيحترموا ابائهم

يعني الابن بيبجح في امه ويقعد يزعق فيها ويتكلم بطريقه
سيئه معاها كما لو كانت لاتمت له بصله.


تلاقي البنت صوتها اعلي من صوت امها

ايام الدراسه كان لي زميله كانت بيبقي صوتها اعلي من صوت امها كنت اقولها ليه بتعلي صوتك علي مامتك
قالت لي

انا صوتي بيبقي عالي لما بتكلم مع ماما بسببها هي

يعني انا مع بابا بتكلم بهدوء جدا وبكل حترام وحاضر وماشي ومن عنيا واللي تؤمر بيه يا بابا

لان بابا بيتعامل معايا بهدوء جدا حتي لو غلطت بيفهمني غلطي بهدوء فبالتالي انا بكون هاديه معاه

انما ماما عصبيه جدا وكل كلامها زعيق فطبيعي ان صوتي يعلي وانا بتكلم معاها ومش بيبقي قصدي قلة ادب بس لو اللي قدامك بيتكلم بصوت عالي تلقائي غصب عنك هتلاقي صوتك بيعلي



ف النهايه
ــــــــــــــــــــــ
احب اقولكوا رأيي في الموضوع

الطفل عمره مابيتولد قليل الادب ولا بجح ولا صوته عالي

الاب والام هما اللي بيشكلوا شخصيته من وهو صغير

يعني لو الام والاب بيحترموا اولادهم طبيعي ان ولادهم يبقوا محترمين

يعني انا لما اعامل ابني كبني ادم واقوله لوسمحت ممكن تجيبلي كذا من فضلك هاتلي كذا ولما يجيبلي الحاجه اقوله شكرا او جزاك الله خير

اكيد هو هيقتبس مني تصرفاتي دي اي ان كانت بقي

كتير اوى من الامهات والاباء بيعاملوا اولادهم كانهم عبيد عندهم وطلباتهم لازم تكون اوامر

اه انا ربنا وصاني علي امي وابويا واني لازم احترمهم واكون تحت رجليهم بس برضه ربنا مقالش اننا نهين اولادنا ونقل من كرامتهم

انا قلت نتناقش في الموضوع ونشوف ياتري مين السبب في كده

ونعالج الموضوع ده ازاي؟
في انتظار ارائكم

أحبكم في الله

[قمر_وراكبه_همر]

رد: حوار اسبوعي هل احترام الابناء للاباءوالامهات أصبح شئ معدوم ؟

فين ارائكم؟

[فقيرة إلى الله]

رد: حوار اسبوعي هل احترام الابناء للاباءوالامهات اصبح شئ معدوم ؟

وعليكم السلام ورحمة الله وبركاته
حياكِ الله أختى الفاضلة
ما شاء الله اللهم بارك موضوع طيب ومهم
بارك الله فيكِ
لا تحرمينا من موضوعاتك الطيبة
وأنرتِ منتدى الطريق إلى الله

[نديم]

رد: حوار اسبوعي هل احترام الابناء للاباءوالامهات اصبح شئ معدوم ؟

السلام عليكم ورحمة الله وبركاته
جزاكم الله خيرا أختنا الفاضلة على هذا الموضوع المهم والرائع والخطير في نفس الوقت.

أعجبتني عبارة بأن الطفل لا يولد قليل الأدب يعني بأنه لا بد من وجود مؤثرات خارجية وأنا أقول بأن مواكبة التطور العصري بشكل أهوج كان سبب في غياب دور الأبوين في التربية وبالتالي ستكون النتيجة قلة تربية وبعدها ينشأ جيل قليل الأدب.

شكرا لكم وبانتظار جديدكم.

[قمر_وراكبه_همر]

رد: حوار اسبوعي هل احترام الابناء للاباءوالامهات أصبح شئ معدوم ؟

وعليكم السلام ورحمة الله وبركاته
حياكِ الله أختى الفاضلة
ما شاء الله اللهم بارك موضوع طيب ومهم
بارك الله فيكِ
لا تحرمينا من موضوعاتك الطيبة
وأنرتِ منتدى الطريق إلى الله

تسلمي اختي

[قمر_وراكبه_همر]

رد: حوار اسبوعي هل احترام الابناء للاباءوالامهات اصبح شئ معدوم ؟

السلام عليكم ورحمة الله وبركاته
جزاكم الله خيرا أختنا الفاضلة على هذا الموضوع المهم والرائع والخطير في نفس الوقت.

أعجبتني عبارة بأن الطفل لا يولد قليل الأدب يعني بأنه لا بد من وجود مؤثرات خارجية وأنا أقول بأن مواكبة التطور العصري بشكل أهوج كان سبب في غياب دور الأبوين في التربية وبالتالي ستكون النتيجة قلة تربية وبعدها ينشأ جيل قليل الأدب.

شكرا لكم وبانتظار جديدكم.

فعلا عندكم حق اخانا الفاضل

جزاكم الله خيرا .

[الدره العصماء]

رد: حوار اسبوعي هل احترام الابناء للاباءوالامهات أصبح شئ معدوم ؟

وعليكم السلام ورحمة الله وبركاته

موضوع هام حقا أختنا الفاضله
فالطفل مثل الأسفنجه تماما يتشرب من الجو الذى يعيشه
جزاكِ الله خيرا .فى انتظار المزيد من هذه الطروحات ومرحبا بكِ فى قسم فن التربيه .

[قمر_وراكبه_همر]

رد: حوار اسبوعي هل احترام الابناء للاباءوالامهات أصبح شئ معدوم ؟

وعليكم السلام ورحمة الله وبركاته

موضوع هام حقا أختنا الفاضله
فالطفل مثل الأسفنجه تماما يتشرب من الجو الذى يعيشه
جزاكِ الله خيرا .فى انتظار المزيد من هذه الطروحات ومرحبا بكِ فى قسم فن التربيه .

جزاك الله خير

[محبة دين الله]

رد: حوار اسبوعي هل احترام الابناء للاباءوالامهات أصبح شئ معدوم ؟

ما شاء الله

موضوع قيم

بارك الله فيكِ

أنرتِ المنتدى

بانتظار المزيد من مواضيعك

[العابدلله]

رد: حوار اسبوعي هل احترام الابناء للاباءوالامهات أصبح شئ معدوم ؟

جزاكم الله تعالى خيرا

فعلا كثير من التصرفات التى يقوم بها الاباء تنعكس على اطفالهم وخصوصا انهم فى صغرهم يقتبسوا جيدا تصرفاتهم وكما يقال انهم صفحة بيضاء تسجل فيها ما يدور حولها من احداث.

اتمنى من الاباء التمسك بشرع الله
وثانيا متابعة برامج تربية الاطفال على قناتى الناس والرحمة .. ويوجد بفضل الله الكثير .

ونتابع معكم بفضل الله تعالى باقى الموضوعات

[قمر_وراكبه_همر]

رد: حوار اسبوعي هل احترام الابناء للاباءوالامهات أصبح شئ معدوم ؟

بارك الله فيكم

[الداعي إلى الله تعالى]

رد: حوار اسبوعي هل احترام الابناء للاباءوالامهات أصبح شئ معدوم ؟

بارك الله فيكم