إعـــــــلان

تقليص
لا يوجد إعلان حتى الآن.

قصة سيدنا محمد (بطريقة سهلة للأطفال)

تقليص
X
تقليص
 
  • الصفحة لـ 5
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 template التالي
  • #1

    قصة سيدنا محمد (بطريقة سهلة للأطفال)






    السلام عليكم و رحمة الله و بركاته

    سنعرض عليكم سلسلة عن حياة سيد الخلق سيدنا محمد صلى الله عليه و سلم
    هي سلسلة بطريقة سهلة اوي و مبسطة و باللهجة العامية عشان الأطفال اللي سنهم من 3 إلى 6 سنين أو أكثر شوي .....



    و ما تتخيلوش إستيعاب الأطفال و تأثرهم بالقصة بيبقي قوي إزاي في السن ده .....
    هدفنا ...إن أطفالنا من سن صغير يبقي محفور في نفسيتهم قصة حياة سيدنا محمد "
    عليه الصلاة والسلام " بكل جماليتها و معانيها ...
    و إزاي يحسوا من صغرهم إنه هو أحب الأشخاص ليهم و قدوتهم في الحياة ...



     و كل ده باسلوب يتناسب مع سنهم ...و هتلاقيهم مع تكرار كل جزء من القصة ... بقوا حفظينها و متأثرين بيها...
    و يارب يقر عينينا كلنا بأولادنا ...و يملأ قلوبهم بحب رسول الله...



    القصة سيتم عرضها على أجزاء كل يوم أحد جزء جديد بإذن الله و يتم عرضها على
    صفحتنا الطفل المسلم في الفايس بوك كل يوم سبت بإذن الله فتابعوا معنا



    هنا ستجدون فهرس لكل الأجزاء حتى يسهل متابعتها

    الجزء الأول

    الجزء الثانى



    (يتبع)
    التعديل الأخير تم بواسطة الدره العصماء; الساعة 19-02-2013, 02:24 PM. سبب آخر: اضافة باقى الأجزاء من 12:16
    الكلمات الدلالية (Tags): لا يوجد
  • #2
    رد: قصة سيدنا محمد (بطريقة سهلة للأطفال)

    نبدأ على بركة الله سلسلتنا(قصة سيدنا محمد صلى الله عليه و سلم)
    ننصح بحكاية القصة و تكرارها للطفل عشان يحفظها و ترسخ في ذهنه
    و يتعلم من سيد الخلق     عليه أفضل الصلاة و السلام
    مثل ماوعدناكم القصة بطريقة سهلة عشان الطفل يستوعبها و يفهمها ...

    ~~~~~~~~~~~~~~~~~~~~~~~~~~~~~~~~~~~~~~~~~~~~~


    كان ياما كان .... و ما يحلي الكلام غير بذكر النبي عليه الصلاة و السلام ...
    الولاد الحلوين يقولوا إيه ؟ ............ عليه الصلاة و السلام .... ممتازين !


    مين يا أولاد أحسن واحد في الدنيا ؟ .... سيدنا محمد
    سيدنا محمد ... هو اللي ربنا اختاره عشان يعلمنا الصح و الغلط ....و الحلال و الحرام .
    ربنا اختار سيدنا محمد عشان يعلمنا الأعمال الطيبة و الأخلاق الجميلة .و يعلمنا دينا الإسلام ....

    واللي هيحب سيدنا محمد و يسمع الكلام اللي ربنا علمه لسيدنا محمد ... ربنا هيحبه ....
    و هيدخله الجنة .
    و الجنة دي أحلي مكان ... اللي فيه كل حاجة و أي حاجة احنا عاوزينها ...
    ومهما فكرنا في الجنة.... الجنة برضه هتبقي أحلي من تفكيرنا !!!!

    كان زمان زماااان ........ سيدنا ابراهيم بيبني الكعبة و معاه ابنه اسماعيل ....
    سيدنا إبراهيم و هو بيبني الكعبة ..... و قف يدعي ربنا ... إنه يبعت للناس ....واحد ...
    رسول ....يعلمهم الصح و الغلط و الحلال و الحرام ...... عشان يخليهم ناس كويسين
    و طيبين و بيعملوا الخير ..... فربنا أستجاب الدعاء ...و اختار سيدنا محمد ....
    إنه يكون المعلم ... .... اللي يعلم كل الناس أوامر ربنا .
    أبو سيدنا محمد ......كان اسمه ايه ؟ ........... عبد الله ابن عبد المطلب
    ( لازم الطفل يردد )
    و مامته كان اسمها ايه ................. آمنة بنت وهب .......
    (خليه يقول وراك )

    سيدنا محمد لما كان لسه جوة بطن مامته ..... باباه عبد الله مات ......
    و مكنش شافه لأنه مكنش لسه أتولد ........... عارفين سيدنا محمد أتولد إمتي؟؟ ....
    أتولد عام الفيل ....( يعني في نفس السنة اللي أبرهة الشرير كان عايز يهدم الكعبة
    بالفيل الضخم ... بس ربنا عاقبه و كل الجنود الأشرار اللي كانوا معاه ...
    و مقدرش يكسر الكعبة ).....

    أول لما مامته (آمنة بنت وهب ) ولدته ندهت علي جده ....... أبو باباه ....
    اسمه عبد المطلب .......شافه ....لقاه طفل شكله جميل أوي .....فمامة سيدنا محمد قالت لجده ...
    أنا أما كنت بنام كنت بحلم حلم جميل أوي ...كنت بشوف نور بيخرج من جسمي ...و بينور الدنيا كلها ....

    فجده فرح أوي و حس إن الطفل ده هيبقي مش طفل عادي ...و انه لما يكبر هيعلم الدنيا كلها
    و هيخلي الناس تشوف الحاجات الصح زي النور اللي بيخلينا نشوف كل حاجة في حياتنا .

    جده قال .... أنا هسميه محمد !!!! ......مكنش فيه حد ساعتها اسمه محمد خاااالص .....
    فالناس سألته : يعني إيه محمد ؟؟؟ .... قالهم يعني ربنا في السماء يحبه و يحب أخلاقه الجميله ...
    و الناس في الأرض تحبه و تحب أخلاقه الجميلة .

    ........ اللهم صل على سيدنا محمد .......

    ~~~~~~~~~~~~~~~~~~~~~~~~~~~~~~~~~~~~~~~~~~~~~

    و نكمل يوم الأحد القادم الجزء الثاني عشان مانطولش على أولادنا ماتنسوش تتابعوا معنا
    و تحكوها لأولادكم و الأهم تكرروها و انتم بتحكوها غيروا في نبرة الصوت حسب الحاجة و في تعليمات الوجه
    لأنه مهم عند الطفل و يخليه يتاثر أكثر وارجعوا قوللنا انعكاس الجزء الأول كان ايه على طفلكم...

    في رعاية الله


    التعديل الأخير تم بواسطة فاطمة سعد; الساعة 04-11-2012, 06:37 PM. سبب آخر: تكبير الخط

    تعليق

    • #3
      رد: قصة سيدنا محمد (بطريقة سهلة للأطفال)

      وعليكم السلام ورحمة الله وبركاته

      بسم الله ماشاء الله موضوع جمييييييييل

      جزاكِ ربي الخيرات
      متابعة معاكِ
      اللهم احفظ ابنتى واعنا على تربيتها تربية صالحة مصلحة حاملة لكتابك ومطبقة لشرعك
      اللهم احفظ زوجى من كل سوء والف بين قلوبنا واجعله قره عين لى واجعلنى قرة عينا له
      وبارك اللهم في أهلى ورفيقاتى واحفظهم من كل سوء

      تعليق

      • #4
        رد: قصة سيدنا محمد (بطريقة سهلة للأطفال)

        دي طريقه جميله بارك الله فيكم
        التعديل الأخير تم بواسطة فاطمة سعد; الساعة 07-11-2012, 03:02 PM. سبب آخر: تعديل صيغة الحوار للجمع |بوركتم|سبحان الله وبحمده
        وَمَا أُبَرِّئُ نَفْسِي إِنَّ النَّفْسَ لَأَمَّارَةٌ بِالسُّوءِ

        تعليق

        • #5
          رد: قصة سيدنا محمد (بطريقة سهلة للأطفال)

          وعليكم السلام ورحمة الله وبركاته

          ماشاء الله اللهم بارك
          اسلوب جميل ولطيف وجامع معلومات كتير من غير جهد في التجميع مع كل واحدة

          بإذن الله اتابع معكِ
          وجزاكم الرحمن خيرًا وجعل هذا الجهد في ميزان حسناتكم
          نعم ، إنها الرغبة .. الرغبة التي حطمت ضخام العوائق


          صدقة جارية للإخت هبة محمود رحمها الله

          تعليق

          • #6
            رد: قصة سيدنا محمد (بطريقة سهلة للأطفال)



            نواصل سلسلتنا (قصة سيدنا محمد صلى الله عليه و سلم)
            أهم حاجة انكم تكونوا رددتم الجزء
            الأول على أطفالكم لحد مايحفظوها

            يلا يا أحلي أباء مكملين ..... حتة حتة ...
            لغاية لما يحفظوا سيرة سيدنا محمد عليه الصلاة و السلام....
            كرروا كل حلقة ... قبل ماتبدؤوا في الحلقة اللي بعدها ...
            نبدأ على بركة الله الجزء الثاني:

            ~~~~~~~~~~~~~~~~~~~~~~~~~~~~~~~~~~~~~~~~~~~~~~~~

            كان يا ما كان ...و ما يحلي الكلام غير بذكر النبي عليه الصلاة و السلام
            الولاد الممتازين يقولوا اييييييه ؟؟؟؟ ............ عليه الصلاة و السلام ....
            تماااااام !


            دلوقتي سيدنا محمد لسه مولود .... و الناس زمان أول لما يتولد طفل جديد ...
            كانوا يودوه يعيش في مكان اسمه البادية .. البادية دي مكان واسع و جميل و نظيف...
            و اللي يروح هناك جسمه بيبقي قوي و بيكبر و صحته بتبقي حلوة ....


             و كانت بتيجي مرضعات ياخدوا الأطفال معاهم للبادية و يرضعوهم لبن عشان يكبروا ...
            ......جت مرضعات كتير ... ووقفوا يسألوا الناس : حد عنده طفل صغير
            ناخده معانا البادية             و نرضعه لبن عشان يكبر؟؟؟
            الناس يقولوا ليهم أيوة إحنا عندنا طفل أهو خدوه معاكم للبادية ....
            فياخدوه معاهم ..
            ..........................


             مامة سيدنا محمد ...آمنة .... قالتلهم أيوة .. أنا عندي طفل لسه مولود !!!
            فيسألوها المرضعات: فين باباه اللي هيدفعلنا فلوس ؟ .... تقولهم : باباه مات
            فيردوا المرضعات : لأ .... مش هناخده معانا ...
            يا نهاااااااار ... طب مامته و جده يعملوا ايه بقه ؟؟ ...
            جده قالهم أنا هديكم فلوس ...بس برضه مرضيوش ......
            ..............................


             لكن كان فيه مرضعة ..... اسمها حليمة ..... و كان معاها جوزها .... وابنهم الصغير ....
            و كانوا راكبين حمار ضعيييف و بيمشي براااااااحة
            و عندهم جمل ( ناقة )...بتديهم لبن .... كانوا بيحلبوها زي البقرة كده....
            بس كانت بتجيب لبن شوية صغيرين خالص ....
            كانت حليمة بتدور علي طفل تاخده معاها البادية و ترضعه من لبنها ...
            فمكنتش لاقية ولا طفل تاخدوا معاها ... كل المرضعات التانيين خدوا كل الأطفال ...
            إلا سيدنا محمد
            فقالت خلاص أنا هاخد الولد اللي باباه مات !!!!.....
            قصدها علي سيدنا محمد !
            فراحت لمامته و جده ...و قالتلهم خلاص أنا هاخد محمد معايا ....
            قولوا : عليه الصلاة و السلام يا أولاد و يا بنات !!!!
            .................................................. ...


             عارفين ايه اللي حصل ؟؟
            حصلت حاجة عجيبة ...
            أول لما أخدت سيدنا محمد معاها ....حصلها حاجات حلوة كتير !
            لقت الجمل( الناقة ) الضعيف بتاعها الي مكنش بيجيب غير حبة لبن صغيرين
            .... بقي بيجيب لبن كتيييييير .... و جت تركب الحمار الضعيف بتاعها
            عشان تروح بيه البادية .... لقيته بقي أقوى ...و بقي يعرف يمشي بسرعة ...
            و المرضعات التانيين اللي معاه بقوا مستغربين !! ... و يقولوا إزاي الحمار البطيء بقي قوي جدا ...


             لغاية لما وصلوا البادية ...
            حليمة كانت عايشة في بيت في مكان اسمه ....ديار بني سعد ....
            و كان عندها أرض ... بس السنة دي كانت أرضها ما فيهاش زرع و ماية
            .... بس العجيب إن أول لما وصلت .. و معاها سيدنا محمد ... الدنيا مطرت
            .... و الزرع الجميل طلع .... و بقت أرضها جميلة
            ................................


             حليمة قعدت تفكر الطفل ده أول لما جبته معايا ...حصل حاجات حلوة كتير
            ... الطفل فيه بركة .
            ....بتخلي كل حاجة حواليه جميلة ......فبقت حليمة فرحانة أوي بسيدنا محمد .
            ................................


             و كبر سيدنا محمد في البادية لغاية لما بقي عنده سنتين ..... و بقي جسمه قوي
            .... و أقوي كمان من الأطفال اللي قده .....فكده خلاص كبر ولازم
            حليمة ترجعه لأمه .
            بس حليمة كانت بتحب محمد عليه الصلاة و السلام ...
            و عايزاه يقعد معاها وقت أطول .


             فراحت حليمة لأم سيدنا محمد ...
            و قالتلها : ممكن تسيبي محمد يفضل معايا شوية كمان ؟؟؟البادية مكان جميل
            و جوها حلو وممكن لو رجع يتعب ...خليه معايا حبة كمان .
            و فضلت تتحايل علي مامته ...( آمنة بنت وهب )
            لغاية لما مامته وافقت ...
            و رجع سيدنا محمد مع حليمة للبادية ....( لمكان بيتها ...ديار بني سعد )
            .................................


             بس هتحصل مفاجأة هنحكيها الحلقة الجاية ...(عنصر تشويق للأطفال)
            اللهم صل على سيدنا محمد
            .................................
            ~~~~~~~~~~~~~~~~~~~~~~~~~~~~~~~~~~~~~~~~~~~~~~~~

            انتظرونا الأسبوع القادم باذن الله و ربنا يجعل كل أولادنا من الذرية الصالحة





            تعليق

            • #7
              رد: قصة سيدنا محمد (بطريقة سهلة للأطفال)

              وعليكم السلام ورحمة الله وبركاته

              ماشاء الله
              مساهمة رااائعة وباسلوب قيم

              بورك فيكِ مشرفتنا الكريمة

              حيا الله أصلك وجعل عملك في موازين حسناتك آمين
              اللهم احفظ ابنتى واعنا على تربيتها تربية صالحة مصلحة حاملة لكتابك ومطبقة لشرعك
              اللهم احفظ زوجى من كل سوء والف بين قلوبنا واجعله قره عين لى واجعلنى قرة عينا له
              وبارك اللهم في أهلى ورفيقاتى واحفظهم من كل سوء

              تعليق

              • #8
                رد: قصة سيدنا محمد (بطريقة سهلة للأطفال)

                عمل ممتاز جداً جداً
                تقبل الله منكم الصالحات
                اللهم ارحم أبي رحمة واسعة وجميع موتانا وموتى المسلمين

                تعليق

                • #9
                  رد: قصة سيدنا محمد (بطريقة سهلة للأطفال)

                  وعليكم السلام ورحمة الله وبركاته
                  ماشاء الله لاقوة إلا بالله
                  طريقة أكثر من رائعه لتعليم قصة سيدنا محمد صل الله عليه وسلم
                  متابعين معكِ إن شاء الله حتى نتعلم ونُعلم أطفال المسلمين
                  جزاكِ الله خيراً.
                  اللهم ردنا إليك رداً جميلاً واصنعنا على أعينك
                  وجعلنا لك كما تحب وترضى
                  اللهم املأ قلبي حبا لك وإقبالا عليك وحياء منك
                  اللهم ارزقنا حسن أتباع الرسول صل الله عليه وسلم فى الدين والخلق..والحمدلله رب العالمين
                  سبحان الله وبحمده سبحان الله العظيم.

                  تعليق

                  • #10
                    رد: قصة سيدنا محمد (بطريقة سهلة للأطفال)

                    ما شاء الله ... لا قوة الا بالله
                    موضوع ممتاز جدااااااااااا
                    جعله الله فى موازين حسناتكم
                    وجزاكم الله خيراً ورفع قدركم
                    [CENTER][B][URL="https://forums.way2allah.com/forum/%D9%85%D8%B4%D8%B1%D9%88%D8%B9-%D8%AA%D8%AD%D9%81%D9%8A%D8%B8-%D8%A7%D9%84%D9%82%D8%B1%D8%A2%D9%86-%D8%A7%D9%84%D9%83%D8%B1%D9%8A%D9%85/%D8%AA%D8%AD%D9%81%D9%8A%D8%B8-%D8%A7%D9%84%D9%82%D8%B1%D8%A2%D9%86-%D8%A7%D9%84%D9%83%D8%B1%D9%8A%D9%85-%D9%84%D9%84%D8%B4%D8%A8%D8%A7%D8%A8/4455003-%D9%85%D8%B4%D8%B1%D9%88%D8%B9-%D8%AA%D8%AD%D9%81%D9%8A%D8%B8-%D8%A7%D9%84%D9%82%D8%B1%D8%A2%D9%86-%D8%A7%D9%84%D9%83%D8%B1%D9%8A%D9%85-%D9%84%D9%84%D8%B4%D8%A8%D8%A7%D8%A8-%D8%A8%D8%B4%D8%A8%D9%83%D8%A9-%D8%A7%D9%84%D8%B7%D8%B1%D9%8A%D9%82-%D8%A5%D9%84%D9%89-%D8%A7%D9%84%D9%84%D9%87-%D8%A7%D9%84%D9%82%D8%B1%D8%A2%D9%86-%D8%AD%D9%8A%D8%A7%D8%AA%D9%8A"][COLOR=#FF0000][SIZE=36px][FONT=times new roman]مشروع تحفيظ القرآن الكريم للشباب بشبكة الطريق إلى الله[/FONT][/SIZE][/COLOR][/URL][/B][/CENTER]
                    [CENTER][B][URL="https://forums.way2allah.com/forum/%D9%85%D8%B4%D8%B1%D9%88%D8%B9-%D8%AA%D8%AD%D9%81%D9%8A%D8%B8-%D8%A7%D9%84%D9%82%D8%B1%D8%A2%D9%86-%D8%A7%D9%84%D9%83%D8%B1%D9%8A%D9%85/%D8%AA%D8%AD%D9%81%D9%8A%D8%B8-%D8%A7%D9%84%D9%82%D8%B1%D8%A2%D9%86-%D8%A7%D9%84%D9%83%D8%B1%D9%8A%D9%85-%D9%84%D9%84%D8%B4%D8%A8%D8%A7%D8%A8/4455003-%D9%85%D8%B4%D8%B1%D9%88%D8%B9-%D8%AA%D8%AD%D9%81%D9%8A%D8%B8-%D8%A7%D9%84%D9%82%D8%B1%D8%A2%D9%86-%D8%A7%D9%84%D9%83%D8%B1%D9%8A%D9%85-%D9%84%D9%84%D8%B4%D8%A8%D8%A7%D8%A8-%D8%A8%D8%B4%D8%A8%D9%83%D8%A9-%D8%A7%D9%84%D8%B7%D8%B1%D9%8A%D9%82-%D8%A5%D9%84%D9%89-%D8%A7%D9%84%D9%84%D9%87-%D8%A7%D9%84%D9%82%D8%B1%D8%A2%D9%86-%D8%AD%D9%8A%D8%A7%D8%AA%D9%8A"][COLOR=#0000CD][SIZE=36px][FONT=times new roman](القرآن حياتي)[/FONT][/SIZE][/COLOR][/URL][/B][/CENTER]

                    تعليق

                    • #11
                      رد: قصة سيدنا محمد (بطريقة سهلة للأطفال)




                      اليوم مع الجزء الثالث من قصة سيدنا محمد صلى الله عليه و سلم

                      يلا مع بعض مكملين ...خطوة خطوة ...و هنعيد و نزيد لغاية لما أطفالنا يحفظوها

                      الحلقة دي عن حادثة شق صدر الرسول عليه الصلاة و السلام ....

                      و متخافوش هنوصلها إن شاء الله بشكل بسيط و لطيف.




                      رجعت حليمة للبادية .... لبيتها اللي في ديار بني سعد .....
                      ( مع التكرار هتثبت إن شاء الله )
                      و كانت فرحانة أوي ..... عشان مامة سيدنا محمد وافقت إنه يرجع
                      مع حليمة و يقعد معاها وقت زيادة ......


                       أنتوا عارفين إن ربنا اختار سيدنا محمد أنه يكون أحسن واحد في الدنيا كلها ...
                      و هيعلم الناس كلها الخير .... فلازم ربنا يخلي قلب سيدنا محمد أطيب
                      ( أطهر ) قلب ..... مليان خير .... و مفيهوش أي شر ....
                      و ما يقدرش الشيطان الوحش يخلي سيدنا محمد يعمل اي شر أبدا .


                       فضل سيدنا محمد عليه الصلاة و السلام عايش مع حليمة ...
                      لغاية لما حصلت حاجة غريبة ...!!


                       الأطفال في البادية كانوا بيحبوا يلعبوا مع بعض ... و بيحبوا يلعبوا مع سيدنا محمد ..
                      ففي يوم من الأيام راح الأطفال كلهم و معاهم سيدنا محمد يلعبوا ورا البيت ...
                      بيت حليمة السعدية ....عارفين إيه اللي حصل ؟؟


                      ربنا خلي ملاك .....ملاك شكله جميييل .... شكل الراجل الطيب ...
                      ولابس هدوم لونها أبيض و نظيفة ... يروح عند الولاد اللي بيلعبوا ....
                      راح الملاك عند سيدنا محمد و هو بيلعب ... و خلاه ينام ...
                      و دخل إيده براحة خااالص جوه صدره ...من غير ما يعوره ...
                      و أخد حاجه من قلبه ....حاجة صغيرة جدا ....اسمها ( مضغة ) ....
                      و قال لسيدنا محمد : أنا أخدت الحاجة دي من قلبك عشان قلبك
                      يبقي أطيب (أطهر ) قلب و الشيطان ما يقدرش يضايقك أبدا ....
                      ولا يقدر يخليك تعمل اي شر .


                       و مشي الملاك ... ( طب عمل كده إزاي ؟ ...
                      عشان ده ملاك من عند ربنا و ربنا هو اللي علمه يعمل كده ) .


                       بس الولاد التانيين خافو أوي ... افتكروه راجل شرير ...
                      و و افتكروه بيؤذي محمد ... فطلعوا يجروا بسرعة و هما خايفين ...
                      و راحوا علي حليمة .... و قالولها : الحقي ...الحقي ..محمد اتقتل !!..
                      محمد اتقتل !! ...فيه واحد جه و موته !!!


                       حليمة خافت أوي علي محمد .... و طلعت تجري بسرعة تدور عليه ....
                      لقيته واقف و وشه مخضوض .... فقالت له : متخافش ...
                      أنا هرجعك عند مامتك .


                       حليمة كانت بتحبه أوي بس خافت عليه ....
                      لأنها مكنتش تعرف إن ده ملاك طيب ...
                      و افتكرت إن فيه حد عاوز يؤذيه .


                       حليمة خدته بسرعة عند مامته ... و قالتلها : أنا هرجعلك محمد !
                      مامته استغربت أوي ... و قالت لها إيه اللي حصل ؟؟
                      حليمة قالتلها : بصراحة أنا خفت عليه ... و حكت لمامته كل اللي حصل .


                       لكن مامت قالتلها : متخافيش .... أنا عارفة إن ابني ده مش طفل عادي ...
                      و لما كنت حامل و كان هو لسه جوة في بطني ..
                      كنت دايما لما أنام أحلم حلم جميل ..
                      إن فيه نور جميييل بيخرج من جسمي و بينور الدنيا كلها ....
                      أنا حاسة ان ابني محمد لما يكبر ... مش هيبقي إنسان عادي ....
                      لأ ... ده هيبقي إنسان يعلم الدنيا كلها .

                      اللهم صل علي سيدنا محمد


                      تابعوا معانا ان شاء الله الجزء القادم الأسبوع القادم



                      ملحوظة صغيرة خالص ...بس للآباء ... ناس كتير من مدعي العلم بتحب تتفذلك و تقول
                      إن القلب عبارة عن مضخة و العلم أثبت أنه مجرد مضخة ...
                      و إزاي يكون القلب موضع إيمان و كفر ...و طبعا بيستشهدوا بالعلم ...
                      آيات كتير بتتكلم عن القلب أنه مكان الإيمان و الكفر و الخير و الشر والمشاعر ...
                      و مدعي العلم بينكروا الكلام ده ... معتبرين إن علميا القلب ما هو إلا مضخة .
                      و رغم إننا المفروض نؤمن بالغيبيات بدون أدلة عليها ...
                      لكن يوم بعد يوم بيتثبت لينا إن الإسلام الدين الحق ..
                      و هنا بنتكلم على لسان أخت طبيبة توضح حقيقة علمية توصلوا ليها في الأبحاث الحديثة
                      عن عمليات زرع القلب ...ببساطة و اختصار الأطباء وجدوا إنهم لما بيعملوا عمليات
                      زرع قلب من مريض لسه متوفي في حادث لمريض آخر ...
                      لقوا إن المريض اللي أخد القلب .... أكتسب كمان شخصية المتوفي !!!
                      و بقي بيحب و بيكره نفس الأشياء ...
                      لدرجة إن بقى فيه ابحاث جديدة بتمنع نقل قلب من المرضى النفسيين المنتحرين
                      لأن المنقول ليه القلب بيجيله نفس المرض النفسي و بينتحر هو كمان !!!
                      وما أوتيتم من العلم إلا قليلا ...
                      فاللي يقولك العلم بيقول القلب مجرد مضخة ... اضحك من قلبك ... و ثق في كلام ربك .
                      و مش محتاجين أبدا أدلة علمية عشان نصدق الدين

                      معلش طولنا عليكوا ..... يلا صلوا علي سيدنا محمد ...
                      و نكمل مع بعض إن شاء الله ...
                      أوعوا تنسوا تدعولنا ....





                      تعليق

                      • #12
                        رد: قصة سيدنا محمد (بطريقة سهلة للأطفال)

                        السلا م عليكم ورحمة الله وبركاتاه

                        جزاكِ الله خيراأخية
                        بورك فيكِ
                        اللهم احفظ ابنتى واعنا على تربيتها تربية صالحة مصلحة حاملة لكتابك ومطبقة لشرعك
                        اللهم احفظ زوجى من كل سوء والف بين قلوبنا واجعله قره عين لى واجعلنى قرة عينا له
                        وبارك اللهم في أهلى ورفيقاتى واحفظهم من كل سوء

                        تعليق

                        • #13
                          رد: قصة سيدنا محمد (بطريقة سهلة للأطفال)

                          جزاكم الله خيرًا ،،

                          تعليق

                          • #14
                            رد: قصة سيدنا محمد (بطريقة سهلة للأطفال)

                            ما شاء الله ... لا قوة الا بالله
                            موضوع ممتاز جدااااااااااا
                            جعله الله فى موازين حسناتكم
                             وجزاكم الله خيراً ورفع قدركم

                            و استأذنك انا نشرت موضوعك برابط الموضوع على صفحتى على الفيس

                            إن مرت الايام ولم تروني فهذه مشاركاتي فـتذكروني                             ، وان غبت ولم تجدوني أكون وقتها بحاجة للدعاء فادعولي

                            شفاكِ الله أختنا محبة السلف دعواتكم
                            لها بالشفاء العاجل

                            تعليق

                            • #15
                              رد: قصة سيدنا محمد (بطريقة سهلة للأطفال)

                              المشاركة الأصلية بواسطة دعــ الإستغفار ــاء مشاهدة المشاركة

                              ملحوظة صغيرة خالص ...بس للآباء ... ناس كتير من مدعي العلم بتحب تتفذلك و تقول
                              إن القلب عبارة عن مضخة و العلم أثبت أنه مجرد مضخة ...
                              و إزاي يكون القلب موضع إيمان و كفر ...و طبعا بيستشهدوا بالعلم ...
                              آيات كتير بتتكلم عن القلب أنه مكان الإيمان و الكفر و الخير و الشر والمشاعر ...
                              و مدعي العلم بينكروا الكلام ده ... معتبرين إن علميا القلب ما هو إلا مضخة .
                              و رغم إننا المفروض نؤمن بالغيبيات بدون أدلة عليها ...
                              لكن يوم بعد يوم بيتثبت لينا إن الإسلام الدين الحق ..
                              و هنا بنتكلم على لسان أخت طبيبة توضح حقيقة علمية توصلوا ليها في الأبحاث الحديثة
                              عن عمليات زرع القلب ...ببساطة و اختصار الأطباء وجدوا إنهم لما بيعملوا عمليات
                              زرع قلب من مريض لسه متوفي في حادث لمريض آخر ...
                              لقوا إن المريض اللي أخد القلب .... أكتسب كمان شخصية المتوفي !!!
                              و بقي بيحب و بيكره نفس الأشياء ...
                              لدرجة إن بقى فيه ابحاث جديدة بتمنع نقل قلب من المرضى النفسيين المنتحرين
                              لأن المنقول ليه القلب بيجيله نفس المرض النفسي و بينتحر هو كمان !!!
                              وما أوتيتم من العلم إلا قليلا ...
                              فاللي يقولك العلم بيقول القلب مجرد مضخة ... اضحك من قلبك ... و ثق في كلام ربك .
                              و مش محتاجين أبدا أدلة علمية عشان نصدق الدين

                              معلش طولنا عليكوا ..... يلا صلوا علي سيدنا محمد ...
                              و نكمل مع بعض إن شاء الله ...
                              أوعوا تنسوا تدعولنا ....





                              صدقت اختى انا سمعت هذا الكلام من الشيخ ابو اسحق فىى شريط له

                              بارك الله فيك ونفع بك

                              إن مرت الايام ولم تروني فهذه مشاركاتي فـتذكروني                               ، وان غبت ولم تجدوني أكون وقتها بحاجة للدعاء فادعولي

                              شفاكِ الله أختنا محبة السلف دعواتكم
                              لها بالشفاء العاجل

                              تعليق

                              السابق 1 2 3 4 5 template التالي
                              يعمل...
                              X