[حصري] تجربتي مع كسر عظمة الفخذ لابني و جبس البنطلون

[يمامة المسجد]

بعد ثلاث شهور انقطاع وأول موضوع لي في تربية الأبناء بعدها

كان لابد أن أخبركم عن خلاصة تلك التجربة ... برغم ان تجربتي حتى الآن لم تكتمل , فلم يمشي ابني بعد

ولكن لعلها بمشيئة الله تكتمل عند نهايتي من التجربة

عندما كسر ابني بحثت بالنت بأكمله ... كيف أتعامل معه ... ماذا أفعل في كل شئ يلزمه ... ولكني لم أجد من يرشدني أو يجيب تساؤلي

فبناء على تجربة مرت بأكثر من ثلاث شهور ... إن شاء الله أحاول سرد التجربة بأهم ما استفدت منها وبعض المشاكل التي واجهتني وكيف استطعت حلها ... ومشاكل واجهتني ولم استطع حلها لابد لنا من معرفتها حتى نتجنبها .

إذا فالموضوع حصري على المنتديات العربية ... والله أسال أن يفيد من ستمر بتجربتي ... وأسأل الله أن يشفى جميع مرضى المسلمين

الموضوع لن يفيد فقط من ستمر بالتجربة هذه

الموضوع سيكون بدايته كيف نتجنب حدوث المشاكل من الأصل

الله أسأل التوفيق والسداد

[يمامة المسجد]

رد: تجربتي مع كسر عظمة الفخذ لابني و جبس البنطلون

مبدأيا : هنكلم حاجة بسيطة عن الابتلاء

أن الله يبتلينا ليرفع درجاتنا ... ولا يبتلينا ليعذبنا

مهما كان درجة ابتلائك فانظر لمن هم أكثر بلاء منك

فمثلا لو كان ابني ظل في الجبس ثلاث شهور ... هناك من وُلد وضع في الجبس ... أو هناك من وضع في الجبس سنوات غير العمليات الجراحية

والله قدر ولطف

فلو كان الكسر فوق مسافة بسيطة جدا لأثر على طوله

ولو كان أعلى لدخلنا في دائرة العمليات

فــ الله رحيم بنا

و من يذهب لمستشفى الأطفال يجد الحالات التي ستظل معها تحمد الله على النعمة التي أنت فيها مهما كانت حالتك

وهناك من هم في لحظة فقدوا ابنهم نتيجة حادثة او قدر ... هو ابتلاء الله ونحن نحمد الله على البلاء ونرجوا من الله أن يعافينا من ابتلا غير به والحمد لله الذي فضلنا على كثير مما خلف تفضيلا

فمثلا ً علمت بنت لديها أربع سنوات توفت بسبب " فولة " دخلت جهازها التنفسي وحدث تلف للرئة وماتت وهي تعمل منظار

لو حكيت لكم ما هو موجود في العناية الخاص بالأطفال أو مستشفى سرطان الأطفال لعلمنا أن مهما كانت حالة ابننا هو في أفضل حال عن غيره والحمد لله .

يكفي ان تري طفل صغير ذو ثلاث سنوات جميل الملامح ... رائع الضحكة ... حبوب الابتسامة وقد نام على سرير العناية المركزة وقد ركب جهاز ليتنفس وركب المحاليل الطبية والعقارات

فنحمد جميعا الله ونرضى بقضائه مهما كان هذا القضاء ونرجوا الله أن يعافينا ولا يحملنا ما لا طاقة لنا به

هذه كانت بداية لابد منها وجب علي كتابتها

ولنعلم ان الابتلاء يزيد من حسناتك ويرفع درجاتك فاصبر واحتسب

[يمامة المسجد]

رد: تجربتي مع كسر عظمة الفخذ لابني و جبس البنطلون

ايه النقاط بالظبط اللي هنكلم عليها :

اولا : كيف تتجنب حدوث مشاكل لولدك

ثانيا ً : كيف نعرف الكسر أو الشرخ وكيف تتعامل مع اي كسر بمجرد معرفته

ثالثا : لو فرضا والله نسال الا يقدر أن نرى أحد في هذا الكسر

كيف سياكل وكيف سيشرب ... كيف يقضي حاجته ... كيف ننظفه ... كيف نجعله يمرح ويرفه عن نفسي وينسى كسره

ماهو المفروض أن يحدث أول شهر وثاني شهر وبعدها

ما المفروض أن يحدث بعد فك الجبس

كلها أشياء سنتكلم عنها إن شاء الله باستفاضة

وسنضع الفهرس إن شاء الله في هذه المشاركة فتابعوني

-------------

الفهرس

1 - السلوك الغذائي أو النمط الغذائي لأولادنا

2 - مراعاة الأمان والسلامة لأولادنا في البيت او خارج المنزل

3 - كيف تتعرف على الكسر و كيف تتعامل مع ابنك حينها

[* أم مريـم *]

رد: تجربتي مع كسر عظمة الفخذ لابني و جبس البنطلون

وعليكم السلام ورحمة الله وبركاته
أسأل الله العظيم رب العرش العظيم أن يشفى ابنك شفاءَا
لا يغادر سقمَا عاجلَا غير آجل وجميع مرضى المسلمين
بارك الله فيكِ وجزاكِ الله خير الجزاء
وجعل هذا العمل فى موازين حسناتك
نفــــع الله بـــــــــكِ
فى انتظار البقية بمشيئة الرحمن

[خديجة أحمد]

رد: تجربتي مع كسر عظمة الفخذ لابني و جبس البنطلون

وعليكم السلام ورحمة الله وبركاته
عودا حميدا أختي
نسأل الله أن يتم شفاء ابنك على خير
وجزاك الله خيرا على الموضوع

[dr_ghieth]

رد: تجربتي مع كسر عظمة الفخذ لابني و جبس البنطلون

وعليكم السلام ورحمة الله وبركاته

أولاً::نسأل الله العظيم رب العرش العظيم أن يجعل ما أصابكم من عناء وهم وحزن مما حدث للأبن الغالى "يحيى"_حفظه الله_ فى ميزان حسناتكم ورفعة فى درجاتكم.

وأسأل الله العظيم رب العرش العظيم أن يشفيه ومرضى المسلمين شفاءاً لا يُغادر سُقماً وأن يبارك لنا فيه .

ثانياً::عودٌ حميد والعود أحمد إن شاء الله لحضرتك ويسر الله لكم أمركم.

ثالثاً::

ولنعلم ان الابتلاء يزيد من حسناتك ويرفع درجاتك فاصبر واحتسب

المسألة طبعاً_كما لا يخفى_ فيها تفصيل ولكنى أقُدر ضيق المقام لديكم لتفصيلها فليس فى صلب الموضوع

ايه النقاط بالظبط اللي هنكلم عليها :

اولا : كيف تتجنب حدوث مشاكل لولدك

ثانيا ً : كيف نعرف الكسر أو الشرخ وكيف تتعامل مع اي كسر بمجرد معرفته

ثالثا : لو فرضا والله نسال الا يقدر أن نرى أحد في هذا الكسر

كيف سياكل وكيف سيشرب ... كيف يقضي حاجته ... كيف ننظفه ... كيف نجعله يمرح ويرفه عن نفسي وينسى كسره

ماهو المفروض أن يحدث أول شهر وثاني شهر وبعدها

ما المفروض أن يحدث بعد فك الجبس

كلها أشياء سنتكلم عنها إن شاء الله باستفاضة

ما شاء الله لاقوة إلا بالله .
إذن فالموضوع يحوى جوانب نفسية ووقائية وعلاجية وتربوية كثيرة .

وفقنا الله وإياكم المرضاته

[يمامة المسجد]

رد: تجربتي مع كسر عظمة الفخذ لابني و جبس البنطلون

وعليكم السلام ورحمة الله وبركاته
أسأل الله العظيم رب العرش العظيم أن يشفى ابنك شفاءَا
لا يغادر سقمَا عاجلَا غير آجل وجميع مرضى المسلمين
بارك الله فيكِ وجزاكِ الله خير الجزاء
وجعل هذا العمل فى موازين حسناتك
نفــــع الله بـــــــــكِ
فى انتظار البقية بمشيئة الرحمن

وجزاكم مثله

وعليكم السلام ورحمة الله وبركاته
عودا حميدا أختي
نسأل الله أن يتم شفاء ابنك على خير
وجزاك الله خيرا على الموضوع

وجزاكم مثله

وجزاكم الله خيرا ً على دعوات

آمين

المسألة طبعاً_كما لا يخفى_ فيها تفصيل ولكنى أقُدر ضيق المقام لديكم لتفصيلها فليس فى صلب الموضوع

ننتظر منكم تفصيلها إن شاء الله دكتور غيث لو ييسر الوقت لكم

ولا حرج أن يكون هذا الجزء في الموضوع

فنحن نحب أن نستفيد بالفعل

ما شاء الله لاقوة إلا بالله .
إذن فالموضوع يحوى جوانب نفسية ووقائية وعلاجية وتربوية كثيرة .

إن شاء الله

وفقنا الله وإياكم المرضاته

آمين

[فاطمة سعد]

رد: تجربتي مع كسر عظمة الفخذ لابني و جبس البنطلون

وعليكم السلام ورحمة الله وبركاته

عودا حميدا أختي
نسأل الله أن يتم شفاء ابنك على خير

وجزاك الله خيرا على الموضوع

[يمامة المسجد]

رد: تجربتي مع كسر عظمة الفخذ لابني و جبس البنطلون

أول جزء هنكلم عليه اليوم إن شاء الله كيف نتجنب حدوث مشاكل لأولادنا بوجه عام

وهيكون محور حديثنا نقطتين :

أول نقطة : السلوك الغذائي أو النمط الغذائي لأولادنا

النقطة الثانية : مراعاة الآمان في الأماكن التي يذهب لها أولادنا .



ونكلم على أول نقطة

السلوك الغذائي والنمط الغذائي لأولادنا

زي ما أنتوا عارفين إننا الكثير منا أو يكاد يكون أغلبنا بيتبع نظام غذائي غلط تماما

فنجد أو أولادنا الآن معظم أكلهم طعام غير صحي يخلوا من الفيتامينات و المعادن اللازمة للجسم

هي أه ممكن تتخن لكن صحة مافيش

زي البطاطس والرز ... كتير جدا من الناس بيأكلوا ولادهم مثلا رز وشوربة فقط ... ممكن يفضل ياكل طول النهار بطاطس محمرة

و كمان هنزود الشيبسيات والكيكات والاسناكس

ممكن يعدي أيام من غير مثلا ما ولادنا يشربوا لبن .... او ياكلوا بيض ... صح ولا لأ ؟؟؟

طيب هسال سؤال هو ده أكل صحي أو فيه اي فايدة ... الجواب أكيد لأ ؟؟؟

فلذا عشان نغطي كل حاجة أولادنا : لازم أعطيهم ما يحتاجون من مواد بروتينية ... نشويات ... معادن زي الكالسيوم والحديد ... فيتامينات

فلازم الفطار يكون صحي يعتمدوا عليه

ممكن بيض ولبن ... أنا لو اكتفيت اني أأكله البيض حاف أنا مستفيدة لأنه البيض فعلا غني جدا

ومعاه لبن أصبح وجبة غذائية كاملة

الغداء ... لازم اعطي لابني مواد بروتينية ... لحمة ... فراخ ... سمك

مافيش اللحوم ومافيش استطاعة ... ده مش معناه اني مغذيش ابني ... البقوليات بكل أنواعها بروتينات ... والبيض فيه بروتينات ... والعدس ممتاز جدا ووجبة ممتازة وأكثر من ممتازة

فلو ابني مثلا بيحب ياكل الرز والشوربة تكون اللحمة او الفرخ متفتتة في الشوربة ومش هياخد باله منها

لغاية لما يكبر ويعرف ياكل لواحده او يمضغ اللحم جيدا

مهم جدا ً أن ولادنا ياكلوا معانا واحنا بناكل ... وياكوا زينا من الأكل بتاعنا

اللي لازم يكون بدوره غني جدا ً بالفيتامينات

مهم جدا اننا نأكله سلطات وخضرواات وفواكه عشان الفيتامينات



طيب والمعروف انك هتقولي ان ابنك رافض الأكل الصحي

زي اللبن زي البيض زي الزبادي

كل المواضيع دي مريت بيها طيب هل نستسلم ونيأس وخلاص مش مهم ياكلهم !!!

هنعالجها إزاي

أولا : إنك تحبب ابنك في اللبن والبيض ... إنك تاكل أمامه وتحسسه اد ايه الاكل طعمه جميل وأد ايه انت مستمتع بالاكل


الأكل طعمه جميل جدا ... الأكل رائع ... اللبن مغذي جدا وبيخليني حديد وأعرف أجري والعب ... البيض هيخليني قوى من " وتقولي اسم ابنك " وهكسبه على طول

دي وسيلة ممتازة جدا وفعاله وفعلا بتنفع

ثانيا ً :مهم جدا انك تعملي الاكل ريحته حلوة وشكله حلو لأن الموضوع ده له فعاليته في فتح الشهية عند الطفل

مرضاش مع الوسيلة اللي فاتت

ثالثا : ممكن مش متقبل اللبن بشكله نعمل معاه نسكويك ... بيخلي طعم اللبن جميل

أنا مثلا بدأت مع ابني اني اشربه لبن ... باني أوريله اعلان نسكويك ... اللي بيقول اللبن هيباه كله شيكولاته ... هو حب الإعلان والكرتون ... وقالي عايز

رابعا ً : البيض ممكن نعمله ببصل بسيط وصلصة خفيفة وهيكون طعمه حلو ممكن يحبه

وفيه كمان قلاية تيفال في صورة اشكال




يتعمل فيها البيض على شكل مثلا ميكي او اي كرتون وليها اشكال كتيرة



المهم انك تبتكري عشان تأكلي ابنك

مرضاش مع كل ده ... هل ده معناه اني اسيبه

لأ طبعا ً ... هعطيله مكملات غذائية غنية بالكالسيوم والحديد

زي Maxical معلقة كبيرة 5 سم كل يوم

وكذلك Hical forte + vidrop

بالنسبة ل vidrop نراجع الوزن كويس

بالنسبة ل Decal B12 نسبة الكالسيوم فيه قليلة جدا ماينفعش يتاخد لطفل مش بياخد مواد غنية بالكالسيوم اصلا

هو غني بفيتامين D3 اللي هو مهم جدا لامتصاص الكالسيوم

لكن لو مافيش كالسيوم هيجيبه من اين ؟؟



نقص الحديد

على فكرة المشاكل الصحية عند الأطفال عموما مش بس نقص كالسيوم

الحديد كمان مهم جدا وكثير من الأطفال يعانون من الأنيميا

عشان كدة لازم ناخد أكل غني بالحديد زي اللحمة الحمراء

أو العسل الأسود

أو التمر

الموز ومعظم الاطفال بيموتوا في الموز

التفاح

مش عايز ياكل الاكل ده

ممكن نعمل كيكة بالتمر

طيب لو طفلك مش عايز ياكل كل ده

يباه نزود حديد خارجي

زي vitaferrol شراب



بالنسبة للفواكة مرضاش ياكلها يشربها عصير

بس أعتقد ان معظم الاطفال بيحبوا الفاكهة

مرضاش بالعصير هنحببه فيه اننا نشربه وناكل الفاكهة أمامه

أو نحاول نحطها في أكل بيحبه



طيب لو ابني اصلا مش راضي ياكل تماما

لازم نبحث عن مشكلة صحية ايه السبب أنه رافض الأكل ونروح للطبيب

وعلى فكرة نقص بعض الفيتامينات بيغلق نفس الاطفال عشان كدة مهم جدا إن الأكل يكون صحي وكامل




هنكلم في المرة القادمة إن شاء الله عن عوامل الأمان في البيت وخارج البيت

[فاطمة سعد]

رد: تجربتي مع كسر عظمة الفخذ لابني و جبس البنطلون

وعليكم السلام ورحمة الله وبركاته
ألف لا بأس عنه

معاك حق الطفل نفسه بتتسد عن الطعام عندما يكون مؤلم ومريض

فلازم الام تشجعه بانها تاكل وتشرب معه لا تتحسسه انه وحيد الذي يتناول الدواء والاكل
انا جربتها مع اولاد خالى في المنزل

عندما يتعبوا دوما ما يرضوا بالاكل والشرب حتى

ربنا يتم شفاء يحيي على خير يارب

منورة بيتك التانى اختاه

[خديجة أحمد]

رد: تجربتي مع كسر عظمة الفخذ لابني و جبس البنطلون

ما شاء الله نصائح قيمة
جزاك الله خيرا أم يحيى

[يمامة المسجد]

رد: تجربتي مع كسر عظمة الفخذ لابني و جبس البنطلون

ثاني حاجة هنكلم فيها إن شاء الله

هي مراعاة الأمان والسلامة لأولادنا في البيت او خارج المنزل

طيب في البيت زي مثلا

1 - لا نترك الأرض رطبة مطلقا لأنها قد تسبب انزلاق اي شخص وده سبب كسر يحيى بغض النظر ان طريقة وقعته كانت مركبة وصعبة لكن , ده كان السبب الرئيسي لكسره

2 - مثلا أماكن بها حواف بالمنزل ,,, مرايات معلقة زي كونسول مثلا سهل ان الطفل يصل اليه ممكن يتعور

3 - الطفل ميدخلش الحمام لواحده والا ممكن يتزحق ويقع

4 - أشياء حادة بارزة زي مثلا طربيزة زجاج او طربيزة لها حواف ممكن تصيب الطفل نحاول نجعل هذه الأشياء بعيدة عن الاطفال او نركب على حوافها صلصال

5 - الكهربا نبعد الطفل تماما عنها او نغلقها لو كان المقباس بمفتاح لأن الأطفال بيحبوا جدا اللعب بالكهرباء ... أنا ابني مثلا بيموت واللعب فيها ومش متصور يعني ايه كهرباء

6 - المكواة نعرفهم دايما انا بتلسع جامد ... انا ابني كان بيحب اللعب في المكواة جدا وينتظر إني فاتح غرفتها بفارغ الصبر حتى يعمل نفسه يكوي بها " حليت المشكلة بطريقتين اني لما كويت حاجة وهي سخنة حطيت ايده على الملابس المكوية حالا وهي سخنة فعرف ان المكواة بتلسع وعرف انها أح ... الحاجة الثانية جبتله مكواة لعبة شبة الحقيقية بالظبط واعطيت له قميص يكويه معي وانا أكوي

7 - الأحذية و الخف خاصة بتوع المنزل ... تبعدها تماما عن مكان المشي لأنها قد تعطر احد في طريقه لا يأخذ باله منها

8 - المطبخ نحاول ان نبعد أولادنا جميعا عن المطبخ لأنه مليئ بأسباب الصدمات الا لو كان معنا تحت أعيننا

9 - ابعدي الأدوات المنزلية عن منتصف الطريق

مثلا انا أخي بينط وقع على المكنسة الكهربائية ايده اكسرت


أما خارج المنزل

1 - البعد عن السيارات أثاء السير

2 - صعب اوي نلاقي طفل 4 سنوات او خمسة او حتة ست سنوات يرجع من الحضانة أو المدرسة وحده وكان زوجي اخبرني ان طفل 4 سنوات خرج من الحضانة خبطته عربية وكان فاعد في العناية بين الحياة والموت

فحتى نمنعه ان يخرج خارج سور الحضانة وينتظرنا بداخل الحضانة

3 - وانت ماشي مع ابنك كن حريص عليه وامسك في يده ولا تدعه يفلت يدك خوفا من العربيات الطائشة المسرعة

4 - علم ابنك يمشي بعيد عن السيارات او يمشي على الرصيف وعلمه كيف يعبر الطريق

5 - علمه ان يبعد عن المشاكل اثناء الطريق لو وجد اثنان مثلا يشاكل بعضهم بعضا

6 - علمه الا يذهب مع احد لا يعرفه ولا يذهب لمكان لا يعرفه وحده



طبعا كل هذه أمثله وأنتم أدرى بهذه مني

ومن يريد الإضافة لنستفيد يكون جزاه الله خيرا

وبرغم هذا كله لا نستطيع أن نمنع القدر

[يمامة المسجد]

رد: تجربتي مع كسر عظمة الفخذ لابني و جبس البنطلون

هنكلم في المرة دي إزاي نعرف إن الطفل اتكسر

لو مثلا الطفل وقع وقعة جامدة جدا وانت شفتي الوقعة دي

أول حاجة تعمليها انك تخلعي ليه ملابسه وتشوفي جسمه كويس وتضغطي برفق على العظم

حكاية انك تخلعي ملابس ابنك مهمة جدا مثلا انا لما يحيى وقع شفت ان مفصل الركبة هو اللي اتنى ومتخيلتش ابدا الكسر يكون في عظمة الفخذ

ولما خلعت ليه ملابسه شفت الكسر واضح جدا


ممكن انت ميكنش الكسر واضح بالنسبة لك يكون كسر بسيط بدون ما تتحرك العظمة او شرخ ... لكن انت شفت رجليه ورمت او بتوجعه او مش قادر يمشي او يحرك ايده ... او لو طفل صغير هتلاقيه منكمش ... فيه حاجة بتوجعه ... لازم على طول تعمله اشعه

متستهونش ابدا بشكوة ابنك لأنها ممكن تكون بسيطة لكن معبرة

يعني اخت بتقول ان بنتها اتقلبت من السرير للأرض فقط وسمعت تكة في رجليه والبنت مش قادرة تقوم ... راحت عملت ليها اشعة لقت شرخ في عظمة الفخذ

وواحدة صاحبتي ابنها فقط اتنت ايده وهو بيسند عليها جاله كسر في عظميتن اليد

متقولش الوقعة بسيطة ومش ممكن تكسر ... اعرف ان ممكن خبطة بسيطة جدا بس في محور العظمة يصيب فيها بينما خبطة قوية جدا بس وهو ماسك نفسك متعملش حاجة


اكتشفت ان ابنك مسكور والكسر واضح هتعمل ايه

هتثبت القدم او اليد في مكانها وبلاش تعمل فيها فالح وتحاول ترجعها مكانها ، خاصة لو كسر مايل لأنك ممكن تقطع عصب او شريان او وريد وبخاصة كسر الفخذ ... وهي بتكون كل حركة ليه مؤلمة جدا ... ومتحاولش تتني المفصل وترجعه تاني ... كدة انت بتزود الزاوية اللي وخداها اجزء العظمتين .

فحاول تشتاله ... وتحطه ممدود في العربية ... وتروح اقرب مستشفى فيها استقبال على طول وهناك ان شاء الله هيعملوا اللازم .



الحلقة القادمة هنكلم إزاي نتعامل مع الطفل المكسور وايه التصرفات الواجب نتبعها معه في اول أيام الكسر

[خديجة أحمد]

رد: تجربتي مع كسر عظمة الفخذ لابني و جبس البنطلون

الله المستعان
جزاك الله خيرا أختي يمامة
وأتم الله شفاء يحيى على خير

[لؤلؤ ومرجان]

رد: تجربتي مع كسر عظمة الفخذ لابني و جبس البنطلون

شفاه الله وعافاه أختي وسلمه من كل سوء
وعودا حميدا
جزاك الله خيرا
والحمد لله أن هداكِ لعمل هذا الموضوع
بوركتِ