الإشتـــــــــــــــــــــــــياق

[أبو بكر مح ـمد المصرى]

أعذرونى جميعا آبائى وأمهاتى لأنى لن أكتب الجزء الثانى من موضوع الح ـب
اليوم ....
لكن انا هكتب إن اشاء الله الآن عن موضوع مهم جدا وخطير ومرعب ..

ألا وهو موضوع الإشتياق ...

نعم الإشتياق ولكن ليس إشتياق الحبيب إلى حبيبته ...
ولكن ,
هو إشتياق الإبن إلى أبيه وأمه !!
هو إشتياق الإبنه إلى أبيها وأمها !!
نعم فنحن نشتاق إليكم حتى ولو كنتم على بعد خطوات منا ...

وصدقونى إحنا بنتمنى لو أننا نكون جزء منكم من عظم حبنا لكم
لو نكون رمش من رموش عينيكم ,
يعنى تشبيه بسيط ...

إنتم مهما فعلتم لن يمكنكم تصور مدى حبنا لكم ...
وحتى نحن لا يمكننا تصور مدى حبنا لكم ...

ولكنــ ,
للأسف الشديد ...
إنتم بتقابلوا هذا الحب بالجفاء ..
سواء متعمدين أو غير ذلك والأغلب فى الآباء والأمهات عدم التعمد ,

ولكن حتى هذا لا يعطيكم العذر فى تجاهلنا وعدم الإلتفات إلى مشاعرنا ..

أكاد أقسم أن قلوبنا تنفطر عندما نراكم حزانىَ ..
وكم نتمنى ,
بل التعبير الأصح ,
كم نشتاق إلى أن نرمى أنفسنا
فى أحضانكم
ننام على صدوركم
تربتون علينا
تمررون أيديكم على شعورنا
تقبلوننا على رؤوسنا وعلى خدودنا

ولا تتصوروا مدى الألم الذى يحدث عنما تتجاهولنا ولا تلتفتون لمشاعرنا هذه .

والأكثر ألما والذى قد يسبب عند البعض الآخر أزمه نفسيه إكتئاب أو إحباط ...

هو أن نعمل شيء جيد ونتصور أنه سيعجبكم ونتفاجأ بالعكس ..
تصدونا وتصيحوا فى وجوهنا ...
صدقونى انا بكتب الموضوع الآن ووجهى غارق فى الدموع ...
بسبب هذا ...
بل بسبب هذه الأسباب ...
لما أعمل شيء ووالله العظيم هو شيء كويس جدا والناس اللى فى الشارع ( آسف فى اللفظ ) هيفرحوا بيه ...
وأتفاجأ بانه لم يعجب أبى أو أمى ..
بل ويصل الأمر إلى الدعاء على أو ( شتيمتى , سبى ) أو اللعنه على او ( الزعيق ) او او ............


بالله علييكم أبى وأمى خلوا بالكم من أولادكم ....
إنتم للأسف مش بتعرفوا مدى المعاناه التى يعانونها ...
ومدى تأثير تلك المعاناه عليهم فى عمرهم هذا ...
صدقونى
والله بسبب هذه الأسباب وأسبابا أخرى ربما تعرفوها فيما بعد ..
انا تركت البيت أو بمعنى أصح أصبحت فى البيت كأنى مجرد ضيف
أكل شرب نوم فقط
اما بقيه حياتى فكانت فى بيت آخر ...

ويقدر ربنا إنى أخسر هذا البيت
ربما بسبب حماقتى أو بسبب حب ربنا لى وأنه لا يريد جل جلاله أن أقع فى شيء يغضبه سبحانه وتعالى أو بسب حملى لكتاب الله فى قلبى .
او او او وتعددت الأسباب والنتيجه واحده ...

والأغرب أنهم علموا كل شيء ..
علموا مدى كراهيتى للبيت ..
ومدى كراهيتى للعيش معهم ...
وأنى كنت ممكن أضيع منهم تماما تماما ..
وبرغم هذا كأن شيئا لم يحدث ...
لم يحدث أى تغيير فى أى شيء
أى شيء

انا مش بقولكم قصه حياتى .
لا والله وما أقصد إنى أزعجكم ,
لكن انا بقولكم إيه اللى ممكن يحصل
لإبنك أو بنتك
بسبب عدم إشباع رغبتهم فى أن يستمتعوا بلذه القرب منكم ...

آسف لو كنت أخطأت فى بعض التعبيرات أو الألفاظ ...
واعذرونى انا فعلا أعصابى منهاره و .......

خلوا بالكم من أولادكم


مح ـ ـم ـ ـد

[الدره العصماء]

رد: الإشتـــــــــــــــــــــــــياق

أعذرونى جميعا آبائى وأمهاتى لأنى لن أكتب الجزء الثانى من موضوع الح ـب
اليوم ....
لكن انا هكتب إن اشاء الله الآن عن موضوع مهم جدا وخطير ومرعب ..

ألا وهو موضوع الإشتياق ...

نعم الإشتياق ولكن ليس إشتياق الحبيب إلى حبيبته ...
ولكن ,
هو إشتياق الإبن إلى أبيه وأمه !!
هو إشتياق الإبنه إلى أبيها وأمها !!
نعم فنحن نشتاق إليكم حتى ولو كنتم على بعد خطوات منا ...

وصدقونى إحنا بنتمنى لو أننا نكون جزء منكم من عظم حبنا لكم
لو نكون رمش من رموش عينيكم ,
يعنى تشبيه بسيط ...
طيب ليه يامحمد ياأبنى مش قادر تفهم اننا احنا كمان بنخاف عليكم من الهوا الطاير
لأنكم قطعه مننا ليه شايف ان دى مشاعرك لوحدك..؟؟

إنتم مهما فعلتم لن يمكنكم تصور مدى حبنا لكم ...
وحتى نحن لا يمكننا تصور مدى حبنا لكم ...

ولكنــ ,
للأسف الشديد ...
إنتم بتقابلوا هذا الحب بالجفاء ..
سواء متعمدين أو غير ذلك والأغلب فى الآباء والأمهات عدم التعمد ,

لالالايا ابنى أكيد انت فاهم غلط مستحيل الحب يقلب الى جفاء
ياإبنى انت بكره هاتكون اب ان شاء الله وصدقنى والله ها تحس قد ايه والدك كان بيخاف عليك اكثر من اغلى شىء عنده ..مش يمكن انت بتكلمهم فى وقت عندهم ضغوط نفسيه علشان كده بتشوف هذا الذى تسميه جفاء

ولكن حتى هذا لا يعطيكم العذر فى تجاهلنا وعدم الإلتفات إلى مشاعرنا ..

أكاد أقسم أن قلوبنا تنفطر عندما نراكم حزانىَ ..
وكم نتمنى ,
بل التعبير الأصح ,
كم نشتاق إلى أن نرمى أنفسنا
فى أحضانكم
ننام على صدوركم
تربتون علينا
تمررون أيديكم على شعورنا
تقبلوننا على رؤوسنا وعلى خدودنا

ولا تتصوروا مدى الألم الذى يحدث عنما تتجاهولنا ولا تلتفتون لمشاعرنا هذه .والله ياابنى انت وجعت قلوبنا جميعا ...أصل مش معقول فلذات أكبادنا نعاملها بهذه القسوه ..أنا مش قادره أصدق ..

والأكثر ألما والذى قد يسبب عند البعض الآخر أزمه نفسيه إكتئاب أو إحباط ...

هو أن نعمل شيء جيد ونتصور أنه سيعجبكم ونتفاجأ بالعكس ..
تصدونا وتصيحوا فى وجوهنا ...
ماهو ممكن انت شايفه صح من وجهة نظرك ووالديك شايفينه بنظره أعمق وأشمل وفى النهايه عايزين لك الخير
صدقونى انا بكتب الموضوع الآن ووجهى غارق فى الدموع ...
بسبب هذا ...
بل بسبب هذه الأسباب ...
لما أعمل شيء ووالله العظيم هو شيء كويس جدا والناس اللى فى الشارع ( آسف فى اللفظ ) هيفرحوا بيه ...
وأتفاجأ بانه لم يعجب أبى أو أمى ..
بل ويصل الأمر إلى الدعاء على أو ( شتيمتى , سبى ) أو اللعنه على او ( الزعيق ) او او ............
انت عارف يامحمد لما لسان الأم يدعى على وليدها قلبها يقول بعد الشر عنك
وتسمع كمان عن المثل اللى بيقول( من يطعم ابنى تمره تنزل حلاوتها فى قلبى )
هى دى قلوب الآباء والأمهات ياابنى صدقنى ولاتسمع لصوت الهواجس التى بداخلك ..


بالله علييكم أبى وأمى خلوا بالكم من أولادكم ....
إنتم للأسف مش بتعرفوا مدى المعاناه التى يعانونها ...
ومدى تأثير تلك المعاناه عليهم فى عمرهم هذا ...
صدقونى
والله بسبب هذه الأسباب وأسبابا أخرى ربما تعرفوها فيما بعد ..
انا تركت البيت أو بمعنى أصح أصبحت فى البيت كأنى مجرد ضيف
أكل شرب نوم فقط
اما بقيه حياتى فكانت فى بيت آخر ...
دى غلطه منك ياابنى روح انت ارمى نفسك فى حضنهم ابكى على صدرهم
واحكى على كل ماتشعر به صدقنى يامحمد مش هاتلاقى أحن منهم عليك
وخصوصا الأم الأم دى كتله من المشاعر يمكن انت فى هذا السن محتاج لحضنها ودفىء مشاعرها اكتر من والدك ..قرب منها وهى ممكن تقرب وجهات النظر بينك وبين والدك

ويقدر ربنا إنى أخسر هذا البيت
ربما بسبب حماقتى ممكن لأنك بس مش فاهمهم صح
أو بسبب حب ربنا لى وأنه لا يريد جل جلاله أن أقع فى شيء يغضبه
طيب واللى ربنا يحبه لازم يرضى عنه والديه لأن الجنه تحت أقدام الأمهات
سبحانه وتعالى أو بسب حملى لكتاب الله فى قلبى
اه ...شوفت بقى كيف تستطيع حمل كتاب الله فى صدرك ..وانت لاتعمل به وتقدر على بعد والديك عنك .وتخلى الشيطان يلعب بك ...حاول مرات ومرات دخل عمك او خالك فى الموضوع دخل صديق حميم لوالدك يقدره ويسمع كلمته ..لازم تتصرف ياابنى اوعى تسيب الأيام والسنوات تتسرب من بين أصابعك وفجأه ممكن لاقدر الله واحد فيهم يقابل ربه صدقنى والله هاتعيش ندمان وحزين طول عمرك .
او او او وتعددت الأسباب والنتيجه واحده ...

والأغرب أنهم علموا كل شيء ..
علموا مدى كراهيتى للبيت ..
ومدى كراهيتى للعيش معهم ...
وأنى كنت ممكن أضيع منهم تماما تماما ..
وبرغم هذا كأن شيئا لم يحدث ...
لم يحدث أى تغيير فى أى شيء
أى شيء
ادعى ربنا ياابنى تضرع اليه وابكى بين يديه واطلب رضاهم منه
ماهو بالعقل كده مافيش اب وأم يقدروا يتعاملوا بهذه الشده الا لما يكون فيه سبب ...إبحث عن السبب يابنى علشان ترتاح باقى عمرك .

انا مش بقولكم قصه حياتى .
لا والله وما أقصد إنى أزعجكم ,
لكن انا بقولكم إيه اللى ممكن يحصل
لإبنك أو بنتك
بسبب عدم إشباع رغبتهم فى أن يستمتعوا بلذه القرب منكم ...

آسف لو كنت أخطأت فى بعض التعبيرات أو الألفاظ ...
واعذرونى انا فعلا أعصابى منهاره و .......
هداك الله وأصلح حالك وأنار دربك وأسعدك فى الدارين
ولا تخجل من كلامك معنا فنحن هنا أسره واحده وقم توضأ الآن وصلى ركعتين بنية ان الله يبصرك ويخفف عنك ولاتقنط من رحمة الله واعلم ان القلوب بين أصابع الرحمن يقلبها كيف يشاء ادعيه يقلب قلوب آبائك لك
وربنا معاك ياابنى ..وقلوبنا تدعى لك ..وفقك الله لما يحب ويرضى .

خلوا بالكم من أولادكم

حاضر يابنى جزاك الله خيرا
مح ـ ـم ـ ـد

[أبو بكر مح ـمد المصرى]

رد: الإشتـــــــــــــــــــــــــياق

أقسم بالذى خلقنى
انى عملت كل مافى وسعى
لدرجه إنى بقبل أيديهم وأرجلهم ولا أنكسف لذلك الأمر
ولكنهم يمنعونى بحجه
إنهم مش عاوزينى أقبلهم عاوزنى أسمع كلامهم
مع إن ربنا يشهد إنى بعمل كل شيء لهم سواء انا كنت بحبها أو مش بحبها ..
وانا لم أقل إنكم قاسيين كده
بالعكس انا عارف أنكم بتحبوا أولادكم
وأكيد والداى يحبوننى
لكن نفسى تراعوا مشاعر أولادكم
تعرفوا إن أولادكم هؤلاء بشر من لحم ودم بيحسوا وبيشعروا وبيتألموا وبيبكوا
صدقينى يا ماما
انا يمكن سنى صغير
لكن مريت يتجارب ومواقف وعرفت أشياء كثيره جداااااااااااااا
انا عارف نى مهما عملت والدى مستحيل يتغيروا إلا بامر من ربنا
حتى لو دخلت مين ...

انا حبيت أكتب لكم الموضوع
او بمعنى أصح
انا بكتبت المواضيع دى
ليكم إنت
أبائى وأمهاتى
يمكن مواضيعى هذه تكون سبب فى إن أخ أو أخت ما يمروا ولا يشعروا بنفس المشاعر الأليمه دى ...

[أبو بكر مح ـمد المصرى]

رد: الإشتـــــــــــــــــــــــــياق

ماهو ممكن انت شايفه صح من وجهة نظرك ووالديك شايفينه بنظره أعمق وأشمل وفى النهايه عايزين لك الخير

حتى لو كان هذا الشيء هوا إلتزامى وتدينى
حتى ولو كان هذا الشيء هو تحفيظ القرآن لأقرانى ومن هم أكبر سنا منى
ودول مثال بسيط
وأعتقد إنهم صح مش خطأ يا ماما صح ولا انا اللى مخطئ

[الدره العصماء]

رد: الإشتـــــــــــــــــــــــــياق

لاحول ولاقوة الا بالله
انا عايزاك تجرب بس موضوع الأقارب بس حاول ولا تجزم بالنتيجه ياابنى
سبحان الله يمكن تتحل بهذه الطريقه بس دور على حد له تأثير قوى عليهم
ومش عايزاك تفقد الثقه فى نفسك وانت لم تخطىء ماشاء الله عليك ..
وان شاء الله حفظك وتحفيظك لكلام الله سيكون نورا وبردا على قلبك
وعليك بالدعاء والأخذ بالأسباب ..وعندى حل أخير ممكن تقرأ الحمله الموجوده
فى توقيعى ..يمكن تغير شىء يابنى ..والله المستعان .

[أبو بكر مح ـمد المصرى]

رد: الإشتـــــــــــــــــــــــــياق

لاحول ولاقوة الا بالله
انا عايزاك تجرب بس موضوع الأقارب بس حاول ولا تجزم بالنتيجه ياابنى
سبحان الله يمكن تتحل بهذه الطريقه بس دور على حد له تأثير قوى عليهم
ومش عايزاك تفقد الثقه فى نفسك وانت لم تخطىء ماشاء الله عليك ..
وان شاء الله حفظك وتحفيظك لكلام الله سيكون نورا وبردا على قلبك
وعليك بالدعاء والأخذ بالأسباب ..وعندى حل أخير ممكن تقرأ الحمله الموجوده
فى توقيعى ..يمكن تغير شىء يابنى ..والله المستعان .

ليس أقارب يا أمى يقدروا يعملوا شيء
للأسف العائله مفككه ووالدى لا يطيق أن يكلمه أحد ( وليس معنى هذا أنه سيء ) بالعكس انا بحبه وبموت فيه لكن هواللى ...... ربنا يهديه
وانا أصلا لا أح ب تدخل أى أحد فى أمور البيت .... سواء الأقارب او الأصحاب
صدقينى والده أبى أآ جدتى كلمته مرارا وتكرارا ولكن قدر الله وما شاء فعل ..
انا بصراحه هذا هو اللى مجننى يا ماما
إنى انا عارف إن اللى انا بعمله صح وهو مش راضى ...
والله يا ماما كثيرا ما بدعو الله عز وجل ...
لكن يا أى ما فى أى شيء فى توقيعك
ربنا يبارك فيكِ يا أمى

[محمدسعيد ابراهيم]

اسأل الله ان يرزقك بر الوالدين وان يصلح بالك

واسال الله ان يرزقك الجنة

[أبو بكر مح ـمد المصرى]

رد: الإشتـــــــــــــــــــــــــياق

اللهم آمين
جزاكَ الله خيرا يا أخى الحبيب

[الدره العصماء]

رد: الإشتـــــــــــــــــــــــــياق

هون عليك ياإبنى فرج ربك قريب جدا
مش ربنا قال (ادعونى أستجب لكم )
خلاص اقف على بابه وادعى فى كل وقت
وتحين أوقات اجابة الدعاء وربنا يتقبل منك
بس امام كل ما انت فيه يابنى اوعى تستهتر بمستقبلك
عايزين نشوفك باشمهندس كبير اثبت لنفسك انك هاتقدر ان شاء الله
اثبت لأهلك انك رجل يعتمد عليه وساعتها هاتقدر تكون واقف على أرض صلبه
خلاص اتفقنا يامحمد ماتخليش ظروفك العائليه تؤثر على تحصيلك الدراسى وربنا
يوفقك يارب ونسمع عنك كل خير وهانعملك حفله رائعه هنا كل الأشبال والكبار هايباركوا لك هنا
فى حفظ الله ابنى العاقل المتميز
وازاى مافيش حاجه فى توقيعى ..؟
هذا اللى موجود أمامى الآن:

حملة أرحام فى دائرة الآثام :

https://forums.way2allah.com/showthread.php?t=55734
@@@بقلمى ..ونبض قلبى@@@
رابط للحمله ورابط لأشعارى.

[أبو بكر مح ـمد المصرى]

رد: الإشتـــــــــــــــــــــــــياق

والله يا أمى انا لا أمل من الدعاء والتضرع إلى الله
وبإذن الله ربنا يوفقنى وأنجح فى هذا العام
وبالله عليكِ يا أمى إدعيلى فى صلاتك
وإدعيلى فى أى وقت يستجاب فيه الدعوه
ربنا يبارك فيكِ يا أمى
وجارى قراءه الموضوعين


ويخليكى لأاولادك
حفظهم الله من كل سوء

[علياء سليمان]

رد: الإشتـــــــــــــــــــــــــياق

بسم الله الرحمن الرحيم

أبني .........
الصراحة مش عايزة أقول اسمك لأنه مش عاجبني
ولا يجتمع أبد حافظ للقرآن مع قلب حزين مهموم
كلنا يابني قبل أن نكون أمهات كنا أطفال ثم أشبال في مثل سنكم
ومررنا بمواقف كثيرة تشابه مواقفكم
وأنا متابعة ردودك من فترة ومواضيعك
إلى أن قررت اليوم أسجل دخول وأرد عليك
بابا وماما
كحالات كثيرة بنختلف معاهم مش بس في وجهات النظر
لا وفي الطريق كمان
زي ما أنت بتقول مختلفين في طريق التدين أو إتجاهاتكم غير متوافقه
إنت عايز الدين وهما أكيد عايزين حاجه تانية ومنها الإهتمام بدراستك مثلا
أو بإخوتك أو بالجلوس في البيت أو أي شيء آخر
المشكلة الوقتي في أيه
فيهم هما ؟؟
آآآآه ممكن
ولا فيك أنت ؟؟؟
بردوه ممكن ليه لا
المفروض مين اللي يتغير
أكيد هتقول هما طبعا مش هما الكبار واللي المفروض يوجهوني
أقولك لا
إنت لازم تتغير
هتقولي يعني أسيب حفظ القرآن واعمل اللي هما عايزينه
أقولك لالالالا طبعا
لكن اعمل اللي هما عايزينه وحاسسهم إنك مهتم بتحقيقه لهم
لما يقولوا لك مش عايزين تقبيل لا عايزينك تسمع الكلام قول حااااضر
اللي تقولوا عليه هنفذه وفعلا تنفذ كل طلباتهم ما لم يأمروك بمنكر
فلا طاعة لمخلوق في معصية الخالق
وبعدين إنت اشتغل من تحت لتحت
ازاي
ماما تصحى من النوم تلقي ابنها محضر لها الفطار مثلا
كاوي لها ملابسها مثلا هتخرج بيها
بابا يصحى يلاقيني معلش في الكلام ملمع له الحذاء بتاعه
ليه لا
عايزاهم يقولوا محمد ده هو اللي في اولادي كلهم
وساعاتها عمرهم ما هيقولوا على الدين لا
هيقولوا اللي مخلي محمد كده علاقته مع ربنا وحفظه لكتاب ربنا
واستحاله هيمنعوك
قرب منهم أكتر يابني مش تحطهم في مقارنة مع الدين
ياالدين ياهما
لا
استخدم الدين كويس في برهم
حببهم هما في الدين
دخلهم فيه من غير ما يشعروا
أنا كنت اعرف قريب لي
كان ابوه وأمه يجيبوا احد اٌقاربهم الأقوياء ليمسكوا به ليحلقوا له لحيته عنوة
ولا يريدوه أن يذهب للمسجد وووووو
ولكن ما ضعف والله وما تأثر
لكن عمل بذكاء
مش دخل لمامته وباباها علطول في الدين
لا بدأ بإخواته واحد وراء الثاني في الخفاء إلى أن ضم إليه جميع إخوته
والأب والأم لم يجدوا لهم سبيل إلى الدخول معهم تحت ظلال الإيمان
والآن كلهم بيت مسلم قوووي

يارب تكون رسالتي وصلتك كويس وفهمتها زي ما أنا عايزاها توصلك
أسأل الله لك يابني أن يشرح الله صدرك ..
ويثبتك ويزيدك تفائلا
وتكون
قلب مؤمن مسرور دائما
حفظك الله
أمك "" أم عبد الرحمن """
مش تنسى تدعي لعبد الرحمن يحفظ القرآن كله ذيك كده
في حفظ الله ورعايته

[خـادمـهـ لديـن الله]

رد: الإشتـــــــــــــــــــــــــياق

ماشاء الله هما ردوا عليك بما فيه الكفايه وعلشان كدا انا هاعلق على الجزء دا بس

والأغرب أنهم علموا كل شيء ..
علموا مدى كراهيتى للبيت ..
ومدى كراهيتى للعيش معهم ...
وأنى كنت ممكن أضيع منهم تماما تماما ..
وبرغم هذا كأن شيئا لم يحدث ...
لم يحدث أى تغيير فى أى شيء
أى شيء

هل يوجد انسان ملتزم يكره بيته ويكره تواجده مع أباه وأمه مهما فعلوا؟؟
وكيف ستضيع منهم وأنت ابنهم الذى يجب عليه برهم
لا يابنى اسمح لى أن أذكرك ونفسى ببر الوالدين
فالرسول صل الله عليه وسلم كان بيئمر أصحابه أنهم يبروا أمهاتهم الغير المسلمين
تخيل غير مسلمين وليس انهم فقط غير ملتزمين
يجب علينا طاعتهم والصبر على كلامهم واذا قام أحدهم بالسب والضرب
قمنا نحن بتقبيل أيديهم والأبتسامه فى وجوهم
أننى أذكر نفسى واياك ان رضاهم عنا هو الأساس
حاول تقعد مع نفسك وتمسك ورقه وقلم واكتب قصة حياتك كامله فى ورقه
وفى ورقه أخرى اكتب رأى أبويك بك وروقه ثالثه اكتب رأيك أنت
ثم اترك الورق قليلاً..ثم أبدأ بقراءة الورقه الاولى كأنها قصه وانت تريد المساعده
وأتى بورقه رابعه واكتب كيف ستساعد هذا الشخص وكيف ستكون سبباً فى حل مشكلته..ثم اقرأ الورقه التى بها رأى والديك واقرأ الورقه التى بها رايك
وانظر لنفسك بعد كل ذلك سوف تحل مشكلتك بأبسط الحلول وفى اسرع الاوقات
وسوف تعلم انهم يريدون منك انت معامله مختلفه وانهم يحبونك ولكنهم يريدون ان تسمع كلامهم ..انهم يرون انك تحفظ القرآن ولكن هل تساعدهم مثلاً
هل تحاول ان تكون لين فى الحديث معهم
هل تشعرهم انك تحبهم وتحب ان تجلس دوماً معهم بدلاً من انك تكره البيت
هل علمتهم ان رضاهم عنك أهم شئ فى الحياه
هل قلت لهم اننى أحبكم..فقط افعل كل ماطلبته منك وسترى النتيجه
لاننى كنت مثلك تماماً وعندما فعلت ذلك الحمدلله رب العالمين
حتى وإن أغضبتهم بدون قصد أجدهم يسامحوننى ولا يغضبوا منى لانهم أصبحوا يعلموا اننى أحبهم وأننى لا أريد سوى رضاهم عنى..
هدانا الله وأياك أخى الفاضل ورزقنا برهم وحسن معاملتهم.

[التى تريد النقاب]

رد: الإشتـــــــــــــــــــــــــياق

أنا معنديش أى زيادة

أقدر أزيدها عى كلام أمنا الدرة
وكلام الإخوة والأخوات

بارك الله فيكم

أنا مش عارفة سبحان الله
إيه اللى خلانى أفتكر المقطع الصوتى ده

بس أريد منكم ابننا الفاضل

أن تستمع إليه

وهو مقطع قصير بس ما فيه المعانى كتير أوى


شوف قصة الفتاه دى
أد إيه صبرت على إيذاء ابيها


وكانت باره به رغم كل إيذائه
أرجو منك سماعه

http://hotfile.com/dl/36758266/283945f/ghada.mp3.html

بارك الله فيكم

[أبو بكر مح ـمد المصرى]

رد: الإشتـــــــــــــــــــــــــياق

بسم الله الرحمن الرحيم

أبني .........
الصراحة مش عايزة أقول اسمك لأنه مش عاجبني
ولا يجتمع أبد حافظ للقرآن مع قلب حزين مهموم
كلنا يابني قبل أن نكون أمهات كنا أطفال ثم أشبال في مثل سنكم
ومررنا بمواقف كثيرة تشابه مواقفكم
وأنا متابعة ردودك من فترة ومواضيعك
إلى أن قررت اليوم أسجل دخول وأرد عليك
بابا وماما
كحالات كثيرة بنختلف معاهم مش بس في وجهات النظر
لا وفي الطريق كمان
زي ما أنت بتقول مختلفين في طريق التدين أو إتجاهاتكم غير متوافقه
إنت عايز الدين وهما أكيد عايزين حاجه تانية ومنها الإهتمام بدراستك مثلا
أو بإخوتك أو بالجلوس في البيت أو أي شيء آخر
المشكلة الوقتي في أيه
فيهم هما ؟؟
آآآآه ممكن
ولا فيك أنت ؟؟؟
بردوه ممكن ليه لا
المفروض مين اللي يتغير
أكيد هتقول هما طبعا مش هما الكبار واللي المفروض يوجهوني
أقولك لا
إنت لازم تتغير
هتقولي يعني أسيب حفظ القرآن واعمل اللي هما عايزينه
أقولك لالالالا طبعا
لكن اعمل اللي هما عايزينه وحاسسهم إنك مهتم بتحقيقه لهم
لما يقولوا لك مش عايزين تقبيل لا عايزينك تسمع الكلام قول حااااضر
اللي تقولوا عليه هنفذه وفعلا تنفذ كل طلباتهم ما لم يأمروك بمنكر
فلا طاعة لمخلوق في معصية الخالق
وبعدين إنت اشتغل من تحت لتحت
ازاي
ماما تصحى من النوم تلقي ابنها محضر لها الفطار مثلا
كاوي لها ملابسها مثلا هتخرج بيها
بابا يصحى يلاقيني معلش في الكلام ملمع له الحذاء بتاعه
ليه لا
عايزاهم يقولوا محمد ده هو اللي في اولادي كلهم
وساعاتها عمرهم ما هيقولوا على الدين لا
هيقولوا اللي مخلي محمد كده علاقته مع ربنا وحفظه لكتاب ربنا
واستحاله هيمنعوك
قرب منهم أكتر يابني مش تحطهم في مقارنة مع الدين
ياالدين ياهما
لا
استخدم الدين كويس في برهم
حببهم هما في الدين
دخلهم فيه من غير ما يشعروا
أنا كنت اعرف قريب لي
كان ابوه وأمه يجيبوا احد اٌقاربهم الأقوياء ليمسكوا به ليحلقوا له لحيته عنوة
ولا يريدوه أن يذهب للمسجد وووووو
ولكن ما ضعف والله وما تأثر
لكن عمل بذكاء
مش دخل لمامته وباباها علطول في الدين
لا بدأ بإخواته واحد وراء الثاني في الخفاء إلى أن ضم إليه جميع إخوته
والأب والأم لم يجدوا لهم سبيل إلى الدخول معهم تحت ظلال الإيمان
والآن كلهم بيت مسلم قوووي

يارب تكون رسالتي وصلتك كويس وفهمتها زي ما أنا عايزاها توصلك
أسأل الله لك يابني أن يشرح الله صدرك ..
ويثبتك ويزيدك تفائلا
وتكون
قلب مؤمن مسرور دائما
حفظك الله
أمك "" أم عبد الرحمن """
مش تنسى تدعي لعبد الرحمن يحفظ القرآن كله ذيك كده
في حفظ الله ورعايته

يا أمى الفاضله ولم لا أكون حزينا
وحتى لو لم أحزن لمشاكلى الشخصيه
هناك ما يحدث فى أنحاء العالم الإسلامى
ما يحدث للمسلمين فى فلسطين وفى العراق وفى كل البلاد
وما يحدث من إنتهاكات للمسجد الأقصى ..
وما يحدث بالمسلمين فى الشوارع
من فساد وسوء أدب وقله حياء وفجور وتبرج
وبعد هذا ألا أكون حزينا

وانا فعلا بشكرك من كل قلبى على ردك الجميل ونصائحك الغاليه واللتى بإذن الله سأحاول تطبيقها ...

لكن انا للأأسف ليس عندى زكاء الداعيه كما يقولون
فانا فعلا لا أجيد لغه الحوار ولا الدعوه إلى الله
أكتفى فقط بأن أقول النصيحه وفقط ...

ولكنى للأسف لا أملك الأسلوب السلس والبسيط والحوار الهادئ ..
وصدقينى يا أماه انا حاولت كثيرا انا أغير من نفسى ووالله انا غيرت من نفسى كثيرا جدا
وما زلت ...
برغم ما يحدث لى إلا أنى أبذل ما ما فى وسعى كى أنال رضاهم
وانا مش بحاول أظهر نفسى فى صوره الطفل المظلوم اللى مش بيخطأ ووالداه هم الخطئين القاسيين ...

والله بالعكس انا بأخطأ وهم فعلا والدان رائعان ...
لكن المشكله فى الفجوه الكبيره بينى وبينهم ...
وحاولت أن أصلحا ولكن هيهات ...
عوامل شتى تمنع حدوث هذا ..
واعذرينى يا أمى الغاليه فلن أقدر على ذكر هذه العوامل ...

وربنا يجعل إبنك عبدالرحمن من حمله القرآن ولما يخلص إبقى أرسليه إلى فى الكتاب يحفظ معى ...
ربنا يبارك فيكِ وفيه

[أبو بكر مح ـمد المصرى]

رد: الإشتـــــــــــــــــــــــــياق

ماشاء الله هما ردوا عليك بما فيه الكفايه وعلشان كدا انا هاعلق على الجزء دا بس

والأغرب أنهم علموا كل شيء ..
علموا مدى كراهيتى للبيت ..
ومدى كراهيتى للعيش معهم ...
وأنى كنت ممكن أضيع منهم تماما تماما ..
وبرغم هذا كأن شيئا لم يحدث ...
لم يحدث أى تغيير فى أى شيء
أى شيء

هل يوجد انسان ملتزم يكره بيته ويكره تواجده مع أباه وأمه مهما فعلوا؟؟
وكيف ستضيع منهم وأنت ابنهم الذى يجب عليه برهم
لا يابنى اسمح لى أن أذكرك ونفسى ببر الوالدين
فالرسول صل الله عليه وسلم كان بيئمر أصحابه أنهم يبروا أمهاتهم الغير المسلمين
تخيل غير مسلمين وليس انهم فقط غير ملتزمين
يجب علينا طاعتهم والصبر على كلامهم واذا قام أحدهم بالسب والضرب
قمنا نحن بتقبيل أيديهم والأبتسامه فى وجوهم
أننى أذكر نفسى واياك ان رضاهم عنا هو الأساس
حاول تقعد مع نفسك وتمسك ورقه وقلم واكتب قصة حياتك كامله فى ورقه
وفى ورقه أخرى اكتب رأى أبويك بك وروقه ثالثه اكتب رأيك أنت
ثم اترك الورق قليلاً..ثم أبدأ بقراءة الورقه الاولى كأنها قصه وانت تريد المساعده
وأتى بورقه رابعه واكتب كيف ستساعد هذا الشخص وكيف ستكون سبباً فى حل مشكلته..ثم اقرأ الورقه التى بها رأى والديك واقرأ الورقه التى بها رايك
وانظر لنفسك بعد كل ذلك سوف تحل مشكلتك بأبسط الحلول وفى اسرع الاوقات
وسوف تعلم انهم يريدون منك انت معامله مختلفه وانهم يحبونك ولكنهم يريدون ان تسمع كلامهم ..انهم يرون انك تحفظ القرآن ولكن هل تساعدهم مثلاً
هل تحاول ان تكون لين فى الحديث معهم
هل تشعرهم انك تحبهم وتحب ان تجلس دوماً معهم بدلاً من انك تكره البيت
هل علمتهم ان رضاهم عنك أهم شئ فى الحياه
هل قلت لهم اننى أحبكم..فقط افعل كل ماطلبته منك وسترى النتيجه
لاننى كنت مثلك تماماً وعندما فعلت ذلك الحمدلله رب العالمين
حتى وإن أغضبتهم بدون قصد أجدهم يسامحوننى ولا يغضبوا منى لانهم أصبحوا يعلموا اننى أحبهم وأننى لا أريد سوى رضاهم عنى..
هدانا الله وأياك أخى الفاضل ورزقنا برهم وحسن معاملتهم.

والدتى الفاضله
تركى للبيت كان فى نهايه عصيانى وبدابه إلتزامى ولم يكونا هم السبب فلذا أحببت الشخص الذى جعله الله سبب فى هدايتى ..
وأيضا بسب إختلاف وجهات النظر ..
وانا بعترف فعلا أنى مخطئ ولا أنكر ذلك وبطلب من الله العفو ..
ونصيحه حضرتِك رائعه وبإذن الله هحاول أنفذها ...
ربنا يبارك فيكِ يا أماه