طب ده يرضى مين(ربنا معاك يامعاذ)

[fatma22]

السلام عليكم ورحمه الله وبركاته
ماذا يريدون منا
طب قلت رميساء عادى المواد كلها تمتحنها فى ساعه
عملى ونظرى مش مشكله
دى لسه فى kg2 وربنا معاها
وحاطه إيدى على قلبى وأدعى ربنا يجعلها تجيب الدرجات النهائيه زى العام الماضى
لكن كمان معاذ
تتقدم إمتحاناته شهر والجدول يكون كدا
والملغى من المنهج فيه حجات مترتبه عليه
يعنى لازم مهما كان يعرفها ويفهمها
بجد من ساعت ما شوفت جدول إمتحانات معاذ
وقلبى وجعنى والكوابيس مش بتنتهى
حسبنا الله ونعم الوكيل
يرضى ربنا
بعد ما كانت إمتحانات العملى قبل النظرى بإسبوع
والنظرى يمتحن بعده بإسبوع ومدته يستغرق إسبوع أخر
الجدول العام وجدته عملى ونظرى فى 3 أيام فقط
حسبنا الله ونعم الوكيل
طب خلوها بدل 3 أيام إسبوع
على الأقل يوم إمتحانات فى مجموعه المواد إللى مختارنها
واليوم الأخر أجازه حتى يقدروا يذاكروا فيه حاجه بدل ما يتلغبطوا كدا
دى سوره الزخرف لوحدها عوزالها يوم مراجعه وتثبيت
والأدهى إن إمتحانات المواد العملى بين إمتحانات المواد النظرى
وكمان ملهاش ميعاد معين كــ باقى المواعيد للمواد الأخرى
يعنى يأخدوا الأولاد من وسط الإمتحان النظرى
ويمتحنوهم عملى والأولاد يتشتت تركيزها
أو يلغوا وقت الراحه وبدل ما الأولاد تاكل وهى بتراجع للامتحان القادم
يدخلوا يمتحنوا المواد العملى
والله ماعلى لسانى غير حسبنا الله ونعم الوكيل
وإحنا بنحلم لأولادنا يكونوا متفوقين وبأعلى الدرجات
الأن أحلامنا باتت كوابيس بسبب هؤلاء المجرمين
بعدها أقول
طب دول صغيريين أمال الكبار جدولهم عامل إزاى
الله المستعان وينتقم لنا من القوم الظالمين
عاوزين أولياء الأمور تتعقد قبل ماتتعقد الأولاد
اللهم رد كيدهم يارب فى نحورهم واجعل دايما تدبيرهم فى تدميرهم
اللهم إجعل أولادى وأولاد المسلمين متفوقين بأعلى الدرجات يارب العالمين
فى آمان الله

[الداعي إلى الله تعالى]

رد: طب ده يرضى مين(ربنا معاك يامعاذ)

اللهم امين عنى وعندكم خير ياماما فاطمة حتى حنا ماعندناش فرصة نزاكر بيها على طول اختبارات وربنا يعينا

[fatma22]

رد: طب ده يرضى مين(ربنا معاك يامعاذ)

الله المستعان
خير الحمد لله

[(أم فارس)]

رد: طب ده يرضى مين(ربنا معاك يامعاذ)

السلام عليكم ورحمة الله وبركاته
خير يارب يا فاطمة
ربنا ييسرله ويجعله واخته من المتفوقين يارب
المناهج كلها الترم ده مضغوطة برده في مدارس او جامعات
الفترة دي بنمتحن ميد تيرم
ممكن نمتحن أكثر من مادتين باليوم والله المستعان والمواد نظري وتقيله والوقت قصير والله المستعان
نسأل الله التوفيق والبركة في الوقت

[الداعي إلى الله تعالى]

رد: طب ده يرضى مين(ربنا معاك يامعاذ)

الحمد الله بندعي ربنا ننجح وربنا معانا

[fatma22]

رد: طب ده يرضى مين(ربنا معاك يامعاذ)

ما هو لسه يا أختى مخلص الإمتحانات الإسبوع إللى فات
بس المشكله عندى فى إمتحانات أخر العام
مين عاقل يدى الأولاد المواد كلها عملى ونظرى فى 3أيام فى وقت محدود
داغير إن العملى ماشاء الله ملوش وقت أصلا فى الجدول مكتوب وقته من ضمن النظرى
الأولاد عموما مش بيركزاوا ومخهم فى كذا حاجه تخلى إللى بيذاكر ليهم يجيله زهايمر
بسبب سرعه نسيانهم وعدم تركزهم
الكلام ده فى ماده أمال لو ذاكر 3مواد فى اليوم لمده 3أيام متتاليه
بجد نفسى أعرف المدارس كلها كدا ولا الأزهر النموذجى بس أو الأزهر عموما بينتقموا منه
الله يهونها بجد يامراد ويتقبل دعواتك ودعوات الجميع
الحمد لله على كل حال

[الداعي إلى الله تعالى]

رد: طب ده يرضى مين(ربنا معاك يامعاذ)

ما هو لسه يا أختى مخلص الإمتحانات الإسبوع إللى فات
بس المشكله عندى فى إمتحانات أخر العام
مين عاقل يدى الأولاد المواد كلها عملى ونظرى فى 3أيام فى وقت محدود
داغير إن العملى ماشاء الله ملوش وقت أصلا فى الجدول مكتوب وقته من ضمن النظرى
الأولاد عموما مش بيركزاوا ومخهم فى كذا حاجه تخلى إللى بيذاكر ليهم يجيله زهايمر
بسبب سرعه نسيانهم وعدم تركزهم
الكلام ده فى ماده أمال لو ذاكر 3مواد فى اليوم لمده 3أيام متتاليه
بجد نفسى أعرف المدارس كلها كدا ولا الأزهر النموذجى بس أو الأزهر عموما بينتقموا منه
الله يهونها بجد يامراد ويتقبل دعواتك ودعوات الجميع
الحمد لله على كل حال

انتي عارفه ياماما فاطمه بالمدرسه عنى مطورة كتير بالدرجه 90 والدروس صعبين كتير والمدرسين مابيعرفوش بيشرحوو

طيب لما ياحي الاختبارات يالله بالله المدرسين بيكتبو الحل على السبورة ولا ماحديش هينجح والاختبارات كولياته 19 ورقة

ويادونى يوم اتنين يوم والكتاب كوله بنحفظه ازاي لو بيكون عنى 2 مادة كيف هنحفظ

[fatma22]

رد: طب ده يرضى مين(ربنا معاك يامعاذ)

ما ده مشكله كبيره
إن المدرس يكتب على السبوره أو يسيب اللجنه والأولاد مايصدقوا بالغش
أو يعلموا الورق بطريقه هو يعرفها علشان ينجحهم
طب أنا آيه لزمت إنى أوديه المدرسه أصلا وإستفدت من كدا آيه لما يكبر وهو مش عارف حاجه فى حاجه
هو كدا إستفاد وإتعلم وفهم ونجح بمجهوده
غير إنوا مل وزهق من الدراسه بسبب كتر الواجبات إللى بتضيع الوقت
ومش بنلحق نذاكر بطريقه أفضل تنفع وماتتنسيش
وإن فى الأجازه مش نشوف المنهج للعام الجديد وناخد فكره
لاء دا إحنا بئينا لازم نذاكره علشان نقدر نتقدم فى الدراسه ويكون الأمر هين علينا وقتها
فكأننا بنذاكر طول العام وماشاء الله معاذ معندوش كدا
نفسه العام كله أجازه الله يهديه
انا مش قادره أنسى كلمه وكيل المعهد
لما طلبت أفضل المدرسين ياخد معاذ معاهم دروس
لأنه كان دخل المدرسه بعد الدراسه بشهر ونصف
بسبب قلقى من الأحوال إللى فى البلد
ربى يفرجها
قالى كلمه بجد لاحول ولاقوه إلا بالله
الكلمه (ماتخفيش كدا كدا هينجح)
فكان ردى أنا مش عاوزاه ينجح وبس
أنا عاوزاه يفهم ويحفظ ويكون بأعلى الدرجات بمجهوده
ولما سئلت مدرس أول فى المدرسه قال نفس الكلمه وكأنها حاجه تفرح
ولما سمع ردى بنفس الكلام قال لى إنتى كدا عوزاه يتعلم
والمده الواحده 150 ج
وكمان مش المدرس إللى يجى لمعاذ ويكون معاذ لوحده
لاء معاذ يروح ليه وكمان مع أولاد مش حتى لوحده علشان يكون درس خصوصى بجد ويقدر يفهمه
هتقدرى على كدا
حسيت بجد إنه فى ثانوى عام والحياه مايعلم بيها إلا ربنا
بتمنى ربنا يحقق أمنتيتى وبعدها ننقلهم لمعهد أفضل من المنطقه إللى إحنا فيها
بالرغم إن معاذ نقلينه من معهد تانى بسبب إهمال المدرسه والمدرسين وسلوك الطلبه العجيب
بس بصراحه لما وديتهم دروس وكانت ده أول عام
كنت حاسه إنى بوديهم علشان يزيد الواجب ويزيد الهم عليا أنا
يعنى القرآن مثلا لقيت إن مفيش تحفيظ إحفظ من الأيه كذا إلى الأيه كذا
وكأنهم كبار من غير حفظ حتى بدرجه 60%
ولو رائح وجاب جيد حلو تمام نشوف الأيات التانيه
طب المفروض نأكد على الأيات وبعدها نوزد عليها الجديد علشان يتحفظوا
وباقى المواد بئا تكون واجب بقدر لايقل عن 4أو 5صفحات فى الكراسه تدريبات
ولله الحمد بندفع الفلوس علشان الواجب يزيد ودرجه الملل ترتفع وحرقه الدم ميكونش ليها حدود
فعلا مافيش أحسن من تدريس الأم والأب لأولادهم بس لو يقدروا على الشرح وتوصيل المعلومه بسهوله
لاحول ولاقوه إلا بالله
الله المستعان

[خديجة أحمد]

رد: طب ده يرضى مين(ربنا معاك يامعاذ)

وعليكم السلام ورحمة الله وبركاته
هوني على نفسك أختي
هذه مجرد اختبارات دنيوية
ولا يهم الدرجات بقدر ما يهم الفهم
إذا استطاع ولدك أن يفهم جيدا ما يدرسه فهذا أفضل بكثير من الحصول على درجات عالية والعقل فارغ
أعانكم الله وأصلح أحوال بلدكم وسائر بلاد المسلمين

[fatma22]

رد: طب ده يرضى مين(ربنا معاك يامعاذ)

هذا ما أريده
اريده فاهم ولاينسى أبدا ما أخذه
وأيضا لا أريد بسببهم يتشتت ذهنه
احب النجاح وأفضل التفوق بأعلى الدرجات
إن شاء الله خير
ربنا ييسر وتقبل عزيزتى