فضفضة أشبالنا الفتيات ....

[خـادمـهـ لديـن الله]

رد: فضفضة أشبالنا الفتيات ....

وعليكم السلام ورحمة الله وبركاته
لا يا أختى المشكله من عندكم ولا أعلم ما السبب لذلك
حاولى أختى تجربى تدخلى من متصفح تانى زى فاير فوكس شوفى يمكن المشكله تتحل
وطمنينى عليكِ وعلى إخواتك يارب تكونوا بخير جميعاً.

[شبلة التوحيد]

رد: فضفضة أشبالنا الفتيات ....

انا استخدم متصفح فايرفوكس
وحجم الموقع والاحرف صغير جدا

واقرأ المواضيع والمشاركات بصعوبة كبيرة
ماذا افعل ؟؟؟؟؟؟؟؟؟؟

[الدره العصماء]

رد: فضفضة أشبالنا الفتيات ....

انا استخدم متصفح فايرفوكس
وحجم الموقع والاحرف صغير جدا

واقرأ المواضيع والمشاركات بصعوبة كبيرة
ماذا افعل ؟؟؟؟؟؟؟؟؟؟

ابنتى الغاليه ..عليكِ أن تضغطى على كلمة view ثم zoom in وستجدى هذه الكلمه فى أعلى المتصفح يسارا أو تضغطى كنترول وعلامة + واحده من الإثنين ان شاء الله يرجع الكلام كبير أو كما تريدى حجم الخط هذه المعلومه طبعا مش من عندى ..دى من أخاكِ سوبر مسلم ..فأنا أسأله فى أى شىء يقف معى فى الجهاز ..طمنينى بقى ..وربنا يوفقك .

[ولائى لدينى]

رد: فضفضة أشبالنا الفتيات ....

السلام عليكم ورحمة الله وبركاته
لو سمحتوا عندى مشكلة
فى المدرسة لا يحبنى زملائ والله لا أعرف لماذا
ورغم انا هادئة وشاطرة ودايما بطلع الأولى على المدرسة
والمدرسين أيضا بيعاملونى بطريقة وحشة جدا فأرجوكم ماذا أفعل؟
ورغم أيضا انا بكلمهم عن القنوات الدينية وكذا مرة أقول لهم الأفلام والمسلسلات
حرام وهذه الكلمة بذات يشتمونى عندا أقولها لهم
ويسبونى ويمشوا
أرجوكم جابونى؟
والسلام عليكم ورحمة الله وبركاته

[الدره العصماء]

رد: فضفضة أشبالنا الفتيات ....

السلام عليكم ورحمة الله وبركاته
وعليكم السلام ورحمة الله وبركاته
لو سمحتوا عندى مشكلة
اتفضلى ابنتى الغاليه
فى المدرسة لا يحبنى زملائ والله لا أعرف لماذا
لا ياعصفوره لازم تكونى عارفه ...ممكن ضايقتى حد أو تكلمتى عنه بطريقه سيئه أو بلغتى المدرسه بفعل فعلوه أمامك أوفضحتى سر زميله لكِ أمام أخرى ... أو ..أو ...وطبعا أكيد بدون قصد منك ..فكرى كده وأكيد ها تعرفى السبب
ورغم انا هادئة وشاطرة ودايما بطلع الأولى على المدرسة
جميل انك شاكره وهاديه بس مش كفايه ياغاليه ..لازم تصلحى طريقة التعامل مع زملائك أقولك ازاى ..يعنى لما حد يكون غائب تسألى عنه ..يمكن يكون مريض ..تجمعى مبلغ صغير من زملائك وتروحى تجيبى هديه صغيره للمريض ده ..وممكن الهديه تكون كتاب الله .أو ورد أو شيكولاته ...حاجه كمان ..
وممكن كمان حد يكون عنده غيره منك لأنك بتطلعى الأولى ..وشاف منك تعالى أو كبر ...انتى عليكى تقربى منه وتقولى له ايه رأيك تيجى نذاكر مع بعض ونعمل جدول للمذاكره ...:وبكده ها تشعر زميلتك دى انك بتحبيها ومش بتتكبرى عليها لتفوقك لأنك عايزاها مثلك
والمدرسين أيضا بيعاملونى بطريقة وحشة جدا فأرجوكم ماذا أفعل؟
أقولك بقى المدرسين بيحبوا ايه ....بيحبوا أولا البنت الشاطره ,,,الهادئه ,,,النظيفه فى ثيابها جدا
يعنى تراعى نفسها وتخلى بالها من نظافتها ,,,الخلوقه أى المؤدبه لاتتكلم الا بإذن ,,لاتخرج من الكلاس الا بإذن ,,,منظمه ومرتبه ,تحب زملائها .(مش مستعجله دايما زى عصفورتى اللى معايا فى الكلاس بتاع الطريق الى الله )..شوفى انتى عندك نواقص فى إيه من دول ..,حاولى تصلحيها ياغاليه .
ورغم أيضا انا بكلمهم عن القنوات الدينية وكذا مرة أقول لهم الأفلام والمسلسلات
حرام
لاحول ولاقوة الا بالله ربنا يهديهم ..شوفى ياعصفوره ..فيه ناس بتكره النصح ..وتكره انك تقوليلها على شىء حرام وهى بتحبه ومتقدرش تبطله ..انتى عارفه ازاى تؤثرى فيهم ..ممكن تحكى قصه عن سوء خاتمه لشخص ما ..وتقولى انها بسبب سماعه للأغانى ومشاهدة التلفاز يعنى خلى كلامك غير مباشر ..انتى بترغبى الأول وبعدين ترهبى فاهمه انتى أسلوب الترغيب والترهيب ..؟؟ يعنى بلاش تعريض اتكلمى بصفه عامه ..يعنى ماأروحش أقول للشخص اللاهى والغافل فى وجهه أنت كذا وكذا وكذا ...أكيد ها ينفر منى ..فاهمانى ياصغيوره .. وهذه الكلمة بالذات يشتمونى عندما أقولها لهم
ويسيبونى ويمشوا
ولو عملتى ما قولته لكِ أكيد عمرهم ما يقدروا يخرجوا عن نطاق الأدب فى الحوار معكِ
أرجوكم جابونى؟
يارب أكون قدرت أفيدك ياعصفوره ..وأى سؤال يابنيتى انا موجوده بفضل الله .
والسلام عليكم ورحمة الله وبركاته

[ولائى لدينى]

رد: فضفضة أشبالنا الفتيات ....

لا والله يا أمى انا نظيفة
ولوحضرتك شفتى البنات فى الفصل القميص مبقع والبطلون أو الجيبة
مش نظيفة ويكلموا المعلمة بدون إذن ويهربون من الفصل علشان يشترون حلوى
وبيكلموا الأولاد ويجلسوا بجانبهم ويسلموا على بعض
لدرجة المعلمة ضربتنى مرة لأنها قالت لى أجلسى بجانب الولد زى زمايلك
وانا قولت لها بهدوء وإحترام :انا آسفة معش مش هقدر أجلس بجانبه
وضربتنى بالعصاية لكن ضربة خفيفة
ونسيت ان أقول شئ انا مش بغيب والله كنت بروح آخر أيام الدراسة
لوحدى وهناك معلمة وحيدة فقط بتحبنى
وتخلينى أجلس معاها على المكتب الذى تمتلكه
والبنات أيضا اللى فى الفصل يرفعو صوتهم على المعلمة وتحبهم
وانا والله مش بخرج من الفصل إلا بإذن
ومش بتكلم إلا بإذن.
والله العظيم مش بكذب ومش تعمليلى مجاملة يا أمى
واريد ان أقول لك سر لم أقوله لأمى ولا أخواتى لأنى بكسف:
البنات بيتصرفوا بحريه مع الأولاد وكأنهم أولاد مثلهم

[ولائى لدينى]

رد: فضفضة أشبالنا الفتيات ....

وانا اللى جعلتهم يصلوا معى فى مسجد المدرسة
قبل ما أتحجب كنت أضع طرحة فى حقيبة المدرسة وارتديها وأذهب لأصلى
وأيضا كان لى زميلة غابت عن المدرسة :بعد ما رجعت من المدرسة وكان بيتها قريب من بيتى بشارع واحد فذهبت إليها بعد إذن أمى
وقبل ان أذهب إليها أتصلت بها وقلت لها لماذا غبتى فقالت لى أمها أنها كانت فى المستشفى والأن فى البيت فجمعت 10 جنيه فى ظرف وكبت فى الظرف أسأل الله ان يشفيكى شفاءا لا يغادر ثقمه وكلام اخر لا أتذكره
وأتريت لها ورد ولعبة كانت تحبها وذهبت إليها وهى كانت لاتحبنى أصلا ورغم ذلك هبت إليها
ولما انا مرضت مرة وكنت مش بقوم من على السرير وكان ظهرى واقف مش قدرى
أحركه مفيش حد زارنى ولا حد عبرنى .
وما قلت شئ وقالت لى المعلمة التى تحبنى لماذا غبتى يوم كذا ...
فقلت اها كنت مريضة فإشترت لى حلوى وأعططنى شهادة تقدير
وقالت للفصل كله هذه أشطر واحده ومؤدبه أكثر منكم

[ولائى لدينى]

رد: فضفضة أشبالنا الفتيات ....

وانا لى صديقة واحدة فقط تحبنى تقول لى :
والله العظيم ما شفت أحد مؤدب أكثر منك يا....
وتبعتلى جوابات فى فترة الأجازة
والله العظيم كل ما أكامهم بصوت واطى وبهدوء وبأدب وإحترام والله مش بزعلهم أبدا وجاتتلى حالة نفسية غريبة من كثرة التفكير واروح لكذا دكتور
ويقول لى مش عنك حاجة.
وجالى صدع دايما من كثرة التفكير خلصونى من هذه المشكلة

[ولائى لدينى]

رد: فضفضة أشبالنا الفتيات ....

والبنات يرتدون الجيبة اللى فوق الركبة من غير شراب ويمشوا مع الأولاد
وكل هذا من وراء أمهاتهم
وهم كانوا يقولوا لى قبل ذلك إحنا بنعمل كل ده من وراء بابا وماما
وإنا لله وإنا إليه راجعون

[ولائى لدينى]

رد: فضفضة أشبالنا الفتيات ....

مش فى هنا معلمة تحفظ القرآن ؟
فأنا أحفظ مع نفسى.

[الدره العصماء]

رد: فضفضة أشبالنا الفتيات ....

خلاص ياعصفوره يبقى العيب مش فيكِ أنتِ
هى نفوسهم مريضه ياإبنتى ..ادعى لهم بالهدايه
واحمدى ربنا انه كشفهم لكِ وعرفتى مين بيحبك ومين بيكرهك
وأنا متأكده انك بنوته نظيفه وجميله ومؤدبه ..وأنا لما سألتك
الأسئله دى لم يكن شك فى شىء ولكن كنت أريدك ان تراجعى نفسك
وعندما تتأكدى أن العيب ليس فيكِ والتقصير ليس منكِ عليكِ بالدعاء ..
وإن شاء الله ربنا ها يسمع منك ويتقبل دعائك ..ونصيحه من أم لكِ ..ابعدى عن البنات الوحشين اللى حكيتى لى عنهم دول ..يعنى لاتختلطى بهم ..وياريت تبلغى المعلمه القريبه منك بما يحدث حرصا على البنات لأنها
مسؤليتها هى ..والساكت عن الحق شيطان أخرس ..وياريت ما تقول انك أنتِ اللى بلغتيها ..خليها تراقبهم من بعيد ..وهى ها تكتشف حقيقة التعامل ..وتصدقك طبعا ..خلاص توعدينى ياعصفوره ..لازم المدرسه تعرف
لأن هذه السلوكيات صعب السكوت عليها فى هذه السن ...وليه مش بتكلمى ماما ياعصفوره ...ماما أكبر منك وتعرف ازاى تنصحك وتبعد عنك الشر ..صارحى ماما ياغاليه ..وهى أكيد ها تعرف تتصرف فى الأمور دى ..وربنا يحفظك ويحفظ كل بنات المسلمين .وصدقينى ياابنتى كل خير لايضيع عند الله ..يعنى بلاش تزعلى ان محدش جالك وأنت مريضه ولاتندمى على خير فعلتيه ..فأجرك محفوظ عند الله وانتِ أكيد شوفتى التقدير ولو من واحده بس ..الله المستعان ..وفقك الله .

[الدره العصماء]

رد: فضفضة أشبالنا الفتيات ....

وانا لى صديقة واحدة فقط تحبنى تقول لى :
والله العظيم ما شفت أحد مؤدب أكثر منك يا....
وتبعتلى جوابات فى فترة الأجازة
والله العظيم كل ما أكامهم بصوت واطى وبهدوء وبأدب وإحترام والله مش بزعلهم أبدا وجاتتلى حالة نفسية غريبة من كثرة التفكير واروح لكذا دكتور
ويقول لى مش عنك حاجة.
وجالى صدع دايما من كثرة التفكير خلصونى من هذه المشكلة

والبنات يرتدون الجيبة اللى فوق الركبة من غير شراب ويمشوا مع الأولاد
وكل هذا من وراء أمهاتهم
وهم كانوا يقولوا لى قبل ذلك إحنا بنعمل كل ده من وراء بابا وماما
وإنا لله وإنا إليه راجعون

مش فى هنا معلمة تحفظ القرآن ؟
فأنا أحفظ مع نفسى.

خلاص ياغاليه لاتزعلى تانى ..وثقى فى الله ..وخلى إيمانك أقوى من كده ..ومتوصليش نفسك لطبيب وغيره الطبيب هو ربنا ان شاء الله ..اعملى ماقولته لكِ وان شاء الله ربنا ها ينصرك عليهم ويعرفوا انهم غلط ..خلاص ياغاليه ..بلاش تزعلى بقى .احنا كلنا هنا بنحبك ..احنا مش كفايه ياعصفوره ؟؟وكمان فى البيت ماما وبابا وأخواتك ..وبإذن الله فيه تحفيظ قرءان هنا وده الرابط https://forums.way2allah.com/showthre...3537..وفقك الله وحفظ .

[ولائى لدينى]

رد: فضفضة أشبالنا الفتيات ....

انا بقول لأمى ولكن يقولى معلش
وانا لم أسمع كلمة معلش يولع من داخلى نار

[ولائى لدينى]

رد: فضفضة أشبالنا الفتيات ....

طيب هو فى الحفظ لازم نكتب الأسم ولا اللقب

[ولائى لدينى]

رد: فضفضة أشبالنا الفتيات ....

طب انا مش عندى سماعة مش فى حفظ بالكتابة
لاننى مش عندى سماعة؟