Tweet
أبنائي أشبال الطريق إلى الله
بناتي زهرات الطريق إلى الله
(( يلا بينا نحتفل بعيد الأم))
كلنا عارفين بأنكم تحبون الماما وفرحانين فيها
أليس هي من حملتكم في بطنها 9 شهور وكانت تعبانة ؟؟
أليست هي من تعمل ليل نهار على راحتكم ؟؟
أليست هي التي تحرم نفسها الراحة والنوم والأكل ؟؟
من أجل أن تنعموا أنتم بكل هذا ..
إذاً لازم نحتفل ونفرح بالماما
ونحضر لها هدايا وحاجات جميلة ..
طيب إزاي نحتفل ونفرح بيها ؟؟
حلو سؤال جميل ورائع
كلنا عاوزين نعرف إزاي نحتفل ونفرح بالماما
يلا بينا نتعلم إزاي ..
هو إحنا لسه هنتعلم إزاي نحتفل بماما ؟؟!!
ونتعلم من مين ؟؟
خلاص نتعلم ليه ما كل حاجة جاهزة خلاص
نعمل زي الغرب والكفار هم بيحتفلوا بماما يوم 21 مارس في كل سنة
وبيقدموا هدايا وبيعملوا تورتة وبيعملوا أغاني كثيرة ... وإسم المناسبة عيد الأم ..
الله يسامحكم يا أشبال ويا زهرات الطريق إلى الله..
أنا زعلان من الكلام ده كله..
عارفين ليه ؟؟
علشان إحنا بنقول يلا نتعلم إزاي نحتفل ونفرح بماما
وآخرتها نتعلم من الغرب ومن الكفار؟؟!!
طيب ليه ما نتعلم من المعلم الأول صلى الله عليه وسلم
واللي تَعلم من ربنا عز وجل ؟؟
وين الأحسن والأفضل نتعلم من الكفار ولا من حبيبنا محمد صلى الله عليه وسلم؟؟
هو الرسول علمنا إزاي نحتفل بماما ؟؟
طيب نشوف وبعدها نحكم ونقرر نحتفل ونفرح إزاي..
جَاءَ رَجُلٌ إِلَىٰ رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ:
يَا رَسُولَ اللَّهِ! مَنْ أَحَقُّ النَّاسِ بِحُسْنِ صَحَابَتِي؟
قَالَ: «أُمُّكَ» قَالَ: ثُمَّ مَنْ؟ قَالَ : «ثُمَّ أُمُّكَ». قَالَ: ثُمَّ مَنْ؟ قَالَ: «ثُمَّ أُمُّكَ».
قَالَ: ثُمَّ مَنْ؟ قَالَ: «ثُمَّ أَبُوكَ».متفق عليه.
هذا معناه أن صحبة ماما أحق صحبة وكلمة صحبة هنا معناها
البر بها على طوووووول مش يوم واحد في السنة..
وحق الصحبة هو البر والطاعة وكل ما أشوفها أقبلها وأحكيلها كلام حلو وجميل
يعني تعامل ماما كأنه كل يوم عندها عيد بدون ما أقول كلمة عيد
لأننا مسلمين وأعيادنا معروفة وهي عيد الأضحى وعيد الفطر ويوم الجمعة..فقط..
عارفين معنى الكلام ده إيه ؟؟
يعني عيد الأم بتاع الكفار والغرب بدعة ..
يعني إيه بدعة مش فاهمين؟؟
بدعة يعني حاجة لم يأمر بها الله ولم يفعلها الرسول صلى الله عليه وسلم
بينما عملوها ناس عاوزين يبعدونا عن الدين..
طيب كل أصحابي وصاحباتي جابوا هدايا لمامتهم وأنا أعمل إيه ؟؟
ينفع أجيبلها هدية وأنا في نيتي أنها هديه عادية مش علشان عيد الأم البدعة؟؟
لا يا حبايبي مش هينفع الكلام ده..
وتعالوا نقرأ هذه الفتوى مع بعض
السؤال :
هل يجوز إهداء الأم في ما يسمى بعيد الأم؟ مع العلم بعدم اعترافي به كعيد؟
وجزاكم الله خيراً.
الجواب :
الحمد لله وحده - والصلاة والسلام – على نبينا محمد وآله وصحبه وسلم وبعد..
من المعلوم أن الأعياد من شعائر الأديان ومرتبطة بها ارتباطاً واضحاً لهذا حدد الشرع
المطهر لهذه الأمة الحنيفية عيدين هما: الفطر والأضحى وقد أبدلنا الله بهما عن سائر
أعياد الجاهلية كما أخبر بذلك المصطفى – صلى الله عليه وسلم- فيما رواه النسائي
(1556) وأبو داود(1134) من حديث أنس –رضي الله عنه
وعيد الأم هو من الأعياد الجاهلية الحديثة التي لا يجوز بحال أن
يشارك فيه المسلمون أو يحتفلوا بها أو يقدموا فيها الهدايا أو الأطعمة
أو غيرها وعلى هذا فلا يجوز تقديم الهدايا للأم بهذه المناسبة بل الأم في الإسلام حقها
متأكد على الدوام من البر والصلة لكن لو وقع ذلك اتفاقاً وجهلاً بالزمن من غير قصد فلا
حرج إن شاء الله. والسلام عليكم ورحمة الله وبركاته.
المصدر : الإسلام اليوم
طيب أنا فهمت أن عيد الأم بدعة ولا يجوز أن أحتفل به ولا حتى أعترف بأصله
بس يمكن ماما وبابا يزعلوا مني أعمل إيه؟؟
سؤال حلو يا شاطرين ..
شايفين الفتوى أنا علمت سطرين باللون الأحمر..
وإحنا تكلمنا عن طاعة الله ورسوله وعن عدم طاعة الكفار
والمشي معاهم في أعيادهم الباطلة..
هذه أوامر الله
أنت لو كلمت ماما وبابا وقلت لهم وبينت لهم حقيقة الأمر
هم سيفرحوا ويكونوا مبسوطين منك لأنك تتقرب إلى الله
لأن البعد عن البدع والأعياد الباطلة عبادة خالصة لله..
أنت ستكون طفل موحد لله .. بطل من أبطال العقيدة
إحنا مسلمين ومؤمنين بالله ومستحيل نترك كلام الله ورسوله
ونمشي ورى أعياد الكفار وأهل البدع..
طيب سؤال أخير علشان نفهم الحكاية بالضبط :
إحنا بنشوف ناس كثيرة ومسلمين بيحتفلوا بعيد الأم آسفين قصدنا ما يسمى عيد الأم؟؟
نحكيلهم الصح وندعوهم لأننا كلنا كنا تايهين وعرفنا الصح فين والغلط فين
هو ينفع أكون أنا في الصح وأترك غيري في الغلط ؟؟
لازم نكون دعاة ندعو أصحابنا وقرايبنا والجيران ونحكيلهم بأن عيد الأم بدعة وحرام..
وأخيراً فليكن شعارنا هو .........
تعليق