يا اشبال انتو بتذاكروا العلوم والدراسات ازاي؟

[الشمس تشرق]

السلام عليكم ورحمة الله وبركاته
العلوم والدراسات مادتين لذاذ بس مليانين شويه وبيبقوا جداد للطالب من سنة رابعة ابتدائي ..
بتذاكروها ازاي بقى العلوم والدراسات ..
انتظر ردودكم
وفقكم الله جميعا

[الخاضعة إلى الله]

رد: يا اشبال انتو بتذاكروا العلوم والدراسات ازاي؟

هو ايه الى ازاى ؟؟ بنذكرها عادى

[الشمس تشرق]

رد: يا اشبال انتو بتذاكروا العلوم والدراسات ازاي؟

ازاي يعني العادي ده اللي هو ازاي ،.. فيه بيلخص الدرس ويحفظ فيه بيخاول يفهم بعدين يفهم فيه بيعمل الدرس ميند ماب ويحفظ منها فيه بيعتمد على الحفظ من غير الفهم بيحفظ وخلاص

[قلب يتمنى الجنة]

رد: يا اشبال انتو بتذاكروا العلوم والدراسات ازاي؟

بالنسبة ليا كان عندي الحفظ ده حاجة منسية ان مافهمتش درس يبقى بالسلامة على كدة

الدراسات معتمدة على الحفظ شويتين كنت بحاول أشبههم بحاجة موجودة عندنا
يعني مثلًا كان من ضمن مطالب الشعب زيادة عدد الجيش لـ 18 ألف جندي

فتخيلت إننا في مصر أهو هما مثلًا مثلًا 10 آلاف ومش سادين والشعب عايزهم يبقوا 18 ألف
وهكذا
طبعًا مش هعرف أشبهها أوي لأنها بتبقى في الدماغ بشكل معين ^_^

وبالنسبة للعلوم دي محيراني مرة حفظ ومرة فهم

يعني حفظ مركب عالفهم
وع اسلوب المدرس لو بيشرحها ببساطة يبقى الحفظ سهل جدًا عليه
ولو بطريقة معقدة يبقى يفهم من مدرس تاني أحسن لأن العلوم مافيهاش لعب

بالنسبة للفيزيا بصراحة عسل كنت بحبها جدًا أما الأحياء هي اللي نعتمد على تحبيب الطالب فيها الأول
وكذلك الفيزيا بس عشان الأحياء معقدة أكتر

اممم وممكن بردو في الدراسات نتكلم ع الدروس كأنها قصص كان استاذنا بيعمل كدة ومابيبقاش فيه نفس كله مستمتع
وبيحكيها بطريقة مشوقة
مثلًا

فاتقابلوا عند منطقة كذا .. فاتسمت المعركة باسمها .. وبعدين لما اتحاصروا راحوا رايحين لمدخل جزيرة كذا وعدوا من هناك فاتسمى المعبر باسمها وهكذا

يعني وكل واحد طبعًا على طريقة حفظه وفهمه بس حاولت أوصلها بطريقة عامة شوية

أعتقد ان حضرتك عايزة تشرحيهم لحد وعايزة أسلوب مش كدة بردو :)

بارك الله فيكِ ونفع بكِ

[محبة القدس]

رد: يا اشبال انتو بتذاكروا العلوم والدراسات ازاي؟

أنا بقرأ الدرس كله الاول قراءة عادية .. وبعدين ابدأ الخص .. بس ده ف الدراسات ..
ف العلوم بقى بجيب كتاب خارجي معين بيبقى هو ملخص وعامل كل حاجة ف جداول ومقارنات .. ممتاز يعني .. اللي هو " كتاب الامتحان " ...

[الشمس تشرق]

رد: يا اشبال انتو بتذاكروا العلوم والدراسات ازاي؟

بصي العلوم بتتذاكر بناء على الفهم لان في تانيه اعدادي فيه كيميا ومعادلات ووزن وحاجات بتعمد على فهمك للدرس والنقطه دي .. قسمي النقطه الطويله لجمله صغيرة. واحفظي الجمله الصفيرة دي وانتي من نفسك هتلاقيكي فاكرة الجمله الكبيرة الاصليه .. تمام وممكن تعملي اشكال حلوة للدرس بمعنى الخص الدرس بنفط اساسيه واهمله برسمه حلوة في دواير ومربعات او الخصه بصفحه او نص صفحه كمان بالقلم الرصاص... بالنسبة للدراسات ممكن نفس العلوم بس حفظ اكتر لان التاريخ محتاج حفظ بس كمان باسلوب خلو عشان يثبت انك برده تلخصي وتعملي مقارنات وربط بين الدروس وكده .. لخصي دروس الدراسات اول بأول في صفحه بالكتير اووي واحفظي من الصفحه دي ... الجغرافيا والخرايط دي بالرسم يعني عودي ايدك على رسمة الخريطه والمعلومات الموجوده عليها .. انا بحفظ بالكتابه ازاي بعني اي مادة بالكليه او ايام اعدادي وثانوي كنت بحفظها بالورقة والقلم واكرر وانا بكتب كمان .. خدي بالك كلمت زادت الحواس المستخدمه في عملية الحفظ كلما قل وقت الحفظ وثبت الحفظ اكتر كمان .... لا مش هعطي دروس لحد فيهم انا بذاكرهم لإخواتي بس فحبيت اشارككم معايا

[A_E_B]

رد: يا اشبال انتو بتذاكروا العلوم والدراسات ازاي؟

السلام عليكم ورحمة الله وبركاته

لأني داخل الصف الثاني الثانوي
فالعلوم مقسمة عندي لثلاثة أقسام :
كيمياء - فيزياء - أحياء

1 - الكيمياء : أنا الأول لازم أفهم الدرس ، وبعدين أحفظ المفاهيم التي فيه ولو فيه معادلات أحفظ طريقة تكوينها والمركبات التي فيها وبعدين أكتبها ، لو فيه مسائل أفهم المثال الأول وبعدين أحل ...

2 - الفيزياء : لأنها كلها مسائل ، فبقرأ المسائل المحلولة الأول وبعدين أبدأ أحل في التمارين ...

3 - الأحياء : تعتبر كلها حفظ .. فأنا بقرأ الدرس الأول كله ، وبعدين أقرأ مثلاً مصطلح علمي أو سؤال علل وأحفظه جيداً ثم أكتبه ...

* ملحوظة : - طريقة الحفظ ثم الكتابة أفضل طريقة لتثبيت المعلومات .

- لم أتكلم عن الدراسات لأني لا أحب هذه المادة :)))

ياريت كل عضو قرأ ردي يكون استفاد منه

بارك الله فيكم

[الشمس تشرق]

رد: يا اشبال انتو بتذاكروا العلوم والدراسات ازاي؟

أنا بقرأ الدرس كله الاول قراءة عادية .. وبعدين ابدأ الخص .. بس ده ف الدراسات ..
ف العلوم بقى بجيب كتاب خارجي معين بيبقى هو ملخص وعامل كل حاجة ف جداول ومقارنات .. ممتاز يعني .. اللي هو " كتاب الامتحان " ...

تمام اختي كتاب الامتحان ممتاز جدا في العلوم
تمام طريقة التلخيص حلوة جدا وزودي الاشكال والرسومات والالوان او انك تعملي حركة معينه بإيدك وانتي بتحفظي الجزء ده فأما ترجعي في مره عايزة تفتكري هتلاقيكي افتكرتي بالحركة اللي كنتي بتعمليها وقت مذاكرتك .. تقولي اااه افتكرت انا وانا بعمل الحركة دي كنت بحفظ الجزء ده والجزء ده بيضم كذا كذا وتبدأي تتذكري بفضل الله ..

[الشمس تشرق]

رد: يا اشبال انتو بتذاكروا العلوم والدراسات ازاي؟

الكيميا رائعة بالمعادلات ووزنها ستجدوا بها الحدول الدوري الحديث وعناصر المجموعات وصفاتها ولكن على اوسع وافضل كماده لذيذة وتعتمد على الامثلة و التركيز
شئ مهم بالكيمياء... انها تعتمد على حفظ العناصر والمركبات وتكافؤها وكيفيه تكوين صيغة كبميائيه وهكذا في جزء المعادلات والوزن
الفيزياء مثل الرياضيات تمارين وحل تمارين وحل وبتثبت بهذا الموضوع
الاحياء نعم حفظ ولكن يسر الفهم ايضا بما يتم شرحه بمعنى لا اضع ببالي ان الماده حفظ ودششش وتقيله وكلها رسومات شبه بعض ومعقده
لالالا اضع ببالي انها سهله ولذيذه وزيها زي اي مادة بتتذاكر وتعتمد على المذاكرة اول باول لان ان اجلت مش هعرف اركز في الدرس التالي وهيتراكم عليا وتبذأ المشكله مع الاحياء بعدم القدرة على مذاكرتها

[قلب يتمنى الجنة]

رد: يا اشبال انتو بتذاكروا العلوم والدراسات ازاي؟

بصي العلوم بتتذاكر بناء على الفهم لان في تانيه اعدادي فيه كيميا ومعادلات ووزن وحاجات بتعمد على فهمك للدرس والنقطه دي .. قسمي النقطه الطويله لجمله صغيرة. واحفظي الجمله الصفيرة دي وانتي من نفسك هتلاقيكي فاكرة الجمله الكبيرة الاصليه .. تمام وممكن تعملي اشكال حلوة للدرس بمعنى الخص الدرس بنفط اساسيه واهمله برسمه حلوة في دواير ومربعات او الخصه بصفحه او نص صفحه كمان بالقلم الرصاص... بالنسبة للدراسات ممكن نفس العلوم بس حفظ اكتر لان التاريخ محتاج حفظ بس كمان باسلوب خلو عشان يثبت انك برده تلخصي وتعملي مقارنات وربط بين الدروس وكده .. لخصي دروس الدراسات اول بأول في صفحه بالكتير اووي واحفظي من الصفحه دي ... الجغرافيا والخرايط دي بالرسم يعني عودي ايدك على رسمة الخريطه والمعلومات الموجوده عليها .. انا بحفظ بالكتابه ازاي بعني اي مادة بالكليه او ايام اعدادي وثانوي كنت بحفظها بالورقة والقلم واكرر وانا بكتب كمان .. خدي بالك كلمت زادت الحواس المستخدمه في عملية الحفظ كلما قل وقت الحفظ وثبت الحفظ اكتر كمان .... لا مش هعطي دروس لحد فيهم انا بذاكرهم لإخواتي بس فحبيت اشارككم معايا

لالا أنا كل اللي قلته ده ع اساس ابتدائي :)
يعني لسة حاجة نص كم كدة
وبهيأ نفسي لاعدادي لأنها أكيد أصعب من ابتدائي أكيد وأنا مش بطيق أقعد عالكتاب ساعتين
فعادة مذاكرتي كلها معتمدة عالفهم لأن الحفظ بيحتاج وقت وأنا مافياش من كدة :)
وقليل جدًا لما أحفظ حاجة كدة وأدخل الامتحان خبط لزق إلا إذا كنت فاقدة الأمل في فهمها
يعني حاجة عارفة إنها معقدة وهتاخد وقت في الفهم بردو ..
وأنا بردو مافياش من كدة :))
فعادة باخد الأسهل والأقل في الوقت

ربنا ييسرلنا وييسر للجميع

[الشمس تشرق]

رد: يا اشبال انتو بتذاكروا العلوم والدراسات ازاي؟

اعدادي مش صعب ولا شئ متحطيش في بالك انه صعب ولا حاجه هو مرحلة ليها مواد وبتتذاكر عادي زي مواد ابتدائي مذاكرة ومذاكره .. منا بقولك مواد الحفظ لخصيها انقط بسيطه وقصيره وارسميها بشكل حلو شمل توضيحي وزخرفه والوان وكده اه والله بيفتح النفس على المذاكرة اما تلاقي الدرس شكله حلو ... بعمل كده على فكرة.... شوفي ردي على محبة القدس

[قلب يتمنى الجنة]

رد: يا اشبال انتو بتذاكروا العلوم والدراسات ازاي؟

مش بقول إن اعدادي صعب .. بس أكبر وأصعب من ابتدائي

لأن ابتدائي ده حاجة لعب كدة يعتبر مفيش غير سنة رابعة وستة اللي ليهم فايدة
غير كدة بحس الباقي حاجات روضة
فاعدادي أكبر أكيد فعايز مني مجهود أكبر

بس :)

هو التلخيص حلو بس مش عارفة يعني مرة لخصت تعبت وزهقت وقلت كنت ذاكرت عادي أحسن
ومالخصتش تاني بعديها :)

يعني التلخيص بينفع مع ناس وناس لأ
لكن عمومًا مسألة الألوان والمزاج العالي :)) دي فيا على طول من غير تلخيص :)

بارك الله فيكِ ياغالية ورزقكِ ماتتمنين من خير

[الشمس تشرق]

رد: يا اشبال انتو بتذاكروا العلوم والدراسات ازاي؟

تمااام ماشاء الله عليكي ... استعيني بالله كده وجددي النوايا لله وهتلاقي المذاكرة متيسرة بكل شئ وديما اقري ولو صفحة قرآن قبل م تذاكري وتستغفري خمس دقايق كده كمان ... انا ايام الامتحانات بجيب ورق فلوسكاب واجيب دفتر المحاضرات والخص بقى الماده في 3 او 4 صفحات بالكتير اوووي ولو ماده عمليه وقوانين بلخصها في صفحه واحده بس واذاكر بقى من الملخص . لان اما الواحد يشوف الكتيير بيتخض ومبعرفش يذاكر لكن اما يحس انهم قليلين كده هيرتاح نفسيا ويعرف يذاكر .. طبعا بتكون المادة متذاكره قبل كده وبتعملي ملخص بقى كتذكير وكده وتثبيت... ربنا يوفقنا جميعا يارب

[الدره العصماء]

رد: يا اشبال انتو بتذاكروا العلوم والدراسات ازاي؟

ماشاء الله طرق مفيدة لتثبيت المعلومة ,على فكرة أنا كنت بذاكر لأولادى
بنفس الطريقة ,,افتكر وانا بذاكر لإبنتى مادة الانجليزى كنت أحفظها كلمات
وهى عمرها عام ونصف عن طريق ربط الكلمة بشىء معروف
وماشاء الله كانت تحفظ أكثر من عشرين كلمة
ولما كبرت شويه وهى فى الكيجى كنت أحفظها الكلمات بهذه الطريقة :
مثلا كلمة bed / كنت أحفظها الحروف كما قولت بشىء معروف لها مثل اليد
وأشير لها بيدى وأقول لها بي إيدى يعنى الإسبلنج بتاع الكلمة b وال e والd مجمعين فى كلمة بى إيدى الى الآن هذه الطريقه راسخه فى ذهنها
وتعلم ابنتها مثل ما علمتها أنا ,
بارك الله فيكِ ابنتى الفاضله الشمس تشرق ,

[الشمس تشرق]

رد: يا اشبال انتو بتذاكروا العلوم والدراسات ازاي؟

جزاكي الله خيرا امي
طريقه فعاله اللهم بارك
ربنا يبارك ببنت حضرتك واحفاد حضرتك يارب