صندوق عم هلال

[الخاضعة إلى الله]

السلام عليكم ورحمة الله وبركاته

كان يمكان وميحلى الكلام الا بذكر النبى عليه الصلاة والسلام
فى مكان غير المكان وزمان غير الزمان فى الغابه البعيدة كات عايش عم هلال
وعم هلال كان راجل غلبان وبيشتغل حطاب ويقطع فى الأشجار ويعمل منها أخشاب
وكان عم هلال بردوا بيشتغل نجار يعمل كرسى وترابيزة وكمان دولاب وكان سعيد
ومبسوط بحياته و بالفلوس البسيطه اللى بتجيله وكان عايش عم هلال مع مراته الست دلال
وعياله الاتنين حمزة ورضوان عيشين فى كوخ صغنن وسط الأشجار وكانوا راضين بحياتهم واللى ربنا كتبهلهم
ألا رضوان مكنش عجبه حاله وكان دايما مدايق من حياته وزهقان وعايز يعيش فى قصر كبير كله خدم وحرير فى حرير
وديما حمزة ينصح أخوة لازم نرضى يا رضوان باللى ربنا ادهولنا احنا أحسن بردوا من غيرنا لكن رضوان مش عجبه الحال
وكمان يقول أشمعنا فلان وفلان يا خبر يا خبر يا رضوان حد يقول أشمعنا فلان وفلان لا يا حلوين الكلام دا مينفعش.
وكان حمزة الولد الشاطر اللى بيحب يساعد باباه العجوز عم هلال زعلان اوووى من أخوة وكلامه اللى ملوش لازمه
وعم هلال والست دلال كانوا بردوا زعلنين من رضوان ليه كدة بس يا رضوان دا اهم حاجه انك تطيع امك وابوك ومتزعلهمش
وفى يوم من الأيام وعم هلال عمال يقطع فى الأشجار جه تاجر كبير ولبسه كدة شكله عجيب وشكله كمان غريب فى غريب
وقال لعم هلال السلام عليكم يا عم هلال رد عم هلال السلام
الراجل الغريب قال أنا عيزك تعملى حاجه خشب يا عم هلال
رد عم هلال وقال خير ياترى كرسى ولا دولاب
رد الراجل وقال لا لا كرسى ولا دولاب أنا عيزك تعملى صندوق خشب كبير بحم الشجرة دى
وشاور الراجل على شجرة طويله أوووووى طولها حوالى عشر امتار ورد عم هلال وقال يا خبر
انت بتقول أيه دى شجرة طويله اوووى يا عم وهتعمل بالصندوق دا ايه يا ترى
رد الغريب وقال انا عيزك تعملى الصندوق دا طوله عشر امتار وعرضه عشر امتار ومفتوح من فوق ومن تحت
ومن غير اى سلم ومكفئتك هى الجوهرة دى وكانت جوهرة كبيرة اووووى وبتبرق وشكلها غالى اوووووووووى
وفكر عم هلال فى ابنه رضوان اكيد هيفرح اووووى لما نبيع الجوهرة ونشترى قصر ونعيش أغنيا ومعانا فلوس كتير
وقطع احلامه الراجل الغريب وقال ها قلت ايه يا عم هلال
رد بسرعه عم هلال موافق اعملك الصندوق قاله طيب اسمع بقى شروطى انا مش عايز اى حد يعرف حاجه عن الصنوق دا
وتعمله بعيد عن بيتك ولا اى حد من اولادك يعرف وتخلصه خلال تلاتين يوم ميزدش عن شهر
ورد عم هلال أزاى دا شرط صعب اوووى طيب اخلى حد من اولادى يساعدنى رفض الغريب
وقال لا دا شرطى ولو حد عرف مش هتاخد الجوهرة وهأخد انا بردو الصندوق اتفقنا يا عم هلال
عم هلال فكر تانى فى ابنه رضوان وقال موافق يا غريب موافق
ورد عم هلال وقال بس انا هصرف منين على ولادى ومراتى الفترة دى كلها دول تلتين يوم
رد الغريب وقال خد يا عم هلال واداله كيس فيه تلتين جنيه دهب
وقاله دا تمن التلتين يوم اللى هتشتغل فيهم وفرح عم هلال وشكر ربه
ومشى عم هلال ووقفه الغريب وقال افتكر كلامى يا عم هلال لو حد عرف مش هتاخد الجوهرة
وراح عم هلال السوق واشترى لاولادة ومراته لبس واكل كتير وروح البيت وعياله فرحوا اووى
واكتر واحد فرح هو رضوان وأخد حاجته من غير سؤال وسئل حمزة باباة منين يابابا الخير دا كله
وسئلت الست دلال نفس السؤال ورد عم هلال وقال راجل غريب بعمله حاجه أغرب بس مش عايز حد يعرف
ومكفئتى هتكون جوهرة ثمينه هتخلينا نعيش طول عمرنا أغنياء
ونسكن فى قصر كمان وسمع رضوان الكلام وجرى بجد يابابا هنسكن فى قصر قاله ان شاء الله
بس اهم حاجه محدش يسألنى على حاجه لمدة شهر وخدى يا دلال الفلوس دى اصرفى منها
ورد حمزة وقال اسعدك يا بابا رد هلال وقال مينفعش يا حمزة دا شرط الراجل محدش يساعدنى
رد حمزة بس انت كدة هتتعب يا بابا بلاش الشغلانه دى واحنا كدة مبسوطين
وبسرعه رد رضوان أزاى يعنى بلاش دا بابا قوى وكمان بعد منأخد الجوهرة هيرتاح
وزعل اوووى عم هلال من ابنه اه مش همه غير نفسه وبس وقال خلاص يا حمزة انا وافقت وخلاص
وجرى رضوان على امه وقال انتى لازم تجبيلى حات كتير اوووى انتى معاكى فلوس كتير
وردت دلال وقالت مينفعش يا رضوان لازم نخلى معانا فلوس منعرفش بكرة فيه ايه
ورفض رضوان الأنانى وصمم لازم طلباته كلها تتنفذ وقالها بعد شهر بابا هيجيب الجوهرة وهيكون معانا فلوس كتير اوووى لازم نصرف كل الفلوس دى
ومشى عم هلال تانى يوم من الفجر يقطع فى الأشجار وهو عمال يفكر يا ترى الراجل دا هيعمل ايه بالصندوق الكبير دا
واختار عم هلال مكان بعيد عن الناس فى مكان مهجور فى الغابه علشان محدش يشوفه وهو بيعمل الصندوق العجيب
وبدء عم هلال يحط الشجر اللى قطعه وهو لسه بيفكر الراجل دا عايز الصندوق يعمل بيه ايه

[الخاضعة إلى الله]

رد: صندوق عم هلال

وفضل عم هلال يقطع فى الأشجار ويحطها فى المكان المهجور اللى أختارة جنب البير المهجور
وكل يوم على ادا الحال يخرج عم هلال بعد شروق الشمس ويرجع بعد غروب الشمس ويرجع تعبان اوووى يدوب ياكل وينام
وكان حمزة زعلان اووووى وحزين على باباة انه بيرجع تعبان كدة وكل دا علشنهم يعيشوا مبسوطين وسعداء
وكان رضوان عمال يصرف فى الجنيهات الدهب هو وامه الست دلال
وعم هلال لسه بيقول ياترى يا غريب عايز الصندوق هتعمل بيه ايه
ومرت الأيام وتعب عم هلال وكان خلاص خلص الصندوق الكبير
وكمان رضوان الحمد لله خلص الفلوس كلها هو والست دلال من تبزير وشراء حات ملهاش اى لزمه
وكان حمزة ديما ينصح امه وأخوة ان كدة حرام مفيش فايدة وكان حمزة بيحوش مصروفه الكبير اللى امه كانت بتديهوله كل يوم لمدة تلتين يوم
وخلص الشهر وخلصت معاه الفلوس كلها وتعب عم هلال اوووى وكان يا حرام بيمشى بالعافيه
وفى اخر يوم فى الشهر يوم تسليم الصندوق كان رضوان معهوش فلوس خالص وكان عايز يجيب حلويات ولبس تانى
قال لنفسه انا همشى ورا بابا وأروح معاة وهو بيبيع الجوهرة فى السوق وأخد منه فلوس ومشى ورا باباة واستخبى جوة البير القديم علشان محدش يشوفه
وشاف اد ايه الصندوق كبير اوووى وفكر وقال يا ترى الصندوق دا هيعمله بيه ايه
ووصل الراجل الغريب علشان يأخد الصندوق وكان معاه ناس كتير علشان يجروا الصندوق
وفرح الغريب بالصندوق اووووى وشكر عم هلال وخرج الجوهرة ولسه بيديها لعم هلال شافها رضوان
ومن كتر جمال الجوهرة قال رضوان ياه كل دى جوهرة
وللأسف سمعه الغريب وقال ليه كدا يا عم هلال احنا متفقين لو حد شاف او عرف حاجه عن الصندوق مش هتاخد الجوهرة وانا هاخد الصندوق
وزعل اوووى عم هلال من ابنه رضوان وانه عمل كدة وسئله ليه كدة يا رضوان
رد وقال كنت عايز اروح معاك وانت بتبيع الجوهرة علشان تجبلى حات كتير
رد عم هلال وقال لسه مشبعتش يا رضوان انت خلصت كل الفلوس اللى معانا وضيعت تعبى وعملى شهر بحاله
ووقع عم رضوان من طوله تعبان وعيط اووووووى رضوان وشال ابوة روحه البيت وهو ندمان
وزعل حمزة على ابوة وقاله متزعلش يابابا ان شاء الله ربنا هيعوضك عن تعبك خير وانا محوش مبلغ من المال وراح جابه لعم هلال

وقاله انا هشتغل مكانك لغايه متخف وتقوم بالسلامه يا بابا متزعلش اهم حاجه انت وصحتك وفرح عم رضوان بابنه حمزة اوووى
وقاله شكرا يابنى شكرا
واعتزرت الست دلال لجوزها انها متصرفتش بحكمه مع رضوان وصرفت كل الفلوس
وأعتزر رضوان لابوة واعد يعيط انه هو السبب فى ان ابوة مأخدش الجوهرة وكمان سبب مرضه
واعتز لابوة ووعدة انه خلاص مش هيكون انانى وهيتصرف بعد كدة بحكمه وهيحمد ربه على كل شىء لان كل حاجة ربنا بيديهالنا خير وجميله ولازم نرضى بيها
ومنحملش اهلنا فوق طاقتهم لازم نعزرهم
وفرح عم هلال باولادة ومراته وحمد ربه كتير وقال انا يا اولادى مش زعلان على الجوهرة اللى راحت الحمد لله انكم عرفتم غلطكم ومتكزوهوش تانى
وتوته توته خلصت

[محبة دين الله]

رد: صندوق عم هلال

قصة جميلة جدا

القناعة كنز لا يفنى

بارك الله فيكِ وجعله في ميزان حسناتك

[الخاضعة إلى الله]

رد: صندوق عم هلال

وجزاكم مثله