مسابقة آداب ومواقف.. من يقول أنا لها؟؟؟؟؟

[فاطمة سعد]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته
مرحباً بكِ اختنا الغالية

موضوع رائع وهدفه أروع
وتم دمج الموضوعين معا
وبتمنى منك ان تضعى كل المساهمات في الموضوع هنا

ثم نقوم نحن بعنصرة المواقف لك في او مساهمة

ممكن تدخلى هنا
https://forums.way2allah.com/showthread.php?t=139891

[الشاب المسلم .]

رد: مسابقة آداب ومواقف.. من يقول أنا لها؟؟؟؟؟

انا معاكم

ومنتظر عشان اكسب ان شاء الله

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

بارك الله فيكم

المصرية فيروز
أنا لست شبلة
أنا عملت الموضوع فقط للأشبال
بارك الله فيكِ

[فاطمة سعد]

رد: مسابقة آداب ومواقف.. من يقول أنا لها؟؟؟؟؟

بارك الله فيكم

المصرية فيروز
أنا لست شبلة
أنا عملت الموضوع فقط للأشبال
بارك الله فيكِ

مرحبا بكِ أختنا
حياكِ الله ومنورة القسم يااختى

[محبة الإيمان]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته
موضوع رائع ومفيد
جزاك الله خيرا اختى رفيدة
متابعين إن شاء الله

[خديجة أحمد]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته
ما شاء الله موضوع رائع
جزاك الله خيرا أختي
ومرحبا بك في قسم الشبل

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

ربنا يبارك فيكم

[قلب يتمنى الجنة]

رد: مسابقة آداب ومواقف.. من يقول أنا لها؟؟؟؟؟

يارفيدة فين الآداب؟؟

ربنا يكرمك الموضوع تحففففففففففففففففففففة
جزاكم الله خيرًا

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

آداب بر الوالدين

*إخلاص النية:
بأن نجعل بر الوالدين امتثالًا لأوامر الله سبحانه وتعالى.

*حبهما وموالاتهما:
بأن نملأ قلوبنا حبًا لهما ونقدمهما على أنفسنا.

*طاعتهما في غير معصية الله:
فطاعة الوالدين واجبة على كل مسلم ولكن لو أمروك بشيء فيه معصية لله عز وجل فلا نطيعهما فقد قال النبي (صلى الله عليه وسلم): "لا طاعة في معصية الله إنما الطاعة في المعروف"متفق عليه،رواه البخاري ومسلم

*التواضع لهما:
نتكلم معاهم بكل أدب وتواضع ، مانرفعش صوتنا عليهم، ونسمع لهم.

*الإحسان إليهما:
قال تعالى:((ووصينا الإنسان بوالديه إحسانًا))سورة الأحقاف آية 15 يعني نسعى لإرضائهما مالم يكن ذلك في معصية، ومانعملش أي حاجة تؤذيهما.

*أن يدخل السرور عليهما:
يعني مثلا تنجح في دراستك وتتفوق علشان تدخل السرور على قلوبهما وتخبرهما بكل شيء يسعدهما.

*أن يطعمهما بيده ولا يأكل قبلهما:
يعني نقدمهم على أنفسنا ،ومن وقت لوقت نأكلهم بايدينا ، ده بيخليهم في غاية السعادة.

*السلام عليهما عند الدخول عليهما والخروج:
وياريت لو كان ده كمان بتقبيل الأيدي.

*ألا يرفع صوته بحضرتهما:
يعني مانعليش صوتنا واحنا معاهم نتكلم بهدوء وصوت منخفض.

*بذل المال لهما:
يعني مانبخلش على والدينا بالمال فقد قال رجل لرسول الله صلى الله عليه وسلم: إن أبي يريد أن يأخذ مالي، فقال له رسول الله صلى الله عليه وسلم:" أنت ومالك لوالدك"صحيح ،رواه أبو داود وأحمد وصححه العلامة الألباني.

*الإحسان إلى أحبابهما:
يعني نكرم أقاربهما وأصدقاءهما لأن ده من الإحسان إليهما.

*عدم السفر إلا بإذنهما:
حتى لو كان السفر ده للجهاد في سبيل الله لازم نستأذن منهم الأول.

* إبرار قسمهما:
يعني لو أقسموا عليك أنك تعمل شيء معين لازم تعمله إلا إذا كان في معصية الله زي ماقلنا.

*عدم التعرض لسخطهما:
يعني مانعملش حاجة تخلي والدينا يسخطوا علينا ومايكونوش راضيين، لأن لو سخطوا عليك ودعوا عليك أي دعوة هتستجاب.

*عدم تسمية الأم والأب باسمهما:
عن أبي هريرة رضي الله عنه أنه رأى رجلين ، فقال لأحدهما: ماهذا منك؟ قال: أبي. فقال : لا تُسَمِّه باسمه، ولاتمش أمامه ، ولا تجلس قبله.

يعني أبو هريرة شاف رجلين فقال لواحد منهم ده يقربلك إيه(ماهذا منك؟) قاله أبي فقاله ماتندهلوش باسمه وماتمشيش أمامه وماتجلسش قبله

*تجنب الأمور المؤدية إلى العقوق:
زي اننا نغضب منهما أو نتأفف من قولهما أو فعلهما، وجلب الإهانة لهما والحياء من الانتساب إليهما.
يعني مانزعلش منهم ولا نزعقلهم ولا نبقى مكسوفين ان دول أهلنا

* عدم شتمهما أو التسبب في شتمهما:
طبعا لأن دي كبيرة من الكبائر

* أن نحرص على حفظ حقوقهما بعد موتهما:
زي إيه؟؟
-الصلاة عليهما(يعني الدعاء لهما لازم ندعيلهم على طول)
-الاستغفار لهما (يعني نقول رب اغفر لي ولوالدي)
-إنفاذ عهدهما(يعني لو وصوك بشيء تنفذه وتستمر وتداوم على الخير اللي هم كانوا عليه)
-إكرام صديقهما(وده طبعا من الإحسان زي ماقلنا)
-صلة الرحم التي لاتوصل إلا بهما(يعني زي الأخوال والخالات والأعمام والعمات والأجداد والجدات)
-أن تتصدق عنهما بعد موتهما(وأفضل الصدقة الماء، يعني تسقي حد ماء بنية الصدقة على والديك)
-زيارة قبرهما إن ماتا


الموقف اللي اتفقنا عليه وهنشوف مين اللي هيجاوب صح


مي وأحمد اتنين أخوات
مي عندها 13 سنة ، وأحمد عنده 25 سنة
ووالدهم اسمه سليمان،ووالدتهم متوفاة

دخل أحمد على والده قاله: السلام عليكم يا سليمان
والده: وعليكم السلام يا أحمد
أحمد: انا كنت عايز أتكلم معاك في موضوع
والده: ايه يا أحمد، قول عايز ايه
أحمد: انا كنت عايز أسافر، انت عارف بقى انا اتخرجت وعايز اسافر عشان أكون نفسي.
والده: بس يا ابني انت شايف انا كبرت ازاي وانت اللي بتاخد بالك من مي أختك..هتسافر ازاي وتسيبني
أحمد: معلش أنا عارف ان الموضوع صعب بس غصب عني والله لازم أسافر
أنا خلاص اتفقت مع معتز صاحبي اللي مسافر انه في أقرب وقت يبعتلي عقد عمل علشان أسافر

وبعد ماسافر والده كان قاعد في الصالة وقال: يا مي..يا مي خدي يابنتي تعالي.
مي: أيوة يا أبي حضرتك عايز حاجة؟
والدها: أنا رايح أزور قبر أمك دلوقتي،ماصدقت خالك جاي ياخدني بالعربية ما انتي عارفة مش بقدر امشي كتير ..انتي عارفة أحمد مش بيروح يزورها خالص..ربنا يهديه
مي: طيب يا أبي هروح اقعد عند جدتي لحد ماترجع؟
والدها: لا خليكي هنا انا مش هطول بس تابعي المسلسل اللي جاي الساعة 5 عشان الحلقة كده هتفوتني
مي: بس يا أبي انا مش بحب أشوف مسلسلات
والدها: ما انا يا مي متابع المسلسل ده كل يوم، عشان أعرف ايه اللي حصل
مي: حاضر يا أبي.

يلا يا أشبال هناك 4 أخطاء في الموقف
منتظراكم..

[فاطمة سعد]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته
ماشاء الله جهد راائع وطيب جداا

وانا شخصيا باحب هذا الاسلوب في التعامل مع الاشبال

جزاكِ الله كل خير يا اختى الغالية

================

فضلاا اختنا ممكن اى حديث اى اية قرانية نذكر اسناد الحديث واسم السورة
حتى يكتمل جمال الموضوع
لا تحرمنا طيب تواجدك

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته
ماشاء الله جهد راائع وطيب جداا

وانا شخصيا باحب هذا الاسلوب في التعامل مع الاشبال

جزاكِ الله كل خير يا اختى الغالية

================

فضلاا اختنا ممكن اى حديث اى اية قرانية نذكر اسناد الحديث واسم السورة
حتى يكتمل جمال الموضوع
لا تحرمنا طيب تواجدك

ربنا يبارك فيكِ
تم إضافة اسم السورة وتخريج الأحاديث

[شفيعي قرآني]

رد: مسابقة آداب ومواقف.. من يقول أنا لها؟؟؟؟؟

ممكن يتم إضافة الموقف التاني في اول الموضوع؟؟
بارك الله فيكم

[محبة الإيمان]

رد: مسابقة آداب ومواقف.. من يقول أنا لها؟؟؟؟؟

جزاك الله خيرا أختى رفيدة
طريقة رائعة
تم إضافة الموقف الثانى للموضوع

[خديجة أحمد]

رد: مسابقة آداب ومواقف.. من يقول أنا لها؟؟؟؟؟

ممكن يتم إضافة الموقف التاني في اول الموضوع؟؟

بارك الله فيكم

تم الإضافة
جزاك الله خيرا ونفع الله بك

[قلب يتمنى الجنة]

رد: مسابقة آداب ومواقف.. من يقول أنا لها؟؟؟؟؟

وعليكم السلام ورحمة الله وبركاته

يا سليمان

المفروض يقوله يا أبي ولا يناديه باسمه

حين أراد أن يسافر بدون موافقة والده

المفروض يطيع والده ولو قاله لأ يبقى لأ

انتي عارفة أحمد مش بيروح يزورها خالص

ده غلط لأن المفروض أحمد يزورها كتير

مي: حاضر يا أبي.

مي غلطت لأنها المفروض ماطتيعش والديها في الغلط والحرام واللي فيه معصية لله