قصه للاشبال

[Yusuf Shams al-Din]

كيفكم اشبالنا ان شاء الله بخير

اليوم ان شاء الله ححكى لكم عن قصه من القران

بس باسلوب خاص للاشبال

علشان نستوعب القصه تمام وكمان تفضل فى الاذهان

وقصتنا يا حلوين عن ناقة سيدنا صالح

طبعا كلنا عارفينها وكمان اكيد عارفين القصه

طيب امال ايه الجديد

الجديده ان اللى هتحكلكم القصه الناقه نفسها

معقول ......طبعا معقول

واكيد محدش حيعرف يحكى قصتها اكتر منها

وعلشان متطولش الناقه عليكم كل يوم حتحكى لكم جزء منها

يلا يا حلوين مستعدين

بس فى الاول ايه كل واحد فيكم زى الشاطر كده

يوحد الله ويصلى على الحبيب

لا اله الا الله محمد رسول الله

نتوكل على الله

يقول الحق سبحانه وتعالى فى كتابه الكريم

هَـذِهِ نَاقَةُ اللّهِ لَكُمْ آيَةً فَذَرُوهَا تَأْكُلْ فِي أَرْضِ اللّهِ وَلاَ تَمَسُّوهَا بِسُوَءٍ فَيَأْخُذَكُمْ عَذَابٌ أَلِيمٌ
(الأعراف 73)

فى غاية الفخر انا
فى غاية الفرحه انا
وفى غاية العزة انا

ورغم انى يادوب ناقة
ولكن بكل ثقة اقدر اقول

انى اشرف من اشرف واحد فيكم دلوقتى

وقبل ماتزعلوا ..اسالوا نفسكم

حد فيكم..ربنا نسبه لنفسه؟؟؟

أنا ربنا قال فى حقى (هذه ناقة الله)

حد فيكم قدر يقرب من 1\10 من الشرف ده؟؟

هه؟؟..فيه حد؟؟


صوتكم واطى ليه؟؟

يعنى ماحدش فتح بقه

خلاص..اسكتوا بقة واسمعوا حكايتى



القصة دى انا بحكهلكم دلوقتى..وانا فى غاية السعادة


حاسة كانى طايرة فى كل مكان وفرحة تجتاح جسدى كله

اصلكم مش واخدين بالكم

اصلى تقريبا بطلع فى الروح....بموت يعنى


بس مش اى موتة..دى شهادة..شهادة فى سبيل الله

الكفار بيدبحونى..فيه ايه أكثر من كده

عشان كده حتلاقونى فرحانة شوية


بحكلكم القصة دى بدمى المتفجر من عنقى

احب دلوقتى أوضحلكم حاجة

انا صحيح ناقة..بس فى الجوهر..مش ناقة

حاولوا تفهمونى..انتوا الكائنات الوحيدة ذات العقول


انا ناقة فى الظاهر..بس الجوهر

انا اية من ايات الله..وهذا يزيدنى فخرا

ومعجزة الهية..وهذا يزيدنى سعادة

ودليل على صدق نبوة صالح..وهذا يزيدنى ثقة

وفوق كل هذا..انا فى الاصل حتة صخرة

وهذا يزيدنى عجبا من قدرة خالقى

واضح إنى زدت فى حاجات كتير

عشان كده تلاقونى سمينة شوية

وقفنا لحد فين؟؟

اه

حتة صخرة..حجرة..يعنى فى اعتقادكم

لا ارى ..لا اسمع..لا اتكلم..

وطبعا ده اعتقاد كثير من حضراتكم

فوالله..الجماد اكثر رقة من قلوبكم

اتخلقت فجاة..يعنى فجاة

لقيت نفسى ناقة كبيرة كده زى مانتوا شايفين

الموضوع عايز شرح

ححكيلكم من البداية


ححكيلكم من الاول..من قبل مالمعجزة دى تحصل

الكلام ده عرفته بعدين صحيح..بس ترتيب الأحداث

يخلينى احكيها لكم الاول

فتحوا عنيكم وودانكم

دى مش البقرة أم 6 رجول... ولا عروسة البحر


لا
دى معجزة الهية..على الله يسيرة

ومجرد تصديقها علينا عسير



الحكاية بدات بالاتى

ثمود

اكيد سمعتم عن الاسم ده..قوم ثمود

اقوياء الشهوات..ضعاف العقول

واللى زاد وغطى..غنى فاحش..زود من فجورهم

عباد للاصنام..
نفسى افهم..سؤال حيجننى على مر العصور

ازاى تفكر بعقلك كده.انك تعبدحجارة؟؟

حد يرد عليا..مش ثمود دول كانوا بنى ادمين زيكوا؟؟

حد يوضحلى وجهة نظرهم


ما علينا..كانوا بيعبدوا الاصنام.. بس مش كلهم الحق يتقال


كان هناك منهم رجالا..يهيمون بوجههم بحثا عن الحق

وهل يضل الله من يبحث عنه؟؟

طبعا لا
إنه رؤوف بعباده..مش ممكن يضل واحد عايزه

فمنهم من كان يؤمن بفطرته وعقله ورحمة ربه

ويعتزل اهله وما يفعلون

ولكن الفجور كان شديد..وبيزيد

والناس انجرفت ورا المصالح والذهب

وانجرفت وراء عبادة الاوثان

والنفس ذات الشهوات التى لا تنتهى


ثم شاء الله العلى القدير..ان يقلب الموازين..ويضع حدا لفجورهم..

ولكن رأفة بهم..بعث فيهم نبيا..منهم..من أنفسهم والله


كان هو أصلحهم فعلا واكثرهم ايمانا

راجل صالح

واسمه صالح.. اسم على مسمى

ونوقف لحد هنا اليوم يا حلوين ونكمل فى الغد ان شاء الله

[فاطمة سعد]

رد: قصه للاشبال

وعليكم السلام ورحمة الله وبركاته

ماشاء الله أسلوب رااائع في العرض

بوركتم ونتظر التكملة بإذن الله
ولكن هل القصة من مكتبتكم الخاصة .. أم هناك مصدر أخر ؟؟؟


جزاكم الله خيرا

[الدره العصماء]

رد: قصه للاشبال

وعليكم السلام ورحمة الله وبركاته

ماشاء الله اسلوب رائع بارك الله فيكم أخانا الفاضل
وقد تم عمل تصميم وتنسيق للقصه لأنها مشوقه (بعد إذنكم ),,
وجزاكم الله خيرا .

[خديجة أحمد]

رد: قصه للاشبال

وعليكم السلام ورحمة الله وبركاته
ما شاء الله أسلوب جميل
جزاكم الله خيرا
ونتمنى أن يتابع الأشبال القصة فهي مفيدة جدااا

[Yusuf Shams al-Din]

رد: قصه للاشبال

ولكن هل القصة من مكتبتكم الخاصة .. أم هناك مصدر أخر ؟؟؟

بصراحه انا اخذت القصه عادى كم هى مطروح فى النت

انا كل اللى بسويه انى بضع اضافات فى اجزاء معينه لتوضيح

وكمان وضعت طريقة السرد المذكور فى القصه باسلوب يشجع على الفهم والاستعاب

وقد تم عمل تصميم وتنسيق للقصه لأنها مشوقه (بعد إذنكم )

جزاكم الله خيرا اختنا وبارك الله فيكم تصميم اكتر من رائع
وانا اسف لوضعها بدون تنسيق بس انا بنظر للكتابه اكتر من التنسيق فهذا الامر بيجعلنى اهمل التنسيق فى المواضيع
ولكن بارك الله فيكم اختنا تنسيق رائع لدرجة ا نى لما دخلت اتابع قولت دا مش موضوعى

ونتمنى أن يتابع الأشبال القصة فهي مفيدة جدااا

وانا اتمنا هذا لان دا سبب رئيسى انى وضعت القصه هنا وعدم وضعها فى قسم القصص علشان الاشبال تفهم القصه باسلوب مبسط
شكر لكم وبارك الله فيكم ورزقكم الله الفردوس الاعلى
وفقنا الله واياكم الى ما يحبه ويرضاه

[الدره العصماء]

رد: قصه للاشبال

بارك الله فيكم وجزاكم الله خيرا

لى ملاحظه بسيطه لحضرتكم ,,ألاحظ أنكم عندما تأخذوا كلمه من موضوع أو رد لاتستخدموا الإقتباس
واسمحوا لى أن أوضح لكم طريقة عمل اقتباس كلمه من موضوع مثلا ,اولا نظلل على الكلمه المراد إقتباسها ونعمل لها كوبى (كيلك يمين بالماوس وتجد كلمة COPY )
ثم نضغط على هذه العلامه ستظهر لنا هذه الكلمات نضع فى منتصف الأقواس الكلمه المراد عمل اقتباس لها وستظهر بهذه الصوره
,

,وفقكم الله .

وبالنسبه للتنسيق يوجد لدينا فواصل وبسمله من انتاج واحة الأشبال هنا
بسمله وفواصل بإسم واحة الأشبال من انتاج واحة الأشبال
يمكنكم أن تستعملوها ,وفقكم الله .

[Yusuf Shams al-Din]

رد: قصه للاشبال

بارك الله فيكم وجزاكم الله خيرا

[Yusuf Shams al-Din]

رد: قصه للاشبال

كيف اشبالنا اليوم ان شاء الله بخير

توقفنا فى الامس عند ايه يا شاطرين

مين الشاطر اللى حيقولى

راجل صالح

واسمه صالح.. اسم على مسمى

برافو عليك انت شبل شاطر

طيب يلا بينا نكمل مع بعض يا شاطرين


قبل ما نكمل كلنا حنقول ايه

لا اله الا الله محمد رسول الله عليه الصلاة والسلام

ماشاء الله عليكم .... بارك الله فيكم


راجل صالح

واسمه صالح.. اسم على مسمى

كان فعلا..اكثر قومه توحيدا ونقاء وطهرا وصلاحا

لو شفتوه

لايمكن تنسوا الطيبة..اللى بتبان فى عنيه

عليه افضل الصلاة والسلام

واوحى الله اليه بالتكليف

وطبعا ماتاخرش.. جرى على قومه على طول..اصله كان بيحبهم قوى

وبدا المهمة

قال لهم

يَا قَوْمِ اعْبُدُواْ اللّهَ مَا لَكُم مِّنْ إِلَـهٍ غَيْرُهُ

نفس الكلمة دى..قالها قبله هود ونوح..وكل الانبياء عليهم الصلاة والسلام


نفس الكلمة والله..ومافيش فايدة


المشكلة انه ما قال لهم حاجة صعبة لاسمح الله


دا بيقولهم ياقوم..اعبدوا الله



بس..مافيش أكتر من كده



بس للأسف..الدخول بدين جديد..يعنى تغيير شامل فى المجتمع


يعنى ناس تطلع وناس تنزل..وده بالنسبة لعاشقى الدنيا..محال يا اشبال


انت بتقول ايه يا صالح.... نعبد الله؟؟..معقول


ونسيب الهتنا اللى بناكل على افاها عيش؟؟

وتجارتنا وحياتنا؟؟



لا يا صالح قول كلام تانى غير دا


هو ده تفكيرهم المشلول العقيم



الغريب ..انهم ردوا على صالح راد



بدا لى انا ...الناقة..الناقة..الناقة




انه طلسمة..خزعبلات..كلام فارغ..


قالوا

يَا صَالِحُ قَدْ كُنتَ فِينَا مَرْجُوًّا قَبْلَ هَـذَا أَتَنْهَانَا أَن نَّعْبُدَ مَا يَعْبُدُ آبَاؤُنَا وَإِنَّنَا لَفِي شَكٍّ مِّمَّا تَدْعُونَا إِلَيْهِ مُرِيبٍ



دا ايه المنطق ده؟؟


واحد جايب دين جديد..ويبقولكم اعبدوا الله

حايقلكم ازاى متسيبوش أصنامكم؟؟


تاملوا معى المنطق المعكوس


ماذا يفعلون فى الهة الجدود والاسلاف

كيف يدارون خجلهم امام ذكرى الاباء والاجداد اذا اهملوا عبادة الهتهم؟؟؟



فعلا مشكلة عويصة جدا يا اشبال


انا بصفتى ناقة حالية..وصخرة سابقة..ارفض هذا المنطق


ولو عرضتم المنطق ده على خروف..مش حايبطا ماماة من السخرية



اللى كان المفروض يحصل..طالما صالح مل احترام وتصديق..يبقى نبوته تبقى زيه




لكن اللى حصل كان العكس تماما


ياترى ايه اللى حصل يا حلوين ؟؟؟


دا الا حنعرفه بكره ان شاء الله

تابعونا

[المؤمنة بالله]

رد: قصه للاشبال

ماشاء الله رائع
قصه مفيدة جداً
بارك الله فيكم ونفع بكم
فى انتظار دخول الأشبال حتى يستفيدوا منها

[Yusuf Shams al-Din]

رد: قصه للاشبال

كيف اشبالنا اليوم ان شاء الله بخير

يلا نكمل قصتنا .... بس الاول كلنا حنعمل ايه

لا اله الا الله ..... محمد رسول الله عليه الصلاة والسلام

جزاكم الله خيرا







طبعا صالح ماكنش لازم انه يياس منهم بسرعة

ده تكليف الهى....وخليك ورا الكداب لحد باب الباب

انا سامع واحد بيقولى......لا ياعمو لحد باب الدار

ماشى يا شاطور ولاتزعل نفسك..... المهم يكون فيها باب

فاشاح صالح عن منطقهم المعكوس..وسالهم


تصدقوا ازاى ان انا نبى؟؟


قالوا ...انت تقول انك نبى..ونحن نشك..لازم تقدم بينة


طب عايزينى أقدم إيه؟؟


ماتتصورش اننا عايزين نعجزك..بس طالما بتقول انك مرسل من خالق هذا الكون..يبقى لازم تقدم بينة تليق به


عايزين إيه بالظبط؟؟


شايف الجبل ده؟؟ ليه مايتولدش منه ناقة؟؟؟

معقول يا اشبال يا حلوين عمركم شفتوا حد يطلب الطلب دا


قال لهم سيدنا صالح عليه السلام ..انتم تطلبون اية مادية خارقة


وهذه الايات خرق للناموس..وليس من ادب العباد ان يطلبوا من ربهم خرق الناموس لكى يؤمنوا به

قالوا له انت بتطلع ... عراقيل فى طلبنا

اعترف انك لا تستطيع


فقال لهم ....انتم تتصرفون مثل الاطفال


ياصالح..من حقنا وانت تزعم انك مرسل من الله..ان تقدم لنا دليلا


يا جماعه انا خايف عليكم

حتخاف علينا من ايه؟؟



اخشى لو اجبتكم لما طلبتم..ان تكفروا بهذه الاية بعد حين..اخاف عليكم من عذاب الله لو فعلتم كده يا جماعه



قالوا ...نحن نعاهدك ان لا نكفر بها..ولا نمسها بسوء


الكلام دا ....وعد؟؟


لك عهدنا جميعا

لحظتها فقط يا اشبال ..بدا صالح الدعاء لله العلى القدير


ورغم انه مش من حقهم..بس عشان بيحب عبده صالح..وفى نفس الوقت مايبقاش ليهم حجة


حدثت المعجزة

وتمت ولادتى من باطن الصخور..ولى هنا وقفة


عشان من اول هنا..انا عاصرت الاحداث


انا كنت ايه؟؟ مين الشاطر اللى حيقول


صخرة فى حضن الجبل..برافوا عليك انت شبل شاطر


كنت فى وسط اصحابى واهلى وجرانى



مابنعملش حاجة..غير التسبيح..كانت حياه فى غاية الروعة


وفجاة


وبدون مقدمات


شعرت بليونة غريبة تجتاحنى

جسدى الصخرى..يتشكل ويتلون

ما هذا..جسم..اطراف..لسان..يا الهى

ماذا يحدث لى..؟؟

مع هذه الليونة المفاجئة..سقطت من الجبل

صرخت على اهلى..ولكنى لم اعد اراهم كما هم


فقط صخور صماء..لا تسمع ولا ترى


كنت اسقط ..اسقط..اسقط

ولاول مرة ينتابنى مثل هذا الشعور.. الخوف من الموت

وفجاة يا حلوين


انخفضت سرعة هبوطى تدريجيا

حتى وجدت نفسى أقف على الارض..مستندة على 4 اطراف


مازلت لا افهم شيئا ... ايه اللى بيحصلى


بكيت..ما هذا..مياه تتساقط من وجههى؟؟

هل هذا ما يسمى بكاء؟؟


صرخت


الهى..لا افقه شيئا..وانت الحكيم العليم


وجاء الرد


لا..مش عن طريق ملك ولا حاجة


جه كده..ايوه كده..كل حاجة..قفزت الى راسى فجاة

ولقيت نفسى فاهمة كل حاجة..وكان كل حاجة حصلت على ايدى



وعرفت لحظتها..ان..انا...انا


انا ناقة الله


ومن ساعتها...ضاعت الكابة..حل محلها الفرحة..والحماس


احب اعرفكم بنفسى اكتر كناقة


انا كا البراءة..والطهر..والنبل.. والصفاء


مش كلام كده وخلاص..لا والله..فعلا ده اللى ربنا حطه جواية


من ساعت ماحولنى من صخرة..لناقة


خرجت على الناس وهم مبهورين طبعا..مش قادرين ياخدوا نفسهم

المعجزة تحققت..الجبل..ولد ناقة..معقول


احنوا رؤوسهم لصالح..واعترفوا بنبوته



قال لهم صالح

هَـذِهِ نَاقَةُ اللّهِ لَكُمْ آيَةً فَذَرُوهَا تَأْكُلْ فِي أَرْضِ اللّهِ وَلاَ تَمَسُّوهَا بِسُوَءٍ فَيَأْخُذَكُمْ عَذَابٌ أَلِيمٌ

وانفضوا من حولى


وبدات رحلتى فى المدينة

ونقف هنا عشان اخد نفسى شويه


ونكمل فى الغد ان شاء الله

[المؤمنة بالله]

رد: قصه للاشبال

ماشاء الله رائع
متابعين أكيد حتى نستفيد
بارك الله فيكم ونفع بكم

[محبة الإيمان]

رد: قصه للاشبال

ما شاء الله اللهم بارك
موضوع رائع جدا وطريقته بسيطة
جزاكم الله خيرا ونفع بكم
تم التقييم

[فاطمة سعد]

رد: قصه للاشبال

ما شاء الله اللهم بارك
جزاكم الله خيرا ونفع بكم

حياكم الله وبالتوفيق

[Yusuf Shams al-Din]

رد: قصه للاشبال

شكر لمروركم الطيب وبارك الله فيكم
وشكر على حسن متابعتكم
رزقكم الله الفردوس الاعلى

[Yusuf Shams al-Din]

رد: قصه للاشبال

كيف اشبالنا اليوم ان شاء الله بخير

يلا نكمل قصتنا.... يا شاطرين

مين اللى بيقولى استنا ياعمو....... انت نسيت حاجه

نسيت ايه ؟؟؟؟؟؟

لا اله الا الله ..... محمد رسول الله عليه الصلاة والسلام

بارك الله فيكم ....ورزقكم الفردوس الاعلى

توقفنا فى الامس عند ايه يا حلوين .... مين حيقول لعمو

انا يا عمو ..... اتفضل يا شبل الاسلام .... قول يا بطل

توقفنا عند .....وبدات رحلتى فى المدينة


جزاك الله خير ... فعلن ياحلوين .... بدات رحلتى فى المدينه




قصور وبيوت منحوتة..تماثيل فى كل مكان..حدائق

مكان مهيب بحق


استيقظ الناس فى الصباح..والتفوا حولى بحذر


كانت اى حركة اعملها حتى لو حركت راسى


ترعبهم وتخليهم ينطوا لورا


الموضوع ده ضايقنى....عشان قيد حريتى قليلا



واللى ضايقنى اكثر الاحاديث الهامسة


اللى ماكنتش بسمع منها حاجة


شعور غبى قوى لما تبقى قاعد فى وسط جماعة


كلهم بيتكلموا عليك بصوت واطى... وانت عارف ان الكلام عليك



وظلوا على حالهم هذا ايام..لحد ما جه طفل صغير

شبل حلو مثلكم كده


قرب منى بشجاعة..ومد ايده


انا بصراحه يا اشبال فى الاول خفت

ورجعت براسى للخلف..بس فهمت ان هو عايز يطبطب عليا


احنيت له دماغى .....وسط صيحات الاهالى للطفل بالابتعاد


ارجع يا واد ..؟




بس الواد مارجعش.. كان شبل شاطر وشجاع مثلكم كده يا احبابى


والتصرف ده..كسر كل المخاوف




ومابين يوم وليلة..كان كل القوم حبايبى


وفى اليوم التالت من ظهورى فى ارض ثمود..انجبت صغيرى



نعم..فى اليوم الثالث أنجبت صغيرى



جذب وليدى اهتمام الناس..... اكثر منى انا


وزادت علاقاتنا انا وصغيرى بالقوم


وبدات ارضع صغيرى..لبن طبعا



اللبن جذب الناس جدا..ريقهم جرى..فجريوا هم كمان على صالح



يستاذنوه انهم يشربوا من اللبن ده



صالح قال لهم..اللبن مباح برحمة الله


بس الماء حايتقسم بينى وبينهم.. يعنى انا اشرب يوم..وهم يوم



وطبعا الامر ده وحى الهى بحت..انا يوم وهم يوم


وفى اليوم بتاعى هم يشربوا لبن

وفى اليوم بتاعهم..انا ارضع صغيرى


كان اقتراح جميل فعلا..وهم وافقوا عليه



كنت كريمة معاهم فعلا..كنت انزع ثديي من فم صغيرى


لارضع طفلة من قوم ثمود..كان لبنى جميل المذاق فعلا


والغريب..ان من يشرب منه..لا يعطش ولا يجوع


سبحان الله... دى حاجه من عند ربنا



احبنى المجتمع كله..فقد كنت اطعمه واسقيه


ومرت ايام فى غاية السعادة والهناء


وفعلا..مرت..وعدت الايام الحلوة..واكيد انتوا عارفين


الايام الحلوة..بتعدى فى ثوانى


بس انتم ان شاء الله يا اشبالنا ياحلوين ..ايامكم كلها تكون حلوه يارب



بصراحه يا اشبال..... مش كل قوم تمود امنوا


لم يزل هناك كثير من الاثرياء الحاقدين


وكانوا يدبرون..ويتكتكون


وبدات تدريجيا.... اشعر بستار من الكراية يحيط بى



وانقسم المجتمع قسمين

قسم مؤمن بصالح..وقسم كافر وحاقد


وفيوم دار بينهم الحوار ده


الاترياء المستكبرين على صالح ... قالوا


فى قول الله سبحانه وتعالى


قَالَ الْمَلأُ الَّذِينَ اسْتَكْبَرُواْ مِن قَوْمِهِ لِلَّذِينَ اسْتُضْعِفُواْ لِمَنْ آمَنَ مِنْهُمْ أَتَعْلَمُونَ أَنَّ صَالِحًا مُّرْسَلٌ مِّن رَّبِّهِ


الناس الا امنت بصالح عليه السلام.... قالت لهم ايه


قَالُواْ إِنَّا بِمَا أُرْسِلَ بِهِ مُؤْمِنُونَ


كان رد الاثرياء والمستكبرين

قَالَ الَّذِينَ اسْتَكْبَرُواْ إِنَّا بِالَّذِيَ آمَنتُمْ بِهِ كَافِرُونَ

لاحول ولاقوة الا بالله

بعد كل دا..... وبعد ما طلعت انا من الصخره واصبحت ناقه

لما تؤمنوا ..... وبتكفروا بصالح وبنبوته

سبحانه الله

وبنوقف هنا اليوم يا حلوين..... وفى الغد ان شاء الله

بحكلكم اخر قصتى ..... فانتظرونى