إعـــــــلان

**الـــ أم ـــزبير** · 11-04-2011, 11:22 AM

رد: قصص تربويه مع أميرة الشقية ( متجددة وحقيقية)

وعليكِ السلام ورحمة الله وبركاته

بارك الله فيكِ

موافقه كل يوم جمعه

**فاطمة سعد** · 11-04-2011, 11:24 AM

رد: قصص تربويه مع أميرة الشقية ( متجددة وحقيقية)

المشاركة الأصلية بواسطة الـــ أم ـــزبير مشاهدة المشاركة

وعليكِ السلام ورحمة الله وبركاته

بارك الله فيكِ

موافقه كل يوم جمعه

جزاكِ الله خيرا

منورة يا أم الزبير

بعون الله كل جمعه

**الدره العصماء** · 11-04-2011, 01:44 PM

رد: قصص تربويه مع أميرة الشقية ( متجددة وحقيقية)

موفقه دائما ابنتى الغاليه فى اختيار موضوعاتك
بارك الله فى جهدك ,,,فى انتظار آراء الأشبال ,,

**فاطمة سعد** · 11-04-2011, 01:57 PM

رد: قصص تربويه مع أميرة الشقية ( متجددة وحقيقية)

المشاركة الأصلية بواسطة الدره العصماء مشاهدة المشاركة

موفقه دائما ابنتى الغاليه فى اختيار موضوعاتك
بارك الله فى جهدك ,,,فى انتظار آراء الأشبال ,,

جزاكِ الله خيرا أمنا الغاليه

يا رب الإشبال يردوا فبل أميرة ما تزعل منهم

منورة صفحتى أماه

**الدره العصماء** · 13-04-2011, 10:56 AM

رد: قصص تربويه مع أميرة الشقية ( متجددة وحقيقية)

ايه هى أميره زعلانه وللا إيه ياتائبه,,؟
اتفضلى ياأميره البيت بيتك وكل الأشبال
ها يرحبوا بكِ ,,طيب خليها يوم فى نصف السبوع
ويوم الجمعه كمان ,,يللا احنا فى انتظارك ,,

**فاطمة سعد** · 13-04-2011, 11:02 AM

رد: قصص تربويه مع أميرة الشقية ( متجددة وحقيقية)

المشاركة الأصلية بواسطة الدره العصماء مشاهدة المشاركة

ايه هى أميره زعلانه وللا إيه ياتائبه,,؟
اتفضلى ياأميره البيت بيتك وكل الأشبال
ها يرحبوا بكِ ,,طيب خليها يوم فى نصف السبوع
ويوم الجمعه كمان ,,يللا احنا فى انتظارك ,,

السلام عليكم ورحمة الله وبركاته

ايوة زعلت اوى وقالت لى مش هحكى معاهم لانهم ما ردوا عليا

بص انا هحاول اقنعها تحكى وخلاص علشان خاطر ماما الدرة

جزاكِ الله عنا خيراًأمنا الكريمة

بعون الله يوم الجمعه أطرح أول القصص
على فكرة أميرة فى أولى ابتدائى

**فاطمة سعد** · 15-04-2011, 09:56 AM

رد: قصص تربويه مع أميرة الشقية ( متجددة وحقيقية)

أميرة وقصص تربويه متجددة

السلام عليكم ورحمة الله وبركاته

كيفكم يا جماعه الخير

النهاردة هنحكى أول قصه لأميرة الشقية الشطورة الحلوة بعون الله

القــــــــــــــــــــصه

الاولى

((أميرة والعصفور))

أميرة : السلام عليكم ورحمة الله وبركاته

أزيكم ؟
ممكن أروح أجمع النبق ( ده ثمرة عندنا فى حديقه البيت )

العمه : روحى يا أميرة .

أميرة شكرا يا عمتى .

أميرة تجمع النبق ومعها أختها منى

أميرة: يا منى الله بصى فى عصفور مش قادر يطير أنا همسكه

منى : لا يا أميرة حرام سيبه أمه هتاجى تاخده سيبه.

أميرة : لالا أنا عاوزة ألعب بيه هو صغير ومش قادر يطير

أميرة تجرى ورائه ومسكته بقصوة لانها خايفه منه .

منى : يا أميرة حرام عليك هقول لأبله ( أنا التائبة )

أميرة : قولى أنا هلعب بيه وهخلى العمة تربطه لى .

منى : أستنى يا أميرة

منى : يا أبله أنا التائبة )) البت أميرة علمت كذا وكذا مش حرام ولا ء هو مش قارد يطير وهى مسكته قوى

الأبلة(أنا التائبة) يا أميرة عملت كده طيب

أميرة : يا عمتى بصى انا مسكت العصفور ده هو مش قادر يطير .
لعبينى بيه يا عمه

العمه : مسكت منها العصفور برفق وقالت لها حاضر يا حبيبتى

وحطته فوق راس اميرة وبعدين طيرت العصفور بعيد

أميرة : ليه يا عمتى كده انا كنت عاوزة ألعب بيه ؟

الأبلة : ( أنا التائبة ): تلعبى بيه يا أميرة أزاى ؟؟

أميرة أيوة العب بيه هو صغير وانا كنت هاكله واربيه كويس

الابله : أبتسم والعمه كمان
أميرة : طيب خلاص طالما طار

الابله ( انا التائبة ): يا أميرة ينفع يا أميرة يا حلوة حد ياخدك من ماما وبابا يا غاليه

أميرة : لا يا يا أبله بس انا كنت عاوزة العب بيه واكله .

الابله ( أنا التائبة ): يا حبيبتى يا غاليه مش ينفع تاكليه انتى لانه لسه صغير امه هى اللى بتاكله ،

أميرة : طيب هو ليه مش عارف يطير ؟؟

الابله انا التائبة : بصى يا حبيبتى هو امه بتعلمه الطيران زى ما ماتك علمتك المشى يا ميرة .

أميرة : اها يعنى كده يا ابله

الابله ( انا التائبة) : ايوة يا شطورة يا حبيبة قلب الابله

وكمان يا أميرة زى ما انتى مش عاوزةحد ياخدك من امك ما ينفع تاخديه من امه

أميرة : ايوة يا ابله انا اسفه مش كنت فاهمة .
بس خلاص انا تعلمت الدرس ؟؟

يا ترى يا أشبال ايه الدرس اللى اتعلمته أميرة ؟؟؟

**الـــ أم ـــزبير** · 15-04-2011, 10:19 AM

رد: قصص تربويه مع أميرة الشقية ( متجددة وحقيقية)

وعليكِ السلام ورحمة الله وبركاته

أقول أناااااا يا أبلة ؟؟؟؟؟

جميلة أوى

وبارك الله فيكِ اختى أنا التائبة

منتظراها بفارغ الصبر القصة

وأيه رأيك يا تائبة ندعم كل قصة
بأغنية تهديها لأطفالنا ؟؟؟؟

**الدره العصماء** · 15-04-2011, 11:48 AM

رد: قصص تربويه مع أميرة الشقية ( متجددة وحقيقية)

جميله جدا ماشاء الله
عايزين الأشبال يقولوات إيه الله استفادوه من القصه ,,
جزاكِ الله خيرا ياأبله ,,ولكن انا عايزه أعرف انتى الأبله أم العمه ؟

وأيه رأيك يا تائبة ندعم كل قصة
بأغنية تهديها لأطفالنا ؟؟؟؟

فكره جميله ولكن أعتقد اذا كانت نشيد كتابى وليس سماعى ,,بارك الله فيكِ أم الزبير .

**فاطمة سعد** · 15-04-2011, 02:39 PM

رد: قصص تربويه مع أميرة الشقية ( متجددة وحقيقية)

المشاركة الأصلية بواسطة الـــ أم ـــزبير مشاهدة المشاركة

وعليكِ السلام ورحمة الله وبركاته

أقول أناااااا يا أبلة ؟؟؟؟؟
أى شئ من حضرتك جميل طبعا

جميلة أوى

وبارك الله فيكِ اختى أنا التائبة
وبارك فى عمرك وعملك
منتظراها بفارغ الصبر القصة
معلش بقا لازم من التشويق وكمان اميرة مشغولة بالمدرسه شوية
وأيه رأيك يا تائبة ندعم كل قصة
بأغنية تهديها لأطفالنا ؟؟؟؟

تمام حلو اوى انا هسيب لحضرتك الفكر ةدى
اتفقنا يا فندم
هتعب حضرتك معاى بقا

منورة دائما يا أم الزبير

**فاطمة سعد** · 15-04-2011, 02:43 PM

رد: قصص تربويه مع أميرة الشقية ( متجددة وحقيقية)

المشاركة الأصلية بواسطة الدره العصماء مشاهدة المشاركة

جميله جدا ماشاء الله

الجميل تواجد أمى الغاليه

عايزين الأشبال يقولوات إيه الله استفادوه من القصه ,,
شكل الأشبال مش فاضين او القصة مش حلوة

جزاكِ الله خيرا ياأبله ,,ولكن انا عايزه أعرف انتى الأبله أم العمه ؟

وجزاكِ خيرا منه أمى الغاليه
لا حضرتك أنا الابله وليس العمة العمة دى شخصية تانية فى القصه

فكره جميله ولكن أعتقد اذا كانت نشيد كتابى وليس سماعى ,,بارك الله فيكِ أم الزبير .

فعلا هى فكرتها جميلة وشكلها شغاله فى دار حضان او رياض اطفال

فهى بقا هتتولى موضوع انها تزل اغنية لكل قصة عن طريق كتابتها
جزاها ربى عنى خيراً

منورة الصفحة يا أمنا الكريمة
دعواتك

**فاطمة سعد** · 15-04-2011, 02:44 PM

رد: قصص تربويه مع أميرة الشقية ( متجددة وحقيقية)

السلام عليكم ورحمة الله وبركاته

كيفكم يا أشبال عارفين اميرة تعلمت ايه من القصة

لقد تعلمت أميرة انه لا يجوز لنا

حرمان احد من حريته مهما كان

( سواء طير او انسان )

يا ترى انتم تعلموا ايه ؟؟؟

**فاطمة سعد** · 17-04-2011, 09:22 PM

رد: قصص تربويه مع أميرة الشقية ( متجددة وحقيقية)

(أميرة والحديقة)
القصة الثانيه

السلام عليكم ورحمة الله وبركاته
أميرة دائما يوم الجمعه وكل يوم اجازة تأتى البيت عندى وتحب تروح الحديقة
وفى يوم حصل
الابلة أنا التائبة : تسقى الزرع اللى فى الحديقة
واليوم جائت اميرة
أميرة : السلام عليكم ورحمة الله وبركاته يا أبله ؟
أنا التائبة : وعليكم السلام ورحمة اله وبركاته يا أميرة يا حبيبتى

أميرة : هو أنتى بتعملى ايه يا ابله ؟؟

أنا التائبة : زى ما أنتى شايفه يا حلوة بسقى الزرق يا فله .
أميرة : لا أنا شايفه بس أنا أقصد الكشكول اللى فى يدك يا أبله أنتى بتصححى للعيال ولا ايه ؟

انا التائبة : اها لا يا غاليه أنا بكتب قصيدة عن مصر وبدعو ربنا يسر أمرها ومبارك يرحل عنها بسلام يا رب

أميرة : أها صح يا أبله هو ليه بيقتل الناس أنا خايفه على أبن عمى محمد مش الراجل ده ده وحش اوى ازاى يموت الناس ؟؟

انا التائبة : لا يا أميرة عيب نشتم الراجل ده يا غاليه مهما كان لانه اكبر مننا صح وكمان هو ربنا هيهديه ويمشى بسلام عن مصر وسيبها بقا لاهلها اللى بحبها وكما يحموها ، ادعى يا أميرة ليها

أميرة : ايو ة انا كل يوم بقوم من نومى بقل لبابا و ماما هو مبارك مشى ولا لاء

بقولوا لى لاء وانا ادعى لمصر وابن عمى محمد لانه فى الجيش هناك فى السويس يا ابله.
تعرفى يا أبله انا بكره الدم اوووووى

ازاى يرضى مبارك يعور الناس كده
مش حرام يا ابله
انا هروح اقول عيب يا عمو لانه ما يصح كده

انا التائبة:
^_^ جميل شعورك يا اميرة جدا تعرفى انتى هتخليى اغير منك لانك ماشاء الله فاهمة وعارفه ايه اللى حوليكى
برافو عليكى يا شطورة ماشاء الله

أميرة : ايوة يا ابله انا بتفرج على التلفاز وبسمع الاخبار زى ماما وبابا بالضبط

انا التائبة : شطورة يا حلوة انتى

يلا بقا انا هغير مكان الخرطوم بتاع الميه علشان الحوض الاول اتملأ ميه.
أمسكى يا فله الكشكول
أميرة: حاضر يا ابله

أميرة بتقلب فى الكشكول بتاعى وتشوف انا كاتبه ايه

الله يا ابله حلوة اوى القصيدة دى

تعرفى يا ابله انا بحب الرسم جدا وكمان القصص الجميلة اللى انتى بتحكيها لى

انا التائبة : بجد يا اميرة أنتى شطورة يا غاليه

طيب ايه احلى قصة حكتها ليكى تعلمتى منها ايه ؟؟؟

أميرة : احلى قصه حكيتها هى بتاع
الهوايات وتعلم ازاى انمى هواياتى يا ابله زيك بالضبط انتى بتحبى الكتابه والشعر جدا وانا بحب الرسم والقصص جدا

زكمان يا بله الكتاب بتاعى لانه بحفظى الشيخ فيه قران
وكمان بحب مدرستى جدااااااااااااااااااا
لانه هناك فى معلمات حلوين اوى يا ابله
بعلمونى الصح والغلط زى انتى ما بتعملى معى .

أنا التائبة : حلو يا أميرة جدا
أنك بتتعلمى من كل شئ حوليك
بس بشرط بتعلم الصح برافو عليكى يا حبيبتى انتى .

أميرة يا أبله انا عطشانه اوى : ممكن اشرب من الخرطوم ؟

أناا لتائبة : أشربى يا غاليه بس اوعى هدومك يا بيضة .

أميرة حاضر يا أبله

وبعد ين اميرة يا أبله هو مش المفروض الصغير يسمع كلام الكبير
والكبير يحب الصغير .
أنا التائبة : طبعا يا أميرة لازم الصغير يكون شطور ويسمع الكلام ويقول حاضر ونعم لماما وبابا والمعلمة فى المدرسه.
أميرة : صح يا أبله بس ليه امى بتامر امر وكمان بتزعق فى عطول وابى كمان حتى انتى يا ابله بتعلمى كده بس مش كتير يعنى .

أنا التائبة : لا يا أميرة أنا لما بزعق فيكى بتكونى انتى بتعملى شئ غلط ومش سامعه الكلام صح ؟ ولا لاء

وبعدين بابا وماما عصيين شويه نستحملهم لانه ربنا امرنا بالطاعه لهم
وكمان ساعات ماما بتكون تعبانة علشان كده بتزعق عليكى انتى واختى

بس لازم من الطاعه يا اميرة لازم منها علشان مش انتى عاوزة تروحى الجنة اللى فيها الفواكه اللى بتحبها وكمان فيه النبى الكريم اللى انتى عاوزة تشوفيه صح ولا لاء يا فله؟؟

أميرة : صح يا ابله معاكى حق
انا المعلمة فى المدرسه قالت انه بر الوالدين ده امر من ربنا وكمان قالت الايه الكريمة ( ووصينا الانسان بوالديه احسان)
انا لازم اكون شطورة واسمع كلام ماما وبابا بس يا ابله هم بزعقوا جامد اووى
وبابا ساعات بيضرنى كمان .
أنا التائبة : يا أميرة مهما كان بابا بيعمل فهو بابا يا شطورة وبعد ين هو بابا اول ما يهدأ بيصلحك ولا لاء ؟
يعنى هو بابا لازم من الطاعه يا اميرة
لازم يا غاليه

أميرة : معاكى حق يا ابله انا اتعلمت الدرس كويس وكمان عرفت انتى عاوزة تقولى ايه لى تعرفى انا بحبك اووى لانك
بتصححى لى الخطأ

*_*
أنا التائبة:شطورة يا اميرة

**خـادمـهـ لديـن الله** · 18-04-2011, 02:35 AM

رد: قصص تربويه مع أميرة الشقية ( متجددة وحقيقية)

وعليكم السلام ورحمة الله وبركاته
عاوزه اقول ان الأبلة والأمهات هما إلى غلطانين مش الأشبال
انتوا بتتكلموا فى قسم فن التربيه
ومدام عاوزين الأشبال يبقى تروحوا قسمهم
عرفتوا الخطأ بقى ...قولولى اتعلمتوا من أبلة تيرز إيه؟
وبجد قصة حلوة قوى وانا بتعلم منها أكيد
وبتابع معاكِ وهانقل الموضوع للقسم المناسب.

إعـــــــلان

قصص تربويه لاشبال الاسلام الابطال

[حصري] قصص تربويه لاشبال الاسلام الابطال

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق