Tweet
كن مستغلاً ... وأعلم كيف تتاجر مع الله
السلام عليكم جميعا
معلش إسمحولي أبدأ الموضوع بسؤال ... هل يجوز تحويل العبادة إلي تجارة ؟؟؟
قبل ما حد يتسرع ويرد لازم نحلل السؤال أولاً
يعني إية تجارة ؟ يعني بيع وشراء ------------------------------ (1)
طيب البيع يعني إية ؟ يعني الحصول على مقابل للتنازل عن سلعة ملكك -------- (2)
والشراء ؟ العكس ، أو هو الحصول على شيئ مقابل دفع ثمنة ---------------------- (3)
والثمن ؟ - في حياتنا - هو النقود ... يعني شيئ قابل للعد ------------ (4)
بس لازم نكون مقتنعين أن مش كل حاجة في حياتنا بنتنازل عنها مقابل شيئ قابل للعد - طبعاً فهمني ؟ بس مفيش حاجة بدون مقابل (5)
تعالوا بقي نطبق القواعد دية على العبادة
من (4)
في عملة في العبادة ؟؟ آة
طب هي إية ؟؟ الحسنات
هل الحسنات قابلة للعد ؟؟؟ طبعاً
إذاي ؟؟؟ حديث الرسول (صلى الله عليه وسلم) "مِنْ حِينِ يَخْرُجُ أَحَدُكُمْ مِنْ بَيْتِهِ إلَى مَسْجِدِهِ فَرِجْلٌ تَكْتُبُ حَسَنَةً وَالْأُخْرَى تَحُطُّ سَيِّئَةً "
يعني لو حضرتك خارج رايح الجامع متوضي في بيتكم تقدر تعد كام حسنة ربنا كتبهالك - من الخطوات بس -
ومننساش حديث الرسول (صلى الله عليه وسلم) "مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ ، وَالْحَسَنَةُ بِعَشْرِ أَمْثَالِهَا ، لَا أَقُولُ الم حَرْفٌ ، وَلَكِنْ أَلِفٌ حَرْفٌ ، وَلَامٌ حَرْفٌ ، وَمِيمٌ حَرْفٌ "
يعني لو قرأت القرآن كلة مرة واحدة تآخد 330733 آية × 10 أضعاف = 3307330 حسنة
وكمان قولة عز وجل " مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ وَاَللَّهُ يُضَاعِفُ لِمَنْ يَشَاءُ وَاَللَّهُ وَاسِعٌ عَلِيمٌ "
يعني 7 × 100 = 700 حبة ... ربنا سبحانه وتعالى ضرب لنا مثل الإنفاق بمثل الإستثمار الزراعي وذكر سبحانه أرقام وقيم عددية لحساب الثواب
وكل اللي أنا بقوله دة مينفعش منغير (5) علشان منعكش بس ،
ومننساش قصة الراجل اللي قال "سُبْحَانَ اللَّهِ وَبِحَمْدِهِ ، عَدَدَ خَلْقِهِ وَرِضَاءَ نَفْسِهِ وَزِنَةَ عَرْشِهِ وَمِدَادَ كَلِمَاتِهِ" والملايكة سألوا ربنا نكتبها بكام حسنة قالهم في ما معناه "أكتبوها كما هي وأنا أجزي بها"
من (3) و (2)
هل هناك عمليات بيع أو شراء في العبادات ؟؟ أكيد
إذاي ؟؟ قولة سبحانه وتعالى "إنَّ اللَّهَ اشْتَرَى مِنْ الْمُؤْمِنِينَ أَنْفُسَهُمْ ، وَأَمْوَالَهُمْ بِأَنَّ لَهُمْ الْجَنَّةَ " ، وكمان قوله "وَمِنْ النَّاسِ مَنْ يَشْرِي نَفْسَهُ ابْتِغَاءَ مَرْضَاتِ اللَّهِ "
طيب في سلعة ؟؟؟ أيوة
هي إية ؟؟ حديث الرسول (صلى الله عليه وسلم) "مَنْ خَافَ أَدْلَجَ ، وَمَنْ أَدْلَجَ بَلَغَ الْمَنْزِلَ ، أَلَا إنَّ سِلْعَةَ اللَّهِ غَالِيَةٌ ، أَلَا إنَّ سِلْعَةَ اللَّهِ الْجَنَّةُ "
من (1)
طيب إحنا بنصعب الموضوع لية !!!! أنتوا مسمعتوش الآية ديه "إنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَنْ تَبُورَ" ... يعني اللي بيعبد ربنا بمبدأ التجارة ربنا مش هيخلي تجارته تخسر
يعني ممكن نعبد تجارياً ؟؟؟
نظرياً ممكن !!! لكن متنسوش (5) لأنك عمرك مهتدخل الجنة بعمل ... لو كنت مين !!!
اللهم إن حاسبتنا بعدلك هلكنا ... وأنت أرحم الراحمين
لو تصورنا الموضوع تجارة - إن جاز التعبير- نبقي كسبنا إية ؟؟؟؟
أولاً : حددنا هوية صحيحة لينا ...
ثانياً : حددنا غاية كبيرة جداً ...
ثالثاً : تنافسنا على المكسب الأكبر
رابعاً : تخيلنا الجنة والنار مادياً ------ ودة في حد ذاته مكسب عظيم
خامساً : وثقنا في كلام ربنا حد التيقن
سادساً : نعمل على أن نكون مستغليين -- صح
طيب إذاي بقي نكون مستغلين ؟؟؟؟؟ أيوة مستغليين !!! التاجر المستغل مش كويس !!! لكن العابد المستغل .....؟؟؟؟
أنتوا عارفين قصة الرسول (صلى الله عليه وسلم) لما كان بينظم الصفوف في أحد الغزوات وكان ماسك في إيده عصاية ، وبعدين خبط أحد الصحابة فقال له (لقد آلمتني يا رسول الله) راح الرسول (صلى الله عليه وسلم) إداله العصاية وكان عايزه يقتص منه .... الصحابي رد وقال في ما معناة أن بطنة كانت مكشوفة لما الرسول (صلى الله عليه وسلم) خبطه ، راح الرسول (صلى الله عليه وسلم) كشف عن بطنة علشان الصابي يضربة في نفس المكان وهو مكشوف
لكن الصحابي دة طلع (مستغل) !!! تخيلوا عمل إية
حضن الرسول (صلى الله عليه وسلم) !!!!! أيوة حضنه .... عارفين ليه ؟؟؟؟ لأنه لو أقتص منه مش هيكسب كتيير
لكن لما حضنه ضمن أن بطنه مش هتلمسها النار يوم القيامة !!! لأن الجزء الذي لمس جلد الرسول (صلى الله عليه وسلم) لا تمسه النار .
شفتوا قد إية الصحابي دة كان مستغل
وهو دة المعني اللي عايز أوصله .... يعني مثلاً الوقت بتاع كل واحد فينا محدود جداً ، وأنت عايز تصلي ركعتين قيام ليل كل يوم - على الأقل يعني - لو قمت من النوم الساعة 1 علشان تصلي مش هيجيلك نوم لحد الفجر ولو منمتش مش هتروح الشغل تاني يوم في ميعادك ، يعني في حلين تصلي بعد العشاء مباشراً أو قبل الفجر مباشراًً - وبالمبدأ بتاع الإستغلال تصلي قبل الفجر عللشان الدعاء يكون مستجاب وعلشان الفضل أعظم
وكمان أنت لازم تروح الشغل -- بس لية متستغلش شغلك في العبادة ..!! يعني تحط نية لله وبكدة تاخد ثواب على كل لحظة في الشغل وهكذا النوم والأكل وحتي وأنت بتلاعب أولادك أو بتضحك مع مراتك أو ... أو ...
مش عايز أطول عليكم - قولوا طول -
أنا شايف أن أنا كدة وصلت الفكرة خلاص وأتمنى أن أول موضوع لي هنا يكون سبب في أن واحد ياخد ولو حسنة واحدة وأحتسب عند الله مثلها
على فكرة اللي عايز دعوته تستجاب يدعو لأخيه بظهر الغيب ، ربنا بينزل ملك يرد عليه "ولك بمثل" ونحتسب عند الله أن دعوة الملك مستجابة ----
دة برضه نوع من أنواع الإستغلال
السلام عليكم جميعا
معلش إسمحولي أبدأ الموضوع بسؤال ... هل يجوز تحويل العبادة إلي تجارة ؟؟؟
قبل ما حد يتسرع ويرد لازم نحلل السؤال أولاً
يعني إية تجارة ؟ يعني بيع وشراء ------------------------------ (1)
طيب البيع يعني إية ؟ يعني الحصول على مقابل للتنازل عن سلعة ملكك -------- (2)
والشراء ؟ العكس ، أو هو الحصول على شيئ مقابل دفع ثمنة ---------------------- (3)
والثمن ؟ - في حياتنا - هو النقود ... يعني شيئ قابل للعد ------------ (4)
بس لازم نكون مقتنعين أن مش كل حاجة في حياتنا بنتنازل عنها مقابل شيئ قابل للعد - طبعاً فهمني ؟ بس مفيش حاجة بدون مقابل (5)
تعالوا بقي نطبق القواعد دية على العبادة
من (4)
في عملة في العبادة ؟؟ آة
طب هي إية ؟؟ الحسنات
هل الحسنات قابلة للعد ؟؟؟ طبعاً
إذاي ؟؟؟ حديث الرسول (صلى الله عليه وسلم) "مِنْ حِينِ يَخْرُجُ أَحَدُكُمْ مِنْ بَيْتِهِ إلَى مَسْجِدِهِ فَرِجْلٌ تَكْتُبُ حَسَنَةً وَالْأُخْرَى تَحُطُّ سَيِّئَةً "
يعني لو حضرتك خارج رايح الجامع متوضي في بيتكم تقدر تعد كام حسنة ربنا كتبهالك - من الخطوات بس -
ومننساش حديث الرسول (صلى الله عليه وسلم) "مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ ، وَالْحَسَنَةُ بِعَشْرِ أَمْثَالِهَا ، لَا أَقُولُ الم حَرْفٌ ، وَلَكِنْ أَلِفٌ حَرْفٌ ، وَلَامٌ حَرْفٌ ، وَمِيمٌ حَرْفٌ "
يعني لو قرأت القرآن كلة مرة واحدة تآخد 330733 آية × 10 أضعاف = 3307330 حسنة
وكمان قولة عز وجل " مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ وَاَللَّهُ يُضَاعِفُ لِمَنْ يَشَاءُ وَاَللَّهُ وَاسِعٌ عَلِيمٌ "
يعني 7 × 100 = 700 حبة ... ربنا سبحانه وتعالى ضرب لنا مثل الإنفاق بمثل الإستثمار الزراعي وذكر سبحانه أرقام وقيم عددية لحساب الثواب
وكل اللي أنا بقوله دة مينفعش منغير (5) علشان منعكش بس ،
ومننساش قصة الراجل اللي قال "سُبْحَانَ اللَّهِ وَبِحَمْدِهِ ، عَدَدَ خَلْقِهِ وَرِضَاءَ نَفْسِهِ وَزِنَةَ عَرْشِهِ وَمِدَادَ كَلِمَاتِهِ" والملايكة سألوا ربنا نكتبها بكام حسنة قالهم في ما معناه "أكتبوها كما هي وأنا أجزي بها"
من (3) و (2)
هل هناك عمليات بيع أو شراء في العبادات ؟؟ أكيد
إذاي ؟؟ قولة سبحانه وتعالى "إنَّ اللَّهَ اشْتَرَى مِنْ الْمُؤْمِنِينَ أَنْفُسَهُمْ ، وَأَمْوَالَهُمْ بِأَنَّ لَهُمْ الْجَنَّةَ " ، وكمان قوله "وَمِنْ النَّاسِ مَنْ يَشْرِي نَفْسَهُ ابْتِغَاءَ مَرْضَاتِ اللَّهِ "
طيب في سلعة ؟؟؟ أيوة
هي إية ؟؟ حديث الرسول (صلى الله عليه وسلم) "مَنْ خَافَ أَدْلَجَ ، وَمَنْ أَدْلَجَ بَلَغَ الْمَنْزِلَ ، أَلَا إنَّ سِلْعَةَ اللَّهِ غَالِيَةٌ ، أَلَا إنَّ سِلْعَةَ اللَّهِ الْجَنَّةُ "
من (1)
طيب إحنا بنصعب الموضوع لية !!!! أنتوا مسمعتوش الآية ديه "إنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَنْ تَبُورَ" ... يعني اللي بيعبد ربنا بمبدأ التجارة ربنا مش هيخلي تجارته تخسر
يعني ممكن نعبد تجارياً ؟؟؟
نظرياً ممكن !!! لكن متنسوش (5) لأنك عمرك مهتدخل الجنة بعمل ... لو كنت مين !!!
اللهم إن حاسبتنا بعدلك هلكنا ... وأنت أرحم الراحمين
لو تصورنا الموضوع تجارة - إن جاز التعبير- نبقي كسبنا إية ؟؟؟؟
أولاً : حددنا هوية صحيحة لينا ...
ثانياً : حددنا غاية كبيرة جداً ...
ثالثاً : تنافسنا على المكسب الأكبر
رابعاً : تخيلنا الجنة والنار مادياً ------ ودة في حد ذاته مكسب عظيم
خامساً : وثقنا في كلام ربنا حد التيقن
سادساً : نعمل على أن نكون مستغليين -- صح
طيب إذاي بقي نكون مستغلين ؟؟؟؟؟ أيوة مستغليين !!! التاجر المستغل مش كويس !!! لكن العابد المستغل .....؟؟؟؟
أنتوا عارفين قصة الرسول (صلى الله عليه وسلم) لما كان بينظم الصفوف في أحد الغزوات وكان ماسك في إيده عصاية ، وبعدين خبط أحد الصحابة فقال له (لقد آلمتني يا رسول الله) راح الرسول (صلى الله عليه وسلم) إداله العصاية وكان عايزه يقتص منه .... الصحابي رد وقال في ما معناة أن بطنة كانت مكشوفة لما الرسول (صلى الله عليه وسلم) خبطه ، راح الرسول (صلى الله عليه وسلم) كشف عن بطنة علشان الصابي يضربة في نفس المكان وهو مكشوف
لكن الصحابي دة طلع (مستغل) !!! تخيلوا عمل إية
حضن الرسول (صلى الله عليه وسلم) !!!!! أيوة حضنه .... عارفين ليه ؟؟؟؟ لأنه لو أقتص منه مش هيكسب كتيير
لكن لما حضنه ضمن أن بطنه مش هتلمسها النار يوم القيامة !!! لأن الجزء الذي لمس جلد الرسول (صلى الله عليه وسلم) لا تمسه النار .
شفتوا قد إية الصحابي دة كان مستغل
وهو دة المعني اللي عايز أوصله .... يعني مثلاً الوقت بتاع كل واحد فينا محدود جداً ، وأنت عايز تصلي ركعتين قيام ليل كل يوم - على الأقل يعني - لو قمت من النوم الساعة 1 علشان تصلي مش هيجيلك نوم لحد الفجر ولو منمتش مش هتروح الشغل تاني يوم في ميعادك ، يعني في حلين تصلي بعد العشاء مباشراً أو قبل الفجر مباشراًً - وبالمبدأ بتاع الإستغلال تصلي قبل الفجر عللشان الدعاء يكون مستجاب وعلشان الفضل أعظم
وكمان أنت لازم تروح الشغل -- بس لية متستغلش شغلك في العبادة ..!! يعني تحط نية لله وبكدة تاخد ثواب على كل لحظة في الشغل وهكذا النوم والأكل وحتي وأنت بتلاعب أولادك أو بتضحك مع مراتك أو ... أو ...
مش عايز أطول عليكم - قولوا طول -
أنا شايف أن أنا كدة وصلت الفكرة خلاص وأتمنى أن أول موضوع لي هنا يكون سبب في أن واحد ياخد ولو حسنة واحدة وأحتسب عند الله مثلها
على فكرة اللي عايز دعوته تستجاب يدعو لأخيه بظهر الغيب ، ربنا بينزل ملك يرد عليه "ولك بمثل" ونحتسب عند الله أن دعوة الملك مستجابة ----
دة برضه نوع من أنواع الإستغلال
تعليق