Tweet
السلام عليكم ورحمة الله وبركاته
أهلًا بيكِ
في البداية لازم تعرفي إن مجرد وجودكِ هنا وقراءتك للكلام ده معناه إن ربنا سبحانه وتعالى يسَّر لك فرصة كبيرة يمكن كنتِ بتدوري عنها من زمان ومش قادرة تلاقيها
أو يمكن عمرك ما فكرتي فيها أصلًا لكن ربنا قدَّر لك إنك توصلي هنا وتقرأي الكلام ده لعل الفرصة دي تكون سبب دخولك الجنة.
صحيح إن الفرص في الحياة ممكن تكون كتير وممكن تكسبي منها مكاسب كتير سواء مادية أو غيرها
لكن إيه رأيك في الفرصة اللي يكون مكسبها الجنة؟؟؟؟؟؟
أكيد فرصة لا يمكن التفريط فيها
الجنة!!!!!!!
أيوة الجنة
طبعًا كلنا عايزين ندخل الجنة، لكن يا ترى ماشيين في طريق يوصلنا ليها فعلًا ولا لسة تايهين في الدنيا مش عارفين نبدأ منين؟
ممكن تكوني عارفة الطريق كويس لكن مش لاقية نقطة البداية الصح
اختاري الموعد المناسب لك من الرابط التالي
❤ ✿ツسنة أولى قرآن3 "مــــواعــيــد الحــلــقــات❤ ✿ツ
احنا النهارده جايين نقولك إننا معاكي وهناخد بإيدك
هنبدأ معاكي الطريق من الصفر لحد ما نوصل معاكي للجنة بإذن الله
ومفيش طريق للجنة أقرب من كتاب الله عز وجل ومعجزة رسوله صلى الله عليه وسلم.
هنبدأ معاكي من أول بسم الله الرحمن الرحيم ونوصل معاكي لختم المصحف كااااامل بإذن الله
ومن حرص مشايخنا الأفاضل عليكي واهتمامهم الكبير إنك تبدأي معانا الطريق سجلوا الكلمات دي مخصوص تشجيعًا ليكي
الشيخ حازم شومان
د/عبد الرحمن الصاوي، الشيخ هاني حلمي، د/ محمد فرحات
محتاجة تشجيع أكتر علشان تعرفي إن الموضوع يسير بفضل الله؟
شوفي هنا آراء الأخوات في دورة سنة أولى قرآن الأولى
وللعلم الأخوات دول حاليا في ثلث القرآن بفضل الله
❤ ✿ツسنة أولى قرآن " آرااااااااااااء وانطبااااعاااااااااات❤ ✿ツ
أكيد رغبتك دلوقتي بقت أقوى إنك تنضمي لينا وتبدأي معانا في
أول خطوة لطريق الجنة
حفظ جزء عم وبداية ميسرة لدراسة أحكام التجويد
وفي نهاية الدورة اختبار نظري وشفوي على الحفظ والتجويد وجوائز للأوائل كمان إن شاء الله
خلاص أخدنا القرار الحمد لله
إزاي تشتركي؟؟؟؟؟
بسيطة جدًا
بس قبل ما تشتركي لازم تعرفي شروط الاشتراك في الدورة:
أولًا: لاااااااااااااااااازم تكوني مبتدئة تمامًا في حفظ القرآن وتعلم التجويد
ثانيًا: الدورة للأخوات وممنوع اشتراك الأطفال، أقل سن مسموح باشتراكه 16 سنة
كمان أول حلقة هيكون فيها تقييم لكل أخت علشان نعرف هل منطبق عليها الشروط فعلًا ولا لا
أما خطوات الاشتراك بقى فبسيطة جدًا بأمر الله
أولًا: تسجلي عضوية باسمك هنا على المنتدى من خلال الرابط ده
https://forums.way2allah.com/register
وتكتبي رد في الموضوع ده برغبتك بالاشتراك
ثانيًا: يكون ليكي حساب على برنامج الاسكايب أو الزووم لأن الحلقات عليهم بإذن الله
وتتواصلي معانا على الحساب ده على الاسكايب
Quran_way2allahآية آية نصل للغاية
أو الحساب ده على الزووم
quran_room@way2allah.com
وترسلي رسالة فيها اسمك على المنتدى ورغبتك في الاشتراك بدورة سنة أولى قرآن
وانتظري معانا نزول مواعيد الحلقات قريبًا جدًا بأمر الله وكمان جوائز المراكز الأولى إن شاء الله
تعليق