Tweet
الحمد لله رب العالمين
خلصنا أسبوع بفضل الله وبدأنا الأسبوع التاني
وهتمر الدورة كلها أسبوع بعد أسبوع أسرع مما تتخيلي
وهتلاقي نفسك حفظتي الجزء ودرستي منهج التجويد وطبقتيه كمان في تلاوتك
مفيش أسرع من الأيام بتمر من عمرنا
علشان كده لازم نستثمر الأيام ده علشان تكون في صالحنا
ومفيش استثمار أفضل من استثمارك لوقتك وجهدك في حفظ القرآن وتعلم أحكامه
تخيلي الوقت اللي بتقضيه في الحلقة وفي الحفظ والتطبيق على التجويد
كل الوقت ده بتاخدي عليه حسناااات والحسنات بتضاعف وتضاعف لحد ما تبقي مبهورة من كمية الحسنات اللي عندك يوم القيامة
الأمر مش صعب ولا مستحيل
محتاجين بس:
صبر
وقت
جهد
وقبل كل ده استعانة بالله سبحانه وتعالى
جدول الأسبوع الثاني* الجدول معاه وصلات صوتية، يعني تضغطي على اسم السورة هتلاقيها اشتغلت بصوت الشيخ الحصري
اسمعي ورددي معاه
السبت: حفظ سورة القارعة.
سماع سورة العاديات 5 مرات وترديدها 5 مرات
الأحد: حفظ سورة العاديات.
سماع سورة الزلزلة 5 مرات وترديدها 5 مرات
الاثنين: حفظ سورة الزلزلة.
سماع سورة البينة 5 مرات وترديدها 5 مرات
الثلاثاء: حفظ سورة البينة
سماع سورة القدر 5 مرات وترديدها 5 مرات
الأربعاء: حفظ سورة القدر
سماع سورة العلق 5 مرات وترديدها 5 مرات
الخميس: حفظ سورة العلق
سماع سورة التين 5 مرات وترديدها 5 مرات
الجمعة: مراجعة لما تم حفظه وتدارك مواظن الضعف.
الحلقة الأولى: تسميع سور القارعة والعاديات والزلزلة
الحلقة الثانية: تسميع سور البينة والقدر والعلق