Tweet
الحمد لله رب العالمين
والصلاة والسلام على نبينا محمد وعلى آله وصحبه أجمعين
أول أسبوع في دورتنا ودورتكم المباركة بأمر الله
أول حاجة لازم تعمليها إنك تشكري ربنا سبحانه وتعالى إنه يسر لك طريق تحفظي منه القرآن
تاني حاجة إنك تخلصي النية لله عزوجل
تالت حاجة إنك تعاهدي نفسك من دلوقتي إن مفيش حاجة هتوقفك عن الحفظ مهما كانت
واعرفي من دلوقتي إن الشيطان مش هيسيبك أبدأ
هيفضل يوسوس لك ليه نهار علشان تبعدي وتوقفي حفظ
وأنتي أكيد مش هتسيبيه ينتصر عليكي
هتستعيني بالله وهتجددي النية دايما
هتشحني طاقتك الايمانية بدورس عن فضل القرآن
هترتبطي بالصحبة الصالحة وأخواتك في الحلقة وتتعاهدوا إنكم تستمروا مع بعض
كلنا معاكِ وهنفضل معاكِ لحد باب الجنة بإذن الله
جدول الأسبوع الأول* الجدول معاه وصلات صوتية، يعني تضغطي على اسم الصورة هتلاقيها اشتغلت بصوت الشيخ الحصري
اسمعي ورددي معاه
السبت: حفظ سور الناس والفلق والإخلاص.
سماع سورة المسد والنصر والكافرون 5 مرات وترديدهم 5 مرات
الأحد: حفظ سور المسد والنصر والكافرون
سماع سورة الكوثر والماعون وقريش 5 مرات وترديدهم 5 مرات
الاثنين: حفظ سور الكوثر والماعون وقريش
سماع سورة الفيل وسورة الهمزة من 1 ل 3، 5 مرات وترديدهم 5 مرات
الثلاثاء: حفظ سورة الفيل+ سورة الهمزة من 1 ل 3
سماع سورة الهمزة من 4 ل 9 وسورة العصر 5 مرات وترديدهم 5 مرات
الأربعاء: حفظ سورة الهمزة من 4 ل9+ حفظ سورة العصر.
سماع سورةالتكاثر 5 مرات وترديدها 5 مرات
الخميس: حفظ سورة التكاثر.
سماع سورة القارعة 5 مرات وترديدها 5 مرات
الجمعة: مراجعة لما تم حفظه وتدارك مواطن الضعف
المطلوب تسميعه:
الحلقة الأولى: تسميع السور من الناس إلى قريش
الحلقة الثانية: تسميع سور الفيل والهمزة والعصر والتكاثر
تعليق