![](http://graphics.way2allah.com/sep/01-salam/01_61.gif)
الحمد لله رب العالمين
وصلاة وسلامًا على أشرف الخلق والمرسلين
سيدنا محمد وعلى آله وصحبه أجمعين
بفضل الله وكرمه ومنته وصلنا للمرحلة التالتة في طريقنا لحفظ كتاب الكريم
زي ما اتفقنا وبنكرر دايما
الطريق للجنة مش سهل
مش سهل تكوني من أهل القرآن الذين هم أهل الله وخاصته كما بالحديث الشريف
مشيتي خطوة واتنين وهتبدأي التالتة وبالاستعانة بالله هتوصلي للختم بإذن الله
مهما قابلتك صعاب أو تعرضتي لظروف
سيبي كل شيء إلا القرآن
افتكري دايما إن الدنيا فانية ويوم القيامة مش هتلاقي شيء ينفعك أكتر من القرآن
لما سألنا عن آرائكم في دورة سنة تانية كتير اشتكوا إن الوقت قليل
ولإن آرائكم مهمة جدًا عندنا وبتفيدنا في التخطيط لأي أمر جديد
مدة الدورة هتكون أطول من دورة تبارك إن شاء الله
![](http://e.top4top.net/p_319d0oxl1.jpg)
مدة الدورة: 10 أسابيع تقريبًا
منهج الدورة:
1-حفظ جزء قد سمع
2- مراجعة جزء عم وجزء تبارك
3-دراسة المخارج والصفات
4- دراسة تفسير سور الحشر والجمعة والصف
الحفظ: 4 أيام أسبوعيًا
يومين لمذاكرة التجويد
يوم للمراجعة وتدارك أي موطن ضعف
شروط الالتحاق بالدورة:
1- تكوني حافظة جزء عم وجزء تبارك وثابتين معاكي بنسبة متقلش عن 70%
2- تكوني مش حافظة جزء قد سمع، ولو حفظتيه قبل كده تكون نسبة تثبيته متزيدش عن 25%
3- تجيدي تطبيق أحكام النون الساكنة والتنوين وأحكام الميم الساكنة والمدود والتفخيم والترقيق
4- تكوني مبتدئة في الحفظ مش حافظة أجزاء كتير من بداية المصحف
5- الاشتراك في دورة واحدة فقط
6- إذا كنتِ بتشتركِ معانا لأول مرة ومش معانا من دورة سنة أولى ولا سنة تانية
لازم تنجحي في اختبار شفوي قبل قبول اشتراكك بالدورة
مواعيد الحلقات والجوايز في المشاركة الجاية
اشتركي في الموعد المناسب ولاااااااازم تردي على الأسئلة المكتوبة
لإتمام اشتراكك بالدورة لازم تضيفي الحساب ده على الاسكايب akhwat_way2allah
وترسلي رسالة بها اسمك على المنتدى وإنك مشتركة بدورة سنة تالتة قرآن
تعليق