❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

[شيماء كمال1]

انتهت دورتنا بفضل الله

حفظ وشرح ومراجعة واختبار كمان

وقبل ما نبدأ مرحلة جديدة لازم نقيم القديم ونشوف ايه

عيوبه ومشاكله علشان نحاول نحلها ونكمل على خير بأمر الله

طيب وهنعرف بقى العيوب منييييييييييييييييييييين؟






شطوووووووووووووووورة منكِ أنتِ

مطلوب منكِ تكتبِ رأيك في كل ما يخص الدورة


أهم حاجة حسيتي بتحسن في تلاوتك بعد دورة سنة أولى وسنة تانية ولا لا؟

أي مشكلة قابلتك؟

رأيك في منهج التجويد صعب ولا سهل؟

أخوات كتير تفلتوا من الدورة ومكملوش في رأيك إيه السبب وإزاي نقدر نتفادى ده في الدورات الجاية؟


أي حل تقترحيه لتقليل نسبة تفلت الأخوات؟

أي عقبات قابلتك في الحلقة سواء مع معلمة أو مع مشرفة؟


احكي وقولي رأيك بكل وضوح وصراحة

كل كلمة هتكتبيها هتكون مفيدة ليكِ ولينا

ساعدينا بآرائك علشان نقدر نوصل للأفضل بإذن الله

انطلقووووووووووووووووووووووووووا

[ليلى طارق]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

ما شاء الله اللهم بارك مجهودكم رائع والنظام بفضل الله حلو جدا جدا والمعلمة سنة اولى ومعلمة سنة تانية كانوا اكثر من رائعين وربنا يقوى مشرفتنا شيماء على مجهودها ، اعتقد لا ينقصكم شئ الا قليل من التفسير فى الحلقة، وبالنسبة للاخوات الذين يتفلتوا فهم لا يحتاجون الا الدعاء فقط، منهجكم يسير ومنظم ومرتب جدااااا.... جزاكم الله خير معلمات ومشرفات وادارة.

[sousoumab]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

السلام عليكم ورحمة الله وبركاته اود ان اشكر جميع الاخوات المشرفات علي المشروع ونسال الله ان يبارك في اعمالكن وجزاكن الله عناخير الجزاء واخص بالذكر استاذة هبة معلمتي واستاذة شيماء بارك الله لكن وربنا يجازيكم كل خير اما عن التحسن في مستوي التجويد فالحمد لله احس بتحسن سواء في مستوي التلاوة او في التجويد نظري ونسال الله ان ييسر لنا حفظ كتابه علي الوجه الذي يرضيه عنا

[شيماء مجدي]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

جزاكم الله خيرا
حقيقي مناقشه هذى الآراء مهمه لكل الأخوات
عن نفسي أشكر معلمتي ما أخرت مجهود وتعبت معانا كثيرا في التجويد والشرح والتسميع والقراءة
المشكله كانت عندي الحفظ كان كتير ومدة قليله وخاصه ان في مسؤوليات كتيرة علينا غير مذاكرة التجويد والحفظ وفجاءة طالبنا بالمتشابهات مانبهنا عليها من الأول في الحلقات شكرا علي اهتمامكم الله يسعدكم ويعينكم وتستمر الحلقات والدورات لإتمام حفظ القرآن كاملا جزاكم الله خيرا

[رودينا محمد غريب قطب]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

السلام عليكم و رحمة الله و بركاته
يعجز لسانى عن وصف ما أشعر به بعد انتهاء هذه الدورة
جزاكم الله خيرا و جعله الله فى ميزان حسناتكم
فعلا شعرت لبعض الوقت ان دروس التجويد ثقلت على
و لكن عند مراجعة الإختبار و عند الإجابة وجدت الأسئلة ميسرة جدا
وان دراسته تحتاج إهتمام بسيط و لا أنكر انه تيسير من الله عز وجل
أما بالنسبة لتطور التلاوة فعلا الحمد لله أشعر بتقدم ملحوظ و هذا يرجع لتوفيق الله عز وجل لى ان ييسر لى أن ألحق بكم
و لهذا الشعور الذى لا أجد له وصف يستحقه اتقدم لحضراتكم بالدعاء ان يجزيكم الله الفردوس الأعلى
و أخص بالدعاء للمعلمه الفاضله/ هند
و للمعلمه /أم محمد و مشرفتنا العزيزه/ شيماء
و كل أخوات الطريق إلى الله
و فى انتظار دورة قد سمع بإذن الله
وفقكن الله لما يحب و يرضى

[أمنيتى الجنة]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

السلام عليكم
اولا الحمد لله ربنا اكرمنا واتمينا حفظ الجزئين
تانى حاجة احب اشكر معلمتى ام المجاهد بجد الله يباركلها ويديها على قد تعبها معايا والبنات وخصوصا معايا بجد ربنا يجازيها الجنة ياررررب واحنا معاها
ثالث حاجة البنات اللى معايا فى الحلقة ربنا يباركلكم كلكم بلا استثناء ساعدتوونى كتير ووقفتو جنبى لغاية اخر يوم يوم الامتحان ربنا ما يحرمنى منكم ياررررب
معلمتنا شيماء كمال الله يباركلك اينعم متكلمتش معاكى كتير بس كتير قصدها فى محاجات ومكنتش تتاخر وتعبها بجد اللى فى الامتحان معانا جزاها الله خيرااا
اخر حاجة عاوزين نكمل سوا ان شاء الله لغاية ما نختم ياررررب
احبكم جميعا فى الله ❤❤❤❤❤

[مريم محمد احمد حجازي]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

السلام عليكم
اشكر من كل قلبي استاذه هبه علي سعة صدرها وتعيها الشديد معنا عدة ساعات متواصله وفعلا ماشاء الله يوجد تغيير شديد
انا سابقا كنت اقرأ وانا استمع للشيخ واقلده في قراءته ولكن الامر اختلف عندما انتبهت في قراءتي لاحكام المدود والتفخيم والترقيق وهذا يجعلني افضل كثيرا من قراءه بالتجويد سماعا فقط بدون فهم احكام
وربنا يجزي الاستاذه شيماء خيرا علي تعبها معنا
ولكن كانت المشكله في المتشابهات انها نزلت متأخره لو مبكرا كان افضل لكي لا ننساها ابدا
وانا اري انها دوره اكثر من رائعه واتمني ان ندرس باقي احكام التجويد من مخارج للحروف. وغيرها وجزاكم الله عنا خير الجزاء

[ياسمين مريم .]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

وعليكم السلام ورحمة الله وبركاته تحسنت التلاوة عن دورة جزء عم ما قابلتني اي مشاكل المنهج بفضل الله ثم المعلمة شرحته زين واي سؤال كنا نسألها ومعانا دائماً جزاها الله خيراً والحمد لله تيسر الامتحان اما بالنسبة الاخوات اللي تفلتوا الله يردهم لدورات القرآن رداً جميلاً يارب ولتفادي تفلتهم في الدورات القادمة اقترح معرفة الاسباب اللي تواجههم اثناء الحفظ وحلها سوا بالتعاون مع المعلمة طبعاً وجائز يكون اختبار من الله لهم حتى تصير ظروف لحتى يشوف هل نثبت ام لا فيجب تذكيرهم بذلك دائماً واقترح اضافة تفسير مبسط وما في عقبات دورة موفقة معاً بأذن الله الى الختم والرضوان يارب ومعلمتي زهرة جزاها الله خيراً واستاذة شيماء والمشرفات جزاكم الله عنا خيراً جميعاً بوركتم وبورك مسعاكم وتبوأتم من الجنة منزلاً وجعل الله عملكم خالصاً له ونفعنا والمسلمين بهِ اجمعين

[أصول الوصول إلى الله]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

وعليكم السلام ورحمة الله وبركاته
مطلوب منكِ تكتبِ رأيك في كل ما يخص الدورة
إن شاء الله

أهم حاجة حسيتي بتحسن في تلاوتك بعد دورة سنة أولى وسنة تانية ولا لا؟
الحمد لله رب العالمين هو مش تحسن فقط دا تحول تام من حالٍ إلى حال
لا أنسى أول يوم وأنا أقرأ الأستعاذه فى سنه أولى قران كان وضع سيء جداااااااااااااااااااا
الحمد لله الأن بكون سعيده جدا لما بقرا وأنا فاهمه كل حكم وأحاول أقراه صح
أي مشكلة قابلتك؟
طبيعي جدا أن يقابلنا عقبات فى طريق الوصول إلى الله ولكن الأمر محتاج جهاد ومثابره
وتجديد النيه دوما ونسأل الله الصدق والأخلاص في القول والعمل
رأيك في منهج التجويد صعب ولا سهل؟
منهج التجويد فى شكله عموما يبدوا صعبا لمن لم يفهمه لكن بعد الشرح والتطبيق
وفهم الاحكام فهو سهل بفضل الله
أخوات كتير تفلتوا من الدورة ومكملوش في رأيك إيه السبب وإزاي نقدر نتفادى ده في الدورات الجاية؟
أعتقد السبب هو الغياب المتكرر لاختلاف ظروف كل مشتركه عن الأخرى , تستشعر الأخت الحرج وأنه لاجدوى من تواجدها
حيث تعتقد ان زميلاتها قد سبقنها سواء فى الحفظ أو فى أحكام التجويد وهى المتأخره ويتراكم عليها الحفظ والتجويد
فهنا مدخل الشيطان من هذه المحنه بأن يصور للأخت ان ابتعادها هو الخير لها حتى لا تكون أقل ممن حولها ولكن الحقيقه
هى الخير فى تواجدها عالاقل لو هتحفظ فقط واضعف الأيمان لو هتحفظ نصف المطلوب أو آيه واحده من كتاب الله هى مكسب لها
والخساره هو الانقطاع التام
وقد يكون استثقال البعض لمنهج التجويد
أي حل تقترحيه لتقليل نسبة تفلت الأخوات؟
الحل فى تصوري أن من تمنعها ظروفها من الحضور لأى ظرف خارج عن ارادتها تتابعها الأخوات من آن لأخر سواء فى الحفظ
أو شرح مافاتها من أحكام ولا يتركنها ليتمكن منها الشيطان وتبتعد
ويبثوا فيها روح الأمل والتفاؤل ويشجعنها على الاستمرار رغم اى ظرف
والصحبه الصالحه هى خير معين فى طريق الوصولوإن كان هناك من يستثقل منهج التجويد فهذا نابع من وجود فروق فرديه بيننا كبشر
والحل فى تصوري إن وجدت أحد الأخوات أن المنهج ميسر وسهل معها وغيرها تجد فيه صعوبه أن تبسط لأختها ما فتح الله به عليها من فهم
وقد يكون لها طريقه فى عرض المعلومه مختلفه فتتعاون مع أختها ليرتقوا معاً
وأيضا ياحبذا لو تحدثت المعلمه كل حلقه لو 5 دقائق عن فضل حفظ القرءان وماله لهم من خير وثواب عظيم فى الدنيا والأخره
أي عقبات قابلتك في الحلقة سواء مع معلمه أو مشرفه؟
الحمد لله لم تواجهني عقبات فى الحلقه ومعلمتى الحبيبه جزاها الله عنا خيرا ورفع شانها بالقرءان
قبل أن تكون معلمه فهى بثت فينا روح الأُخوه ومتعاونه جداااااااااااااا
ولا تمل من كثرة تساؤلاتنا حتى فى غير توقيت الحلقه وتتابعنا باستمرار سواء من شرح وإعادة الشرح أكثر من مره وكذلك التسميع لمن تغيب
اللهم كما أسعدتنا وتشرفنا على يديها بشرف حفظ القرءان فاللهم اجعلها من أهل القرءان وارفع درجاتها فى الدارين واجعلها من أهل جنتك مع النبيين
والصديقين والشهداء والصالحين وحسن أولئك رفيقا
وكذلك المعلمه شيماء بارك الله فيها ورفع شأنها بالقرءان وجزاها الله عنا خير
لا تتأخر عن أى تساؤل أو استفسار فضلا عن مجهودا فى الاختبارات
والمشرفات عموما نحسبهم جميعا على خير بارك الله فيهم جميعا وتقبل منهن صالح الأعمال

[نبراس القرآن]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

أهم حاجة حسيتي بتحسن في تلاوتك بعد دورة سنة أولى وسنة تانية ولا لا؟
الحمد لله فضل ونعمة من ربنا ان انعم عليا بالدورات دي لاني فعلا مكنتش بعرف اقرا بهذا الشكل من قبل جزاكم الله خيرا

أي مشكلة قابلتك؟
هيا مشكلة النت للاسف كان بيضيع وقت كتير واحيانا مكناش بنعرف نسمع او حتي نسمع الدرس فكانت المعلمة نور جزاها الله كل خير بتسجلنا الدروس وتبعتهلنا بس احنا بنكون عايزين نجتمع في حلقة قران مش بس نسمع الدرس ونذاكر
الهدف الاساسي من اشتراكي البيئة الايمانية ومصاحبة اهل القران ... يا ريت يكون في حلول بديلة وكتير لانه والله لولا فضل الله ماكنت هصبر للنهاية والحمد لله الحمد لله الذي اتم علينا النعمة

رأيك في منهج التجويد صعب ولا سهل؟
كان في الاجمالي متوسط
أخوات كتير تفلتوا من الدورة ومكملوش في رأيك إيه السبب وإزاي نقدر نتفادى ده في الدورات الجاية؟
مشكلة النت بتحبط ناس كتير ممكن مايكنش لينا يد فيها بس ممكن نحطها في الحسبان ونعمل احتياطاتنا قبل الدورة لاي مفاجات
وكمان ممكن لان البنات في الحلقة مش بيتواصلوا مع بعض برا الحلقة وبشجعوا بعض

أي حل تقترحيه لتقليل نسبة تفلت الأخوات؟
تقوية العلاقة بين الاخوات في الحلقة وزيادة روح التنافس وحب الوصول الي الله ولازم نعرف ان في دينا الواحد لو عايز يوصل لربنا لازم يكون معاه جماعه واخدهم معاه ودا هيخلي كل الاخوات تفضل ورا اختها لحد ما توصل معاها
وكمان ربنا ييسر لمعلمات الحلقات ربنا يرضي عنهم جميعا ويبارك في وقتهم لو تيسر ممكن يكون في اجتماع برا مواعيد الحلقة لو مرة او مرتين في الدورة كلها تشجع البنات فيه وتتكلم معاهم وممكن يكون درس وعظي ممكن تدبر في سورة من سور الحفظ
وتكون معلمة الحلقة هيا المربية لينا بجد محتاجين حد نتعلم منه ويكون قدوة لينا بجد هيفرق كتييييييير

أي عقبات قابلتك في الحلقة سواء مع معلمة أو مع مشرفة؟
ربنا يبارك في كل المعلمات وييسرلهم ويجعله في ميزانهم يا رب
وخاصة معلمة نور فعلا والله بحس ان قلبها معانا في كل وقت في المذاكرة والامتحانات حتي لو مش اتكلمنا
ربنا ييسرلها ويجعله في ميزانها يا رب
معلمتي الفاضلة انتي قدوتي ربنا يبارك في علمك وينفعنا بيه يا رب

[أمى عائشة الحصان الرزان]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

وعليكم السلام ورحمة الله وبركاته
أولا جزاكم الله عنا خيرا و بارك فيكم
وبالنسبة للدورة تعجز كلماتى عن وصف ما فى قلبى تجاه هذا المنتدى المبارك من الشكر والحب - جزاكم الله عنا خيرا ونترك مكافأتكم لله جل وعلا وهو يكفى والله
بالنسبة للتلاوة فالحمد لله شتان شتان بين حالى قبل سنة أولى قرآن وحالى بعد سنة اولى وحالى ايضا بعد سنة ثانية وهذا من فضل ربى
وبالنسبة للمشاكل فهى ليست بمشاكل ولكن فى طريق النجاح لابد من الجد والجهد والمثابرة من اجل الوصول
أما بالنسبة لمنهج التجويد فهو بفضل الله ثم بفضل شرح معلمتنا (ساعية لرضا الله) الموضوع كان بسيط وواضح الحمد لله ومع المذاكرة الأمور بتوضح تمام بفضل الله
أما سبب ان فيه أخوات بيتفلتوا فأعتقد والله اعلم ان فى اخوات يكون لديهن عذر ربنا يعافى الجميع بعملية مفاجأة مثلا او مرض شديد ربنا يشفى الجميع اما من تفلتت تكاسلا او كان من الشيطان فأعتقد ان ممكن الأخوات المشرفات يتواصلوا معاهم وممكن يتوصلوا للأسباب - كنت بسمع من اخوات ان كانوا بيقولوا كمية الحفظ كبيرة فممكن يتعمل دورة مثلا بمستوى ضعيف فى الحفظ مثلا هذا اقتراحى
-ولله الحمد والمنة لا يوجد عقبات بمعنى عقبات قابلتنى ولكن طريق النجاح محتاج صبر للوصول فكل انسان لديه مشكلات فى حياته وعقبات والاستعانة بالله هى حل كل هذه المشاكل
ربنا يسعدكم كما ادخلتم علينا السعادة
ولا انسى الشكر لكل القائمين على هذا المنتدى المبارك والشكر لأختنا :(شيماء كمال) بارك الله فى جهودها الطيبة وأختنا (أم المجاهد السلفية) جزاها الله عنا خير الجزاء وبارك فى جهودها ومعلمتى (ساعية لرضا الله) ولا انسى معلمتى فى سنة اولى قرآن (ضياء التقوى) وكل القائمين والقائمات على هذا العمل الطيب رزقكم الله الفردوس الأعلى

[Shaimaa mustafa]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

ربي يبارك فيكم ويحفظكم ويجزيكم الجنه جميعا ������

شكر خاص لمعلمتي الرائعه

واعتذار لمشرفتنا الجميله ������شيماء كمال ������لأنها عانت كتير أثناء الامتحان الشفوي بسببنا ������

شئ واحد لي تعليق عليه بالدوره الماضيه وهو إننا كنّا بنبدأ الدوره متأخر بسبب النت .. ممكن بنات كل الدوره يلتزموا بميعاد حلقتهم ويدخلوا قبلها بعشر دقائق فقط
يظبطوا موضوع النت بحيث ما نتأخر ولا نضيع وقت المعلمه ...

أما باقي الامور ما شاء الله أخواتي القمرات ما تركوا لي شئ أقوله ������������������������������������

[هدير محمد دهشان]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

أهم حاجة حسيتي بتحسن في تلاوتك بعد دورة سنة أولى وسنة تانية ولا لا؟
اولا اسال الله ان يعلمنا ما ينفعنا وان ينفعنا بما علمنا
اما عني فأشهد الله اني قبل الالتحاق بسنة اولي كنت اقرأ قرآن من روايتي
اما بعد الالتحاق فالحمد لله هناك تحسن ملحوظ
رأيك في منهج التجويد صعب ولا سهل؟
هوا منهج اول ما نشوفه نصدم بس لما نعرفه بجد القرآن معاه بيكون له حلاوة خاصة
مع تحفظي علي النظري والرغي الكتير عشان انابس مبحبوش
أي حل تقترحيه لتقليل نسبة تفلت الأخوات؟
التذكير بفضل القرآن والاجر
وذكر لعل الذكري تنفع المؤمنين
أي عقبات قابلتك في الحلقة سواء مع معلمة أو مع مشرفة؟
الحقيقة واسفة علي اللي هقوله
اول عقبة قابلتني كانت المعلمة وانها فعلا عقدتني وهقلكم واحكموا انتم
١-تعيد شرح الدرس اكثر من المرة لكي يصل الشرح لكل البنات حتي التي تغيبت
٢-تعطي مواعيد غير مواعيد الحلقات المقررة
٣-الاتصال والسؤال علي الخاص في اي وقت
٤-عندنا جروب خاص ببنات الحلقة للتواصل علي الخاص
وما خفي كان اعظم بس هيا بتقول كفاية عشان انتوا بتضيعوا الثواب
ولا ننسي انه خلال الدورةانتقلت والدتها الي الرفيق الاعلي فوالله ما تاخرت عنا ولو لحلقة
اسال الله العظيم ان يرحم والدتها ويجعل قبرها روضة من رياض الجنة
وطبعا بجد بشكر كل اخواتي في الحلقة التي والله ما بخلت واحدة منهن بالجهد ولا بالنصح
وشكر خاص للمعلمة شيماء كمال
وبالاخص عشان صبرها علينا في الامتحان وخصوصا انا

وفي النهاية اسال الله العظيم ان يبارك في جهودكم جميعا

[هدير محمد دهشان]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

أسال الله أن يجمعني بها في مستقر رحمته هي وبنات الحلقة جميعا
مكتبتش اسم المعلمة اللي عقدتني فوق عشان متزعلش قلت اكتبه هنا

[Fatma ashraf]

رد: ❤ ✿ツسنة تانية قرآن " آرااااااااااااء وانطباعاااااااااااات❤ ✿ツ

الحمدلله التلاوة فى القرءان اختلفت كتيير بعد الدورة ومنهج التجويد ماشاء سهل وميسر ومعلمتى ربنا يجازيها كل خير كانت مبسطة الدروس خالص بس لو ممكن يكون فى تفسير هيساعد كتير فى الحفظ وتثبيته والمتشابهات لو نزلت فى الاول بحيث نحفظ منها على مدار الدورة بالنسبة للاخوات اللى تفلتوا ممكن المواعيد مكنتش مريحاهم لان احنا فى ايام دراسة والمواعيد كانت بتبقى متأخرة ربنا يكرمهم وييسرلهم حالهم. ويجازيكوا كل خير على اللى عملته ويبقى فى ميزان حسناتكوا