Tweet
أسبوعنا الجديد بيبدأ مع بداية أيام عظيمة ومن أفضل الأيام عند ربنا سبحانه وتعالى
العشر الأوائل من ذي الحجة
أول حاجة بتيجي على بالنا لما بنسمع سيرة عيد الأضحى هي قصة سيدنا إبراهيم وموقفين بالتحديد في القصة
الموقف الأول:
لما ترك زوجته السيدة هاجر وابنه إسماعيل وهو رضيع في الصحراء
والموقف التاني:
لما شاف رؤية بإنه بيذبح ابنه
كلنا عارفين القصة بتفاصيلها كمان
لكن محتاجين نقف عند شخصية محددة
غالب الكلام بيكون عن سيدنا إبراهيم وسيدنا إسماعيل
لكن محتاجين نقف عند شخصية السيدة هاجر عليها السلام
السيدة هاجر لما تركها زوجها في الصحراء هي وابنها الرضيع سألته: هل ربنا أمرك بكده؟ قال لها: نعم، قالت: فإذًا لن يضيعنا!!
متخيلة الايمان وحسن الظن بالله لأي درجة عندها؟؟
متخيلة إن كل البشر إلى قيام الساعة بيقوموا بمناسك الحج بالظبط زي ما قامت بيها هاجر عليها السلام
كل ده مش من فراغ، كل ده ربنا رفع بيه شأنها في الدنيا لإيمانها الشديد بالله عز وجل
الموقف التاني:
سيدنا إبراهيم بيبلغ ابنه بأنه شاف رؤية إنه بيذبحه، وكان رد الابن: يا أبتِ افعل ما تؤمر!!!
رد الابن ده برضه مش من فراغ
رد الابن ده نابع من التربية الايمانية اللي ربته عليها هاجر عليها السلام
شوفتي هاجر الأم تربيتها عاملة إزاي؟؟
أنتي كمان لازم تبقي هاجر وتكون هي قدوتك
أنتي كمان لازم تربي أولادك تربية إسلامية سليمة
ومش هتقدري تعملي ده الا لو تسلحتي بالعلم علشان تعلميه لأولادك
ومفيش أعظم من القرآن تتعلميه وتعلميه لأولادك
علشان كده لازم تفضلي معانا
إيدك في إيدنا
مكملين الطريق لحد الختم بأمر الله
انزلي شوفي الجدول بقى
الأسبوع الرابع أسبوع العيد أجااااازة من السبت للخميس
وهنبدأ تاني السبت بعد العيد ان شاء الله
السبت: حفظ جديد سورة نوح من 11 ل 20
مراجعة سورة القارعة وسورة التكاثر
الأحد: حفظ جديد سورة نوح من 21 ل 28
مراجعة سور من العصر إلى الناس
الاثنين:حفظ جديد سورة الجن من 1 ل 7
مراجعة سورة الملك من 1 ل 12
الثلاثاء: حفظ جديد سورة الجن من 8 ل 13
مراجعة سورة الملك من13 ل 26
الأربعاء: حفظ جديد سورة الجن من 14 ل 21
مراجعة سورة الملك من 27 ل 30+ سورة القلم من 1 ل 15
الخميس: حفظ جديد سورة الجن من 22 ل 28
مراجعة سورة القلم من 16 ل 42
الجمعة: الاستعداد للاختبار على جزء عم كاملا الحلقة الأولى من الاسبوع القادم
تعليق