Tweet
أسبوعنا التالت بفضل الله
حفظنا سورة الملك وعرفنا فضلها (متنسيش تقرأيها كل يوم قبل النوم)
والاسبوع التاني حفظنا سورة القلم
قصة من القصص القرآني موجودة بالسورة دي
قصة رجل صالح صاحب مزرعة
كان حريص جدا على إخراج الصدقات وإعطاء الفقراء حقوقهم
بعد وفاته وفي نفس السنة المزرعة أخرجت ثمار كثيرة جدااااااا
فأولاده وبطبع كتير من البشر الا من رحم ربي
طمعوا في كل الخير ده وقالوا: ليه الفقراء ياخدوا من مالنا؟ إحنا أحق بكل الخير ده
نسيوا إن ده حق الفقير خصصه ليه ربنا سبحانه وتعالى
نسيوا إن ربنا زي ما رزقهم بكل الخير ده قادر يحرمهم منه
وده اللي حصل فعلا
وتاني يوم ضاع الخير كله بسبب ذنبهم وطغيانهم
وبعدها انتبهوا لخطيئتهم الكبيرة وتابوا
تأملي في القصة شوية كده؟؟؟؟
كلنا بيجي علينا وقت ونكون طغاة بدرجات وأشكال مختلفة
والمشكلة إننا أول ما بنظلم بنظلم نفسنا وبنأذيها
علشان تتجنبي ده اتمسكي دايما بصحبة صالحة
تنبهك لو بعدتي عن الطريق
تاخد بايدك وتشدك لو كسلتي أو الشيطان أحبطك
تشجعك تستمري على الخير والحق لحد ما تدخلوا الجنة سوا
ومفيش أجمل من صحبة القرآن
استمري في الحفظ
اقرأي معاني الكلمات علشان تقدري تتدبري أكتر
اسمعي تفاسير للشيوخ
اعملي كل شيء يقربك من ربنا
الجنة تستاهل
يلا نشوف الجدول بقى
الأسبوع الثالثالسبت: حفظ جديد سورة الحاقة من 35 ل 52
مراجعة سورة البلد
الأحد: حفظ جديد سورة المعارج من 1 ل 10
مراجعة سورة الشمس وسورة الليل
الاثنين: حفظ جديد سورة المعارج من 11 ل 25
مراجعة سورة الضحى وسورة الشرح
الثلاثاء: حفظ جديد سورة المعارج من 26 ل 39
مراجعة سورة التين وسورة العلق
الأربعاء: حفظ جديد سورة المعارج من 40 ل 44
مراجعة سورة القدر وسورة البينة
الخميس: حفظ جديد سورة نوح من 1 ل 10
مراجعة سورة الزلزلة وسورة العاديات
الجمعة: مراجعة لما تم حفظه وتدارك مواطن الضعف
تعليق