Tweet
أهلا بيكي معنا يا غالية
عارفة أي طريق صعب في أوله لكن لو استعنتي بالله هتلاقيه كل شيء سهل ويسير بأمر الله
نفسك تحفظي كتاب الله من زمان ومش قادرة؟
بدأتِ تحفظي ووقفتِ بعد فترة ومفيش حد كان جنبك يشجعك تكملي حفظ؟؟؟؟
نفسك تحفظي ومش قادرة تخرجي من البيت تحفظي في دار قرآن؟
نفسك تحفظي ومتعرفيش معلمة مجتهدة تحفظي معاها؟
نفسك تتعلمي أحكام التجويد وتقرأي زي القراء والمشايخ؟؟؟
نفسك تفوزي بأعلى الدرجات بالجنة؟؟؟؟
معانا بأمر الله هتلاقي كل ده
حفظ وتعليم أساسيات التجويد وتخرجي من الدورة حافظة لجزء من القرآن بإتقان بفضل الله تعالى
شوفي الانفوجراف ده هيعرفك أكتر على الدورة
http://www.youtube.com/watch?v=6wGpvXPslSY
شوفتيه؟
بينك وبين نفسك بتقولي ياريت أقدر أعمل كل اللي فيه ده، صح؟
شوفي مشايخنا الأفاضل هيقولوا لك إيه
http://www.youtube.com/watch?v=2D5qkijhNwU
رايحة فيييييييييييييييين؟
اسمعي ده كمان
http://www.youtube.com/watch?v=vDjjAmpPnis
أكيد الشيطان بيوسوس لك دلوقتي علشان تقفلي الموضوع وبيقولك
كلام كتير علشان يحبطك ومتبدأيش معانا
بس أنتي قوية ومش هتسيبيه ينتصر عليكي
أنتي قوية بإيمانك وحبك لربنا ورغبتك إنك تحفظي القرآن
لسة برضه مترددة وقلقانة؟
عارفة إنك بتسألي نفسك أسئلة كتير دلوقتي
يا ترى الحفظ هيكون كتير عليا ولا هقدر أحفظه وأكمل الدورة للنهاية؟
طب أنا بدرس أو بشتغل أو عندي أطفال، هلاقي موعد يناسبني؟
أنا معرفش حاجة في التجويد خالص ومش بعرف أقرأ زي الشيوخ والقراء
هحفظ أد إيه كل يوم؟الدورة مدتها أد إيه؟
خلصتي أسئلتك؟؟؟؟؟
ممكن أخد المايك وأجاوبك؟؟؟؟
أولاً :زي ما اتفقنا فوق إن كل شيء نستعين بالله فيه هيكون سهل ويسير، ومع ذلك جدول الدورة يسير جدا بفضل الله
كل يوم هنحفظ نص وجه بس يعني نص صفحة من المصحف.
هنسمع يومين بس في الاسبوع.
موفرين لك مواعيد على مدار اليوم بأمر الله هتلاقي موعد فيها يناسبك.
مدة الدورة: 7 أسابيع بس بفضل الله وتختمي جزء عم.
هتلاقي معلمات بإذن الله يعلموكِ أساسيات التجويد بطريقة سهلة ويسيرة جداااااا.
مش بس كده
لاااااااا، كل أسبوع هنزلك جدول مكتوب فيه حفظ الأسبوع
ومعاه وصلات صوتية علشان تسمعي الآيات قبل ما تحفظيها
ودرس أسبوعي لعدد من مشايخنا الأفاضل
هيكلموكي عن حفظ القرآن وفضله
وجزء عم تحديدا ومعاني كلماته اللي ممكن تكون صعبة عليكِ
علشان تخرجي من الدورة بأكبر استفادة بأمر الله
بعد ما تخلص الدورة
وتخلصي حفظ جزء عم هنعمل ايه؟
هنعمل اختبار يسير وبعدها نحتفل معاكِ إنكِ ختمتِ أول جزء في القرآن وكمان جوايز للأوائل
يلا حطي إيدك في إيدنا وبلاش تترددي
وتعالي بينا نبدأ المشوار مع بعض
مطلوب منكِ إيه بقى علشان نبدأ المشوار؟؟؟
حاجتين أبسط من بعض
الأولى تعملي حساب على المنتدى من الرابط اللي تحت ده
https://forums.way2allah.com/register.php
والتانية :التسميع هيكون على برنامج skype أو zelo فمطلوب منك تعملي حساب على واحد فيهم أو الاتنين لو أمكن
وتضيفي حساب الاسكايب ده akhwat_way2allah
وابعتي لنا رسالة فيها اسمك على المنتدى
وبعد الاعلان عن الحلقات هنضيفك للحلقة اللي اختارتيها
حلقات الدورة هيتم الاعلان عنها خلال فترة قصيرة جداااااااا
تنبيه هااااااام
شرط دخول الدورة أن تكون الأخت غير حافظو لجزء عم أو مبتدئة في حفظ القرآن
وعلشان تجيبي أصحابك معاكي ويبقى سهل عليكي دعوتهم
عملنا لك ايفينت على الفيس
ده الرابط بتاعه
https://www.facebook.com/events/701930979949151/?active_tab=posts
يلا بينا ننزل نشوف جوايز الأوائل هتكون إيه؟؟
تعليق