Tweet
السلام عليكم ورحمة الله وبركاته أخواتى العزيزات جئت اليكم بموضوع اذا كنت حتى فكرت فيه قبل ذلك لقلت أنه مستحيل أن يحدث لكن هو أولا وأخيرا فضل من الله عز وجل وكرم كبير فى هذه الاجازة وبالتحديد فى شهر رجب اتصلت بى احدى الاخوات على فكرة انا مقيمة فى السعودية بس انا مصرية المهم انه اتصلت بى احدى الاخوات أنه يوجد دورة لتحفيظ القرأن الكريم فى شهر وحسب اللى تختاريه اذا كان خمسة اجزاء أو عشرة أو نصف القرأن أو القرأن كامل وقلت لها سأختار خمسة أجزاء وأعلموا يا أخواتى أنى كنت لا أحفظ سوى السور الصغيرة من( جزء عم)ليس الجزء كامل وتوكلت على الله وقلت كله خير والله الحمد لله أصلا ما توقعت انى أكمل حفظ الاجزاء الخمسة وكل شويه اقول مش هدخل الامتحان وكفاية اللى حفظتة لكن الحمد لله شجعتنى المحفظة وأيضا زوجى وصديقة تعرفت عليها هناك والحمد لله جزاهم الله خيرابفضل الله أكملت حفظ خمسة أجزاء فى شهر وأختبرت والحمد لله نجحت وأخذت شهادة ممتازة ولله الفضل والحمدممكن أقول لكم عن برنامج الحفظ الذى استعملتة المحفظة معنا نفسى تستفيدوا ولا تقولوا ان فى شئ مستحيل توكلوا على الله والدعاء أهم شئ البرنامج هو: أولا:حفظ ستة أوجه يوميا من يوم السبت الى يوم الأربعاءوالخميس والجمعة اجازة ثانيا:كنت بحفظ اللى على تسميعة يوم السبت اللى جاى مع حفظ كمان جديد عشان استفيد بالايام دى ويكون اللى جاى مراجعة وهكذاهل فهمتوا على؟ يعنى أحفظ يوم الاربعاء مثلا أخر النهاركأنى بسمع بكرة والخميس أجازةبصحى بقى بدرى شويه وأستغل الوقت وأفضل أحفظ من ورد الأسبوع الجاى وهكذا فهمتونى. والحمد لله ربنا وفقنى استغل الوقت دا اللى هو اجازة كنت بضيعه فى النوم لحد الظهروكنت بقعد على النت بعد العصر أو أنام تانى زى ناس كتير مش حاسة بقيمة الوقت ياللا يا أخواتى ابدأوا ولا تجعلوا الوقت يضيع والله من ساعة أما حفظت الحمد لله حاسة انى معايا كنز كبير وفرحانة ولما بصلى بسورة من اللى أنا حفظاها بحس بخشوع فى الصلاة أكتر من الأول ولازم يكون فى حد تسمعوا عليه اللى انتوا بتحفظوه وتلتزموا بالحفظ والله المستعان وربنا يوفقكم ويوفقنى الى ما يحب ويرضى وادعولى ربنا يقضى دين زوجى ويهدي أولادى وأسفة انى طولت عليكم واللى تبدأ تبشرنى أنا عارفة انى انا اللى كنت كسلانة وانتوا ماشاء الله زمانكم حافظين كتير من القرأن لكن ممكن تفيدوا الاشخاص اللى تعرفوهم بس بشرونى ان فى أحد استفاد من تجربتى ربنا يقبلها منى ويرضى عنا جميعا السلام عليكم ورحمة الله وبركاته.