تائه فى رمضان

[غير مسجل]

السلام عليكم ورحمة الله وبركاته
اخوانى الاعزاء
الموضوع معلش طويل شوية بس مسببلى تعب غير طبيعى والم لا يعلم مداه الا الله
بفضل ومنة من الله ربنا رزقنى ببعض العبادات فى شهر رجب و شعبان وكنت سعيد جدا بيها وكنت متخيل ان رمضان هيكون احسن من كل سنة لان الحمد لله وفقت لبعض الطاعات قبل الشهر الفضيل ولكن كانت الصدمه الاولى اول يوم فى رمضان تضيع منى صلاة الفجر واصحى بعد الصلاة ذهبت للمسجد فى ذهول وانا حزين جدا وصليت لوحدى طبعا لان الصلاة انتهت والناس جالسين فالمسجد جلسة الضحى. بعد كده معاناتى التانيه فى صلاة التراويح انى مش بحس بيها نهائيا فى الاول بدأ الموضوع انى بكون زى التايه بس بأدى حركات مع العلم ان باقى الفروض بتكون غير كده وبكون مركز نوعا ما وعارف ان بقول ايه وبعد كده اتقلب الموضوع انى بقيت بنام فى صلاة التراويح ( فقط ) باقى الصلوات الامر طبيعى جدا ومع العلم ان فطارى عصير وممكن فاكهه حاجه خفيفه ومش بفطر الا لما برجع من التروايح قولت ممكن محتاج انام نمت كزا مره بين المغرب والعشاء مفيش فايده مع العلم انى بنام كل يوم بين الظهر والعصر ممكن ساعة او ساعتين . الشئ الثانى انى كنت عامل لنفسى جدول فى شعبان وكنت متوقع انى فرمضان هزيد عليه بالعافيه دلوقتى بنفز جدول شعبان ومش كله . بجد انا فحيرة من امرى وخايف الصراحة ان الشهر يمر عليا كده وانا فى الحاله دى مش عارف اعمل ايه . للعلم ايضا امس صلا الفجر راحت منى ونفس السيناريو بس الليلة دى اتاخرت شوية فالنوم نمت ساعة واحده قبل الفجر
الغريب ان المرتين اقوم قبل الفجر ممكن ب10 دقايق اشرب مياه وانام ومحسش الا بعد الصلاة

معلومات للافاده:
عملى يوميا من بعد الفجر الى الساعه 11 او 12 الظهر
بنام بالليل ممكن 3 ساعات او ساعتين

ارجو الرد لانى فى حيرة من امرى والايام بتجرى ورمضان قرب يخلص واحنا داخلين على ال10 اواخر من رمضان ومش عارف اعمل ايه

[فريق استشارات سرك فى بير(الاخوة)]

رد: تائه فى رمضان

السلام عليكم ورحمة الله وبركاته
حياك الله أخي الكريم
وأسال الله عز وجل ان يرزقك همة عالية تناطح السماء
بص يا غالي
الفتور شيىء طبيعى خصوصًا بعد قوة فكما ذكرت أنك اجتهد فيما قبل رمضان وهذا الإجتهاد في العبادة أعقبه فتور(طبيعيى) وصادف هذا دخول شهر رمضان
وطن نفسك ولا تجتهد في أيام ثم تترك نفسك في أيام اخرى خير الأعمال ما كان دائم حتى وإن قل كما في الحديث الشريف

العلاج الأن هو أنك لازم تبدأ بشكل تدريجي
وأجتهد في عبادت أخرى حتى لا تضيع فضيلة الشهر الكريم
مثل
1- بر الوالدين
2- الصدقة
3- قراءة وسماح القرآن
4- صلة الأرحام

ثم
1- لا تنام قبل العشاء لأن هناك نهي عن النوم بين المغرب والعشاء ويقول العلماء ان النوم في هذا الوقت مكروه
ثم انك في هذا الوقت لن تأخذ كفايتك من النوم وبالتالي سيزيد الخمول
2- خفف من طعامك في الإفطار وافطر على تمر وقهوة وماء مادمت لا تأكل في الإفطار واشرب كوب من القهوة أو الشاي أو النسكافية (أي شيىء يحتوي على كافيين ) وهو متوفر أيضاً في الشيكولاته والكولا
3- لابد أن تحافظ على الخمس صلوات في االمسجد في جماعة ففضلها لا يعدله فضل (قدر وسعك ) ففي الحديث القدسي الشريف " ما تقرب إلي عبدي بشيىء أحب إلي مما افترضته عليه ... إلخ "
4- انتقي مسجد يكون هادىء وصوت الإمام فيه حسن حتى تعيش معه
5- صلي في الصف الأول وجدد وضوئك في الإستراحة بين الأربع ركعات الأول والأربعة الأخر
6- لا تجلد نفسك ولا تضع جداول تعجز بها نفسك اجتهد قدر وسعك ولا يكلف الله نفساً إلا وسعها والقلوب أوعية ولا تنظر لنفسك على أنك مقصر مادمت لم تحقق الجدول الذي وضعته لنفسك
رمضان شهر صيام وقيام وقرآن وكرم وجود وبر وصدقة وصلة رحم وغيرها من أمور الخير

7- أخيراً وأهم شيىء الدعاء الدعاء أن يوفقك الله ويسددك ويفتح عليك ويستعملك في طاعته لا تمل من الدعاء
سددك الله واستعملك في طاعته