مش عارفة اعمل ايه ولا أنا فيا إيه

[غير مسجل]

معرفش أبدء كلامى منين انا بنت اخويا مدمن وامى ست غلبانة شافت العذاب ألوان علشانه دلوقتى انا هتجوز ابن خالتى وامى نفسها تفرح بيا بس المشكلة انى فجأة جاتلى حالة غريبة على طول بكاء وصعبان عليا اسيب أمى لوحدها انا هتجوز فى الشرقية وأمى فى القاهرة وعلى طول صريخ ومش عايزة اتجوز جابولى شيخ وقال إنى تعبانة وعملى حجامة ومواظبه معاه على علاج بس انا تعبانة قوى قلبى مقبوض وبعيط على طول وحزينة وخطيبى (مكتوب كتابنا ) بدأ يزهق ويحس انى نكدية والله انا نفسي افرح بس غصب عنى قلبى مقبوض قوى وحزيييين معرفش انا كده مش طبيعية ومحتاجة دكتور نفسى اكيد ياريت الاقى حد يحس بيا انا فعلا بموت بالبطئ والله مش عارفة اتصرف لوحدى وساعات بدعى على نفسي اموت نفسي افرح نفسي قلبى ميتقبضش

[التواصل الإيمانى للشباب]

رد: مش عارفة اعمل ايه ولا أنا فيا إيه

السلام عليكم ورحمة الله وبركاته
حياكم الله يا ابنتي
وأعتذر منكم لتأخرنا بالرد عليكم
يا بنتي أنت مسلمة ومؤمنة بالله
وأنت على خير والحمد لله
ودليل ذلك بأنك أتيت إلى هنا وكتبت وطلبت النصيحة
كلنا في بعض الأحيان بنتعب ونشعر بالضيق
لكن المؤمن الفطن لا يستسلم وينهار ويدمر نفسه
ركزي يا بنتي وكوني قوية وأبعدي عن نفسك وهم أنك
مريضة نفسياً ووهم آخر لاحظته في كلامك
وهو أنك متوهمة بأنك مسحورة ومعمول لك عمل ...
لا المؤمن أقوى من كل هذه الأمور
الشيطان يترصد بنا حتى يشمت فينا
لا تعطيه هذه الفرصة
ركزي وقولي بسم الله وبحزم وقوة
إبدأي من جديد لا تشتتي الأفكار
والدتك لها حق وخطيبك له حق وأخوك له حق ( الدعاء )
إلجأي إلى الله وسلمي كل أمرك - له جل وعلا
المشايخ كلهم إخواننا .. لكن مش عاوز تستسلمي
للشيخ فلن يقرأ والشيخ فلن يرقي والشيخ علان يعمل حجامة
ولا أنكر الرقية والحجامة لكن بدون ما تعيشي في أوهام قد
تؤدي بك إلى متاهات نفسية أنت في غنى عنها..
أقبلي على الله بالطاعات الصلاة في أوقاتها
أذكار الصباح والمساء وقراءة القرآن وقيام الليل
هذا كله حفظ لك من كل شيء وفيه زوال الهموم
وفرج الكربات بإذن الله عز وجل
أنت بتدعي على نفسك تموتي وأنا والدك بدعيلك
بطول العمر وحسن العمل والسعاة مع خطيبك زوجك فيما بعد..
ما دام فيه دعاء طيب ليه أدعو دعاء مش كويس..؟!
وإذا كان فيه ناس مشايخ من أهل الصلاح والخير
مثل إمام مسجد أو عمك أو خالك مثلاً يتدخل
بخصوص موضوع أخوك ويكلموه ويفهموه لعل الله يقدم ما فيه الخير..
خطيبك هذا حبيبك يا بنتي لا تكشري ولا تنكدي عليه
خليك معاه طيبة ضمن الإطار الشرعي
خليه يحبك وتحبيه كمان.
سيبك يا بنتي من النكد وسنينه....
اللي بيكون مع الله بيكون سعيد رغم الابتلاءات الكبيرة..
فرحي والدتك وخليها تشوفك وتشوف أولادك بإذن الله
خطيبك لما هيكون زوجك سوف يكون عوناً لك على حمل أعباء الحياة..
إفرحي يا بنتي وفرحينا بأخبارك القادمة بإذن الله..
في أمان الله