استفسار

[غير مسجل]

أنا عندى سؤال هو الواحد لما يحكى قصة توبته ده بيكون من المجاهرة بالمعصية؟
بالله عليكوا تردوا عليا أصل أنا تقريبا عايش واحدى ونفسى أفضفض مع حد بس خايف ان ده يكون مجارة

[فريق استشارات سرك فى بير(الاخوة)]

رد: استفسار

السلام عليكم ورحمة الله وبركاته
أهلا بك أخي الكريم.. يسعدنا تواصلك معنا في منتدى الطريق إلى الله، ويشرفنا أن تستمر على تواصلك معنا بأمر الله تعالى

وبالنسبة للإجابة على سؤالك، فلايجوز إنك تحكي قصة توبتك، والأفضل تخليها بينك وبين ربنا سبحانه وتعالى
لكن يجوز تحكيها بدون ذكر إسمك على سبيل الموعظة والعبرة للغير. والله أعلم

وعشان تعرف الحكم أكثر ياريت ترجع للفتوي دي على الرابط:

http://fatwa.islamweb.net/fatwa/index.php?page=showfatwa&Option=FatwaId&Id=241459

هاتلاقي الإجابة والفائدة إن شاء الله، ومعاها فتوى أخرى بداخلها، نفعك الله بما فيها

وأي حاجة عايز تفضفض بيها معانا هاتلاقينا في خدمتك ومعاك على طول إن شاء الله
وما تخافش من كلامك هنا وفضفضتك إنه يتحسب عليك بأي معنى مُخالف عياذًا بالله؛
وبرضه عشان إسمك مش معروف يبقى لازم تطمئن تمامًا لان كل كلامك هايبقى سر بيننا فقط، ولو حبيت نخفي كلامك وما يظهرش؛
عرفنا طلبك.. واحنا ننفذه على الرحب والسعة بإذن الله
ومن اليوم إن شاء الله تعالى، إعتبر نفسك مش وحيد أبدًا، لانك هاتلاقي أخوة لك في الله يقفون معك ويستمعون لك في أي وقت تشاء بإذن الله