مشاكل نفسيه

[غير مسجل]

السلام عليكم ورحمة الله وبركاته
انا طالب في كلية الطب
كنت عادي جدا تقريبا كل دروس الثانويه لاساتذه ذكور
بس لما دخلت الكلية وانا دلوقتي في سنه اولي تفاجات كما تفاجا اي واحد دخل الكلية ان كل الدكاتره معظها اناث
بس حصل مشكله كبيرة قوي كلهم لبسهم وحش قوي قوي رغم ان فيه ناس منهم محترمين جدا جدا

وهوه حضور المحاضرات لدكاتره فيميل متبرجات و بحثت في الموضوع ده والمشكله انه طلع حرام خصوصا ان حضور المحاضرات ليس اجباريا كما ان هناك مصادر اخري للتعلم زي التسجيلات الكورسات او حتي انك تذاكر مع نفسك وتقريبا دي الفتوي http://fatwa.islamweb.net/fatwa/inde...d&Id=26884#_=_ بس حصل مشكله ان اصلا كمان دكاتره السكاشن كده والله العظيم بجد مش هذار انا ممكن اصرف نظر عن الموضوع ده بس عندي مشكله اطين انا كل ما اعمل ذنب بحس ان ربنا ممكن ما يوفقنيش وعشان كده انت لو لاحظتني من اول ما صاحبتك تلاقيني دايما متردد كده ويوم اه ويوم لا اتمني تاخد الموضوع بشكل من الجديه














مش عارف اعمل ايه لو بطلت محاضرات اللي هي مهة في الكليه لازم احضر السكاشن عشان عليها غياب ولو اتاخدت غياب مش هحضر الامتحان

مع ان الدكاتره دول محترمين قوي جدا بس خايف قوي خصوصا اني خجول جدا اني اقول لدكتوره في المحاضره او السكشن يا دكتوره ملابسك ضيقة خالص علي فكره وانا بحضر مش بفكر في الكلام ده خالص علي فكره ولا بحس باي شهوه بس عرفت ان الحضور حرام
بس ازاي اقول لدكتوره لو سمحت الجيبه دي ضيقة خالص ممكن توسعيها او تلبسي واسع شوية


مختصر الكلام انا ضحية كضحايا خطايا الاختلاط لان المشكله كبيرة قوي مش عارف اعمل ايه
وحاسس اني بحضوري ممكن اكون بغضب ربنا فا ربنا مش يرضي عنا عشان كده بحس وانا بذاكر ان ربنا مش هيوفقنا عشان كده خصوصا ان فيه دكاتره شرحهم حلو قوي من هذا القبيل وكمان فيه دكاتره مسيحيات





يا ريت حل عملي عملي مش اي كلام وخلاص وتفهم للموضوع




والسلام عليكم ورحمة الله وبركاته

[فريق استشارات سرك فى بير(الاخوة)]

رد: مشاكل نفسيه

وعليكم السلام ورحمة الله وبركاته
ولدي الكريم الفاضل .. أعزَّك الله بالإسلام وحفظك من كل سوء

عايز حل عملي؟ ... خليك معايا واحده واحده نفند الأمور سوا ، وياريت تتحمل الإطالة...

أولا: الرأي القاطع في هذا الأمر متروك لأهل العلم، والفتوى اللي استندت ليها وأطلعتنا عليها في الرابط اللي حددته؛
المفروض إنك هاتعمل بيها إن شاء الله؛ بناءً على قناعتك برأي العلماء.. تمام؟
لكن داخل الفتوى دي كلمتين، نقرأهم سوا كده:
[ وأما النظر إلى المدرسة التي تعلم الطلاب في الجامعة، فإنه غير جائز، ولا يوجد ما يسوغه، وليست هذه حاجة معتبرة،
وللطالب الذي ابتلي بذلك أن يجلس في مؤخرة الصف، ويتشاغل بالنظر إلى الكتاب ونحو ذلك...]
__________________________________________________ __________________________________________________ _________________________

يعني ممكن تحضر المحاضرة أو السكشن بالشرط دا ، في مؤخرة الصف والتشاغل بالنظر إلى أي شيء آخر غير الدكتورة أو المعيدة
بحيث تحاول بقدر ما تستطيع غض بصرك عن النظر ليها
وفي نفس الوقت تركز في شرح المحاضرة وتاخد الفايدة والعلم
لانك في كلية الطب، يعني دراسة عملية؛ وأكيد محتاج لتلقي العلم المباشر من عدة وسائل:
- الجامعة.. محاضرات و سكاشن،
- الدروس الخصوصية.. وأعتقد دا أمر مستبعد إلى حد ما،
- تسجيلات الكورسات.. زي ما قلت في كلامك
ونظرًا لان دراستك عملية غير كليات تانية؛ يبقى حضورك مهم بكل تأكيد،

ثانيا: الأصل في الحكم الشرعي هو غض البصر، ودا بناءً على فتاوى شرعية تتعلق بسؤالك، ممكن ترجع ليها:

زي الفتوى دي مثلا: http://fatwa.islamweb.net/fatwa/inde...waId&Id=198483

ورد في آخرها: فإن لم تجد، وكنت في حاجة إلى هذه الدراسة، فاجتهد في غض بصرك...

والفتوى دي كمان: http://islamqa.info/ar/114196

ذكر الشيخ المنجد في آخرها، قوله:
أما المرأة غير المحجبة فالواجب دائما التباعد عن النظر إليها إلا للضرورة ، ولا يتوسع فيها كما هو في شأن المرأة المحجبة ،
فالمتبرجة قد كشفت أجزاءً من عورتها لم يرد في الشريعة جواز كشفها بحال من الأحوال باتفاق العلماء ،

ولو دققنا كويس في كلام الشيخ المنجد حفظه الله؛ عند قوله:
الواجب ... التباعد عن النظر إليها ... إلا للضرورة
وأعتقد أنه من الضرورة والأهمية ليك تلقِّي العلم في هذه الكلية العملية،
وزي ما اتفقنا إن الأصل هو غض البصر، فأحسبك إن شاء الله على خير، ولا نزكي على الله أحدا
ودا اللي لمسته فيك بفضل الله؛ فجزاك الله خير الجزاء على مراقبتك لله وحرصك الشديد على عدم مخالفته،
ودا برضه اللي مشجعني أنصحك بالصبر واحتساب الأجر عند الله، ثم ملازمتك لتحري التقوى بقدر ما تستطيع، تماما كما تفعل،
وبعد كده تحاول تحضر المحاضرات والسكاشن بنفس المبدأ اللي ورد في الفتوى
يعني تحاول تجلس في أواخر الصفوف بالقدر اللي يسمح لك بسماع المحاضرة وفهمها،
وبنفس المبدأ في السكاشن، برغم إنها أصغر من قاعة المحاضرات والعدد أقل، مع غض بصرك بقدر ما تستطيع، وتخلي إهتمامك كله بتحصيل العلم

ودي أهم حاجة من وجهة نظري.. الحضور بنية الفهم وتحصيل العلم اللازم لتكون طبيبًا مسلمًا حاذقًا يملك مهارات أكثر من غيره،
وتكون متمكن بأمر الله تعالى في مهنتك، عشان تحقق قوة المؤمن اللي النبي صلى الله عليه وسلم ذكرها في قوله:
" المؤمنُ القويُّ خيرٌ وأحبُّ إلى اللَّهِ منَ المؤمنِ الضَّعيفِ " ، والقوة مطلوبة في كل شيء للمؤمن؛
قوة العقيدة والإيمان ، وقوة العلم ،
وكل مايندرج تحت مسمى القوة التي ترفع من شأن المسلم؛ فيرقى المجتمع الإسلامي فوق غيره من المجتمعات

ولدي الفاضل.. منتظر رأيك إن شاء الله
وفقك الله لما فيه الخير وصرف عنك كل سوء وشر